პსჟ-ს მთავარმა მწვრთნელმა ლორან ბლანმა „ბორდოსთან“ მატჩის შემდეგ თავისი გუნდის მეკარე კევინ ტრაპი დაშვებული შეცდომების გამო არ გააკრიტიკა.
„მეკარეები შეცდომებს უშვებენ. მატჩში შეცდომა ჩვენი მეტოქის გოლკიპერმაც დაუშვა.
ტრაპის ფილოსოფია ჩემს ფილოსოფიას ჰგგავს. როდესაც რისკავთ, შესაძლოა, გოლი გაუშვათ.
იმედია, ის თავის სათამაშო სტილს არ შეცვლის და თავის სამუშაოს უფრო ეფექტურად შეასრულებს. სამშაბათს, მალმესთან მატჩში, ეს აუცილებლად გამოგვადგებოდა.
ასეა თუ ისე, გუნდს იდეალურად არ უთამაშია. ბურთი ბევრჯერ დავკარგეთ, როდესაც უპირატესობას ვფილობდით. პირველი ტაიმის ბოლოს კიდევ ერთი გოლი უნდა გაგვეტანა. დარწმუნებული ვიყავი, რომ ასეთი სათამაშო სტილით მოგება შეგვეძლო“, – განაცხადა ფრანგმა სპეციალისტმა.
