„ჩელსიმ“ თავის ყოფილ მეკარეს პეტრ ჩეხს, რომელიც ამჟამად „არსენალის“ კარს იცავს, პრემიერლიგის რეკორდის დამყარება მიულოცა.
„ჩვენს ლეგენდას პეტრ ჩეხს პრემიერლიგის „მშრალი“ მატჩების რეკორდის მიღწევას ვულოცავთ“, – წერია „არისტოკრატთა“ ოფიციალური „ტვიტერის“ გვერდზე.
შეგახსენებთ, რომ „ბორნმუტთან“ ანგარიშით 2:0 მოგებული მატჩი ჩეხისთვის პრემიერლიგაში 170-ე გამოდგა, რომელშც მას გოლი არ გაუშვია. აქედან 162 შეხვედრა მან „ჩელსიში“ ჩაატარა.
ინგლისის პრემიერლიგის მე-19 ტურში ლონდონის „არსენალმა“ „ბორნმუთს“ უმასპინძლა და ანგარიშით 2:0 დაამარცხა.
ეს შედეგი „მეთოფეთა“ მეკარისთვის პეტრ ჩეხისთვის ორმაგად სასიხარულოა, რადგან მან პრემიერლიგის ახალი რეკორდი დაამყარა – კერძოდ, ჩეხმა ინგლისის ჩემპიონატში 170-ე მშრალი მატჩი ჩაატარა, რითიც, ამ მაჩვენებლით, ტურნირის ისტორიაში პირველ ადგილზე გავიდა.
შეგახსენებთ, რომ ჩეხი პრემიერლიგაში 2004 წლიდან თამაშობს.
„რომას“ მეკარემ ვოიცეხ შესნიმ, რომლის სატრანსფერო უფლებები „არსენალს“ ეკუთვნის, აღიარა, რომ „მეთოფეთა“ თავკაცის არსენ ენგერის ადგილას „ჩელსის“ მეკარეს პეტრ ჩეხს ისიც დაიმატებდა.
„მე ხომ იდიოტი არ ვარ – თუ კლუბი მსოფლიოს ერთ-ერთ საუკეთესო მეკარეს ყიდულობს, გასაგებია, რომ ეს ტრანსფერი სათადარიგოთა სკამის გასაძლიერებლად არ ორგანიზდება. რა თქმა უნდა, „არსენალში“ დარჩენა და ჩეხთან ადგილისთვის ბრძოლა მსურდა, მაგრამ ვენგერთან საუბრის შემდეგ მივხდი, რომ ახალი სამუშაო ადგილის ძებნა დამჭირდება.
უნდა ეყიდა თუ არა ვენგერს ჩეხი? ხუმრობთ? მან მსოფლიოს ერთ-ერთი საუკეთესო გოლკიპერი ძალიან დაბალ ფასად დაიმატა. თუ კრიშტიანუ რონალდუს დაბალ ფასად შემოგთავაზებენ, წინადადებას თქვენც დათანხმდებოდით. მწვრთნელი გუნდზე უნდა ფიქრობდეს“, – ციტირებს ფეხბურთელს „Futbolfejs“-ი.
„არსენალის“ მეკარემ პეტრ ჩეხმა „ჩელსიდან“ წასვლის პერიოდი გაიხსენა.
„შარშან ვხვდებოდი, რომ „ჩელსი“ ჩემთვის უკვე გადაშლილი ფურცელი იყო. მწვრთნელმა თავისი არჩევანი გააკეთა, ჩემს ასაკში კი ეს ვარიანტი არ მაწყობდა. თუ ახალწვეული ვიქნებოდი, მაშინ შემადგენლობაში მოხვედრისთვის ვიბრძოლებდი, თუმცა ყველაფერს, რასაც მივაღწიე, უკვე განვლილი პერიოდია. ზოგჯერ საკუთარ თავზეც უნდა ფიქრობდე. ეს გადაწყვეტილება ჩემთვის საუკეთესო იყო. 33 წლის ასაკში ჯდომა და ლოდინი არ მინდა. ასე რომ, როდესაც „ჩელსიში“ ჩემი დრო დასრულდა, წინასვლა გადავწყვიტე“, – განაცხადა ჩეხმა.
ლონდონის “არსენალის” მეკარე პეტრ ჩეხი დიდი ხანია, გატაცებულია დასარტყამ ინსტრუმენტებზე დაკვრით და ფანებს დროდადრო სოციალური ქსელის საშუალებით სთავაზობს საკუთარი შემოქმედების ამსახველ ვიდეომასალას. ამჯერად ჩეხმა ჯგუფ “ნირვანას” სიმღერა”In Bloom”-ის ქავერი ჩაწერა.
“მიყვარს ამ სიმღერის შესრულება. ისიამოვნეთ”, – დაწერა ჩეხმა თავის მიკრობლოგზე.
ინტერნეტ-სივრცეში გავრცელდა ვიდეო, რომელშიც “არსენალის” ვარჯიშზე, პეტრ ჩეხის ორი შესანიშნავი სეივია ნაჩვენები.
Mad double save by #Arsenal new signing #PetrCech (Video: @tris_txn) pic.twitter.com/PFPnaaQQa8
— Shan (@heisweee) July 14, 2015
ლონდონის „ჩელსი“ კაპიტანმა ჯონ ტერიმ თანაგუნდელი პეტრ ჩეხი შეაქო და მის შესაძლო წასვლასთან დაკავშირებით ისაუბრა.
„თუ ჩეხი „არსენალში“ გადავა, მაშინ „მეთოფეებს“ მისი ტრანსფერი ძალიან გამოადგებათ. ვფიქრობ, მასთან ერთად გუნდი 12 ან 15 ქულით მეტს დააგროვებს. გვესმის, რომ პეტრს თამაში სურს, მაგრამ მისი დაკარგვა არ გვინდა. ის ნებისმიერ გუნდს გააძლიერებდა“, – განაცხადა ტერიმ.
ბრიტანული “ტელეგრაფის” ცნობით, ლონდონის “ჩელსის” მეკარე პეტრ ჩეხი კარიერას “არსენალში” გააგრძელებს. 33 წლის კიპერი “მეთოფეთა” რიგებში ჯამაგირის სახით წელიწადში ხუთ მილიონ ევროს გამოიმუშავებს. ასე რომ, ჩეხი “არსენალის” ისტორიაში ყველაზე მაღალანაზღაურებადი მეკარე გახდება.
შეგახსენებთ, რომ ჩეხი მეკარე “ჩელსის” ღირსებას 2004 წლიდან იცავს. ჩეხმა ძირითად შემადგენლობაში ადგილი მას შემდეგ დაკარგა, რაც გუნდში ტიბო კურტუა გადმოვიდა.
“ჩელსის” მეკარემ ტიბო კურტუამ თანაგუნდელ პეტრ ჩეხის შესახებ ისაუბრა.
“პეტრთან ძალიან კარგად ვთანამშრომლობთ. ასეთი მაღალი დონის მეკარესთან ერთ გუნდში თამაში რთულია. მეორე მხრივ, ეს მოდუნების საშუალებას არ გაძლევს.
ჩეხი წასვლას თუ გადაწყვეტს ეს მისი გადაწყვეტილება იქნება. სამწუხაროა, რომ ასეთ ნიჭიერს მოთამაშეს სათადარიგოთა სკამზე უწევს ჯდომა.
როდესაც ჩეხის თამაშს ვუყურებ, მიხარია, რომ ამ სეზონში ასეთ შედეგს მივაღწიე” – განაცხადა ტიბომ.
“ჩელსის” გოლკიპერი პეტრ ჩეხი უახლოეს მომავალში კლუბს შეიცვლის. 33 წლის ფეხბურთელის მიმართ ინტერესს “მანჩესტერ იუნაიტედს” და “არსენალი” იჩენენ. თავად ჩეხიც ამ წინადადებებით დაინტერესებულია.
ცოტა ხნის წი ჟოზე მოურინიომ განაცხადა, რომ ჩეხის გაშვება კონკურენტებთან არ სურს, თუმცა ისიც დაამატა, რომ საბოლოო გადაწყვეტილებას კლუბის ხელმძღვანელობა მიიღებს.
The Telegraph-ის ცნობით, რომან აბრამოვიჩმა ჩეხის ინგლისურ კლუბში ტრანსფერზე თანხმობა განაცხადა. “არისტოკრატები” მეკარეში დაახლოებით 10 მილიონის მიღებას გეგმავენ.
ლონდონის „ჩელსის“ მეკარემ პეტრ ჩეხმა აღიარა, რომ თავისი კარიერის მომავალზე ჯერ არ უფიქრია.
„ახლა ჩემი ფიქრები მხოლოდ ჩეხეთის ნაკრებთანაა დაკავშირებული. სეზონის დასრულების შემდეგ ყველა ვარიანტს განვიხილავ. როდესაც გადაწყვეტილებას მივიღებ, მას აუცილებლად გავასაჯაროვებ“, – განაცხადა ჩეხმა.
შეგახსენებთ, რომ გუშინ ინფორმაცია ჩეხის „არსენალში“ გადასვლასთან დაკავშირებით გავრცელდა.
იტალიური “ფიორენტინას” ფეხბურთელმა მოჰამედ სალამ ლონდონის “ჩელსის” მეკარეს, პეტრ ჩეხს დაბადების დღე მიულოცა.
ჩეხი მეკარე 20 მაისს 33 წლის გახდა, ყოფილმა თანაგუნდელმა კი მას იუბილე ასე მიულოცა: “გილოცავ დაბადების დღეს, ლეგენდავ. მაგრამ, არ დაგავიწყდეს, რომ შენს კარში სამი გოლი მაქვს გატანილი.”
შეგახსენებთ, რომ ეგვიპტელმა შემტევმა პეტრ ჩეხის კარის დალაშქვრა იმ პერიოდში მოახერხა, როცა ის “ბაზელის” ღირსებას იცავდა.
