ჭდე: ფილიპე კოუტინიო

კატალონიური პრესის მიერ გავრცელებული უახლესი ცნობების თანახმად, შესაძლოა, ფილიპე კოუტინიომ სულ მალე პორტუგალიის მოქალაქეობა მიიღოს.

როგორც იცით, “ლივერპულის” ექს-ფეხბურთელის მეუღლე წარმოშობით პორტუგალიელია. წყვილი ოფიციალურ ქორწინებაში უკვე მესამე წელს ატარებს. ხოლო, თუ ცოლ-ქმრიდან ერთ-ერთი მაინც არის პორტუგალიელი, მეორესაც თავისუფლად შეუძლია ამ ქვეყნის მოქალაქე გახდეს.

პორტუგალიის მოქალაქეობის მიღების შემთხვევაში, “ბარსელონას” ერთი ადგილი გაუთავისუფლდება ევროკავშირის არაწევრი ფეხბურთელის მისაღებად. მათ რიგებში უკვე შევსებულია სამი ევროკავშირის არაწევრი ქვეყნის წარმომადგენელი მოთამაშის ადგილი – კოუტინიო, პაულინიო და იერი მინა.

ცნობისთვის გეტყვით, რომ 2014 წელს დაახლოებით იგივე პროცედურები განახორციელა ლუის სუარესმაც. ურუგვაელმა მეუღლის მხარდაჭერით იტალიის მოქალაქეობა მიიღო.

კატალონიის “ბარსელონას” 120-მილიონიანი ახალწვეული, ფილიპე კოუტინიო ჯერჯერობით გაცემულ ავანსებს ვერ ამართლებს. როგორც ჩანს, ბრაზილიელი “ჯადოქარი” ჯერ “ბარსელონას” ლიდერობისთვის მზად არ არის.

“ლივერპულის” ყოფილმა ფეხბურთელმა “ხეტაფესთან” გამართული მატჩი (0:0) სასტარტო შემადგენლობიდან დაიწყო და ის პირველი ფეხბურთელი გახდა, რომელიც ვალვერდემ შეცვალა (62-ე წუთზე).

კოუტინიო შეხვედრის ყველაზე ცუდ მოთამაშედ დასახელდა 6.3 რეიტინგით. მან ვერც გოლი გაიტანა, ვერც საგოლე გადაცემა გააკეთა, ვერცერთი დუელი ვერ მოიგო, ოთხჯერ დაკარგა ბურთი და ერთი მნიშვნელოვანი გადაცემაც ვერ მიითვალა აქტივში.

Coutinho X Getafe

0 Goals
0 Assists
0 Key Passes
0 Aerials won
0 Interceptions
0 Duels won
6 Duels lost
4 times dispossessed
6.3 rating (Worst)

Shocker pic.twitter.com/qapK7HxnuA

— S (@Moratabllity) February 11, 2018

კატალონიის “ბარსელონას” მთავარმა მწვრთნელმა, ერნესტო ვალვერდემ პრესასთან საუბრისას ფილიპე კოუტინიოს მრავალმხრივობას გაუსვა ხაზი და აღნიშნა, რომ მისი ეს თვისება “ლურჯ-ბროწეულისფრებს” დიდ სარგებელს მოუტანს.

“ფილიპეს რამდენიმე პოზიციაზე შეუძლია თამაში: თამაშობს 10 ნომრის ამპულაში, შეტევის მარცხენა ფლანგზე, როგორც “ლივერპულში” ან თუნდაც მარჯვნივ, როგორც ბრაზილიის ნაკრებში.

რაც მთავარია, ორივეგან, “ლივერპულსა” და ბრაზილიის ნაკრებში, ის შესანიშნავი იყო. სწორედ ესაა ერთ-ერთი მთავარი მიზეზი, რის გამოც დავიმატეთ – მისი მრავალმხრივობა ძალიან დაგვეხმარება,” – აცხადებს “ატლეტიკის” ყოფილი თავკაცი.

ცნობისთვის გეტყვით, რომ ვალვერდე 160-მილიონიან კოუტინიოს ჯერჯერობით ნახევარდაცვის მარჯვენა ფლანგზე ათამაშებს.

ესპანეთის ლა ლიგის მეოცე ტურში კატალონიის “ბარსელონამ” საკუთარ მოედანზე “ალავესი” მიიღო და მინიმალური სხვაობით – 2:1 დაამარცხა.

აღსანიშნავია, რომ აღნიშნულ მატჩში ფილიპე კოუტინიოს დებიუტი შედგა ესპანეთის ჩემპიონატში. ბრაზილიელი ვარსკვლავის სანაცვლოდ “ლურჯ-ბროწეულისფრებმა” 160 მილიონი ევრო გადაიხადეს.

საფეხბურთო ანალატიკურმა პორტალმა, WhoScored-მა ფილიპე კოუტინიო “ბარსელონას” რიგებში ყველაზე სუსტად დაასახელა და ის 6.2 ქულით შეაფასა. საუკეთესო კი ლიონელ მესი გახდა, რომელმაც 9.2 ქულა დაიმსახურა.

ესპანური პრესის მიერ გავრცელებული ცნობების თანახმად, ფილიპე კოუტინიოს ტრანსფერში 120 მილიონი ევროს გადახდის შემდეგ, “ბარსელონას” ტრანსფერებისთვის ფული აღარ დარჩა.

ზაფხულისა და ზამთრის სატრანსფერო ფანჯარაზე “ლურჯ-ბროწეულისფერთა” დანახარჯი 312 მილიონ ევროს შეადგენს. სანაცვლოდ კი გუნდი შემდეგი ფეხბურთელებით გაძლიერდა: დემბელე, პაულინიო, სემედუ, დეულოფეუ, და მარლონი (თუმცა ეს უკანასკნელი “ნიცაში” დაბრუნდა).

გასავალსა და შემოსავალს შორის სხვაობა 26 მილიონი ევროა – ნეიმარი (222მლნ.), ტელიო (4 მლნ.) დარჩენილი 60 მილიონი კი კლუბმა სხვადასხვა გზებით მიიღო. მომდევნო დღეებში შესაძლოა, ეს დეფიციტი 38 მილიონამდეც გაიზარდოს, თუ “ბლაუგრანა” იერი მინასაც დაიმატებს.

ასე რომ, კატალონიელები დიდ გასაჭირში იმყოფებიან. ჭირს ახალი სპონსორების პოვნაც. მას შემდეგ, რაც ბართომეუმ ფინანსების დირექტორი გაანთავისუფლა, მისი შემცვლელი ჯერაც არ უპოვნია.

იმ შემთხვევაში, თუ “ბარსას” ვალი 200 მილიონამდე არ შემცირდება, კატალონიელები “კამპ ნოუს” რეკონსტრუქციას ვერ შეძლებენ. წინასწარი პროგნოზით, შემცირების ნაცვლად, ვალი 300 მილიონამდე უნდა გაიზარდოს.