სულ ცოტა დრო რჩება სეზონის ერთ-ერთი გამორჩეულ შეხვედრამდე. მადრიდული დერბი მსოფლიოს საფეხბურთო სამყაროში ყოველთვის დიდ ინტერესს იწვევს, ამიტომაც თითოეული გუნდის ყველა მოთამაშე განსაკუთრებული ყურადღების ცენტრშია.
დღეს ფილიპე ლუისი და კეილორ ნავასი ბავშვთა ჰოსპიტალს ეწვივნენ, სადაც სიმსივნით დაავადებული მცირეწლოვანები მკურნალობენ. მათთან ერთად პატარები რუბი პერესმა (“ლეგანესი”), ანხელმა (“ხეტაფე”) და ფრან ბელტრანმა (“რაიო ვალეკანო”) მოინახულეს. ფეხბურთელებმა ბავშვებთან ისაუბრეს და ფოტოები გადაიღეს. მათ მცირედით მაინც სცადეს პატარების გაბედნიერება. სპორტსმენებმა, ასევე მსგავსი ღონისძიებების მნიშვნელობაზეც ისაუბრეს.
