დღეს ჩემპიონთა ლიგის ჯგუფური ეტაპის მეორე ტურში ტურინის “იუვენტუსმა” ლისაბონის “სპორტინგი” დაძაბულ ბრძოლაში დაამარცხა.
შეხვედრის დასრულების შემდეგ “იუვენტუსის” ფეხბურთელმა, მირალემ პიანიჩმა ჟურნალისტებთან ისაუბრა.
“ჩვენ მოველოდით, რომ “სპორტინგთან” მძიმე მატჩი გველოდა. პორტუგალიელები საკმაოდ ორგანიზებულნი იყვნენ. ლისაბონში ბევრად რთული თამაშის მოლოდინში ვართ. არ გაგვიმართლა, როდესაც გოლი გავუშვით, მაგრამ ბრძოლამ შედეგი გამოიღო და შეხვედრის დასრულებამდე დავწინაურდით. მინდორზე ძალიან დიდი ენერგია დავტოვეთ,” – განაცხადა ბოსნიელმა.
