იტალიური “იუვენტუსის” ნახევარმცველი ანდრეა პირლო მოედანს გაურკვეველი ვადით დაემშვიდობა. საქმე იმაშია, რომ ვეტერანმა ნახევარმცველმა მუხლის ტრავმა იტალიის სერია А-ს მეთოთხმეტე ტურში მიიღო. შეგახსენებთ, რომ ტურინელები “უდინეზეს” ხვდებოდნენ და მინიმალური ანგარიშით შესძლეს მოწინააღმდეგის დამარცხება.
“იუვენტუსის” ოფიციალურ ვებ-გვერდზე გამოქვეყნებული ინფორმაციის საფუძველზე ცნობილია, რომ პირლო წელს ვეღარ ითამაშებს.
ტურინის “იუვენტუსის” მთავარი მწვრთნელი, ანტონიო კონტე აცხადებს, რომ მისი ნება რომ იყოს, ის ოქროს ბურთს ანდრეა პირლოს გადაცემდა.
შეგახსენებთ, რომ ბოლო ოთხი სეზონის განმავლობაში, ოქროს ბურთს კატალონიის “ბარსელონას” არგენტინელი თავდამსხმელი, ლიონელ მესი იღებდა. თუმცა, ახლა, ექსპერტთა აზრით, ფავორიტი მადრიდის “რეალის” პორტუგალიელი ვარსკვლავი, კრიშტიანო რონალდუა.
“მესისა და რონალდუს შორის, რომელიმეს არჩევა რთულია. თუცმა, ჩემი ნება რომ იყოს, ოქროს ბურთს ანდრეა პირლოს გადავცემდი”, – ამბობს კონტე.
ტურინის “იუვენტუსის” ვეტერანი ფეხბურთელი, ანდრეა პირლო აცხადებს, რომ ამჟამად, კონტრაქტზე საუბრის დრო არ არის.
შეგახსენებთ, რომ 34 წლის ნახევარმცველს “ბიანკონერისთან” მოქმედი ხელშეკრულება სეზონის დასრულების შემდეგ ეწურება.
“ჩემი მომავალი? ვფიქრობ, ჯერ კონტრაქტზე საუბრის დრო არ არის. ყველაფერი მოგვარდება. ოპტიმისტი ვარ და რა თქმა უნდა, მსურს, რომ კიდევ ვითამაშო, თუმცა არ ვიცი, ეს “იუვენტუსში” მოხდება თუ არა”, – ამბობს პირლო.
იტალიის ნაკრებისა და ტურინის “იუვენტუსის” ნახევარმცველი, ანდრეა პირლო აცხადებს, რომ “სკუადრა აძურას” მსოფლიოს 2014 წლის ჩემპიონატზე წარმატებით გამოსვლა სურს.
შეგახსენებთ, რომ ბოლოს, იტალიის ნაკრებმა მსოფლიოს ჩემპიონატის მოგება 2006 წელს მოახერხა, როდესაც ტურნირის ფინალში საფრანგეთის ნაკრები დაამარცხა.
“ჩვენ ოპტიმისტები ვართ. რა თქმა უნდა, გვინდა, რომ მსოფლიოს 2014 წლის ჩემპიონატზე წარმატებით გამოვიდეთ და ჩვენი გულშემატკივრები გავახაროთ”, – ამბობს ვეტერანი ფეხბურთელი.
ტურინის “იუვენტუსის” ნახევარმცველი, ანდრეა პირლო აცხადებს, რომ იტალიის სერია A-ში, სხვა გუნდებს “ბიანკონერის” უნდა ეშინოდეთ.
შეგახსენებთ, რომ 10 ნოემბერს, “იუვენტუსმა” საკუთარ მოედანზე “ნაპოლი” მიიღო და მეტოქე დამაჯერებლად, ანგარიშით 3:0 დაამარცხა. პირლომ კი, 74-ე წუთზე, სტუმართა კარი აიღო.
“მოხარული ვარ, რომ გოლის გატანა შევძელი, თუმცა უფრო მეტად გამარჯვება მახარებს. სხვა გუნდებს დავანახეთ, რომ ჩვენ ისევ ძლიერები ვართ, მათ კი ჩვენი უნდა ეშინოდეთ”, – ამბობს პირლო.
ტურინის “იუვენტუსის” მთავარი მწვრთნელი, ანტონიო კონტე აცხადებს, რომ 2013 წლის “ოქროს ბურთი” ანდრეა პირლოს ეკუთვნის.
შეგახსენებთ, რომ ვეტერანი ნახევარმცველი, მიუხედავად თავისი ასაკისა, ტურინის “იუვენტუსის” ერთ-ერთ ლიდერად ითვლება.
“მე რომ მკითხოთ, “ოქროს ბურთის” მოგებას ანდრეა იმსახურებს. ვიცი, რომ ეს ნაკლებად სავარაუდოა, რადგან მისი კონკურენტები ზლატან იბრაჰიმოვიჩი, კრიშტიანო რონალდუ და ლიონელ მესი არიან, თუმცა ის მას ნამდვილად იმსახურებს”, – ამბობს კონტე.
დიტო ჭიჭინაძე
ოთხი ბრიტანული კლუბი ტურინის “იუვენტუსის” ვეტერანი მოთამაშის გადასაბირებლად იბრძოლებს.
შეგახსენებთ, 34 წლის ნახევარმცველის მიმდინარე კონტრაქტი იტალიელებთან მომავალ ზაფხულამდეა ძალაში. კლუბის ხელმძღვანელობას მასთან თანამშრომლობის გაგრძელება სურს, თუმცა თავად ფეხბურთელი ანტონიო კონტეთი უკმაყოფილოა და ძირითად შემადგენლობაში გარანტირებული ადგილი უნდა.
Sportmediaset-ის თანახმად, “მანჩესტერ იუნაიტედს”, ლონდონის “ჩელსის”, “ტოტენჰემსა” და “არსენალს” ანდრეა პირლოს შეძენა სურთ.
ყველაფერი იანვარში გადაწყდება. თუ პირლო ტურინში დარჩენას არ ისურვებს, მაშინ იგი იტალიის მოქმედ ჩემპიონებთან ხელშეკრულებას გაწყვეტს და მისი აგენტი ინგლისში მოლაპარაკებებს წამოიწყებს.
სანდრო საპანაძე
