24 აპრილს, იტალიის სერია A-ში, “ფიორენტინასა” და “იუვენტუსს” შორის გამართულ მატჩში (1:2), პოლ პოგბამ მეტოქე გუნდის ფეხბურთელი ბრწყინვალედ ჩამოიშორა.
ჭდე: პოგბა
პოლ პოგბას ახალი ვარცხნილობა აქვს (ვიდეო)
ტურინის “იუვენტუსის” ნახევარმცველმა, პოლ პოგბამ სოციალურ ქსელ Instagram-ში თავისი ახალი ვარცხნილობის ამსახველი ვიდეო გამოაქვეყნა.
წელს “ბარსელონას” არც პოგბა შეუერთდება და არც დიბალა
როგორც იცით, ბოლო დროს მედია “იუვენტუსის” ორ ვარსკვლავს, დიბალასა და პოგბას საკმაოდ აქტიურად უკავშირებს კატალონიურ “ბარსელონას”. თუმცა როგორც ჩანს, ეს ტრანსფერები წელს არ განხორციელდება.
გავრცელებული ინფორმაციით, “ბიანკონერის” გენერალურმა დირექტორმა, ბეპე მაროტამ საკუთარ მეგობარსა და კოლეგას, არიედო ბრაიდას განუცხადა, რომ ეს ორი ფეხბურთელი არ იყიდება.
აქვე გეტყვით, რომ “ბლაუგრანას” ხელმძღვანელობა წელს ცენტრალური და მარცხენა მცველის დამატებასაც აპირებს.
პოლ პოგბას ფინტი გუშინდელ მატჩში (ვიდეო)
3 ნოემბერს, ჩემპიონთა ლიგის გათამაშებაში, მიონხენგლადბახის “ბორუსიასა” და ტურინის “იუვენტუსს” შორის გამართულ მატჩში (1:1), პოლ პოგბამ მეტოქე გუნდის ფეხბურთელი შესანიშნავად მოატყუა.
იტალიის ჩემპიონატში ყველაზე მეტს დე როსის უხდიან
იტალიურმა გამოცემა “ლა გაძეტა დელო სპორტმა” იტალიის ჩემპიონატში მოთამაშე ყველაზე მაღალანაზღაურებადი ფეხბურთელების სია გამოაქვეყნა. სერია A-ში ყველაზე მეტს “რომას” ნახევარმცველ დანიელე დე როსის უხდიან. მისი წლიური ჯამაგირი 6,5 მილიონ ევროს შეადგენს.
მეორე ადგილზეა “ნაპოლის” თავდამსხმელი გონსალო იგუაინი, რომელიც სეზონში 5,5 მილიონ ევროს გამოიმუშავებს. მესამე-მეოთხე ადგილებზე ტურინის “იუვენტუსის” ნახევარმცველი პოლ პოგბა და “რომას” ფორვარდი ედინ ჯეკო გავიდნენ, რომელთაც წელიწადში 4,5 მილიონი ევრო ეძლევათ.
იხილეთ ასევე: ყველაზე მაღალანაზღაურებადი მწვრთნელები იტალიაში
“ჩელსი” პოგბას შესაძენად მზადაა
ბრიტანული Independent-ის ცნობით, ლონდონის “ჩელსი” პოლ პოგბას შესაძენად მზადაა, ამრიგად კლუბი ყველაფერს გააკეთებს იმისათვის, რომ ფეხბურთელი ზაფხულის სატრანსფერო ბაზრის დასრულებამდე დაიმატოს.
გავრცელებული ინფორმაციის თანახმად, “ჩელსი” ფრანგ ნახევარმცველში 75 მილიონი ევროს გადახდას აპირებს. ლონდონელთა ხელმძღვანებლობა ტურინული კლუბის წარმომადგენლებს მალე შეხვდებიან და შეეცდებიან, ტრანსფერი რაც შეიძლება სწრაფად განხორციელდეს.
შეგახსენებთ, რომ “ჩელსის” გარდა, პოგბას მიმართ სერიოზულ ინტერესს “მანჩესტერ სიტი”, “ბარსელონა” და მადრიდის “რეალი” იჩენენ.
პოლ პოგბას ჯარიმა “უდინეზესთან” მატჩში (ვიდეო)
23 აგვისტოს, იტალიის ჩემპიონატში, “იუვენტუსმა” საკუთარ მოედნზე “უდინეზე” მიიღო.
მატჩის მიმდინარეობისას, პოლ პოგბას საჯარიმოს შესრულების საშუალება მიეცა.
ტოპ კლუბებმა ნადირობის სეზონი გახსნეს – ვისი გაყიდვა არ შეიძლება?
როგორც ყოველთვის მიმდინარე სატრანსფერო პერიოდშიც მსოფლიო ფეხბურთის გრანდები გამორჩეული მოთამაშეების გადაბირებას ცდილობენ და მათ სანაცვლოდ სოლიდური თანხების გადახდის მზადყოფნასაც გამოთქვამენ, თუმცა არიან ისეთი მოთამაშეებიც, რომლებიც მათმა გუნდებმა არანაირ თანხაში არ უნდა გაცვალონ, თუ რა თქმა უნდა წარმატების მიღწევა სურთ.
პოლ პობა, “იუვენტუსი”
ნათელია, რომ “იუვეს” პოგბას შენარჩუნების ძალიან მცირე შანსი აქვს. მიუხედავად იტალიურ ფეხბურთში არსებული პრობლემებისა “იუვენტუსმა” ჩემპიონთა ლიგის ფინალში გასვლა შეძლო და ყველას დაუმტკიცა, რომ წარმატებისთვის შემადგენლობაში მაღალი კლასის ფეხბურთელების ყოლაა საჭირო.
გასაგებია, რომ ტურინელთა მენეჯმენტი პოგბაში აღებულ თანხას სწორად დახარჯავს, თუმცა ტოპ მოთამაშის კონკურენტ კლუბში გაყიდვა კარგი მაინც არ რის. იდეალური რა თქმა უნდა პოგბას დარჩენა და მის ირგვლივ ახალი გუნდის აწყობა იქნება.
უგო ლიორისი და ჰარი კეინი, “ტოტენჰემი”
დანიელ ლევის ინგლისში ფეხბურთელების გაყიდვის მხრივ ცოტა თუ შეედრება. სხვა საქმეა, რომ მოთამაშეების სანაცვლოდ მიღებულ დიდ თანხებს “ტოტენჰემი” მიზნობრივად ვეღარ ხარჯავს, რასაც ბეილში აღებული 100 მილიონის უაზროდ დახარჯვის მაგალითიც ადასტურებს.
სეზონის დასრულების შემდეგ ლონდონელთა მოთამაშეების, უგო ლიორისის და ჰარი კეინის გადაბირებას “მანჩესტერ იუნაიტედი” ცდილობს. საუბრობენ, რომ ფრანგ მეკარეში მანჩესტერელები 35 მილიონს იხდიან, ხოლო კეინში 65, თუმცა ლევიმ ტაქტიკის შეცვლა გადაწყვიტა და ტრანსფერის ალბათობას ფაქტობრივად გამორიცხავს.
როგორც ჩანს, “ტოტენჰემში” საბოლოოდ გადაწყვიტეს ძლიერი გუნდის გაკეთება, რომლის ძირითადი ბირთვი რამდენიმე სეზონის განმავლობაში უცვლელი იქნება.
კრისტიან ბენტეკე, “ასტონ ვილა”
მარტინ ონილის ფორმაციის “ასტონ ვილა” ერთ-ერთ ყველაზე წარმატებული გუნდი იყო, თუმცა ეშლი იანგის და სხვა ლიდერების წასვლის შემდეგ ბირმინგემში სტაბილურობა დაკარგეს.
გასულ სეზონში ტიმ შერვუდმა კლუბში ახალი სიცოცხლე მოიტანა და გუნდი ინგლისის თასის ფინალშიც გაიყვანა. ამ წარმატების ერთ-ერთი მთავარი შემოქმედი კრისტიან ბენტეკე იყო, რომელიც გუნდის ნამდვილ ლიდერად ჩამოყალიბდა. მისი გაყიდვის შემთხვევაში ბუნებრივია, რომ “ვილას” დაკავებული პოზიციების შენარჩუნება გაუჭირდება.
ედენ აზარი, “ჩელსი”
“რეალს აზარის ყიდვა უნდა? კი ბატონო! თუმცა, მისი ერთი ფეხის ფასი 100 მილიონია” – განაცხადა ჟოზე მოურინიომ, როდესაც მისი საუკეთესო მოთამაშის მიმართ ინტერესი “რეალმა” გამოთქვა.
თუმცა, საქმე ასე მარტივად არ არის. ყველამ ვიცით, რომ თუ “რეალს” სუპერვარსკვალვის გადაბირება სურს, ადრე თუ გვიან ამის გაკეთებას მაინც ახერხებს. გარდა ამისა, მადრიდელები რაფა ბენიტესმა ჩაიბარა, რომელიც აზართან “ჩელსიში” მუშაობდა და მასთან კარგი ურთიერთობა აქვს.
ასე რომ, “ჩელსის” “რეალის” მცდელობების მოგერიება მოუწევს. ადაპტაციის მხრივ პრემიერლიგა ერთ-ერთი ყველაზე რთული ჩემპიონატია. ინგლისში გადასული უამრავი ცნობილი მოთამაშე უბრალოდ დაიკარგა, რასაც აზარზე ვერ ვიტყვით. ბელგიელი ფეხბურთელი “ჩელსის” ლიდერად ჩამოყალიბდა და გუნდის წარმატებაში საკმაოდ მნიშვნელოვან როლს ასრულებს.
მარკო როისი, “დორტმუნდი”
ზამთარში გახანგრძლივებული კონტრაქტი არაფერს ნიშნავს. ამ ნაბიჯით დორტმუნდელებმა საკუთარ ლიდერს მხოლოდ სატრანსფერო ფასი აუწიეს, თუმცა ევროული გრანდები როისის დონის მოთამაშეში დიდი თანხის გადასახდელად მზად არიან.
“დორტმუნდისთვის” ლიდერების გაშვება და ახალი გუნდის შენება უცხო არ არის. ამას კაგავას, გიოტცეს, ლევანდოვსკის და სხვა მოთამაშეების მაგალითებიც ადასტურებს. ხშირ შემთხვევაში კლოპს დანაკლისის აღმოფხვრა გამოსდიოდა, თუმცა გასულ სეზონში ლევანდოვსკის შეცვლა ვერც იმობილემ და ვერც რამოსმა შეძლეს. გასათვალისწინებელია ისიც, რომ მომდევნო წლიდან “ბორუსიას” არც თავად კლოპი ეყოლება.
ასე რომ, ახალი ეპოქის დასაწყისში, რომელშიც “დორტმუნდს” ტომას ტუხელი შეიყვანს, გუნდს ძლიერი შემადგენლობა სჭირდება.
ფერდინანდი: “მომდევნო ოთხი წლის განმავლობაში საუკეთესო ფეხბურთელი პოგბა იქნება”
“მანჩესტერ იუნაიტედის” ყოფილი ფეხბურთელი რიო ფერდინანდი აცხადებს, რომ თუ პოლ პოგბას ტრავმები არ შეაწუხებს, ის მომდევნო წლების განმავლობაში საუკეთესო ფეხბურთელი იქნება.
“პოგბა მაღალია, მას პატრიკ ვიეირას სიძლიერე და ბალერონის ფეხები აქვს. როცა ის “მანჩესტერ იუნაიტედში” თამაშობდა, შევამჩნიე, რომ შეეძლო, დიდი ფეხბურთელი ყოფილიყო. ჩემი აზრით, თუ პოგბას ტრავმები არ შეაწუხებს, მომდევნო ოთხი წლის განმავლობაში, მას წლის საუკეთესო ფეხბურთელად დაასახელებენ”, – ციტირებს ფერდინანდის სიტყვებს Mirror-ი.
პოგბა: “იუვენტუსს” დასაკრგი არაფერი აქვს”
ტურინის “იუვენტუსის” ნახევარმცველმა პოლ პოგბამ მოახლოებულ ჩემპიონთა ლიგის ფინალზე ისაუბრა და განაცხადა, რომ “ბიანკონერის” დასაკარგი არაფერი აქვს.
“ყველამ ვიცით, როგორ თამაშობს “ბარსელონა”. ამ გუნდს მსოფლიოში საუკეთესო თავდასხმა ჰყავს. საჭიროა, რომ აგრესიულები ვიყოთ. რა თქმა უნდა, ფავორიტები ჩვენ არ ვართ, მაგრამ ეს ფინალია, ამიტომ რა მოხდება, არავინ იცის. რაც შეეხება მესის, ის ამ მომენტისათვის მსოფლიოს საუკეთესო ფეხბურთელია. “იუვენტუსს” დასაკარგი არაფერი აქვს”, – ამბობს ფრანგი ფეხბურთელი.
პოგბას წელიწადში 12 მილიონი სურს
ტურისნი “იუვენტუსის” ნახევარმცველმა პოლ პოგბას მომდევნო სეზონიდან ხელფასის სახით წელიწადში 12 მილიონ ევროზე მეტის მიღება სურს. ინფორმაციას El Mundo Deportivo ავრცელებს.
გავრცელებული ინფორმაციით “ბარსელონას” წარმომადგენელი არიედო ბრაიდა მოთმაშის აგენტს, მინო რაიოლას შეხვდა. გაირკვა, რომ ფრანგის კატალონიაში გადაბარგების შემთხვევაში ლიონელ მესის შემდეგ ის ყველაზე მაღალანაზღაუდებადი ფეხბურთელი იყო.
თუმცა, მოველნათა ასეთი განვითარება “ბარსელონას” ხელმძღვანელობის გეგმებში არ შედის. ამავდროულად ვრცელდება ინფორმაცია, რომ “რეალმა” 10 მილიონიანი ხელფასით პოგბას ხუთწლიანი კონტრაქტი შესთავაზა.
ლორენტე: “პოგბას შეუძლია მსოფლიოს საუკეთესო ფეხბურთელი გახდეს”
ტურინის “იუვენტუსის” ესპანელმა თავდამსხმელმა ფერნანდო ლორენტემ თანაგუნდელ პოლ პოგბაზე ისაუბრა და თქვა, რომ მას შეუძლია მსოფლიოს საუკეთესო ფეხბურთელი გახდეს.
შეგახსენებთ, რომ პოგბა “იუვენტუსის” ღირსებას 2012 წლიდან იცავს. ფრანგი ფეხბურთელის შეძენა არაერთ ევროპულ გრანდს სურს.
“მას წინ დიდი მომავალი აქვს. პოგბას მოედანზე ყველაფრის გაკეთება შეუძლია და ვფიქრობ, მას ასევე, შეუძლია მსოფლიოს საუკეთესო ფეხბურთელი გახდეს”, – უთხრა ლორენტემ Marca-ს.