ჭდე: პოლ პოგბა

უცხოურ პრესაში გავრცელებული ინფორმაციის მიხედვით, ფეხბურთის საერთაშორისო ორგანიზაციის (ფიფა) მიერ შექმნილი სპეციალური ჯგუფი პოლ პოგბას ტრანსფერს გამოიძიებს.

AFP-ს რედაქცია ირწმუნება, რომ ფრანგი ნახევარმცველის “იუვენტუსიდან” “მანჩესტერ იუნაიტედში” განხორციელებული ტრანსფერის გამოძიება უახლოეს მომავალში დაიწყება.

შეგახსენებთ, რომ ეს ტრანსფერი 2016 წლის ზაფხულში შედგა. “წითელმა ეშმაკებმა” ტურინელებს პოგბას სანაცვლოდ 105 მილიონი ევრო გადაუხადეს, რაც სარეკორდო მაჩვენებელი გახლავთ.

Daily Mail-ის ცნობით, ტრანსფერიდან 41 მილიონი ფუნტი ფრანგი ფეხბურთელის აგენტის, მინო რაიოლას ანგარიშზე გადაირიცხა. ეს კი გარკვეულ ეჭვებს ბადებს.

“იუვენტუსის” მცველმა, ანდრეა ბარძალიმ ჩემპიონთა ლიგის ნახევარფინალური ეტაპის საგზურის მოპოვების შემდეგ პოლ პოგბაზე ისაუბრა.

“პოგბას მეორე დღეს, ვიდეო-ჩატის მეშვეობით გავესაუბრე. ის ბედნიერი იყო, ჩემპიონთა ლიგის ნახევარფინალში რომ შევძელით გასვლა და ყველანაირად ცდილობდა ჩვენს გამხნევებას.

ვინც არ უნდა დატოვოს ჩვენი გუნდი, ის მუდამ დარჩება ჩვენში. ბოლო წლებში ჩვენი მთავარი სიძლიერე სწორედ რომ გუნდურობა იყო.

ისიც მართალია, რომ ჩვენთან ყოფნის შემთხვევაში თავს უკეთ იგრძნობდა. ალბათ ნანობს კიდეც.

მაგრამ ცხოვრებაში მრავლადაა მომენტები, როდესაც გადაწყვეტილების მიღება გიწევს. ვერავინ იფიქრებს, რომ გუნდი, რომელსაც ტოვებს ამდენს მიაღწევს,” – აცხადებს ბარძალი.