იტალიური პრესის ცნობით, პოლ პოგბა, რომელსაც აქამდე პერსონალური სპონსორი არ ჰყავდა, “ადიდასთან” 10-წლიანი კონტრაქტის გაფორმებას აპირებს.
La Gazzetta dello Sport-მა გაარკვია, რომ “ნაიკის” დაჯაბნისთვის “ადიდასის” ხელმძღვანელებს პოლ პოგბასთვის წელიწადში 4 მილიონი ევროს შეთავაზება მოუწიათ, რასაც რამოდენიმე ბონუსი ემატება.
ამ კონტრაქტმა შესაძლოა გარკვეული გავლენა მის მომავალ კლუბზეც იქონიოს: “ადიდასი” ზინედინ ზიდანის “რეალთან” და გაჭირვებაში მყოფ “მანჩესტერ იუნაიტედთანაც” თანამშრომლობს.
ტურინის “იუვენტუსის” ფრანგმა ნახევარმცველმა, პოლ პოგბამ პეპ გვარდიოლაზე ისაუბრა, რომელიც მიმდინარე სეზონის დასასრულს “მანჩესტერ სიტიში” გადაბარგდება.
“გვარდიოლა საკმაოდ გამოცდილი მწვრთნელია, მისი ფილოსოფია განსაკუთრებულია. მას ყველა პატივს სცემს, აღიარებს. მისგან ბევრი რამის სწავლა შეიძლება.
ის ფეხბურთის ერთ-ერთი მთავარი სახეა. როგორც გავიგე, მისი დახმარებით ფეხბურთელები ძალიან ძლიერდებიან. ახლა “იუვეს” ფეხბურთელი ვარ, თუმცა სავსებით შესაძლებელია, მომავალში პეპთან ერთად ვიმუშავო”.
Daily Mail-ის მიერ გავრცელებული ინფორმაციის თანახმად, პეპ გუარდიოლა “მანჩესტერ სიტიში” პოლ პოგბასა (“იუვენტუსი”) და ჯონ სტოუნზის (“ევერტონი”) მოყვანას აპირებს.
წყაროს ცნობით, მანჩესტერული გუნდის ხელმძღვანელობამ ფრანგი ნახევარმცველის ტრანსფერისათვის 80 მილიონი ფუნტი გამოყო, ხოლო ინგლისელისთვის – 50 მილიონი.
როგორც იცით, ინგლისური კლუბის მფლობელები მზად არიან “ბარსელონას” ექს-თავკაცს 150 მილიონი ფუნტი გამოუყონ ზაფხულის სატრანსფერო ფანჯრისათვის.
შეგახსენებთ, რომ პეპი “ქალაქელებს” 2020 წლამდე გაუძღვება.
მადრიდის “რეალი” ტურინის “იუვენტუსის” ნახევარმცველ პოლ პოგბას გადაბირებას შეეცდება.
“სამეფო კლუბის” ახალმა მთავარმა მწვრთნელმა ზინედინ ზიდანმა სატრანსფერო სია ჩამოწერა და მთავარ მიზნად სწორედ პოგბა დაასახელა.
გავრცელებული ინფორმაციის თანახმად, “იუვენტუსი” მზად არის, დაიწყოს მოლაპარაკებები, თუ 22 წლის ფეხბურთელის სანაცვლოდ მინიმუმ 100 მილიონ ევროს შესთავაზებენ.
ცნობისთვის, პოლ პოგბას “ბებერ სინიორასთან” მოქმედი კონტრაქტი 2019 წელს ეწურება. ფრანგი ფეხბურთელის წლიური ჯამაგირი 4,5 მილიონ ევროს შეადგენს.
„იუვენტუსის“ ნახევარმცველმა პოლ პოგბამ ჟურნალისტებს ფიფა-ს წლის სიმბოლურ ნაკრებში შეყვანის შემდეგ თავისი შთაბეჭდილებები გაუზიარა.
„შესაძლოა, ერთ მშვენიერ დღეს „ოქროს ბურთს“ სამ მთავარ კანდიდატს შორის აღვმოჩნდე, მაგრამ ჩემ გარდა კიდევ ბევრი სხვა ფეხბურთელიცაა. ადრეა მესისა და რონალდუს თამაშს ტელევიზორში ვუყურებდი და ამ ფეხბურთელებით „Playstation“-ში ვთამაშობდი, ახლა კი მათ გვერდით ვარ.
„ბარსელონაში“ ტრანსფერი? ამის შესახებ არასდროს მითქვამს. ახლა „იუვენტუსში“ ვთამაშობ“, – განაცხადა პოგბამ.
„იუვენტუსის“ ნახევარმცველმა პოლ პოგბამ აღიარა, რომ წინა სეზონებთან შედარებით, მიმდინარე სეზონში მასზე ორმაგი დატვირთვაა.
„კლასიკური ათიანი არ ვარ, მოედანზე სხვა მიზნები მაქვს. თავს ნახევარმცველად ვთვლი, მაგრამ დიდი პატივია იმ ნომრის ტარება, რომლითაც „ოქროს ბურთს“ მფლობელები თამაშობენ. „იუვეს“ ისტორიაში ამ სათამაშო ნომერს დიდი მნიშვნელობა ჰქონდა.
როდესაც ჩემს მაისურს ვუყურებ, არც ნომერსა და არც გვაქვს არ ვხედავ. მხოლოდ „იუვეს“ ვხედავ, რომლისთვისაც 100 პროცენტით უნდა დავიხარჯო და მოვიგო.
უფრო მეტი პასუხისმგებლობა დამეკისრა. ადრე ჩემთან ერთად პირლო თამაშობდა და მეტოქეები მის შეჩერებაზე ფიქრობენ, ახლა კი მთელი ყურადღება ჩემზეა გადატანილი. პასის გაკეთება სწორ მომენტში უნდა ვისწავლო. ინიესტას ბევრს ვაკვირდებოდი და სწორი დასკვნა უნდა გამოვიტანო.
ამ მომენტისთვის არაფერს წარმოვადგენ. კარიერაში არაფრისთვის მიმიღწევია“, – ციტირებს პოგბას გამოცემა „ლა სტამპა“.
ცნობილმა საფეხბურთო აგენტმა მინო რაიოლამ, რომელიც პოლ პოგბას ინტერესებს წარმოადგენს, თავისი კლიენტის მომავლის შესახებ ისაუბრა.
„ჯერჯერობით არ ვიცით,და რჩება თუ არა პოგბა „იუვენტუსში“ შემდეგ სეზონში. გადაწყვეტილებას ის უკვე თვითონ მიიღებს, რომელიც წინადადებებზე და მის გულზე იქნება დამოკიდებული. მსგავს სიტუაციაში პოლი წინა ზაფხულშიც იყო.
ფეხბრუთელი გაიზარდა, ისევე, როგორც მისი ფასი. ვფიქრობ, მის სანაცვლოდ 100 მილიონი ევრო უვკე საკმარისი აღარ იქნება. ეს „იუვენტუსის“ პრეზიდენტზეა დამოკიდებული. ასეთი ფეხბურთელის დამატების შესაძლებლობა ყველა კლუბს არ აქვს. ის როგორც „ფერარის“ მარკის მანქანის შეზღუდული სერიაა“, – განაცხადა რაიოლამ.
„იუვენტუსის“ ნახევარმცველმა პოლ პოგბამ სტურმად „კარპისთან“ ანგარიშით 3:2 მოგებული მატჩი შეაფასა.
„მოგება ყველას ძალიან გვიხარია, მიუხედავად იმისა, რომ შეხვედრის ბოლოს საქმე გავიფუჭეთ. მსგავსი რამ აღარ უნდა განმეორდეს.
ახლა შესვენება დადგა, თუმცა, როდესაც მოედანზე დავბრუნდებით, უნდა გვესმოდეს, რომ ჯერ არაფერი გავაკეთეთ. წინ გრძელი გზაა.
ვის მივუძღვენი გოლი? საკუთარ თავს, რადგან ვიცი, რომ გუნდისთვის მეტის გაკეთება შემიძლია და სკუდეტოს კიდევ ერთხელ მოგების უნარი გაგვაჩნია“, – განუცხადა ფრანგმა „სქაი სპორტ იტალიას“.
„ატალანტასთან“ იტალიის სერია ა-ს მეცხრე ტურის გუშინდელ მატჩში ტურინის „იუვენტუსის“ ნახევარმცველი პოლ პოგბა მოედანზე ორიგინალური მაისურით გავიდა, რითაც ფეხბურთის ლეგენდას, ბრაზილიელ პელეს 75-ე დაბადების დღე მიულოცა.
22 წლის ფეხბურთელი 10-ნომრიან მაისურს ატარებს, რომელიც 70-ნომრიან მაისურს ჰგავს, რის გამოც ფეხბურთელმა მას „+5“ მიაწერა და ამით რიცხვი „75“ გამოსახა.
როგორც „beIN სპორტსის“ ჟურნალისტი ტანკრედი პალმერი იტყობინება, სატრანსფერო ფანჯრის ბოლო დღეს ტურინის „იუვენტუსისა“ და ლონდონის „ჩელსის“ წარმომადგენლებმა ნახევარმცველ პოლ პოგბას ტრანსფერის შესახებ მოლაპარაკება განაახლეს.
წყაროს ცნობით, ტურინელებს საფრანგეთის ნაკრების მოთამაშის სანაცვლოდ მინიმუმ 120 მილიონი ევროს მიღება სურთ.
შეგახსენებთ, რომ აქამდე ტურინელთა გენერალურმა დირექტორმა ჯუზეპე მაროტამ აღნიშნა, რომ კლუბი პოგბას გაშვებას არ აპირებს, რადგან სამუშაოა დგილი შეცვლა თავად მოთამაშესაც არ სურს.
ტურინის „იუვენტუსის“ გენერალურმა დირექტორმა ჯუზეპე მაროტამ ჟურნალისტებს უამბო, თუ რამდენს სთავაზობდნენ მის კლუბს ანხევარმცველ პოლ პოგბას გაშვების სანაცვლოდ.
„70 მილიონ ევროდ ფეხბურთელების ყიდვა არ შეგვიძლია, თუმცა სიამაყით ვამბობ, რომ „იუვენსუამ„ პოგბას 80 მილიონი ევროს სანაცვლოდ არ გაუშვა. მხოლოდ იმ მოთამაშეებს ვუშვებთ, რომელთაც სხვაგან გადასვლა სურს.
რამდენიმე წლის წინ ედინ ჯეკოს შეძენის შესაძლებლობას განვიხილავდით. მუჰამედ სალაჰით კი არასდროს დავინტერესებულვართ“, – განაცხადა მაროტამ.
შეგახსენებთ, რო პოგბას შეძენა „ბარსელონას“, „რეალსა“ და პსჟ-ს სურდათ.
ტურინის “იუვენტუსის” ნახევარმცველმა პოლ პოგბამ საკლუბო ნომერი იცვალა.
22 წლის ფრანგი ფეხბურთელი “ბებერი სინიორას” რიგებში 10-ნომრიანი მაისურით ითამაშებს. შეგახსენებთ, რომ მანამდე ამ ნომრით კარლოს ტევესი თამაშობდა, რომელიც “ბოკა ხუნიორსში” დაბრუნდა.
პოლ პოგბამ გასულ სეზონში “იუვენტუსის” ფორმით ყველა ტურნირზე ერთად 41 მატჩი ჩაატარა, 10 გოლი გაიტანა და 6 საგოლე გადაცემა გააკეთა.
