გამოცდილი ინგლისელი მცველი რიო ფერდინანდი კარიერას „ქუინს პარკ რეინჯერსში“ გააგრძელებს. ფეხბურთელს „მანჩესტერ იუნაიტედთან“ ხელშეკრულება დაუმთავრდა და ლონდონურ კლუბს თავისუფალი აგენტის სტატუსით შეუერთდა.
35 წლის მცველმა „ქუინს პარკთან“ ერთწლიანი კონტრაქტი გააფორმა.
შეგახსენებთ, რომ დასავლეთლონდონური კლუბი პრემიერლიგაში დაბრუნდა.
ინგლისური ფეხბურთის ეპატაჟურმა ფიგურა ჯოი ბარტონმა ალექს ფერგიუსონს საქციელი დაუწუნა. „ქუინს პარკ რეინჯერსის“ მერსისაიდელმა ნახევარმცველმა შენიშნა რა, რომ სერ ალექსი „მანჩესტერ იუნაიტედის“ ყოველ მატჩს ესწრება, მისთვის სოციალური ქსელის მეშვეობით რჩევების მიცემა გადაწყვიტა.
„რა აზრი ჰქონდა ფერგიუსონის გადადგომას? ის მაინც ყოველ მატჩს ესწრება. წადი, არდადეგები მოიწყე, გოლფი ითამაშე… ოჯახთან, ან მეგობრებთან ერთად მაინც გაატარე დრო“, – წერს ბარტონი.
შეგახსენებთ, რომ ფერგიუსონმა „მანჩესტერ იუნაიტედის“ მთავარი მწვრთნელის პოსტი გასული წლის გაზაფხულზე დატოვა, თუმცა კლუბის თითქმის ყველა მატჩს ტრიბუნიდან ადევნებს თვალყურს.
ბექა დოგრაშვილი
ისრაელის ნაკრების კაპიტანმა იოსი ბენაიუნმა, როგორც მოსალოდნელი იყო, „ქუინს პარკ რეინჯერსთან“ გააფორმა კონტრაქტი. ებრაელმა ფეხბურთელმა დასავლეთლონდონურ კლუბთან 18-თვიან ხელშეკრულებას მოაწერა ხელი.
ცნობისთვის, „ქუინს პარკს“ ჩემპიონშიფის სატურნირო ცხრილში მესამე პოზიცია აქვს დაკავებული.
შეგახსენებთ, რომ ბენაიუნი უკანასკნელად ლონდონის „ჩელსის“ საკუთრებაში იყო. მიმდინარე წლის ზაფხულში ებრაელ ფეხბურთელს კონტრაქტი დაუმთავრდა და თავისუფალი აგენტის სტატუსი მიიღო. 33 წლის ნახევარმცველის მიმართ ინტერესს სხვადასხვა ევროპული კლუბები იჩენდნენ. საბოლოოდ, ბენაიუნმა შორს წასვლა არ არჩია და „ჩელსის“ მეზობელ გუნდში გადაბარგდა. აღნიშნული ტრანსფერის განხორციელებაში დიდი წვლილი მიუძღვის „ქუინს პარკის“ მთავარ მწვრთნელ ჰარი რედნაპს
ბექა დოგრაშვილი
”ქუინს პარკ რეინჯერსის” მეკარე ჟულიო სეზარი ბრაზილიის ეროვნული ნაკრების მთავარი მწვრთვნელის ლუის ფელიპე სკოლარის განცხადებას გამოეხმაურა.
”სკოლარის განცხადება ჩემთვის მოულოდნელი გახდა. მან კვლავ დამიცვა. სატრანსფერო ფანჯრის დროს შექმნილი გაუგებრობის შემდეგ, მე ქპს-ს ძირითად შემადგენლობაში უნდა შევინარჩუნო ადგილი. შემდეგი რვა თვის განმალობაში შესანიშნავად უნდა ვითამაშო, რათა მუნდიალზე მოვხვდე”, – განაცხადა სეზარმა.
შეგახსენებთ, რომ გუშინ, სამხრეთ ამერიკელთა თავკაცმა განაცხადა, რომ სეზარი ნაკრებში ადგილს იმ შემთხვევაშიც მიიღებს, თუ თავისი კლუბის შემადგენლობაში იშვიათად მოხვდება.
ალექსანდრე მატევოსოვი
