Radamel Falcao – Fanebi.Com – ფეხბურთი, კალათბურთი, რაგბი, სხვა

ფალკაომ ოთხწლიანი პაუზის შემდეგ პირველი ჰეთ-თრიკი გაიფორმა (ვიდეო)

Posted on დეკემბერი 11, 2016 by ბექა დოგრაშვილი

საფრანგეთის ჩემპიონატის მე-17 ტურში “ბორდოსა” და “მონაკოს” შორის გამართულ მატჩში (0:4) სტუმართა თავდამსხმელმა რადამელ ფალკაომ ჰეთ-თრიკი გაიფორმა. კოლუმბიელმა ფეხბურთელმა ერთ კონკრეტულ შეხვედრაში სამი გოლი 2012 წლის 9 დეკემბრის შემდეგ პირველად მიითვალა. მაშინ მადრიდის “ატლეტიკოში” მოთამაშე ფალკაომ გოლები “დეპორტივოს” კარში გაიტანა.

მიმდინარე სეზონში 30 წლის თავდამსხმელმა ყველა საკლუბო ტურნირზე ერთად 16 მატჩი ჩაატარა და 12 გოლი გაიტანა.

აქვე გთავაზობთ “ბორდოსა” და “მონაკოს” შორის გამართული შეხვედრის ვიდეომიმოხილვას.

ფალკაო მარტამდე ვერ ითამაშებს

Posted on იანვარი 10, 2016 by ბექა დოგრაშვილი

ლონდონის “ჩელსის” თავდამსხმელ რადამელ ფალკაოს ტრავმა იმაზე სერიოზული აღმოჩნდა, ვიდრე მოსალოდნელი იყო.

კოლუმბიელმა ფორვარდმა ბარძაყის ძვალი ჯერ კიდევ დეკემბრის თვეში დაიშავა. როგორც “მონაკოს” ვიცე-პრეზიდენტი ვადიმ ვასილიევი ამბობს, 29 წლის ფეხბურთელი მარტამდე ვერ ითამაშებს.

“ფალკაო რვა კვირის განმავლობაში ვერ ითამაშებს. ჯერჯერობით მის დაბრუნებას არ ვაპირებთ”, – აღნიშნა ვასილიევმა.

შეგახსენებთ, რომ ფალკაო ამ დრომდე “მონაკოს” ეკუთვნის, “ჩელსიში” კი იჯარის წესით თამაშობს. საიჯარო ხელშეკრულებას ვადა ზაფხულში გასდის.

ფალკაომ კარიერა შესაძლოა, MLS-ში გააგრძელოს

Posted on იანვარი 6, 2016 by ბექა დოგრაშვილი

ლონდონის “ჩელსის” თავდამსხმელმა რადამელ ფალკაომ კარიერა შესაძლოა, MLS-ში გააგრძელოს.

კოლუმბიელი ფორვარდის მიმართ ინტერესი “კოლამბუს კრიუმ” დააფიქსირა. “მირორის” ცნობით, კლუბმა 29 წლის ფეხბურთელთან მოლაპარაკებები უკვე დაიწყო. ცნობილია ისიც, რომ ფალკაოს “ჩელსიში” გაჩერება აღარ სურს.

ინგლისის ჩემპიონატის მიმდინარე გათამაშებაში რადამელ ფალკაომ ცხრა მატჩი ჩაატარა და მხოლოდ ერთი ბურთი გაიტანა.

ფალკაოს კლუბის გამოცვლა სურს

Posted on დეკემბერი 26, 2015დეკემბერი 26, 2015 by ბექა დოგრაშვილი

Mediotiempo-ს ცნობით, ლონდონის “ჩელსიში” იჯარის წესით მოთამაშე თავდამსხმელი რადამელ ფალკაო ზამთრის სატრანსფერო პერიოდში კლუბის გამოცვლას აპირებს. როგორც მოგეხსენებათ, კოლუმბიელი ფეხბურთელი ამ დრომდე “მონაკოს” ეკუთვნის. ფალკაომ კარიერა შესაძლოა, MLS-ში ან მექსიკაში გააგრძელოს.

რადამელ ფალკაომ მიმდინარე სეზონში “ჩელსის” რიგებში 11 მატჩი ჩაატრა და ერთი გოლი გაიტანა.

პრესაში გავრცელებული ინფორმაციის თანახმად, ფალკაოთი ევროპის რამდენიმე კლუბია დაინტერესებული, კერძოდ: “ვალენსია”, “ბურსასპორი”, “ფენერბაჰჩე”, “ვილიარეალი”.

მოურინიო: “სურს ფალკაოს თამაში? აჯობოს დიეგო კოსტას”

Posted on ოქტომბერი 19, 2015 by ბექა დოგრაშვილი

ლონდონის “ჩელსის” მთავარმა მწვრთნელმა ჟოზე მოურინიომ კლუბში იჯარით მოთამაშე რადამელ ფალკაოს შესახებ ისაუბრა. პორტუგალიელი სპეციალისტი აღნიშნავს, რომ კოლუმბიელ ფეხბურთელს სათანადო სათამაშო დრო არ ეძლევა იმის გამო, რომ იგი დიეგო კოსტას კონკურენციას ვერ უწევს.

“ფალკაომ დიეგო კოსტას უნდა აჯობოს. ჩვენ ერთი თავდამსხმელით ვთამაშობთ და ვიყენებთ იმ ფორვარდს, რომელიც უკეთეს ფორმაშია. ეს პირდაპირი კონკურენციაა. ჩვენთან საუკეთესოები თამაშობენ. რაც შეეხება ჭორებს იმის შესახებ, რომ ფალკაოს კლუბიდან წასვლა სურს, მე მას ყოველდღე ვესუაბრები. უცნაურია, რომ პრესამ იცის ის, რაც მე არ ვიცი”, – მოურინიოს სიტყვებს A Bola აქვეყნებს.

ფალკაო “ჩელსის” შეუერთდა (ფოტო)

Posted on ივლისი 23, 2015 by ბექა დოგრაშვილი

ლონდონის “ჩელსის” თავდამსხმელმა რადამელ ფალკაომ კლუბში ვარჯიში დაიწყო. შეგახსენებთ, რომ ლონდონურმა კლუბმა კოლუმბიელი ფეხბურთელი “მონაკოსგან” ერთწლიანი იჯარის წესით აიყვანა.

“მოხარული ვარ, რომ გუნდს შევუერთდი და ახალ თანაგუნდელებთან ერთად მუშაობა დავიწყე”, – დაწერა სოციალურ ქსელში ფალკაომ.

“ჩელსი” წინასასეზონი მოსამზადებელ პერიოდს კანადაში გადის.

ფალკაო “ჩელსის”კანადაში შეუერთდება

Posted on ივნისი 30, 2015ივნისი 30, 2015 by ბექა დოგრაშვილი

“მონაკოს” თავდამსხმელი რადამელ ფალკაო ლონდონის “ჩელსის” 19 ან 20 ივლისს შეუერთდება. Gol Caraco-ის თანახმად, კოლუმბიელი ფეხბურთელი, რომელიც “პენსიონერთა” რიგებში იჯარის წესით ითამაშებს, წინასასეზონო მზადებას “ჩელსისთან” ერთად კანადაში დაიწყებს.

შეგახსენებთ, რომ რადამელ ფალკაომ გასული სეზონი განათხოვრების წესით “მანჩესტერ იუნაიტედში” გაატარა.

ინგლისის პრემიერლიგის აწ უკვე დასრულებულ გათამაშებაში კოლუმბიელმა ფორვარდმა 26 მატჩი ჩაატარა, ოთხი გოლი გაიტანა და ხუთი საგოლე გადაცემა გააკეთა.

ფალკაო საიჯარო კონტრაქტს კვირის ბოლომდე გააფორმებს

Posted on ივნისი 16, 2015ივნისი 15, 2015 by ბექა დოგრაშვილი

“მონაკოს” თავდამსხმელი რადამელ ფალკაო კარიერას ლონდონის “ჩელსიში” გააგრძელებს.

დასავლეთლონდონური კლუბი კოლუმბიელ ფეხბურთელთან საიჯარო კონტრაქტს კვირის ბოლომდე გააფორმებს. გავრცელებული ინფორმაციით, “ჩელსის” სეზონის ბოლოს 50 მილიონ ევროდ ფალკაოს გამოსყიდვის უფლებაც მიეცემა.

შეგახსენებთ, რომ კოლუმბიელმა ფორვარდმა გასული სეზონი განათხოვრების წესით “მანჩესტერ იუნაიტედში” გაატარა.

ინგლისის პრემიერლიგის აწ უკვე დასრულებულ გათამაშებაში რადამელ ფალკაომ 26 მატჩი ჩაატარა, ოთხი გოლი გაიტანა და ხუთი საგოლე გადაცემა გააკეთა.

ფალკაოს “ჩელსიში” გადასვლა უნდა

Posted on მაისი 26, 2015 by ბექა დოგრაშვილი

ავტორიტეტული ბრიტანული გამოცემა “ტელეგრაფი” იუწყება, რომ “მონაკოს” თავდამსხმელი რადამელ ფალკაო, რომელმაც გასული სეზონი იჯარის წესით “მანჩესტერ იუნაიტედში” გაატარა, ინგლისის პრემიერლიგაში დარჩენას აპირებს.

წყაროს თანახმად, 29 წლის კოლუმბიელ ფეხბურთელს ლონდონის “ჩელსიში” სურს კარიერის გაგრძელება. ფალკაო “სტემფორდ ბრიჯზე” გადასასვლელად მზად არის, ხელფასის მნიშვნელოვნად შემცირებასაც დათანხმდეს.

ოფიციალურად: ფალკაო “მონაკოში” ბრუნდება

Posted on მაისი 25, 2015 by ბექა დოგრაშვილი

“მანჩესტერ იუნაიტედმა” დაადასტურა, რომ რადამელ ფალკაო “მონაკოში” ბრუნდება.

შეგახსენებთ, რომ კოლუმბიელი ფეხბურთელი “ოლდ ტრაფორდზე” გასული წლის ზაფხულიდან განათხოვრების წესით თამაშობდა.

“ფალკაო ნამდვილი პროფესიონალი და კარგი ადამიანია. “მანჩესტერ იუნაიტედის” სახელით მას ყოველივე საუკეთესოს ვუსურვებ”, – ლუი ვან გაალის კომენტარი კლუბის ოფიციალურ ვებგვერდზე გამოქვეყნდა.

ინგლისის პრემიერლიგის მიმდინარე გათამაშებაში რადამელ ფალკაომ 26 მატჩი ჩაატარა, ოთხი გოლი გაიტანა და ხუთი საგოლე გადაცემა გააკეთა.

ვან გაალს ფალკაო არ სჭირდება

Posted on მაისი 24, 2015 by ბექა დოგრაშვილი

“მანჩესტერ იუნაიტედი” რადამელ ფალკაოსთან კონტრაქტის გახანგრძლივებას არ აპირებს.

შეგახსენებთ, რომ კოლუმბიელი ფეხბურთელი “ოლდ ტრაფორდზე” გასული წლის ზაფხულიდან განათხოვრების წესით თამაშობს. ის ამ დრომდე “მონაკოს” საკუთრებაა. როგორც აღმოჩნდა, “წითელი ეშმაკების” მთავარ მწვრთნელ ლუი ვან გაალს 29 წლის თავდასხმელი აღარ სჭირდება.

ფალკაო “მანჩესტერ იუნაიტედში” გადასვლას ნანობს?

Posted on მარტი 12, 2015 by ბექა დოგრაშვილი

ავტორიტეტული ბრიტანული გამოცემა “დეილი მეილი” იუწყება, რომ “მონაკოს” თავდამსხმელმა რადამელ ფალკაომ, რომელიც “მანჩესტერ იუნაიტედში” იჯარის წესით თამაშობს, “ოლდ ტრაფორდზე” გადასვლასთან დაკავშირებით სინანული გამოთქვა.

წყაროს ცნობით, კოლუმბიელი ფეხბურთელი თვლის, რომ “წითელი ეშმაკების” მთავარ მწვრთნელ ლუი ვან გაალს ის არ სჭირდება და ინგლისურმა გუნდმა ფალკაო მხოლოდ იმიტომ ინათხოვრა, რომ სხვა ფორვარდის შეძენა ვერ მოახერხა.

შეგახსენებთ, რომ რადამელ ფალკაომ “მანჩესტერ იუნაიტედის” ფორმით მიმდინარე სეზონში ჩატარებულ ოც შეხვედრაში მხოლოდ ოთხი გოლის გატანა შეძლო. სამშაბათს კოლუმბიელი ფორვარდი სულაც ახალგაზრდული გუნდის შემადგენლობაში შეიყვანეს.