სოციალურ ქსელ Twitter-ში რაგბის მსოფლიოს ჩემპიონატის ოფიციალურმა გვერდმა პოსტი გამოაქვეყნა, რომელიც “ბორჯღალოსანთა” წევრს, ვიტო კოლელიშვილს შეეხებოდა.
ქართველი მორაგბე ზელანდიასთან მატჩს შედარებით სხვა სტილში შეხვდება. პოსტში კი ასეთი რამ წერია: “ჩვენ გვენატრება მისი წვერი!”
BEARD TODAY, GONE TOMORROW A fresh-faced Viktor Kolelishvili of #GEO in training today. We miss the beard! #NZLvGEO pic.twitter.com/R6VpN20jJX
— Rugby World Cup (@rugbyworldcup) September 30, 2015
ახალი ზელანდიის ნაკრების წევრი დენ კარტერი ამჟამად მსოფლიოში ყველაზე მაღალანაზღაურებად მორაგბერდ ითვლება. ის წელიწადში 1 400 000 ფუნტ სტერლინგს გამოიმუშავებს.
ბრიტანულმა გამოცემა BBC-მ დენ კარტერის მიერ გამომუშავებული თანხა მადრიდის “რეალის” ვარსკვლავის კრიშტიანო რონალდუს შემოსავლებს შეადარა.
გაირკვა, რომ კარტერს 24 წელის სჭირდება იმისათვის, რომ იშოვოს იმდენი, რამდენსაც რონალდუ ერთ წელიწადში იღებს.
ინტერნეტ-სივრცეში გავრცელდა ვიდეო, რომელშიც აღბეჭდილია, თუ რას აკეთებდნენ ქართველო მორაგბეები გასახდელში არგენტინის ნაკრებთან შეხვედრის დაწყების წინ.
25 სექტემბერს, მსოფლიოს ჩემპიონატზე, საქართველოსა და არგენტინის ნაკრებებს შორის გამართულ მატჩში, ერთ-ერთ ეპიზოდში მამუკა გორგოძემ არგენტინელი მორაგბე ასე ჩამოიშორა:
საქართველოს ეროვნული ნაკრების კაპიტანმა მამუკა გორგოძემ ტონგასთან გამართული შეხვედრა შეაფასა.
“გორგოძილას” თქმით, მისთვის ეს თამაში კარიერაში ყველაზე რთული იყო.
“ვფიქრობ, ეს მატჩი ჩემს კარიერასა და საქართველოს ნაკრების ისტორიაში ერთ-ერთი საუკეთესო იყო. ჩვენი გუნდი 200 პროცენტით დაიხარჯა. ჩემი აზრით, სენსაცია მოვახდინეთ, რადგან ტონგა უფრო დიდი გუნდია.
პატარა ქვეყანა ვართ, მაგრამ დიდი გული გვაქვს. ინგლისში, ჩვენს საგულშემატკივროდ ბევრი ქართველი მოვიდა.
კარიერაში ყველაზე რთული მატჩი ჩავატარეთ, თუმცა კარგი მომზადებით და დიდი გულით გამარჯვებას მივაღწიეთ. ახლა, მომდევნო შეხვედრაზე ვიფიქრებთ”, – თქვა გორგოძემ.
19 სექტემბერს, რაგბის მსოფლიოს ჩემპიონატზე, საქართველოს ეროვნულმა ნაკრებმა ტონგა ანგარიშით 17:10 დაამარცხა. შეხვედრაში ერთ-ერთი ლელო თხილაიშვილმა დადო, რამაც “ბორჯღალოსანთა” მთავარი მწვრთნელი მილტონ ჰეიგი ძალიან გაახარა.
19 სექტემბერს, რაგბის მსოფლიოს ჩემპიონატზე, საქართველოს ნაკრებმა ტონგა ანგარიშით 17:10 დაამარცხა. შეხვედრის საუკეთესო მორაგბედ ქართველი მამუკა გორგოძე დაასახელეს.
მატჩის დასრულების შემდეგ სოციალურ ქსელ Twitter-ში საინტერესო პოსტი გამოქვეყნდა, რომელიც რაგბის მსოფლიოს ჩემპიონატის ოფიციალურმა გვერდმაც მოიწონა.
პოსტში ასეთი რამ ეწერა: “ახლა, “კინგშოლმზე” (სტადიონი, სადაც მატჩი ჩატარდა) ბიონსე რომ დადიოდეს და 50 ფუნტ სტერლინგს არიგებდეს, ის მამუკა გორგოძეზე პოპულარული მაინც არ იქნებოდა.”
He's not wrong…! #GEO #RWC2015 https://t.co/AfhgF4XAx2
— Rugby World Cup (@rugbyworldcup) September 19, 2015
10 დღეში 2015 წლის მსოფლიო თასზე ბორჯღალოსნები პირველ მატჩს გამართავენ, რომელშიც ჩვენი გუნდი ტონგას, იგივე ‘ზღვის არწივებს დაუპირისპირდება.
გუშინ გილდფორდში ერთობლივი ვარჯიშის გასამართად ჩვენ ბიჭებს ფიჯელები ესტუმრნენ (ფოტოები). დღეს კი სარის სპორტულ ცენტრში ‘ბორჯღალოსნებმა’ და ‘კანადელმა ნეკერ ჩხლებმა’ ერთმანეთის შერკინებასა და ხაზს მოუსინჯეს ძალები. დღევანდელ ვარჯიშს აკვირდებოდა და გუნდებს მარგ რჩევებს აძლევდა ახლო წარსულში გამოჩენილი მსაჯი, ‘მსოფლიო რაგბის ექსპერტი’, ალენ როლანი.
შეგახსენებთ, რომ მსოფლიო თასი 19 სექტემბერს ინგლისისა და ფიჯის ნაკრებების მატჩისთ დაიწყება, ხოლო 18 სექტემბერს 15 საათზე ბორჯღალოსნები ტონგას ქინგსჰოლმ სთედიუმზე ერკინებიან. მატჩს პირდაპირ ეთერში საზოგადოებრივი მაუწყებლის პირველი არხი შემოგვთავაზებს.
Rugby.GE
პროექტი ‘რაგბი მთაში’ გრძელდება და ფშავ-ხევსურეთის შემდეგ, მეორე დანიშნულების ადგილი სვანეთია. იდეის ავტორებმა საკუთარი შემოქმედება უკვე მეორედ აქციეს ფილმად, რომლის პრეზენტაციაც 22 აგვისტოს შედგა.
პროექტი ადგილობრივი მოზარდებისთვის რაგბის გაცნობასა და პოპულარიზაციას ისახავს მიზნად , რომელიც ფონდი „ღვთისმშობლის წილხვედრი ქვეყანა-საქართველო”-ს, რაინო ჯორჯიას (Rhino Georgia), სტრატეგიული ბრენდინგგის სააგენტო ლაივის (LIVE Branding), ქართველი ლეგიონერის გიორგი ჟღენტისა და ალექსი ჩიქოვანის მხარდაჭერით ხორციელდება.
ლენჯერი, მესტია, ჟაბეში, იფარი და ევროპის ყველაზე მაღალი დასახლებული წერტილი უშგული – ეს სვანეთის ტურია, რომელიც ორგანიზატორებმა 5 დღეში დაფარეს. აგვისტოს ექსპედიციას ორი ახალი წევრი, ლუკა მარეხაშვილი და პროფესიონალი მწვრთნელი როინ ბრეგვაძე შეემატნენ. სწორედ ამ უკანასკნელის დამსახურებით სვანი მოზარდები რაგბის უნარ-ჩვევებს ეუფლებოდნენ.
ლევან ჯობავა (პროექტის ავტორი): „ჩვენი მიზანი ორივე ექპედიციის ჯამად მიღწეულად მიგვაჩნია. როგორც ფშავ-ხევსურეთში, ასევე სვანეთში ავიტანეთ რაგბი, ვათამაშეთ ბავშვები, დავაინტერესეთ და ეს უკვე მიღწეული მიზანია. გვინდოდა გვეჩვენებინა, რომ მთაში არსებობს რესურსი და ბავშვებს პროფესიონალი მწვრთნელების დახმარებით ბევრის მიღწევა შეუძლიათ. გამოჩნდა დაინტერესებული ფონდიც, რომელთან ერთადაც ვამუშავებთ გეგმას, თუ როგორ გავაგრძელოთ იმ ბავშვებთან მუშაობა, რომლებსაც სარაგბო მონაცემები აღმოაჩნდათ.“
შემდეგი ექსპედიცია რაჭისკენ ზაფხულის ბოლომდე დაიძრება. პროექტის ავტორები აგვისტოს ბოლომდე შეეცდებიან რაგბი ნიკორწმინდაში, ამბროლაურში, ონში, უწერასა და შოვში აიტანონ.
Rugby.GE
ბორჯღალოსნებმა საქართველოსა და პოლონეთში სამ თვიანი დამღლელი შეკრებების ორი ფაზა უკან მოიტოვეს და მსოფლიო თასისთვის მზადების მესამე ფაზისთვის 24 აგვისტოს ინგლისში მიემგზავრებიან.
წრთობის სამ თვიანი ეტაპი
მზადების პირველი ორი ფაზა საკმაოდ დამღლელი და ინტენსიური ვარჯიშებისგან შედგებოდა. ბორჯღალოსნები ივნისის ბოლოს შევარდენის სანაკრებო ბაზაზე, 2015 წლის თბილისის თასის დასრულების შემდეგ შეიკრიბნენ. პირველი ფაზა სამ კვირიან ფიზ-მომზადებაზე ორიენტირებული ვარჯიშებს წარმოადგენდა. ამ პერიოდში ვარჯიშებს ნაკრების ფიზ-მომზადების მწვრთნელთა ჯგუფი ინგლისელი სპეციალისტის, ინგლისის ნაკრების ყოფილი მაწრთობის, ქელვინ მორისის ხელმძვანელობით უძღვებოდა. შეკრების დროს სამწვრთნელო შტაბი ეტაპობრივად ზრდიდა ვარჯიშების სირთულესა და ოდენობას, რათა მოთამაშეები გაზრდილ დატვირთვას შეჩვეოდნენ და მათი ფიზიკური გამძლეობა თუ მენტალური მდგრადობის დონე გაზრდილიყო.
პოლონეთში კრიოთერაპიის დახმარებით
პირველი ფაზის დასრულებისა და ერთკვირიანი დასვენების შემდეგ, ბორჯღალოსნები მზადების მეორე ფაზას შეუდგნენ, რომლის განმავლობაში ნაკრებმა 9 დღე შევარდენზე დაჰყო, ხოლო 10 დღის მანძილზე პოლონეთში, ცეტნიევოს ოლიმპიურ ცენტრშიივარჯიშა. აქ უკვე წრთობის კურსი კრიოთერაპიის თანხლებით მიმდინარეობდა – ბორჯღალოსნებს ყოველი ვარჯიშის შემდეგ 2–3 წუთიანი პროცედურა სპეციალურ კრიო–კამერებში უტარდებოდათ, სადაც ტემპერატურა მინუს 120 გრადუსია, და ამით ძალთა აღდგენა ჩქარდებოდა.
„ბოლო 10 დღიანმა შეკრებამ კარგად ჩაიარა პოლონეთში. ამ პერიოდის განმავლობაში ყურადღება სარაგბო ტექსნიკასა და ტაქტიკას მეტად მივაქციეთ. ვხვეწდით იმ სპეციპიურ ელემენტებს, რომელთა გამოყენებასაც მსოფლიო თასზე ვეცდებით.
„რათქმაუნდა ვარჯიშების ბოლოს არც ფიზ-მომზადებას ვივიწყებდით. ბიჭები დარბაზშიც წონებზე კარგად მუშაობდნენ. ამ ყველაფრის გათვალისწნებით შემიძლია ვთქვა, რომ პროგრამამ კარგად იმუშავა, ვინაიდან მოთამაშეები მშვენიერ ფორმაში არიან.“ განაცხადამიტონ ჰეიგმა.
წინ მე-3 ფაზა და საკონტროლო მატჩებია
ინგლისურ შეკრებაზე ბორჯღალოსნები მთლიანად სარაგბო ელემენტების დახვეწაზე გადავლენ. ვიდრე მსოფლიო თასი დაიწყება, ჩვენი ნაკრები ინგლისში სამ საკონტროლო მატჩს – ინგლისის ‘ავივა ფრემიერშიფის’ ‘ნიუქასლ ფალკონზის’ (28 აგვისტო), კანადისა (2 სექტემბერი) და იაპონიის (5 სექტემბერი) ნაკრებების წინააღმდეგ გამართავს.
„ახლა სრულად ინგლისურ შეკრებაზე გადავერთვებით, რომლის მსვლელობისას სამ საკონტროლო შეხვედრას გავმართავთ ვიდრე მსოფლიო თასის პროგრამა დაიწყება. ერთი სული გვაქვს, როდის გავალთ მინდორზე და ამდენი ხნის ჯაფის შედეგს ვიხილავთ.”
შეგახსენებთ, რომ
Rugby.GE
შევარდენზე, საქართველოს რაგბის კავშირისა და გაეროს ქალთა ორგანიზაციის ერთობლივი პრესკონფერენცია გაიმართა. საქართველოში გაეროს ქალთა ორგანიზაციის წარმომადგენელმა, ერიკა კვაპილოვამ, მსოფლიო თასზე გამგზავრებამდე, ბორჯღალოსნებს კიდევ ერთხელ გადაუხადა მადლობა მხარდაჭერისთვის, რომელსაც წლებია მორაგბეები ქალთა მიმართ ძალადობის წინააღმდეგ ბრძოლასა და გაეროს გენერალური მდივნის კამპანიას „გავერთიანდეთ ქალთა მიმართ ძალადობის დასაძლევად“(UNiTE) უცხადებენ.
პრესკონფერენციას საქართველოს რაგბის კავშირის პრეზიდენტი გიორგი ნიჟარაძე და ეროვნული ნაკრების მთავარი მწვრთნელი მილტონ ჰეიგი ესწრებოდნენ.
გიორგი ნიჟარაძე: „ის, რის წინააღმდეგაც ჩვენ ერთად ვიბრძვით უბრალოდ არ შეიძლება, რომ საქართველოში არსებობდეს. მე პირობას გაძლევთ, რომ ჩვენზე დამოკიდებულს ყველაფერს გავაკეთებთ მომავალშიც საიმისოდ, რომ ერთობლივი ძალებით ეს ბოროტება აღმოიფხვრას, როგორც საქართველოში, ისე მთელს მსოფლიოში. ასე, რომ მზად ვართ ნებისმიერი ახალი წამოწყებისთვის და რაც მთავარია, ამას გავაკეთებთ გულით. ეს ფაქტი იმდენად ეწინააღმდეგება ქართველების კულტურას, ოჯახზე დაფუძნებულ საზოგადოებას, ქალისადმი პატივისცემის ტრადიციებს, რომელიც ყველაფერშია ასახული საქართველოში, რომ აუცილებლად ყველაფერს გავაკეთებთ იმისთვის, რომ ეს სიმახინჯე დამთავრდეს. ჩვენთვის უდიდესი პატივი და სიამოვნება იყო ამ ხნის განმავლობაში თქვენთან თანამშრომლობა და დიდი მადლობა იმისთვის, რომ კვლავ მოგვეცემა საშუალება მსგავს კამპანიებში მივიღოთ მონაწილეობა.“
მილტონ ჰეიგი: „დიდი მადლობა იმისათვის, რომ მოგვეცა ამ კამპანიაში ჩართვის შესაძლებლობა, რომელიც ხორციელდება გაეროს ქალთა ორგანიზაციის მხარდაჭერით. მე უკვე მე-4 წელია საქართველოში ვიმყოფები და როგორც მთელი გუნდი, ისე მენეჯმენტი დიდი სიამაყით ვიღებთ მსგავს შემოთავაზებებს. ჩვენ ვართ მორაგბეები, ვართ ქმრები, ძმები, მამები და მსგავსი აქტივობები ძალიან ახლოს არის ჩვენს გულებთან. მადლობა გაეროს ქალთა ორგანიზაციას, რომელიც ასეთი წარმატებით ახორციელებს ამ პროექტს. არ აქვს მნიშვნელობა ჩვენ აქ ვთამაშობთ, თუ საზღვარგარეთ, ჩვენ ყოველთვის გვერდით ვუდგავართ ამ ინიციატივებს და კვლავაც განვაგრძობთ თანამშრომლობასა და თანადგომას.“
ერიკა კვაპილოვა (საქართველოში გაეროს ქალთა ორგანიზაციის წარმომადგენელი): “საქართველოს რაგბის კავშირს დიდი წვლილი შეაქვს საქართველოში ქალების, გოგონების და, აგრეთვე, ოჯახში ძალადობის მიმართ ნულოვანი ტოლერანტობის დამკვიდრების საქმეში. უკანასკნელ წლებში საზოგადოებრივი დამოკიდებულება ამ ფენომენის მიმართ შეიცვალა და დღეს ასეთი ტიპის ძალადობა უფრო მიუღებელი გახდა. დიდი მადლობა გვინდა გადავუხადოთ ჩვენს მორაგბეებს მათი ძალისხმევისთვის. გვჯერა, რომ რაგბს, ზოგადად სპორტს, შეუძლია პოზიტიური როლი ითამაშოს საქართველოში ძალადობისგან თავისუფალი საზოგადოების მშენებლობაში ქალთა მიმართ ძალადობისა და გენდერული თანასწორობის მიმართ საზოგადოების დამოკიდებულებისა და ქცევის შეცვლის საქმეში.“
ერიკა კვაპილოვამ ბორჯღალოსნებს საჩუქრად გაეროს გენერალური მდივნის კამპანიის „გავერთიანდეთ ქალთა მიმართ ძალადობის დასაძლევად“ ლოგოტიპიანი სპორტული ატრიბუტიკა გადასცა.
შეგახსენებთ, რომ ბოჯღალოსნები აღნიშნულ კამპანიაში 2011 წლიდან აქტიურად მონაწილეობენ და პროექტის ფარგლებში, ქალთა მიმართ ძალადობის წინააღმდეგ ბრძოლას ქართველმა მორაგბეებმა არაერთი საერთაშორისო მატჩი მიუძღვნეს.
Rugby.GE
თარგმანი მომზადებულია www.rugbyworldcup.com-ის მიხედვით
2015 წლის რაგბის მსოფლიო თასის გახსნამდე ერთი თვით ადრე ტურნირის საორგანიზაციო ჯგუფი გულშემატკივრებს „საქომაგო გეგმას“ უზიარებს.
ინგლისში გასამართი 6–კვირიანი ტურნირი, რომლის 48 მატჩი 12 ქალაქში გაიმართება, 2.45 მილიონი ბილეთითა და 400 000 საერთაშორისო სტუმრის მოლოდინში, რაგბის ისტორიაში უდიდეს მსოფლიო თასად იქცევა.
მასპინძელი ქალაქები მსოფლიო თასისთვის განსაკუთრებულად ემზადებიან
მასპინძელი ქვეყნის დედაქალაქის ღირსშესანიშნაობა ‘ლონდონის თვალი’ ტურნირის მთავარი საიმიჯო ორიენტირია. მისი კაფსულები 20 მოასპარეზე ქვეყნის დროშებით შეიმოსა. ‘ლონდონის თვალი’ ტურნირის დასრულებამდე მისი მთავარი ვიზუალი იქნება, კაფსულების ინტერიერი კი გულშემატკივრების მიერ მოწოდებული, მსოფლიო თასის ტროფი–ტურისა და რაგბის დღესასწაულის (#CelebratingRugby) დროს გადაღებული ფოტოებით მოირთვება.
ღონისძიებები დედაქალაქით არ შემოიფარგლება – მსოფლიო თასს სხვა ქალაქებიც თავისებურად აღნიშნავენ. ნიუქასლში, თაინის ხიდზე, მსოფლიო თასის ლოგო დამონტაჟდა, ლესთერში კი, ეროვნული კოსმოსური ცენტრიდან, მსოფლიო თასის ბურთი გაგზავნეს გარე სამყაროში. განსახორციელებელი გეგმები კიდევ ბევრია, და დროდადრო გულშემატკირებს მასპინძელ ქალაქებში ახალი სიურპრიზები ელით.
მაყურებელთა ჩართულობა
მას, ვისაც თამაშებზე დასასწრები ბილეთები უკვე შეძენილი აქვს, სპეციალური აპლიკაციის მეშვეობით (Blippar app) შეეძლება ბილეთების სკანირებით გაიგოს ნებისმიერი ინფორმაცია სასურველი მატჩის შესახებ, დაგეგმოს სამატჩო დღე და სპეციალური რუკების მეშვეობით, რომლებიც „გულშემატკივრების ზონაში“ მიიყვანს, სხვადასხვა ინტერაქციაშიც ჩაერთოს.
ყველა ასპარეზი აღჭურვილი იქნება ტურნირის ოფიციალური გაფორმებით. ეს პროგრამა სტადიონის ექსტერიერს, ბარებსა და საზოგადოების თავშეყრის ადგილებსაც მოიცავს, რათა თითოეული სტადიონი ადვილად ამოიცნობოდეს, როგორც მსოფლიო თასის ასპარეზი. დამატებით შეიქმნება 15 ფანზონა სტადიონის შიგნით ან ახლოს.
გულშემატკივარს ტრანსპორტის გაჩერებებზე მსოფლიო თასის წარმომადგენლები შეხვდებიან და ფანზონამდე მიაცილებენ მაყურებელთა სასიარულო ბილიკით, რომელიც მსოფლიო თასის ნიშნულებით (სამ–განზომილებიანი ქუჩების მოხატულობა, ცოცხალი შესრულება, ქალაქის მორთულობა, სამატჩო დღის ინფორმაცია) დაიტვირთება.
ამისთვის „მსოფლიო რაგბმა“ 6 000 მოხალისე დაასაქმა. ფანზონებში განთავსებულ ეკრანებზე მატჩები ლაივ–სთრიმით გადმოიცემა. გამონაკლისი არც ქვეყნის მასშტაბით სხვადასხვა ადგილას განთავსებული პაბები და ბარები იქნება.
მსოფლიო თასის ფარგალში იმოქმედებს 18 აგვისტოს დაწყებული საპრეზენტაციო პროგრამა, რომელიც მიზნად ისახავს რაგბის ახალი გულშემატკივრების მოზიდვას.
კიდევ ერთი სიახლე, რაც წლევანდელ მსოფლიო თასზე დაინერგება, ყურსასმენებით კომენტირებაა. მატჩის მსვლელობას თან დაერთვება რაგბის წესების განმარტებები, რათა სანახაობა უფრო საინტერესო გახდეს როგორც ახალი, ისე ძველი გულშემატკივრებისთვის. სერვისი უცხოელი ქომაგებისთვისაც განხორციელდება, მათთვის სასურველ ენაზე.
ტურნირის წინ ორგკომიტეტმა სპეციალური, საგანმანათლებლო ვიდეოები, ‘რაგბის სკოლა’ შექმნა. პირველი ნაწილი დღეს გამოვიდა. ეს წამოწყება გულშემატკივრებს რაგბის წესებისა და ელემენტების უკეთ გაგებაში დაეხმარება.
საბოლოო სამზადისი
მსოფლიო თასის საორგანიზაციო გეგმის უკანასკნელი ფაზა სრულდება. თასის გახსნის ცერემონიალი თვიქნემის სტადიონზე, 18 სექტემბერს, ინგლისი – ფიჯის თამაშის წინ გაიმართება.
ორგკომიტეტის მმართველი დირექტორი, სთივენ ბრაუნი ამბობს: „მიუხედავად იმისა, რომ მსოფლიო თასის დაწყებამდე სულ რაღაც 1 თვე რჩება, გულშემატკივრებს ჯერ კიდევ რჩებათ შანსი, რომ ამ უდიდესი დღესასწაულის მონაწილენი გახდნენ. ვიმედოვნებთ, რომ ყოველ სტადიონზე თითოეული სამატჩო დღე ყველა ქომაგისთვის დაუვიწყარი იქნება. მსოფლიოს ნებისმიერი კუთხის ბინადარს აქვს შესაძლებლობა, 6 კვირით რაგბის სამყაროში გადაინაცვლოს“
Rugby.GE
