“ნიუკასლის” მთავარმა მწვრთნელმა, რაფაელ ბენიტესმა “საუთჰემპტონთან” გამართული მატჩის (2-2) შემდეგ პრესასთან ისაუბრა და აღნიშნა, რომ გუნდი განვითარების სწორ გზას ადგას.
“ვწუხვარ ფანების გამო. 3,500-ზე მეტი გულშემატკივარი გამოგვყვა ძალიან დიდ მანძილზე, რათა ჩვენთვის მხარი დაეჭირა, ჩვენ კი სამი ქულის მოპოვება ვერ მოვახერხეთ.
მართალია, ძალიან რთული იყო, მაგრამ ფანები ამას იმსახურებდნენ. საბოლოო ჯამში ერთი ქულა მოვიპოვეთ, მაგრამ კარგი ხასიათი ვაჩვენეთ, გამარჯვებისთვის ბოლომდე ვიბრძოლეთ.
ადაპტაციის პერიოდს გავდივართ, მალე ყველაფერი უკეთ გამოგვივა. ახლა მთავარი დაცვის პრობლემების გამოსწორებაა, ორი გოლი გავუშვით და ვერც შეტევაში ვიყავით საკმარისად ეფექტურები. ყველაფრის მიუხედავად, მაინც კმაყოფილი ვარ,”- აცხადებს “რეალის” ყოფილი თავკაცი.
ცნობისთვის გეტყვით, რომ პრემიერ ლიგის 2017/18 წლების სეზონის რვა ტურის შემდეგ “ნიუკასლი” 11 ქულით მეცხრე ადგილზეა და მომდევნო მატჩს ბოლოადგილოსანი “კრისტალ პალასის” წინააღმდეგ გამართავს.
