მადრიდის „რეალის“ ნახევარმცველი დენის ჩერიშევი, შესაძლოა, „ვილიარეალში“ დაბრუნდეს.
ესპანური გამოცემა „მარკას“ ინფორმაციით, იანვარში კლუბების ხელმძღვანელები რუსი ფეხბურთელის ტრანსფერს განიხილავენ. თავად მოთამაშეს სამუშაო ადგილის შეცვლა სურს, რადგან მადრიდში მას საკმარისი სათამაშო დრო არ ეძლება.
შეგახსენებთ, რომ „რეალმა“ ზაფხულში ჩერიშევის გაშვება იუარა, თუმცა ამჯერად, სავარაუდოდ, სხვაგვარ გადაწყვეტილებას მიიღებს.
„ლიონის“ ნახევარმცველის მატიე ვალბუენას საქმის გამო საფრანგეთს ნაკრების მიღმა დარჩენილი ქარიმ ბენზემას სიტუაციის შესახებ მადრიდის „რეალის“ მთავარმა მწვრთნელმა რაფაელ ბენიტესმა ისაუბრა. ესპანელმა სპეციალისტმა თავისი გუნდის მოთამაშეს სრული ხმარდაჭერა განუცხადა.
„აზრს გამოვთქვამ, რომელსაც „რეალში“ ყველა ეთანხმება: ქარიმს მხარს 100%-თ ვუჭერთ. ბენზემა ჩინებული ადამიანია, რომელიც გუნდის მიმართ სამაგალითოდ იქცევა. ეს ძლიერი ფეხბურთელი ჩვენთვის ძალიან მნიშვნელოვანია., იმედია, ქარიმი გოლების გატანას გააგრძელებს, რაც მას დაამშვიდებს და „რეალს“ სარგებელს მოუტანს. მე ეს საკითხი უფრო მაინტერესებს“, – ციტირებს ბენიტესს ფრანგული „Lefigaro“.
მადრიდის „რეალის“ ნახევარმცველმა ტონი კროოსმა მიუნხენის „ბაიერნში“ იურგენ კლინსმანის ყოფნის პერიოდი გაიხსენა და სპეციალსიტი გააკრიტიკა.
„ბაიერნის“ სამწვრთნელო შტაბში მისი ყოფნის პერიოდში, პირადად მე, ხელიდან ყველაფერი გავუშვი. ნაკლებად მესმოდა, როგორ მეთამაშა ფეხბურთი, ასევე სრულყოფილი კონტაქტი და წარმატება მაკლდა“, – განაცხადა კროოსმა გერმანულ „ZEIT“-თან ინტერვიუში.
ესპანეთის ფეხბურთის ფედერაციის სააპელაციო კომიტეტმა მადრიდის “რეალის” საჩივარი არ დააკმაყოფილა და ძალაში დატოვა გადაწყვეტილება ქვეყნის თასის გათამაშებიდან კლუბის მოკვეთის შესახებ.
შეგახსენებთ, რომ ესპანეთის თასის მეთექვსმეტედფინალურ ეტაპზე “კადისის” წინააღმდეგ გამართულ პირველ მატჩში (3:1) “სამეფო კლუბმა” რუსი ნახევარმცველი ათამაშა, რომელსაც გასული წლის გათამაშებიდან დისკვალიფიკაცია ჰქონდა გადმოყოლილი. ჩერიშევმა სამი ყვითელი ბარათი 2014-15 წლების სეზონში მიიღო, როდესაც იჯარის წესით “ვილიარეალის” ღირსებას იცავდა. ამის გამო “კადისმა” დაიჩივლა, ქვეყნის ფეხბურთის ფედერაციამ კი სარჩელი დააკმაყოფილა და “რეალი” ტურნირიდან მოკვეთა.
ამრიგად, ტურნირის მერვედფინალურ ეტაპზე “კადისი” ითამაშებს.
მადრიდის „რეალის“ ლიდერმა კრიშტიანუ რონალდუმ კრიტიკოსებს უპასუხა, რომლებიც თვლიან, რომ პორტუგალიელი პენალტებით საკმაოდ ბევრ გოლს იტანს.
„პენალდუ? გადახედეთ ჩემს სტატისტიკას. „რეალში“ საკმაოდ ბევრი გოლი გამიტანია და მათ შორის ბევრი პენალტის გარეშე. ნებისმიერ „იუთუბზე“ შესვლა და ჩემი გოლების ხილვის საშუალება აქვს.
იმდენს გავიტან, რამდენსაც შევძლებ. შესაძლოა, ჩემმა მაჩვენებელმა 600 და 700 ბურთი შეადგინოს“, – ციტირებს რონალდუს Goal.com-ი.
კარლო ანჩელოტიმ ბოლო ინტერვიუში განაცხადა, რომ ამჟამად რომელიმე გრანდის წინადადების მოლოდინშია.
„რეალიდან“ გათავისუფლების შემდეგ ძალიან ვნერვიულობდი, თუმცა მესმოდა, რომ საქმე აქამდე მივიდოდა. ვფიქრობ, ეს უკეთესიცაა, რადგან ამ კლუბშ მწვრთნელებზე დიდი ზეწოლაა, რასაც ახლა ბენტიესის მაგალითზე ვხედავთ.
ჩემპიონთა ლიგის მოგება მსურს, ამიტომ ნებისმიერი დიდი კლუბის წინადადებას ველი და ამ მიზნის მიღწევა მსურს.
„მილანის“ წინადადება მქონდა, მაგრამ მაშინ ოპერაცია უნდა გამეკეთებინა, ამიტომაც უარი ვთქვი“, – ციტირებს ანჩელოტის „Football-Italia“
უეფა-ს ოფიციალურ საიტზე ჩემპიონთა ლიგის ჯგუფური ეტაპის ბოლო ტურის სიმბოლური ნაკრები გამოქვეყნდა, რომელიც შემდეგნაირად გამოიყურება:
მეკარე: მარკ-ანდრე ტერ შტეგენი („ბარსელონა“)
მცველები: ლორენ კოშელნი („არსენალი“), ნალდო („ვოლფსბურგი“), ჯეფრი ბრუმა (პსვ), ფილიპ მლადენოვიჩი (ბატე)
ნახევარმცველები: დანიელ მილიჩევიჩი („გენტი“), სელჩუკ ინანი („გალათასარაი“), ედენ აზარი („ჩელსი“)
თავდამსხმელები: რაჰიმ სტერლინგი („მანჩესტერ სიტი“), ოლივერ ჟირუ („არსენალი“), კრიშტიანუ რონალდუ („რეალი“)
მადრიდის „რეალის“ თავდამსხმელი ქარიმ ბენზემა ნახევარმცველ მატიე ვალბუენას მუქარის საქმეში მონაწილეობის გამო საფრანგეთის ნაკრებიდან ოფიციალურად მოკვეთეს, რის შესახებაც დღეს საფრანგეთის ფეხბურთის ფედერაციის ხელმძღვანელმა ნოელ ლე გრეტმა სპეციალურ პრესკოფნერენციაზე განაცხადა.
„ქარიმ ბენზემა ნაკრებში ხელმისაწვდომი აღარ იქნება. ეს პირადი გადაწყვეტილებაა, რომელიც დიდიე დეშამს შევატყობინე. თუ სიტუაცია არ შეიცვლება, ის განაცხადში არც მარტში და არც ევრო-216-ზე იქნება“, – განაცხადა ლე გრეტმა.
ესპანური “მარკა” წერს, რომ მადრიდის “რეალის” აკადემიაში “ბარსელონას” თამაში გახდა მაგალითი იმისა, თუ როგორ უნდა ითამაშო ფეხბურთი. კერძოდ, აკადემიის დირექტორმა ვიკტორ ფერნანდესმა და მისმა კოლეგამ, ხუან ლუის მარტინესმა თეორიულ მეცადინეობებზე დაიწყეს ბოლოს ჩატარებული “ელ კლასიკოს” ვიდეოფრაგმენტების ჩვენება.
შეგახსენებთ, რომ ამ შეხვედრაში “რეალი” საკუთარ მოედანზე “ბარსელონასთან” ანგარიშით 0:4 განადგურდა. მეცადინეობები ყოველკვირეულად ტარდება და განიხილავენ კატალონიური გუნდის მოქმედებებსა და ყველა იმ დეტალს, რომელმაც ეს მარცხი გამოიწვია.
მოგეხსენებათ, ჩემპიონთა ლიგის ჯგუფური ეტაპის ბოლო ტურში მადრიდის „რეალმა“ საკუთარ მოედანზე შვედური „მალმიო“ მიიღო და ანგარიშით 8:0 გაანადგურა.
აღსანიშნავია, რომ მადრიდელთა თავკაცისთვის რაფალ ბენტიესისთვის ევროპის ყველაზე პრესტიჟულ საკლუბო ტურნირზე ამ ანგარიშით მოგება პირველი არ არის. 2007/08 წლების სეზონში ესპანელი სპეციალისტის ხელმძღვნელობით „ლივერპულმა“ ჯგუფურ ეტაპზე თურქული „ბეშიქთაში“ ამავე ანგარიშით დაამარცხა.
მადრიდის „რეალის“ მთავარმა მწვრთნელმა რაფაელ ბენიტესმა ჩემპიონთა ლიგის ჯგუფური ეტაპის ბოლო ტურის მატჩში „მალმოსთან“ გამანადგურებელი ანგარიშით, 8:0 მოგებული შეხვედრა შეაჯამა.
„ყოველთვის ვამბობდი, რომ დაცვითი ფეხბურთის მომხხრე არ ვარ. ამ შეხვედრამ ეს კიდევ ერთხელ დაამტკიცა.
სარეკორდო მოგებით ვამაყობ. ასევე ვამაყობ ჩემი გუნდით. იმედია, ფანებმა ამ თამაშისგან სიამოვნება მიიღეს.
რთულ მატჩს ველოდებოდით, რადგან მეტოქეს მესამე ადგილის დასაკავებლად მოგება სჭირდებოდა. ჩვენი რითმი და თამაში ვიპოვეთ. მეორე ტიამსი შუაში ყველაფერი დავამტკიცეთ. უფრო მეტი გოლის გატანაც შეგვეძლო.
ჩერიშევისა და მარსელოს გამოყენება მოვახერხეთ. ეს იდეალურია. ვიცით, რასაც ვაკეთებთ, რადგან პროფესიონალები ვართ“, – ციირებს ესპანელ სპეციალისტს „Football Espana“.
მადრიდის “რეალის” ნახევარმცველი დენის ჩერიშევი რამდენიმე დღის წინათ მომხდარი შემთხვევის გამო დადარდიანებას არ აპირებს.
შეგახსენებთ, რომ ესპანეთის თასის მეთექვსმეტედფინალურ ეტაპზე “კადისის” წინააღმდეგ გამართულ პირველ მატჩში (3:1) “სამეფო კლუბმა” რუსი ნახევარმცველი ათამაშა, რომელსაც გასული წლის გათამაშებიდან დისკვალიფიკაცია ჰქონდა გადმოყოლილი. ჩერიშევმა სამი ყვითელი ბარათი 2014-15 წლების სეზონში მიიღო, როდესაც იჯარის წესით “ვილიარეალის” ღირსებას იცავდა. ამის გამო “კადისმა” დაიჩივლა, ქვეყნის ფეხბურთის ფედერაციამ კი სარჩელი დააკმაყოფილა და “რეალი” ტურნირიდან მოკვეთა.
ჩერიშევმა სოციალურ ქსელში ფრიდრიხ ნიცშეს ცნობილი ფრაზა გამოაქვეყნა.
“რაც არ მკლავს, მაძლიერებს”, – დაწერა “რეალის” რუსმა ფეხბურთელმა.
