მანამ, სანამ შობა დადგება მადრიდის “რეალის” საფეხბურთო და საკალათბურთო გუნდის წევრები შეიკრიბნენ ტრადიციულად წინასაშობაო ვახშამი გამართეს.
საღამოზე განვლილი 2017 წელი შეაჯამეს. საფეხბურთო გუნდმა წელს 5 ტიტულის მოპოვება მოახერხა და მსოფლიოში მართლაც საუკეთესო გუნდია, ხოლო კალათბურთელებმა სამეფო თასი თასი მოიპოეს და ევრო ბასკეტზე ერთ-ერთი საუკეთესოები იყვნენ.
დღეს მსოფლიოს საკლუბო ჩემპიონატის ფინალში მადრიდის “რეალი” ბრაზილიურ “გრემიოს” დაუპირისპირდება. შეხვედრა თბილისის დროით 21 საათზე დაიწყება.
გთავაზობთ გუნდების სასტარტო შემადგენლობებს:
“რეალი”: ნავასი, კარვახალი, რამოსი, ვარანი, მარსელო, კაზემირო, კროოსი, მოდრიჩი, ბენზემა, ისკო, რონალდუ.
“გრემიო”: მარსელო, ედილსონი, გერომელი, კანემანი, კორტეზი, სიქუეირა, მიჩელი, ფერნანდიონიო, ლუანი, რამირო, ბარიოსი.
როგორც მოგეხსენებათ, მადრიდის “რეალი” მსოფლიო საკლუბო ჩემპიონატში მიიღებს მონაწილეობას. დღეს კი ევროპული გუნდი აბუ დაბიში გაემგზავრა, სადაც “ალ ჯაზირასთან” გასამართი შეხვედრისათვის მოემზადება.
მატჩი 13 დეკემბერს თბილისის დროით 21 საათზე აიღებს სტარტს და პირდაპირ ტრანსილაციას საზოგადოებრივი მაუწყებლის მეორე არხი შემოგთავაზებთ.
როგორც მოგეხსენებათ, 13 დეკემბერს მადრიდის “რეალი” მსოფლიო საკლუბო ჩემპიონატში ჩაერთვება, ესპანური კლუბი “ალ ჯაზირას” დაუპირისპირდება.
დღეს მადრიდელებმა გეზი აბუ დაბისკენ აიღეს და მოახლოვებული 1/2 ფინალისთვის ადგილზე მოემზადებიან. ზიდანის გადაწყვეტილებით გუნდთან ერთად ჟესუს ვალიეხოც იქნება, მაგრამ ახალგაზრდა ესპანელი შეხვედრებში მონაწილეობას ვერ შეძლებს. ჯერჯერობით უცნობია ითამაშებენ თუ არა გარეთ ბეილი და რაფაელ ვარანი, ორივე მათგანს ტრავმა აწუხებთ.
“რეალის” 23 კაციანი განაცხადი:
მეკარეები: ნავასი, კასილია, მოჰა.
მცველები: კარვახალი, რამოსი, ვარანი, მარსელო, ნაჩო, ტეო, აკრაფი.
ნახევარმცველები: კროოსი, მოდრიჩი, კაზემირო, ასენსიო, ისკო, ვასკესი, ლორენტე, კოვაჩიჩი, სებალოსი.
თავდამსხმელები: კრიშტიანუ, ბენზემა, ბეილი, მაიორალი.
მადრიდის “რეალის” ლეგენდის ზინედინ ზიდანის შვილი, ტეო ზიდანი მადრიდელთა აკადემიაში ირიცხება და ერთ-ერთი გამორჩეული ფეხბურთელიცაა.
ტეოს ხშირად ადარებენ მამას, მისი შესანიშნავი მოძრაობებისა და გააზრებული თამაშის გამო. რამდენიმე დღის წინ კი, მან მადრიდელთა ახალგაზრდულ გუნდში საოცარი გოლი გაიტანა, რომელიც “რეალის” კვირის საუკეთესო გოლებს შორის არის ნომინირებული.
მას შემდეგ, რაც მადრიდის “რეალის” თავკაცს, ზინედინ ზიდანს ფიფას დაჯილდოებაზე საუკეთესოს წოდება მიენიჭა, მან ჟურნალისტებთან ისაუბრა.
ცნობილმა ესპანურმა გამოცემა MARCA-მ ფრანგ სპეციალისტს ინტერვიუ ჩამოართვა, რომელშიც ზიდანმა მადრიდელებზე ისაუბრა: “რამოსი გუნდის ნამდვილი ლიდერი და კაპიტანია, ამიტომაც ის “რეალისთვის” ყველაზე მნიშვნელოვანი ფეხბურთელია. ჩემი გუნდი მსოფლიოში საუკეთესოა, მაგრამ თითოეული კლუბის წევრს, ფეხბურთელისა თუ უბრალო მინდვრის მუშას, ერთი სურვილი აქვთ, რომ ისტორია დაწერონ”, – აცხადებს ზინედინ ზიდანი.
შეგახსნეებთ, რომ ფიფას დაჯილდოებაზე წლის საუკეთესო გუნდში ხუთი მადრიდელი მოხვდა: რამოსი, მოდრიჩი, მარსელო, კროოსი, რონალდო. ასევე ამ უკანასკნელს გადაეძა საუკთესოს ტიტულიც.
მადრიდის “რეალი” საკმაოდ ახლოსაა კიდევ ერთი ახალგაზრდა ტალანტის დამატებასთან.
ცნობილი ესპანური გამოცემა AS-ი ავრცელებს ინფორმაციას, რომ მადრიდელები ბრაზილიის ჩვიდმეტწლამდელთა ნაკრების ფეხბურთელით დაინტერესდნენ. საქმე 17 წლის ალანს ეხება. “რეალი” მზადაა ამ ახალგაზრდა ფეხბურთელში 50 მილიონი ევრო გადაიხადოს და 2018 წლის ზაფხულში ის კასტილიას შეუერთდეს.
როგორც იცით ამჟამად ინდოეთში ჩვიდმეტწლამდელთა მსოფლიო ჩემპიონატი მიმდინარეობს, სადაც არაერთი გასოცარი ფეხბურთელი გამოჩნდა. ამ ტურნირს უამრავი სკაუტი აკვირდება, რომლებიც თავიანთი გუნდისთვის სასურველ მოთამაშეებს ეძებენ.
მადრიდის “რეალის” სამმა ფეხბურთელმა – ასენსიომ, ნაჩომ და კაზემირომ გულშემატკივრებს ქუჩაში სიურპრიზი მოუწყვეს.
ფეხბურთელები მაღაზიის ვიტრინიდან “ესაუბრებოდნენ” გულშემატკივრებს. საქმე იმაში იყო, რომ ისინი სპეციალურად დამონტაჟებული ეკრანისა და დინამიკის საშუალებით ეკონტაქტებოდნენ ხალხს.
მადრიდის “რეალისა” და ესპანეთის ნაკრების ლეგენდამ ფერნანდო იერომ საინტერესო კომენტარი გააკეთა.
იერო ჟურნალისტებს მადრიდელთა ტალანტის შესახებ ესაუბრა.
“პირველად ისკოს თამაში რეგიონალურ ჩემპიონატში ვნახე, როდესაც ის 15 წლის იყო. მე გაგებული მქონდა, რომ “ვალენსიაში” ირიცხებოდა უდიდესი ნიჭის მქონე ფეხბურთელი. სწორედ მის სანახავად გავემართე რიოხაში. თამაშზე მისულს ერთი კითხვა მაწუხებდა – თუ სად იყო ის ტალანტი, რომელზეც საუბრობდნენ, 10 წუთის შემდეგ მე სტადიონი დავტოვე, რადგან ვნახე ყველაფერი, რაც საჭირო იყო. ისკოს სათამაშო პრაქტიკა სჭირდება, ასევე იმის შეგრძნება, რომ ის მნიშვნელოვანია,” – აცხადებს ფერნანდო იერო.
მადრიდის “რეალის” შემტევი გარეტ ბეილი დიდი ალბათობით უემბლიზე დაბრუნდება.
მადრიდელთა მედიკოსთა ჯგუფი ყველაფერს აკეთებს იმისათვის, რომ ბეილი, რაც შეიძლება მალე დაუბრუნდეს მინდორს. დღეს გავრცელებული ინფორმაციით კი, უელსელი მოედანს “ტოტენჰემთან” დაუბრუნდება.
როგორც იცით, გარეტ ბეილმა ტრავმა “დორტმუნდის ბორუსიასთან” გამართულ შეხვედრაში მიიღო და მას შემდეგ საკმაოდ მნიშვნელოვანი შეხვედრები გამოტოვა, როგორც საკლუბო ასევე სანაკრებო დონეზე.
“ლიონის” პრეზიდენტმა ჟან-მიშელ ოლამ საკმაოდ საინტერესო კომენტარი გააკეთა კარიმ ბენზემასა და მარიანო დიასზე.
მას შემდეგ, რაც მადრიდის “რეალის” აღზრდილი ფეხბურთელი “ლიონში” გადაბარგდა საკმაოდ კარგად გამოიყურება და ცხრა შეხედრაში შვიდი გოლი აქვს გატანილი.
რა თქმა უნდა, მარიანოს მსგავსი შედეგით ყველა აღფრთოვანებულია. ლიონის პრეზიდენტის განაცხადა: “მარიანო შესანიშნაი ფეხბურთელია, მე მინდა დიდი მადლობა გადავუხადო ბენზემას იმის გამო, რომ დიასის მსგავსი ფეხბურთელის დამატება გვირჩია.” -განაცხადა ჟან-მიშელ ოლამ.
მადრიდის “რეალის” დამრიგებლისათვის “ხეტაფესთან” გასამართი შეხვედრა საიუბილეო იქნება.
მას შემდეგ, რაც ზინედინ ზიდანმა ბენიტესი შეცვალა და “რეალი” ჩაიბარა ვერავინ წარმოიდგენდა, რომ 649 დღის შემდეგ ის მსოფლიოში ერთ-ერთი საუკეთესო და ტიტულოვანი მწვრთნელი გახდებოდა.
მისი თავკაცობის პერიოდში მადრიდელებმა შემდეგი ტიტულები მოიპოვეს: 2 ჩემპიონთა ლიგა, 2 უეფას სუპერ თასი, 1 ლა ლიგა, 1 მსოფლიო საკლუბო ჩემპიონატი, 1 ესპანეთის სუპერ თასი. ასევე უნდა აღინიშნოს, რომ ზიდანის მთავარი მწვრთნელობის განმავლობაში რეალს ზედიზედ 73 შეხვედრაში ჰქონდა გოლი გატანილი.
დღეს მადრიდის “რეალი” მართლაც საუცხოო ფეხბურთს გვთავაზობს, ფლორენტინო პერესის რისკმა, რომელიც მან ზინედინ ზიდანის მთავარი მწვრთნელის პოსტზე დანიშვნის დროს გასწია აშკარად გაამართლა.
