“მანჩესტერ იუნაიტედისა” და ინგლისის ეროვნული ნაკრების ყოფილმა მცველმა რიო ფერდინანდმა თქვა, რომ ფეხბურთში მსაჯის დამხმარე ვიდეოგამეორების სისტემა (VAR) უნდა გაუქმდეს.
“VAR ნაგვის ურნაში უნდა მოვისროლოთ. ჩვენ ის გამოვცადეთ და ის ნაგავია. უნდა მოვიშოროთ. ეს ფეხბურთს ანელებს და თამაშს ემოციებს უკარგავს”, – დაწერა რიო ფერდინანდმა საკუთარ მიკრობლოგზე.
შეგახსენებთ, რომ ვიდეოდამხმარე მსაჯს საშუალებას აძლევს, მატჩის მიმდინარეობისას ოთხი სახის სადავო მომენტი განმეორებით იხილოს და სწორი გადაწყვეტილება მიიღოს: გატანილი გოლის ეპიზოდში თამაშის წესის დარღვევა, პენალტის დანიშვნა, პირდაპირ წითელი ბარათის ჩვენება, თამაშის წესის დარღვევისას ფეხბურთელის იდენტიფიკაცია.
