მადრიდის “რეალის” ახალგაზრდა შემტევი, ხესე აცხადებს, რომ მისი თანაგუნდელი კრიშტიანო რონალდუ მსოფლიოს საუკეთესო ფეხბურთელია.
შეგახსენებთ, რომ 6 იანვარს, ესპანეთის პრიმერა დივიზიონში, მადრიდის “რეალმა” საკუთარ მოედანზე “სელტა” მიიღო და მეტოქე ანგარიშით 3:0 დაამარცხა. პორტუგალიელმა სუპერვარსკვლავმა კი, მატჩში დუბლის გაფორმება მოახერხა.
“ჩემთვის და ყველა ჩემი თანაგუნდელისთვის, კრიშტიანო მსოფლიოს საუკეთესო ფეხბურთელია. დარწმუნებული ვარ, ის ოქროს ბურთს მოიპოვებს”, – ამბობს ხესე.
მადრიდის “რეალის” ფეხბურთელის, კრიშტიანო რონალდუს აგენტის, ხორხე მენდესის თქმით, მის კლიენტს “ბარსელონაში” რომ ეთამაშა, წელიწადში 120 გოლს გაიტანდა.
“შესაძლოა, ხშირად ისეთ რამეს ვამბობ, რაც სხვას წყინს, მაგრამ უნდა ვთქვა: კრიშტიანოს “ბარსელონაში” რომ ეთამაშა, წელიწადში 120 გოლს გაიტანდა. მოიგებს თუ არა წელს ჩემი კლიენტი ოქროს ბურთს? ეს ნამდვილად არ ვიცი, თუმცა ერთი რამ აშკარაა: რონალდუ მსოფლიოს საუკეთესო მოთამაშეა და ის ოქროს ბურთს იმსახურებს”, – ამბობს აგენტი.
კატალონიის “ბარსელონას” ნახევარმცველი, ჩავი ერნანდესი აცხადებს, ფრანკ რიბერი და კრიშტიანო რონალდუ ოქროს ბურთს იმსახურებენ, თუმცა მსოფლიოს საუკეთესო ფეხბურთელი კრიშტიანო რონალდუა.
შეგახსენებთ, რომ წელს, ოქროს ბურთის მოპოვების მთავარ კანდიდატად პორტუგალიელი კრიშტიანო რონალდუ ითვლება.
“რა თქმა უნდა, რიბერი და რონალდუ ბრწყინვალე ფეხბურთელები არიან და ისინი ოქროს ბურთს იმსახურებენ, მაგრამ უდაოა, რომ მსოფლიოს საუკეთესო მოთამაშე ლიონელ მესია. ცხადია, ხმა ლიონელს მივეცი”, – ამბობს ჩავი.
კრიშტიანო რონალდუმ “ოქროს ბურთთან” დაკავშირებით საკუთარი შანსები შეაფასა.
“არ ვიცი მივიღებ თუ არა ჯილდოს წელს, მაგრამ უკვე მეექვსე წელია რაც ნომინატთა სამეულში ვხვდები. ალბათ ეს რაღაცას ნიშნავს. ეს ფაქტი შემთხვევითი ნამდვილად არ არის. ყველაფერი ჩემი შრომის და სტაბილურად მაღალ დონეზე თამაშის დამსახურებაა. ჩემი აზრით, ასეთი პრიზის გადაცემისას, პირველ რიგში ინდივიდუალური შედეგები უნდა იყოს განხილული. იმედი მაქვს, “ოქროს ბურთს” წელს მე ავიღებ. ამას ვიმსახურებ ისევე როგორც შარშან ან შარშანწინ” – განაცხადა რონალდუმ.
ტურინის “იუვენტუსის” ნახევარმცველი, კვადვო ასამოა აცხადებს, რომ 2013 წელს, ოქროს ბურთს მადრიდის “რეალის” პორტუგალიელი ფეხბურთელი, კრიშტიანო რონალდუ იმსახურებს.
შეგახსენებთ, რომ რონალდუმ 2013 წელს, “სამეფო კლუბის” მაისურით 69 გოლის გატანა მოახერხა და ოქროს ბურთის მოპოვების მთავარ კანდიდატადაც ის ითვლება.
“მე რომ მკითხოთ, ოქროს ბურთს რონალდუ იმსახურებს. მან ბრწყინვალე წელი ჩაატარა და ვფიქრობ, საუკეთესო ფეხბურთელის წოდებასაც იმსახურებს”, – ამბობს ასამოა.
მადრიდის “რეალის” ფეხბურთელი, ფაბიო კოენტრაუ აცხადებს, რომ ოქროს ბურთის ფრანკ რიბერისათვის მიცემა არ შეიძლება.
შეგახსენებთ, რომ წელს, ოქრო ბურთის მოგების მთავარ კანდიდატად კრიშტიანო რონალდუ ითვლება.
“რა თქმა უნდა, მესი ბრწყინვალე ფეხბურთელია, მაგრამ მას ძალიან დიდი დრო გაუცდა. რაც შეეხება რიბერის, ჩემი აზრით, მას ოქროს ბურთი არ უნდა მისცენ, რადგან მხოლოდ 22 გოლი გაიტანა. შესაბამისად, ოქროს ბურთს რონალდუ იმსახურებს”, – ამბობს კოენტრაო.
მადრიდის “რეალის” ბრაზილიელი ნახევარმცველი, კაზემირო აცხადებს, რომ ის თანაგუნდელი კრიშტიანო რონალდუსგან ბევრ რამეს სწავლობს.
შეგახსენებთ, რომ 21 წლის ფეხბურთელი “სამეფო კლუბის” კუთვნილება გასულ ზაფხულს გახდა, იქამდე კი, ის მადრიდელთა რიგებში იჯარით იმყოფებოდა.
“ამჟამად მხოლოდ ფეხბურთზე, ჩემს საქმეზე ვფიქრობ. მადრიდის “რეალში” მოხვედრაზე ბევრი ოცნებობს, მე აქ ვარ და რა თქმა უნდა, შანსი უნდა გამოვიყენო. რონალდუ? ის დიდებული ადამიანი და ფეხბურთელია. მისგან ბევრ რამეს ვსწავლობ”, – ამბობს კაზემირო.
“ნიუკასლის” ფრანგი ფეხბურთელის, ჰატემ ბენ არფას აზრით, მიუხედავად იმისა, რომ მადრიდის “რეალის” მამოძრავებელი ძალა კრიშტიანო რონალდუა, ოქროს ბურთს მიუნხენის “ბაიერნის” მოთამაშე, ფრანკ რიბერი იმსახურებს.
შეგახსენებთ, რომ 2013 წელს, ოქროს ბურთის მოგების მთავარ კანდიდატად პორტუგალიელი სუპერვარსკვლავი ითვლება.
“თუ რონალდუს სტატისტიკას გადავხედავთ, მივხვდებით, რომ ის მადრიდის “რეალის” მამოძრავებელი ძალაა. თუმცა, ჩემი ნება რომ იყოს, ოქროს ბურთს რიბერის გადავცემდი. მან “ბაიერნთან” ერთად ყველაფერი მოიგო და მსოფლიოს საუკეთესო ფეხბურთელის წოდებაც უნდა მიიღოს”, – ამბობს ბენ არფა.
ლეგენდარულმა ბრაზილიელმა ფორვარდმა, რონალდომ განაცხადა, რომ მისი აზრით მსოფლიოს საუკეთესო ფეხბურთელი ლიონელ მესია.
“მესიც და რონალდუც მსოფლიოში საუკეთესოები არიან. მაგრამ, როდესაც ასარჩევად გვაქვს საქმე, უპირატსობას მაინც მესის მივანიჭებდი. ის ტექნიკურად უფრო ძლიერია” – განაცხადა რონალდომ.
რუსული “ზენიტის” ბრაზილიელმა შემტევმა ჰალკმა “ოქროს ბურთის” თაობაზე საკუთარი აზრი გამოთქვა. ბრაზილიელი თვლის, რომ საუკეთესო “რეალის” ფორვარდი კრისტიანო რონალდუა.
შეგახსენებთ რომ “ოქროს ბურთის” მოსაპოვებლად რონალდუს მთავარი კონკურენტები რიბერი და მესი არიან.
“გასაგებია, რომ რიბერის, რომელმაც პრაქტიკულად ყველაფერი მოიგო, შესანიშნავი სეზონი ჰქონდა, მაგრამ საუკეთესო ჩემი აზრით რონალდუ იყო” – განუცხადა ჰალკმა პორტუგალიურ პრესას.
ფრანგული “მონაკოს” თავდამსხმელი, რადამელ ფალკაო აცხადებს, რომ მადრიდის “რეალის” ფეხბურთელი, კრიშტიანო რონალდუ ლიონელ მესიზე უკეთესი მოთამაშეა.
შეგახსენებთ, რომ მიმდინარე წელს ოქროს ბურთის მოპოვების ფავორიტად კრიშტიანო რონალდუ ითვლება.
“მესი და რონალდუ – მსოფლიოს ორი უძლიერესი ფეხბურთელი. თუმცა, ჩემი აზრით, მათ შორის საუკეთესო პორტუგალიელია. კრიშტიანო “, – აცხადებს კოლუმბიელი მოთამაშე.
მადრიდის “რეალის” პორტუგალიელი სუპერვარსკვლავი, კრიშტიანო რონალდუ აცხადებს, რომ მისი თანაგუნდელი გარეტ ბეილი ბრწყინვალე მოთამაშეა.
შეგახსენებთ, რომ უელსის ნაკრების წევრი “სამეფო კლუბში” გასულ ზაფხულს, ლონდონის “ტოტენჰემიდან” 100 მილიონი ევროს სანაცვლოდ გადავიდა.
“ბეილი ბრწყინვალე ფეხბურთელია. თავდაპირველად, მას ტრავმამ ხელი შეუშალა, მაგრამ შემდეგ, სიტუაცია კარგად განვითარდა. გარეტი ყველას აჩვენებს, რომ ის უმაღლესი დონის მოთამაშეა. ვფიქრობ, მასთან ერთად “რეალი” არაერთ ტიტულს მოიპოვებს”, – ამბობს რონალდუ.
