ჭდე: რუდი გარსია

„ტორინოსთან“ მატჩის ბოლოს „რომამ“ გოლი გაუშვა და მოგება ხელიდან გაუშვა. შეხვედრა ფრედ, 1:1 დასრულდა. აღნიშნული დაპირისპირება „ჯალოროსის“ მთავარმა მწვრთნელმა რუდი გარსიამ მოკლედ შეაფასა.

„სირთულეები არ გვქონდა. შესნის სეივის ეპიზოდის გარდა „ტორინის“ სხვა მომენტი არც შეუქმნია.

ამჟამად რთულ სიტუაციაში ვართ. დასვენება გვჭირდება, რათა ჩემპიონთა ლიგის მოახლოებულ მატჩში შესაძლებლობების მაქსიმუმი ვაჩვენოთ“, – აღნიშნა გარსიამ.

„რომას“ მთავარი მწვრთნელი რუდი გარსია, შესაძლოა, უახლოეს დროში უმუშევარი დარჩეს, რასაც „Corriere dello Sport“-ი ვარაუდობს.

წყაროს ინფორმაციით, კლუბის ხელმძღვანელობა გუნდის ბოლო შედეგებით უკმაყოფილოა. ეს ლოგიკურია, რამეთუ „რომა“ ჩემპიონთა ლიგაზე ჯერ „ბარსელონასთან“ ანგარიშით 1:6 განადგურდა, შემდეგ კი სახლში სერია ა-ს ბოლო ტურის მატჩში „ატალანტასთან“ 0:2 დამარცხდა.

გამორიცხული არ არის, ფრანგი სპეციალისტის ბედი ბელორუსის „ბატესთან“ ჩემპიონთა ლიგის ჯგუფური ეტაპის ბოლო ტურის მატჩმა გადაწყვიტოს, რომელიც 9 დეკემბერს გაიმართება. ტურნირის პლეიოფში მოსახვედრად „ჯალოროსიმ“ ხსენებული შეხვედრა აუცილებლად უნდა მოიგოს. „რომას“ პრეზიდენტი ჯეიმს პალოტა აღნიშნულ შეხვედრას თავად დაესწრება.

აქამდე გარსიას შესაძლო შემცვლელებად იტალიური პრესა ვალტერ, მაცარის, კარლო ანჩელოტის, ლუჩანო სპალეტისა და ჩეზარე პრანდელის მოიაზრებდა.

იტალიის სერია A-ში ზედიზედ მეოთხედ ნათამაშები ფრეს შემდეგ, “რომას” თავკაცი რუდი გარსია აღშფოთებას ვერ მალავდა და საკუარ გუნდს ღიად აკრიტიკებდა.

“რეზულტატის გარდა, ჩვენი თამაშიც ცუდი იყო, ამიტომაც “კიევოსთან” შეხვედრა ფრედ დასრულებული წინა მატჩებისგან სრულიად განსხვავებული იყო. შეიძლებოდა, დაუსრულებლად გვერბინა, მაგრამ ასეთი მოქმედებებით გოლს მაინც ვერ გავიტანდით. ეს საშინელი თამაში იყო. ბოლო დროს, სულ უფრო სიანტერესო ფეხბურთს ვაჩვენებდით, მაგრამ დღეს, ჩემი ფეხბურთელების თვალებში ვერც გამარჯვების სურვილი, ვერც მიზანსწრაფულობა და საერთოდ ვერაფერი დავინახე, განსაკუთრებით, პირველ ტაიმში. ჩემ გუნდს ვერ ვცნობდი. ერთადერთი პოზიტიური მომენტი ის იყო, რომ გასვლით მატჩში ქულა ავიღეთ,”-აღნიშნა გარსიამ.