ჭდე: San Siro

მალე “სან სიროზე” საქორწილო წვეულებებიც გაიმართება

Posted on by იაკობ კაპანაძე

უახლოეს მომავალში ნეფე-პატარძალს შესაძლებლობა ექნება, თავიანთი გრანდიოზული ქორწილი “სან სიროზე” გადაიხადონ. დამქირავებლებმა ქორწილის გადახდის ორ პაკეტს შორის უნდა გააკეთოს არჩევანი – ან “მილანის” ჩარჩოებში ან “ინტერის”.

როგორც იცით, საფეხბურთო სტადიონების საქორწილოდ გაქირავება უკვე მიღებული პრაქტიკაა დიდ ბრიტანეთსა და ამერიკის შეერთებულ შტატებში, მაგრამ იტალიური ფეხბურთისთვის ეს ყოველივე სიახლეს წარმოადგენს.

ასე რომ, 2018 წლის სექტემბრიდან “სან სირო” ახალდაქორწინებულებს ელის. წვეულებაში სტუმართა რაოდენობა შეზღუდულია და გააჩნია პაკეტს – 80 სტუმარი, 400 სტუმარი ან 1 000 და მეტი.

რამდენად სამწუხაროც არ უნდა იყოს, იტალიელი წყვილები ჯვარს სტადიონზე ვერ დაიწერენ, რადგანაც ამას იტალიური მთავრობა კრძალავს.

კახა კალაძე ჩემპიონთა ლიგის ფინალს დაესწრება

Posted on by -

საქართველოს ნაკრების ყოფილი კაპიტანი, კახა კალაძე ჩემპიონთა ლიგის ფინალს დაესწრება. ამ ინფორმაციას “მილანის” ოფიციალური არხი ავრცელებს.

ევროპის ყველაზე პრესტიჟული საკლუბო ტურნირის ფინალში ერთმანეთს “ატლეტიკო” და “რეალი” დაუპირისპირდებიან. შეხვედრა კალაძის ყოფილი კლუბის, “მილანის” საშინაო სტადიონზე, “სან სიროზე” 28 მაისს გაიმართება.

შეგახსენებთ, რომ კახა ჩემპიონთა ლიგის ორგზის გამარჯვებულია.

უეფა “ჯუზეპე მეაცას” მინდვრით უკმაყოფილოა

Posted on by ბექა დოგრაშვილი

უეფას მატჩების ორგანიზების ხელმძღვანელმა კიტ დალტონმა განაცხადა, რომ “ჯუზეპე მეაცას” მინდვრის საფარი იდეალურ მდგომარეობაში არ არის. შეგახსენებთ, რომ ამ სტადიონზე ჩემპიონთა ლიგის მიმდინარე გათამაშების ფინალური მატჩი შედგება.

“თუ გვინდა, რომ მინდვრის საფარი ფინალურ შეხვედრას სრულ მზადყოფნაში შეხვდეს, მრავალი პრობლემა უნდა მოვაგვაროთ.

მინდვრის მოვლის სამსახურის ხელმძღვანელი ახალგაზრდა პიროვნებაა, თუმცა იგი ერთადერთი ადამიანია ოპერაციათა გუნდში, ვისაც ამ საქმისთვის საჭირო ტექნიკური უნარები გააჩნია. გუნდის წევრებს მხოლოდ მისი დირექტივების შესრულება შეუძლიათ.

მიუხედავად პრობლემებისა, მოედანი ფინალური მატჩისთვის მზად იქნება. ქომაგებს სანერვიულო არაფერი აქვთ. გვინდა, რომ ყველაფერი უმაღლეს დონეზე იყოს, ვინაიდან საუბარია ჩემპიონთა ლიგის ფინალზე. დარწმუნებული ვარ, რომ დასკვნითი შეხვედრისთვის ყველაფერი მზად იქნება”, – ციტირებს დალტონის სიტყვებს “მარკა”.

შეგახსენებთ, რომ ჩემპიონთა ლიგის ფინალურ მატჩში “რეალი” და “ატლეტიკო” დაუპირისპირდებიან ერთმანეთს. შეხვედრა 28 მაისს, მილანის “ჯუზეპე მეაცაზე” გაიმართება და თბილისის დროით 22:45 საათზე დაიწყება.

„მილანმა“ ახალი სტადიონის პროექტის სურათები და ვიდეო წარადგინა

Posted on by Alix

„მილანის“ ოფიციალურმა საიტმა კლუბის მომავალი სტადიონის პროექტის სურათები და ვიდეო წარადგინა. როგორც ცნობილია, ათი მარტისთვის საბოლოოდ გაირკვევა ადგილი, რომელზეც აღნიშნული პროექტის შენება დაიწყება. ადგილი ყველა ეკოლოგიურ ნორმებს უნდა აკმაყოფილებდეს.

1

სტადიონის სახურავი აზიურ სტილში აშენდება. გარდა ამისა, არენას სპეციალური ხმის იზოლაციური ტექნოლოგია ექნება, რომლის დახმარებითაც, ადგილობრივ მცხოვრებლებს ხმაური არ შეაწუხებს. მშენებლობა მილანურ კლუბს 300-320 მილიონი ევრო დაუჯდება, რაც მუშებისთვის ათას სამუშაო ადგილსა და ტექნიკაზე მომუშავე პირებისთვის ხუთას სამუშაო ადგილს ნიშნავს. ხარჯებს პროექტისთვის კლუბის სპონსორები გამოყოფენ.

2

ავამდროულად, „მილანი“ ჯერ კომპანია „Fondazione Fiera“-ს უნდა შეუთანხმდეს, რომელსაც რაიონ პორტელოში მიწა ეკუთვნის და რომელზეც სტადიონის აშენება იგეგმება. აღნიშნულ საკითხში კლუბს, შესაძლოა, სამი კომპანია „Cile“, “Arcotecnica“ და „Pfk“ დაეხმაროს, რომელიც სანაცვლოდ კლუბის გარშემო ქსელების აშენებას ისურვებს. კომპანია „Prelios“-ს სასტუმროებისა და მაღაზიების აშენება სურს, ხოლო „Vitali“ რესტორნების გახსნაზე ფიქრობს.

“სან სიროს” მილანური კლუბები გამოისყიდიან

Posted on by გიორგი

გუშინ საღამოს ”Villa Belvedere”-ში გაიმართა შეხვედრა ”ინტერის” პრეზიდენტს ერიკ ტოჰირსა და ”მილანის” ვიცე პრეზიდენტს ბარბარა ბერლუსკონის შორის, სადაც მთავარი თემა ”სან-სიროს” რეკონსტუქცია გახლდათ 2016 წლის ჩემპიონთა ლიგის ფინალისთვის. იტალიური პრესის ცნობით ფინალისათვის “სან-სიროს” რეკონსტრუქციის თანხებს ორივე კლუბი თანაბრად დაფარავს. მოგვიანებით კი ორი მილანური გრანდი ”სან-სიროს” გამოსყიდვას გეგმავენ.

“ეს იყო ძალიან პოზიტიური და კონსტრუქციული შეხვედრა. ვფიქრობ, “სან სიროს” წარმატებისთვის, იდეები ერთმანეთს მუდმივად უნდა გავუზიაროთ”–განაცხადა ბარბარა ბერლუსკონიმ

სად ჩატარდება ჩემპიონთა ლიგის 2015/16 წლების სეზონის ფინალი

Posted on by ბექა დოგრაშვილი

“ლა გაძეტა დელო სპორტის” ცნობით, უეფას ჩემპიონთა ლიგის 2015/16 წლების გათამაშების ფინალურ მატჩს “მილანისა” და “ინტერის” სტადიონი “სან სირო” უმასპინძლებს.

აღნიშნულ არენაზე 80 ათასი მაყურებელი ეტევა. ეს მეოთხე შემთხვევა იქნება, როცა ჩემპიონთა ლიგის ფინალურ შეხვედრას “სან სირო” მიიღებს. ამ სტადიონზე ჩემპიონთა ლიგის ფინალური მატჩები 1965, 1970 და 2001 წლებში ჩატარებულა. საერთო ჯამში, იტალიისთვის ეს რიგით მეცხრე ფინალი იქნება.

შეგახსენებთ, რომ ჩემპიონთა ლიგის მიმდინარე გათამაშების ფინალურ შეხვედრას ბერლინის “ოლიმპიაშტადიონი” უმასპინძლებს.

 

„მილანი“ ახალ სტადიონზე ითამაშებს

Posted on by Alix

„მილანის“ ხელმძღვანელობა 2017 წლისთვის ახალ სტადიონზე გადასვლას გეგმავს.

იტალიური პრესის ინფორმაციით, გამორიცხული არ არის, ახალი არენის მშენებლობა „შავ-წითლებმა“ 2015 წელს დაიწყონ.

აღსანიშნავია, რომ ბოლო წლებში, როგორც „მილანის“, ასევე „ინტერის“ „სან-სიროდან“ შესაძლო გადასვლის შესახებ მედიასაშუალებები აქტიურად საუბრობენ, თუმცა აქამდე ოფიციალური კომენტარი ჟურნალისტებისათვის არცერთ მხარეს არ მიუცია.

შეგახსენებთ, რომ „სან-სირო“ წლების განმავლობაში „როსონერისა“ და „ნერაძურის“ საშინაო არენად ითვლება.

ალექსანდრე მატევოსოვი

გადავა „ინტერი“ ჩინელების ხელში?

Posted on by ბექა დოგრაშვილი

მილანის „ინტერის“ პრეზიდენტი მასიმო მორატი კლუბის საკონტროლო პაკეტის გაყიდვაზე ფიქრობს.

იტალიური პრესის ცნობით, მორატი  „ინტერისთვის“ ახალი სტადიონის აშენებით არის დაინტერესებული, თუმცა იტალიელ ნავთობმაგნატს დიდი თანხის ინვესტირება არ სურს. ამით ისარგებლეს ჩინელმა ბიზნესმენებმა და კლუბის აქციათა საკონტროლო პაკეტის შეძენა მოისურვეს.

სხვა სიტყვებით რომ ვთქვათ, არ არის გამორიცხული, უახლოეს პერიოდში იტალიური ფეხბურთის ერთ-ერთი გრანდი ჩინელების ხელში გადავიდეს.

ბექა დოგრაშვილი