47 წლის იტალიელი ოფიციანტი სერჯიო ვულკანო “ნაპოლის” მთავარ მწვრთნელ რაფაელ ბენიტესთან ფიზიკური მსგავსების გამო ნამდვილ ვარსკვლავად იქცა.
ვულკანო ნეაპოლში მდებარე მექსიკურ რესტორანში ოფიციანტად მუშაობს. მას გაზეთ “ლა რეპუბლიკას” ჟურნალისტი ეწვია და ბენიტესთან მსგავსების შესახებ ესაუბრა.
“ვიცი, რომ ბენიტესს ვგავარ, თუმცა მას შემდეგ, რაც ესპანელი მწვრთნელი “ნაპოლის” თავკაცის პოსტზე დაინიშნა, სულ უფრო და უფრო ხშირად მთხოვენ ავტოგრაფებს.
ერთხელ ჩემთან ერთი კაცი მოვიდა და მკითხა, ვიყავი თუ არა ბენიტესი. ის რამდნემე დღის განმავლობაში მაკვირდებოდა, ბოლოს ვეღარ მოითმინა და სწორედ ამ შეკითხვით მომმართა. ერთ დილას კი პოლიციელი მომესალმა ავტომანქანიდან: “ჩაო, მისტერ!” – აღნიშნა რაფა ბენიტესის ორეულმა.
მსგავსება თქვენც შეგიძლიათ შენიშნოთ.
