მადრიდის “რეალის” ფეხბურთელები კარდიფში პარასკევს ჩაფრინდნენ, სადაც სერხიო რამოსი ახალი ვარცხნილობით დააფიქსირეს.
კვირის დასაწყისში, მადრიდელთა ესპანელი კაპიტანი დარწმუნებული არ იყო, შეიცვლიდა თუ არა ვარცხნილობას ამ დღისთვის:”არ ვიცი, შევიცვლი თუ არა ვარცხნილობას ფინალისთვის, შესაძლოა ისეთი ვარცხნილობა დავიყენო, რომელსაც იღბლიანად ვთვლი.
შანსი იმისა, რომ მას შევიცვლი 80 პროცენტია, ხოლო 20 პროცენტი იმის, რომ იგივე სტილს დავიტოვებ,” – აცხადებდა რამოსი.
ჩემპიონთა ლიგის ფინალის წინ, რომელიც შაბათს კარდიფში “იუვენტუსსა” და “რეალს” შორის გაიმართება, “ბებერი ქალბატონის” თავდამსხმელმა, გონასლო იგუაინმა კომენტარი გაკეთა.
“იმედი მაქვს, რამოსი 90-ე წუთზე არ გაგვიტანს. მისადმი და მისი ოჯახისადმი ძალიან დიდი პატივისცემა მაქვს. სერხიო და მე ხშირად ვეკონტაქტებით ერთმანეთს.”
“ფეხბურთი ზოგჯერ ასეთ სიტუაციაში გაყენებს: ფინალში ჩემს ყოფილ გუნდს უნდა შევუტიო. დარწმუნებული ვარ, ეს მატჩი ყველამხრივ გამორჩეული იქნება,” – აცხადებს “პიპიტა”.
მადრიდის “რეალის” ერთ-ერთმა ლიდერმა, სერხიო რამოსმა დრო გამონახა და პრესასთან მადრიდელთა წარმატებაზე ისაუბრა, რომლებმაც ბოლო ხუთ წელიწადში პირველად მოიგეს ესპანეთის ჩემპიონატი.
“დიდებული რამ არის, ეს ჯილდოა იმ ყველაფრისთვის, რაც მთელი სეზონის განმავლობაში გავაკეთეთ, იმ მსხვერპლისთვის, რომელიც თითოეულმა ჩვენგანმა გაიღო.
ამ წარმატებაში მთავარი როლი ალბათ სტაბილურობამ და ჩვენმა მენტალიტეტმა ითამაშა, თითოეულ მატჩს ისე ვუყურებდით, როგორც ფინალს. კონცენტრაციას არასდროს ვკარგავდით.
ლა ლიგა მსოფლიოს საუკეთესო ჩემპიონატია, “ბარსელონა” ბოლომდე გვიწევდა წინააღმდეგობას მსგავსად “სევილიასა” და “ატლეტიკოსი”, მაგრამ ჩვენ საუკეთესოები აღვმოჩნდით.
ყველაფერს თავისი დრო აქვს, ჩვენ ეს დავიმსახურეთ. ახლა კი ისღა დაგვრჩენია, გავერთოთ და გამარჯვება სიბელესზე ავღნიშნოთ,” – აცხადებს მადრიდელთა ესპანელი კაპიტანი.
მადრიდის “რეალის” ესპანელი კაპიტანი, სერხიო რამოსი დარწმუნებულია საკუთარი გუნდის ძალებში და თვლის, რომ “რეალს” ლა ლიგისა და ჩემპიონთა ლიგის მოგების საკმაოდ კარგი შანსები აქვს.
“დღეს “რეალს” ერთ-ერთი ყველაზე სრულყოფილი გუნდი ჰყავს. წლების მანძილზე საუკეთესო ფეხბურთელებით ვიყავით დაკომპლექტებული, წელსაც ასეა.
ჩვენ მხოლოდ 11 ფეხბურთელი არ ვართ, ჩვენ 24, 25 ვართ. გუნდის თითოეული წევრი უმნიშვნელოვანეს როლს თამაშობს “რეალში”.
ზეწოლას ნამდვილად არ ვგრძნობთ, ყველაფერი ჩვენს ხელშია – შეგვიძლია ორივე ტიტული მოვიგოთ,” – აცხადებს მადრიდელთა ესპანელი მცველი.
მადრიდის “რეალის” ესპანელმა მცველმა, სერხიო რამოსმა 29 აპრილს საკმაოდ მნიშვნელოვან მატჩში მიიღო მონაწილეობა – ეს მისთვის რიგით მე-400 შეხვედრა იყო ესპანურ ლა ლიგაში.
როგორც იცით, სერხიო რამოსმა “რეალსა” და “ვალენსიას” შორის გამართული მატჩი სასტარტო შემადგენლობიდან დაიწყო და საკმაოდ კარგადაც ჩაატარა.
შედეგად, რამოსი რიგით მეშვიდე ანდალუსიელი ფეხბურთელი გახდა, რომელმაც მსგავსი შედეგის დაფიქსირება შეძლო.
ლა ლიგაში ყველაზე მეტი მატჩი ანდალუსიელებთა შორის ფერნანდო იეროს აქვს ჩატარებული – 497 კეპი.
მადრიდის “რეალსა” და “ბარსელონას” შორის დასრულებული შეხვედრის 78-ე წუთზე მატჩის მთავარმა არბიტრმა მოედანი მადრიდელთა კაპიტანს, სერხიო რამოსს დაატოვებინა.
მომენტი, რომელმაც მატჩის საბოლოო შედეგზე საკმაოდ დიდი გავლენა იქონია, ანდუხარ ოლივერმა შეაფასა: “ძალიან უხეში ვარდნა იყო, რამოსი ორივე ფეხით წავიდა, რაც დასჯადია. ეჭვი არ მეპარება, რომ მან წითელი ბარათი დაიმსახურა,” – აცხადებს გამოცდილი მსაჯი.
მადრიდის “რეალის” დაცვის ბურჯი, თილისმა, კაპიტანი და ლიდერი, სერხიო რამოსი შესაძლოა, მადრიდში იმაზე მეტ ხანს დარჩეს, ვიდრე ამას ამჟამინდელი კონტრაქტი ითვალისწინებს.
რამოსს “ბლანკოსთან” ხელშეკრულება 2020 წლის ზაფხულამდე აკავშირებს. ირკვევა, რომ ხელმძღვანელობამ კაპიტანს კონტრაქტის გახანგრძილვების თაობაზე ოფიციალური შეთავაზება გაუკეთა. პერესს სურს, სერხიო 2021 წლის ივნისამდე დარჩეს კლუბში. ჯერ 31 წლის ფეხბურთელს ამ წინადადებაზე პასუხი არ გაუცია. თუმცა, თანხმობას წინ, დიდი ლაბათობით, ვერაფერი აღუდგება.
“პარი სენ-ჟერმენის” იტალიელმა ნახევარმცველმა, მარკო ვერატიმ ტიაგო სილვა ჯორჯო კიელინისა და ლეონარდო ბონუჩის შეადარა.
“ის შესანიშნავი ფეხბურთელია. მას მსოფლიოს ორ საუკეთესო მცველს შორის, სერხიო რამოსთან ერთად დავაყენებდი. შესაძლოა, მათ ჯორჯო კიელინი და ლეონარდო ბონუჩიც დავუმატოთ, მაგრამ ამ ორ მცველს ერთმანეთი სჭირდებათ, ტიაგო სილვა კი მარტოც ძალიან ძლიერია”, – ციტირებს ვერატის სიტყვებს Goal.Com.
ჩემპიონთა ლიგის 1/4-ფინალური ეტაპის მატჩში “ბაიერნის” დამარცხების (1-2) შემდეგ, მადრიდის “რეალის” კაპიტანმა, სერხიო რამოსმა პრესასთან ისაუბრა.
“ვულოცავ გუნდის თითოეულ ფეხბურთელსა და გულშემატკივარს ამ დიდ გამარჯვებას, მაგრამ ჯერ არაფერი დასრულებულა, ყველაფერი წინ არის.
გოლი რომელიც არ ჩამითვალეს, ძალიან მინდოდა თავი გამომეჩინა, მაგრამ შედეგი ყველაზე მნიშვნელოვანია. ამ წყვილში ყველაფერი შეიძლება მოხდეს.
გუნდის კარგი მუშაობა აუცილებლად დასაფასებელია. პირველ ნახევარში გაგვიჭირდა, მაგრამ მაინც იყო მომენტები, როდესაც ჩვენ ვდომინირებდით. რა თქმა უნდა, მეტი გვინდოდა, რადგანაც ეს დავიმსახურეთ,” – აცხადებს ესპანელი ფეხბურთელი.
მადრიდის “რეალის” მთავარი მწვრთნელი, ზინედინ ზიდანი ადასტურებს ინფორმაციას, რომლის მიხედვითაც, სერხიო რამოსი კვირას, “ალავესთან” გასამართ მატჩს გამოტოვებს.
შეგახსენებთ, რომ მადრიდელთა ესპანელ მცველს ბოლო დროს საკმაოდ გადატვირთული გრაფიკი ჰქონდა. ამ უკანასკნელმა სანაკრებო ბატალიების დროს, ესპანეთის ნაკრების ორ მატჩში ითამაშა. აპრილში კი “რეალს” 9 ურთულესი მატჩი ელის.
ასე რომ, სულაც არ არის გასაკვირი, რომ “ბლანკოსის” ფრანგმა თავკაცმა რამოსს დასვენების უფლება მისცა.
აქვე გეტყვით იმასაც, რომ სერხიო რამოსის მსგავსად, ლა ლიგის 29-ე ტურში “ბარსელონას” ესპანელი მცველიც, ჟერარდ პიკეც დაისვენებს.
მადრიდის “რეალის” ესპანელმა ფეხბურთელმა, სერხიო რამოსმა პრესასთან თავის თანაგუნდელზე, ისკოზე ისაუბრა და მას მადრიდში დარჩენისკენ მოუწოდა.
შეგახსენებთ, რომ ისკოს ბოლო დროს საკმაოდ აქტიურად უკავშირებენ კატალონიურ “ბარსელონას” და დიდია იმის შანსი, რომ ამ უკანასკნელმა “სანტიაგო ბერნაბეუ” მიმდინარე სეზონის დასრულებისთანავე დატოვოს.
“იმედი გვაქვს, რომ ისკო ჩვენთან დარჩება. სხვაგან წასვლას ჯობს, “რეალში” დარჩეს. ასე აჯობებს. მჯერა, რომ აქ მას ყველაფერი გამოუვა და ბედნიერებასაც იპოვის.
ისკო ბალანსსა და ბედნიერებას ეძებს. ის გადაწყვეტილებებს ცხელ გულზე არასოდეს იღებს,” – აცხადებს მადრიდელთა კაპიტანი.
მადრიდის “რეალის” კაპიტანი, სერხიო რამოსი მიმდინარე სეზონში საოცრებებს ახდენს. მან 28 ატარებულ შეხვედრაში ათი გოლის გატანა მოახერხა.
ესპანელი მცველი გუნდის საუკეთესო ბომბარდირებში მეოთხე ადგილზეა. მას მხოლოდ კრიშტიანუ რონალდუ, კარიმ ბენზემა და ალვარო მორატა უსწრებენ.
საგულისხმოა, რომ ესპანელი მცველის გოლებმა დიდი რაოდენობის ქულა მოუტანა “რეალს”. რომ არა რამოსის შედეგიანი თავური დარტყმები, ახლა “ბლანკოსი” “ლა ლიგაში” არ ილიდერებდა.
As.Com-ი ქვეყნებს საინტერესო ინფორმაციას, რომლის მიხედვითაც სერხიოს გოლების გარეშე “რეალი” მესამე ადგილზე იქნებოდა.
