ჭდე: ესპანეთი

ახლახან დასრულდა ევრო 2016-ის მერვედფინალური მატჩი იტალიისა და ესპანეთის ეროვნულ ნაკრებებს შორის. ეს გუნდები ერთმანეთს ევრო 2012 წლის ფინალშიც შეხვდნენ, სადაც ისინი “ფურია როხამ” გაანადგურა.

წაგებული ფინალის შემდეგ “სკუადრა აძურა” მოედანზე საბრძოლო განწყობით გამოვიდა, როგორც მათ სჩვევიათ. ასევე საბრძოლო განწყობა სუფევდა ესპანელთა ბანაკშიც, თუმცა დელ ბოსკეს გუნდმა ვერ გააკეთა ის, რასაც ესპანელები აკეთებენ.

ანგარიში 33-ე წუთზე ჯორჯო კიელინიმ გახსნა, მაშინ როცა დე ხეამ მესამე დიდებული სეივი განახორციელა, თუმცა დე ხეას შემდეგ ბურთი სწორედ “იუვეს” ერთ-ერთ ლიდერს, კიელინის მიუვიდა, რომელმაც გოლის გატანა მოახერხა.

ამის შემდეგ ესპანელები უფრო აქტიურად უტევდნენ, თუმცა ბოლო მომენტში მათ რაღაც აკლდათ. რაც შეეხება მეორე გოლს, ის გრაციანო პელემ გაიტანა კონტრ-იერიშის შედეგად, მატჩის ბოლო წუთებზე.

ევრო-2016
მერვედფინალი
იტალია — ესპანეთი 2:0 (1:0)

იტალია: ბუფონი; დე შელიო, კიელინი, ფლორენცი (დარმიანი 84′), პელე, ბარძალი, დე როსი (ტ. მოტა 54), ედერი (ინსინიე 84′), პაროლო, ბონუჩი, ჯაკერინი.

მთავარი მწვრთნელი: ანტონიო კონტე.

ესპანეთი: დე ხეა; რამოსი , პიკე, ბუსკეტსი, ინიესტამ, მორატა (ლუკასი 70′), ფაბრეგასი, ხუანფრანი, ალბა, სილვა, ნოლიტო (ადურისი 46′) .

მთავარი მწვრთნელი: ვისენტე დელ ბოსკე

გოლები: კიელინი 33′ გრაციანო პელე 90+1
გაფრთხილებები: დე შილიო 24′ პელე 54′ ტიაგო მოტა 89′ — ნოლიტო 41′ ბუსკეტსი 89′
მთავარი მსაჯი: ჩაკირი (თურქეთი).

ახლახან დასრულდა D ჯგუფის მესამე ტურის მატჩი ხორვატიისა და ესპანეთის ეროვნულ ნაკრებებს შორის, რომელიც ყველასათვის მოულოდნელად, ხორვატთა გამარჯვებით დასრულდა.

საბოლოო ჯამში D ჯგუფში არსებული სიტუაცია ასე გამოიყურება: პირველ ადგილზე ხორვატიის ეროვნული ნაკრები იმყოფება 7 ქულით, მეორეზე – ესპანეთი, 6 ქულით, მესამეზე – თურქეთი (3 ქულა), ხოლო მეოთხეზე – ჩეხეთი (1 ქულა).

ესპანელები მეოთხედფინალური ეტაპის საგზურის მოსაპოვებლად იტალიელებს დაუპირისპირდებიან. შეგახსენებთ, რომ ეს გუნდები გასულ ევროპის ჩემპიონატზეც შეხვდნენ ერთმანეთს, ფინალში. გამარჯვება მაშინ ესპანელებს დარჩათ (4-0).