როგორც იქნა, რუსული “სპარტაკის” ქართველი ნახევარმცველის, ჯანო ანანიძეს რეაბილიტაციის პროცესი დასასრულს მიუახლოვდა.
შეგახსენებთ, რომ 23 წლის ფეხბურთელმა, რომელსაც მარცხენა ტერფის ტრავმა ჰქონდა, ოპერაცია ნოემბერში გაიკეთა.
ესპანეთში, შეკრებაზე მყოფმა ჯანო ანანიძემ გამარტივებული მეთოდით ივარჯიშა.
“მოსკოველთა” სამედიცინო დეპარტამენტის მეთაურმა, მიხაელ ვარტაპეტოვამ განაცხადა, რომ ქართველის რეაბილიტაციის პროცესი დაგეგმილზე უკეთ მიმდინარეობს, თუმცაღა ის ჯერ მოედანზე გასასვლელად მზად არ არის.
როგორც რუსული „სპორტ-ექსპრესი“ იტყობინება, დღეს მოსკოვის „სპარტაკის“ დირექტორთა საბჭო შეიკრიბა და გუნდის მთავარი მწვრთნელის პოსტზე დიმიტრი ალენიჩევის დარჩენა-არ დარჩენის საკითხი განიხილა. საბოლოოდ, გადაწყდა, რომ ალენიჩევი თავის პოსტს, მინიმუმ, სეზონის ბოლომდე შეინარჩუნებს.
აქამდე „სპარტაკის“ თავკაცს ულტიმატუმი წაუყენეს – იმისთვის, რომ ის კლუბში დარჩენილიყო, გუნდს ზამთრის პაუზამდე დარჩენილი სამი შეხვედრიდან ყველა უნდა მოეგო. შედეგად, ამ მატჩებში „სპარტაკმა“ მხოლოდ 6 ქულა დააგროვა. მიუხედავად ამისა, როგორც ჩანს, ალენიჩევი „სპარტაკში“ მაინც დარჩება.
შეგახსენებთ, რომ ჯანო ანანიძემ თავისი კლუბის მაისურით მიმდინარე სეზონში მხოლოდ სამი მატჩი ჩაატარა. ბოლოს მან 29 აგვისტოს „ანჟისთან“ შინ ანაგრიშით 1:2 წაგებულ შეხვედრაში ითამაშა. ჯანომ ტრავმა ნაკრების რიგებში მიიღო, ცოტა ხნის წინ კი მას ოპერაციაც ჩაუტარდა.
რუსეთის პრემიერლიგის 18 ტურის შემდეგ „წითელ-თეთრები“ 30 ქულით მე-4 ადგილს იკავებენ. „სპარტაკი“ რუსეთის ჩემპიონატს 2016 წლის პირველ მარტს ცსკა-სთან პრინციპული მატჩით განაახლებს.
30 ნოემბერს, რუსეთის პრემიერ ლიგაში ყაზანის “რუბინმა” საკუთარ მოედანზე მოსკოვის “სპარტაკი” მიიღო და ფრედ 2:2 ითამაშა.
მასპინძელთა ძირითად შემადგენლობაში იყო სოლომონ კვირკველია, რომელმაც 94-ე წუთზე ანგარიში გაათანაბრა და თავისი გუნდი წაგებისგან გადაარჩინა.
როგორც აქამდე მოგახსენეთ, ათ ნოემბერს მოსკოვის „სპარტაკისა“ და საქართველოს ნაკრების ნახევარმცველს ჯანო ანანიძეს ფინეთში კოჭ-წვივის სახსრის ოპერაცია ჩაუტარდა. გუშინ ანანიძე ქალაქ ტურკუდან მოსკოვში დაბრუნდა და „სპარტაკის“ ბაზაზე მომზადება გააგრძელა. ამჟამად ჯანო კლუბის სამედიცინო შტაბის მეთვალყურეობის ქვეშ იმყოფება.
„ჯანოს ოპერაცია პროფესორ ორავამ ჩინებულად შეასრულა. ის ამ მხვრივ მსოფლიოს ერთ-ერთი წამყვანი სპეციალისტია. ფეხბურთელი მოედანზე 2-3 თვეში დაბრუნდება“, – განაცხადა მოსკოვური კლუბის ექიმმა ვლადისლავ კორნიცკიმ.
ფიზიოტერაპიის შესახებ „სპარტაკის“ პრესსამსხურს თავად მოთამაშემაც უამბო: „ოპერაციამ წარმატებით ჩაიარა, თავს კარგად ვგრძნობ. ძალიან მიხარია, რომ ბოლოს და ბოლოს ტკივილი აღარ შემაწუხეს. ოპერაცია, დაახლოებით, 40 წუთი გაგრძელდა. ექიმს მადლობას ვუხდი. კლინიკაში მისვლისთანავე ექიმმა დამიდასტურა, რომ ოპერაცია აუცილებლად უნდა გავაკეთო. პროცესს ძლიერმა პროფესორმა უხელმძღანელა. მან ყველაფერი წარმატებით შეასრულა. ახლა ფეხი აღარ მტკივა. სხვათაშორის, ფინელმა ექიმებმა იცოდნენ, რომ პროფესიონალი ფეხბურთელი ვარ. წასვლილსას მათ მაისური ვაჩუქე, რომელიც მოსკოვიდან ჩამოვიტანე.
ჯერ კიდევ ძნელია იმის თქმა, როდის შევძლებ სტადიონზე გუნდის მატჩების სანახავად მისვლას. „კრასნოდართან“ შეხვედრაში თანაგუნდელებს მხარს დავუჭერდი. ექიმებმა ცოტა ხნით მარცხენა ფეხზე ფეხსაცმლის ჩაცმა არ მირჩიეს. ვფიქრობ, ჩვენს სტადიონზე ცოტა გვიან მივალ, შეკრების დასაწყისისთვის კი მეც გამოვჯანრთელდები“.
მოსკოვის „სპარტაკის“ მთავარმა მწვრთნელმა დიმიტრი ალენიჩევმა „ტერეკთან“ რუსეთის პრემიერლიგის მე-15 ტურის მატჩისთვის 16 ფეხბურთელი გამოიძახა.
გამოძახებულთა შორის კვლავ არაა ქართველი ჯანო ანანიძე, რომელიც ჯერ კიდევ სექტემბერში მიღებული ტრავმის შემდეგ სარეაბილიტაციო კურსის გალას აგრძელებს. როგორც ცნობილია, საქართველოს ნაკრების მოთამაშე „სპარტაკის“ ბაზაზე სხვა ტრავმირებულ თანაგუნდელებთან ერთად ინდივიდუალური პროგრამით მუშაობს.
ცნობისთვის, ბოლოს ჯანომ შოტლანდიის ნაკრებთან მატჩში ითამაშა.
შოტლანდიასთან მატჩში მიღებული ტრავმის შემდეგ საქართველოს ნაკრების და მოსკოვის „სპარტაკის“ შემტევი ჯანო ანანიძე ჯერაც არ გამოჯანმრთელებულა. აღნიშნულ თემაზე მოსკოვური კლუბის მთავარმა მწვრთნელმა დიმიტრი ალენიჩევმა ისაუბრა.
„ჯანომ ათი დღე გამოტოვა, მას ფეხის ტკივილი კვლავ აწუხებს. საერთო ჯგუფთან ვარჯიშს ის მხოლოდ შემდეგ კვირას დაიწყებს“, – განაცხადა „სპარტაკის“ დამრიგებელმა.
საქართველოს ეროვნული გუნდის წევრი ჯანო ანანიძე სანაკრებო შეკრების შემდეგ მოსკოვის “სპარტაკს” დაუბრუნდა. შეგახსენებთ, რომ 22 წლის ფეხბურთელმა შოტლანდიის ნაკრების წინააღმდეგ გამარულ მატჩში (1:0) ტრავმა მიიღო, რის გამოც 7 სექტემბერს, ირლანდიის ეროვნული გუნდის წინააღმდეგ გამართული შეხვედრის (0:1) გამოტოვება მოუწია.
ანანიძე “სპარტაკის” ბაზაზე დაბრუნდა, თუმცა გუნდთან ერთად არ უვარჯიშია. ქართველი ფეხბურთელი ინდივიდუალური პროგრამით დაკავდა.
“სპარტაკი” რუსეთის პრემიერლიგის მე-8 ტურის მატჩს “როსტოვის” წინააღმდეგ ჩაატარებს, რომლის რიგებშიც ჯანო ანანიძე გასულ სეზონში იჯარის წესით თამაშობდა. შეხვედრა 13 სექტემბერს ჩატარდება.
მოსკოვის „სპარტაკის“ მთავარმა მწვრთნელმა დმიტრი ალენიჩევმა „დინამო არენაზე“ „ბარსელონასა“ და „სევილიას“ შორის ჩატარებული მატჩი შეაფასა.
„უეფას სუპერთასის მატჩი ძალიან მომეწონა. ეს ნამდვილი სანახაობა იყო. გუშინ ვიფიქრე, რას იტყვიან ექსპერტები, თუ მსგავს თამაშს „სპარტაკი“ – ცსკა-ს მატჩში იხილავებ? სავარაუდოდ, დაცვაში ჩვენი გუნდის თამაშით ისინი უკმაყოფილონი დარჩენიან. სხვა მხვრივ, გულშემატკივრებს განსხვავევებული პოზიცია ექნებათ. ჩვენ მაყურებლებისთვის ვთამაშობთ, ამიტომ ეს ანგარიში მაწყობს“, – განაცხადა ალენიჩევმა.
მოსკოვის „სპარტაკის“ გულშემატკივარი, რომელის სამარაში საყვარელი გუნდის ადგილობრივ კლუბთან მატჩში საქომაგოდ ჩავიდა, მოსკოვის დროით, ღამის სამი საათისთვის რესტორან „პალუბაში“ მოკლეს.
როგორც პორტალ „ჩემპიონატს“ ერთ-ერთმა გულშემატკივარმა უამბო, კირილ გავრილოვს დანით კისრის არეში ჭრილობა მოაყენეს.
„ჩხუბის მომენტი არ გვინახავს, მიუხედავად იმისა, რომ ახლოს ვიყავით. როდესაც მომხდარის შესახებ გავიგეთ, შევეცადეთ, დაზარალებულს დავხმარებოდით, თუმცა უშედეგოდ. მისი მეგობარი შოკში იყო, ამიტომაც მოკლულის ვინაობა ვერ გავიგეთ“, – განაცხადა გაბრულობმა.
ასევე, გავრილოვის თქმით, რესტორანში კამერა მუშაობდა, რომელიც მკვლელის სახეს დააფიქსირებდა.
რუსეთს პრემიერლიგის მეოთხე ტურში მოსკოვის „სპარტაკი“ სამარის „კრილია სომვეტოვს“ ეწვია და ანგარიშით 2:0 გაიმaრჯვა. ორივე გოლი ქუინსი პრომესმა ჩაიწერა, რომელმაც მეტოქის კარი მე-5 და 52-ე წუთებზე აიღო.
ხსენებულ შეხვედრაში „სპარტაკის“ შემადგენლობაში ჯანო ანანიძეს თამაში არ მოუწია – ქართველი ლეგიონერი სათადარიგოთა სკამზე დარჩა.
ამ გამარჯვებით „სპარტაკმა“ ათი ქულა დააგროვა და „ლოკომოტივს“ გაუთანაბრდა, რომელიც მესამე პოზიციას იკავებს.
შემდეგ მატჩი ალენიჩევის გუნდს პრინციპულ მეტოქესთან, თანაქალაქელ ცსკა-სთან ელის.
რუსეთის პრემიერლიგის მესამე ტურში მოსკოვის „სპარტაკმა“ ყაზანის „რუბინი“ მიიღო. შეხვედრა მასპინძელთა გამარჯვებით, 1:0 დასრულდა. ერთადერთი გოლი მე-60 წუთზე იური მოვსისიანმა გაიტანა.
აღნიშნული მატჩი „სპარტაკის“ ქართველმა ლეგიონერმა ჯანო ანანიემ სასტარტო შემადგენლობაში დაიწყო. საქართველოს ნაკრების ნახევარმცველმა 55-ე წუთამდე ითამაშა, რის შემდეგაც დიმიტრი ალენიჩევმა ის ზე ლუისით შეცვალა.
ამ გამარჯვებით „სპარტაკმა“ შვიდი ქულა დააგროვა და თანაქალაქელ „ლოკომოტივს“ გაუთანაბრდა, რომელთან ერთადაც მესამე ადგილს იყოფს. შემდეგ ტურში „სპარტაკი“ სამარის „კრილიას“ ესტუმრება.
დღეს, თბილისის დროით, 20:00 საათზე, რუსეთის პრემიერლიგის მესამე ტურის მატჩი შედგება, რომელშიც ყაზანის „რუბინი“ მოსკოვის „სპარტაკს“ მიიღებს.
გაირკვა ორივე გუნდის სასტარტო შემადგენლობა. სათქმელია, რომ „სპარტაკის“ რიგებში პირველივე წუთებიდან ქართველი ნახევარმცველი ჯანო ანანიძე ითამაშებს.
შეგახსენებთ, რომ „მორდოვიასთან“ პირველი ტურის მატჩში ჯანო თამაშში შეხვედრის ბოლოს ჩაერთო, მეორე ტურში კი მოედანზე არც გამოსულა.
მოსკოველთა სრული შემადგენლობა კი ასე გამოიყურება:
რებროვი (კ), კირილ კომბაროვი, ტასკი, ბოკეტი, დიმიტრი კომბაროვი, გლუშაკოვი, შიროკოვი, პოპოვი, ანანიძე, პრომესი, მოვსისიანი
სათადარიგოთა სკამი: მიტრიუშკინი, გრანატი, პარშივლიუკი, რომულო, ოზბილიზი, ზოტოვი, იაკოვლევი, ზე ლუიში, დავიდოვი
