„სან-ანტონიო სპურსის“ მთავარმა მწვრთნელმა გრეგ პოპოვიჩმა „ორლანდო მეჯიკთან“ რეგულარული ჩემპიონატის მატჩის შემდეგ ცენტ ტიმ დანკანის „ოლ სტარისთვის“ მოედანზე დაბრუნება არ გამორიცხა.
„გამოვიყვანთ თუ არა ტიმს „ოლ სტარამდე“? ყველა შესაძლო ვარიანტს განვიხილავთ“, – ციტირებს პოპოვიჩს „სან-ანტონიო ექსპრეს-ნიუსი“.
მუხლის ტკივილის გამო პირველ თებერვალს დანკანმა თავისი გუნდის ზედიზედ მეოთხე მატჩი გამოტოვა.
„სან-ანტონიო სპურსის“ მთავარმა მწვრთნელმა გრეგ პოპოვიჩმა თავისი გუნდის ერთ-ერთი ლიდერის ტიმ დანკანის ჯანმრთელობის მდგომარეობაზე ისაუბრა. შეგახსენებთ, რომ ტიმმა ტრავმის გამო ბოლო 4 მატჩიდან 3 გამოტოვა.
„ტიმის გამოჯანმრთელების თარიღი უცნობია. ის მაშინ დაბრუნდება, როცა მზად იქნება. ექიმები თავის სექმეს აკეთებენ, მე – ჩემსას. თქვენგან განსხვავებით, ექიმი არ ვარ. მირჩევნია, პროფესიონალებს დავუჯერო“, – ციტირებს პოპოვიჩს ESPN-ი.
„სან-ანტონიო სპურსის“ მძიმე ფორვარდი ტიმ დანკანი „გოლდენ სტეიტ უორიორსთან“ ეროვნული საკალათბურთო ასოციაციის რეგულარული ჩემპიონატის მატჩს გამოტოვებს, რომელიც 25 იანვარს გაიმართება. კალათბურთელს მარჯვენა მუხლის ტკილი აწუხებს, რომლის გამო ის პარკეტზე ვერ გამოვა.
მიმდინარე სეზონში დასავლეთ კონფერენციის ლიდერები ერთმანეთს ჯერ არ შეხვედრილან.
სათქმელია, რომ არც „უორიორსს“ და არც „სპურსს“ ამ სეზონში საკუთარ მოედანზე ჯერ არ წაუგიათ.
„სან-ანტონიო სპურსის“ შემტევმა უკანახაზელმა მანუ ჯინობილიმ ტიმ დანკანის 19-წლიანი კარიერის განმავლობაში პირველად მოედნის უქულოდ დატოვების შესახებ ისაუბრა.
„ეს, რა თქმა უნდა, უჩვეულოა, მაგრამ ტიმს სათამაშო ცოტა დარჩა. თუ ის 48 წლამდე ითამაშებს, მაშინ, ვფიქრობ, მსგავსი რამ არაერთხელ განმეორდება“, – ციტირებს მანუს ESPN.
„გიუსტოკ როკეტსთან“ შეხვედრაში დანკანმა თამაშიდან სამი სროლა ვერ ჩააგდო, ჯამში კი ბურთი ოთხჯერ მოხსნა და ორი პასიც მიითვალა. „სან-ანტონიომ“ აღნიშნულ შეხვდრა 121:103 მოიგო.
ცოტა ხნის წინ „სან-ანტონიო სპურსის“ მთავარმა მწვრთნელმა გრეგ პოპოვიჩმა კლუბთან ახალი, ოთხწლიანი კონტრაქტი გააფორმა, რომელიც 2019 წლამდე იმოქმედებს. ESPN-ის ვარაუდით, ეს იმას არ ნიშნავს, რომ 66 წლის სპეციალისტი კარიერას ოთხ სეზონში დაასრულებს.
გამორიცხული არ არის, პოპოვიჩმა სამწვრთნელო საქმიანობა უკვე 2015/16 წლების სეზონის შემდეგ დაამთავროს. გრეგისთვის მთავარი ტიმ დანკანთან მუშაობაა, რომლის დღეები ეროვნულ საკალათბურთო ასოციაციაში დასასრულს უახლოვდება.
გრეგ პოპოვიჩი და ტიმ დანკანი ერთად 1997 წლიდან მუშაობენ. 18-წლიანი მუშაობის პერიოდში ტანდენმა ხუთი საჩემპიონო ტიტულის მოგება შეძლო.
„სან-ანტონიო სპურსის“ გამთამაშებელი ტონი პარკერი თვლის, რომ 2015/16 წლების სეზონი მისთვის, მანუ ჯინუბილისთვის და ტიმ დანკანისთვის ბოლო იქნება, რომელშიც „დიდ ტრიოს“ სრული შემადგენლობით გამოსვლის შესაძლებლობა ექნება.
„ჩინებულ ზაფხულს ვატარებთ. ლამარკუსი ძალიან დაგვეხმარება. მიხარია, რომ ტიმი და მანუ დაბრუნდნენ. ბოლო შანსი გვექნება, რომ ტიტული ერთად მოვიგოთ„, – განაცხადა ფრანგმა.
შეგახსენებთ, რომ ამ ზაფხულს ტიმ დანკანმა და მანუ ჯინობილიმ „სპურსთან“ ახაი, ერთწლიანი კოტნრაქტები გააფორმეს.
გამოცდილი ფორვარდი ტიმ დანკანი „სან-ანტონიო სპურსის“ ხელძღვანელობას ახალი, ორწლიანი კონტრაქტის თაობაზე შეუთანხმდა, რომლის მიხედვით, ის წელიწადში ათ მილიონ დოლარს მიიღებს, რის შესახებაც „იაჰუ სპორტსი“ წერს.
აქედან გამომდინარე, ვეტერანი ხელფასის 5 მილიონით დაკლებად დათანხმდა, რათა კლუბმა ლამარკუს ოლდრიჯთან და დენი გრინთან კონტრაქტის გაფორმება მოახერხოს.
განვლილ სეზონში 39 წლის კალათბურთელმა 84 მაჩი ჩაატარა. რეგულარულ ჩემპიონატში მისმა მონაგარმა სათამაშო დროის 29 წუთში 13,9 ქულა და 9,1 მოხსნა შეადგინა. რაც შეეხება პლეიოფს, აქ 36 წუთში დანკანმა 17,9 ქულა და 11,1 მოხსნა მიითვალა.
„სან-ანტონი სპურისს“ ხელმძღვანელობა ფორვარდ ტიმ დანკანისთვის ორწლიანი კონტრაქტის შეთავაზებას გეგმავს.
კლუბის პირობების მიხედვით, პირველ სეზონში ვეტერანმა ექვსი მილიონი დოლარიდან შვიდ მილიონამდე უნდა მიიღოს. გარდა ამისა, მხარეებს შეთანხმების მეორე წლით გახანგრძლივების საშუალებაც ექნებათ. ამასთანავე, ბოლო სეზონე უარის თქმის შემთხვევაში, „ბიგმენი“ ხელფასის ნახევარს მიიღებს, რის შესახებაც „სან-ანტონიო ექსპერს ნიუსი“ წერს.
სავარაუდოდ, „სპურსი“ მსგავსი წინადადებით არგენტინელ მანუ ჯინობილისაც მიმართავს. თუმცა, ამჟამად უცნობია, გააგრძელებს თუ არა 37 წლის მოთამაშე თამაშს.
„სან-ანტონიო სპურსის“ გამთამაშებელმა ტონი პარკერმა თანაგუნდელების ტიმ დანკანისა და მანუ ჯინობილის შესახებ ისაუბრა.
„ვფიქრობ, რომ დანკანი და ჯინობილი კიდევ ერთ სეზონს ითამაშებენ. ამ საკითხთან დაკავშირებით ოპტიმიზმის შენარჩუნებას ვცდილობთ. ორივეს ვესაუბრე და ჩემი აზრი გავუზიარე. ახლა მათი მხრიდან გადაწყვეტილების მიღების დრო დადგა. ყველაფერი მათზეა დამოკიდებული“, – ციტირებს პარკერს „სან-ანტონიო ექსპრეს ნიუსი“.
„სან-ანტონიო სპურსის“ მოთამაშეებმა „კლიპერსთან“ პლეიოფის პირველი რაუნდის მეშვიდე მატჩში მარცხის შემდეგ ლოს-ანჯელესის ერთ-ერთი ღამის კლუბი „Project Club“-ი მოინახულეს, რის შესახებაც TMZ იტყობინება.
აღსანიშნავია, რომ „სპურსის“ ცენტრემა არონ ბეინსმა იმდენი ალკოჰოლი მიიღო, რომ ავტობუსამდე ის ტიმ დანკანმა გააცილა.
„ჯანდაბა, მოკეტე“, – ურჩე დანკანმა ბეინსს, როდესაც ეს უკანასკნელი გულშემატკივრებთან საუბარს ცდილობდა.
ეროვნული საკალათბურთ ასოციაციის ოფიციალურმა საიტმა პლეიოფის პირველი ეტაპის სერიის მეორე მატჩში ბლეიკ გრიფინისა და ტიმ დანკანის დაპირისპირებას ვიდეო მიუძღვნა.
ორივე მოთამაშე თავისი გუნდის რიგებში გამორჩეული იყო – დანკანმა 28 ქულა დააგროვა, გრიფინმა კი „ტრიპლ-დაბლი“ შეასრულა – ბლეიკმა 29 ქულა, 12 მოხსნა და 11 შედეგიანი გადაცემა მიითვალა.
პლეიოფის პირველი მატჩის ერთ-ერთ შეტევის დროს „ლოს-ანჯელეს კლიპერსის“ ცენტრმა დე ანდრე ჯორდანმა „სან-ანტონიო პსურსის“ ლიდერი ტიმ დანკანი შეაჩერა.
