დღეს “მიხეილ მესხზე” საქართველოს 21-წლამდე ნაკრები უელსელ ტანატოლებს დაუპირისპირდა.
ამხანაგური მატჩის პირველ ნახევარში, მიუხედავად მომენტებისა, გოლი არ გასულა. მეორე ტაიმის მიწურულს, 89-ე წუთზე ჯოსეფ მორელმა თერთმეტმეტრიანი გამოიყენა და ბრიტანელები წინ გაიყვანა. თუმცა, სამ წუთში გიორგი კოხრეიძემ გათანაბრება შეძლო. საბოლოოდ, მატჩი 1-1 დასრულდა.
რომ შევაჯამოთ, უელსელებთან გამართული ორი დაპირისპირებიდან, ჩვენმა გუნდმა ორივე ფრედ (2:2, 1:1) ითამაშა.
დღეს ევროპის 21-წლამდე ჩემპიონატის შესარჩევი ეტაპის მორიგი შეხვედრები გაიმართა.
ერთ-ერთ მატჩში, “მიხეილ მესხზე” საქართველომ ლიტვის ეროვნული გუნდი მიიღო. შეხვედრის პირველ ტაიმში გოლი არ გასულა. მეორე ნახევარში, 55-ე წუთზე ჩაბრაძის ჩაწოდების შემდეგ სტუმართა ფეხბურთელმა, სადაუსკასმა ბურთი საკუთარ კარში ჩაჭრა. ეს გოლი შეხვედრაში ერთადერთი აღმოჩნდა, საქართველოს 21-წლამდელთა ნაკრებმა კი ევროპის ჩემპიონატის შესარჩევ ეტაპზე პირველი სამი ქულა მოიპოვა.
დღეს საქართველოს 20-წლამდე ნაკრებმა მორიგი ამხანაგური მატჩი გამართა.
ვასილ მაისურაძის შეგირდები ალბანეთის 21-წლამდე გუნდს დაუპირისპირდნენ. შეხვედრა თავიდან ბოლომდე ჩვენი უპირატესობით წარიმართა, რაც ანგარიშშიც აისახა. გოლის გატანა თამაშის დაწყებიდან მალევე მოვახერხეთ: მეათე წუთზე სპანდერაშვილმა შეაგდო. ტაიმის მიწურულს კი თავი მეკარემაც გამოიჩინა – ნიკა ქავთარაძემ პენალტი მოიგერია.
მეორე ნახევარში კიდევ ორი გოლი გავიდა, ორივე ჩვენი მეტოქის კარში. ჯერ ბუღრიძემ 69-ე წუთზე შეარხია მეტოქის ბადე, ხოლო ნურიმ 73-ეზე საკუთარ კარში ჩაჭრა ბურთი. საბოლოოდ, ჩვენმა ბიჭებმა ასაკით უფრო დიდ ნაკრებს ანგარიშით, 3:0 მოუგეს.
საქართველოს 20-წლამდე ნაკრების შემადგენლობა ასეთი იყო: ქავთარაძე, კიკალიშვილი (კერელეიშვილი 80), ცერცვაძე, ყურშავიშვილი (ბულუხაძე 80), გაბიტაშვილი, ძებნიაური (წულეისკირი 74), ბუღრიძე (შეწირული 80), სამურკასოვი, ფოჩხუა, კვანტალიანი (საღრიშვილი 58), სპანდერაშვილი (ბაკურაძე 74).
სათადარიგონი: ისიანი, გურგენიძე, მუზაშვილი, ბერიაშვილი.
დღეს ევროპის 21-წლამდე ჩემპიონატის შესარჩევი ეტაპის მორიგი შეხვედრები იმართება. საქართველოს ნაკრების მეტოქე ლიტვის გუნდია.
ცნობილია, ჩვენების სასტარტო შემადგენლობა აღნიშნულ შეხვედრაში: კუპატაძე, ჩაბრაძე, ტაბიძე, მარგველაშვილი, შულაია, კიტეიშვილი, არაბიძე, მამუჩაიშვილი, ბერიძე, ჭანტურია, ზარანდია.
დღეს სტარტი აიღო 2109 წლის 21-წლამდე ევროპის ჩემპიონატის შესარჩევმა ციკლმა.
ერთ-ერთ შეხვედრაში გორში “თენგიზ ბურჯანაძეზე” საქართველო პოლონეთს დაუპირისპირდა. პირველმა ნახევარმა შედარებით თანაბრად ჩაიარა.
მეორე ტაიმში სტუმრებმა უპირატესობა მოიპოვეს, რაც მალე ანგარიშში აისახა. 58-ე წუთზე კოვნაცკიმ თერთმეტმეტრიანი გამოიყენა. შვიდ წუთში იმავე მოთამაშემ დუბლი შეასრულა. 71-ე წუთზე კაპუსტკამ მესამე გოლიც გაიტანა.
საბოლოოდ, პოლონელებმა ანგარიშით, 3:0 მოიგეს.
ამ მარცხის შემდეგ საქართველო ნული ქულით მეხუთე ადგილზეა და მხოლოდ ფარერის კუნძულებს უსწრებს. ხოლო, მისი დღევანდელი მეტოქე სამით – მეორეზეა. მომდევნო მატჩს ჩვენი გუნდი ექვს ოქტომბერს დანიასთან სტუმრად ჩაატარებს.
1 სექტემბერს საქართველოს ახალგაზრდული ნაკრები ევროპის ჩემპიონატის ახალ შესარჩევ ციკლს დაიწყებს. გია გეგუჩაძის გუნდი პირველ ტურში პოლონეთს უმასპინძლებს. მატჩი გორში, თენგიზ ბურჯანაძის სახელობის სტადიონზე გაიმართება და 20:00 საათზე დაიწყება.
შეგახსენებთ, რომ 2019 წლის ევროშესარჩევში საქართველოს 21-წლამდე ნაკრების მეტოქეები პოლონეთის გარდა, დანია, ფინეთი, ლიტვა და ფარერები არიან.
ჩვენს ჯგუფში უკვე ჩატარდა ერთი მატჩი, 8 ივნისს ლიტვამ 3:0 დაამარცხა ფარერები.
Gff.Ge
26 იანვარს უეფას შტაბბინაში 21-წლამდელთა ევროპის ჩემპიონატის შესარჩევი ეტაპის წილისყრა გაიმართა.
საქართველოს 21-წლამდე ნაკრები მესამე ჯგუფში მოხვდა და დანიასთან, პოლონეთთან, ფინეთთან, ლიტვასა და ფარერებთან ერთად.
ჯგუფის გამარჯვებულები პირდაპირ გაინაღდებენ ევროპის ჩემპიონატის ფინალური ეტაპის საგზურს, ხოლო 4 საუკეთესო მეორეადგილოსანი კი, პლეი-ოფში დამატებით ორ საგზურს გაითამაშებენ. შესარჩევი ციკლი 2017 წლის მარტიდან დაიწყება.
საქართველოს 21-წლამდე ნაკრები საფრანგეთის ქალაქ ლე ავრში ჩავიდა და დღეს პირველი ვარჯიშიც ჩაატარა.
გია გეგუჩაძის გუნდი 6 ოქტომბერს ფრანგებთან ამხანაგურ მატჩს გამართავს. შეხვედრა ლე ავრის “სტად ოუშენზე” შედგება.
ჩვენს გუნდში რამდენიმე ცვლილებაა – ნაკრებს ბოლო წამს გამოაკლდა მარტვილის “მერანის” ფლანგელი აკაკი შულაია, ვის ნაცვლადაც მწვრთნელმა ქობულეთის “შუქურადან” რომან ჩაჩუა გამოიძახა.
ნაკრებთან ერთად ემზადება ფრანგული “ოსერის” ახალგაზრდული გუნდის ნახევარმცველი გიორგი ჯობავაც, რომელიც გუნდს საფრანგეთში შეუერთდა.
ეს იქნება პირველი მატჩი ევროშესარჩევი ციკლის დასრულების შემდეგ, რომლითაც გია გეგუჩაძის გუნდი ოფიციალურად იწყებს ახალი შესარჩევისთვის მზადებას და შესაბამისად, ნაკრებში უკვე აღარ არიან 1994-1995 წლებში დაბადებული ფეხბურთელები.
მეკარეები: ლაზარე კუპატაძე (ლოკომოტივი), ბექა ქურდაძე (საბურთალო)
მცველები: გრიგოლ ჩაბრაძე (საბურთალო), ირაკლი კომახიძე (შუქურა), გაგი მარგველაშვილი (საბურთალო), ანრი ჭიჭინაძე (ტორპედო), გიორგი თევზაძე (დინამო თბ), ცოტნე ნადარაია (საბურთალო), რომან ჩაჩუა (შუქურა), ლუკა ლოჩოშვილი (დინამო თბ)
ნახევარმცველები: სანდრო ალთუნაშვილი (საბურთალო), ვლადიმერ მამუჩაშვილი (საბურთალო), გიორგი ხარაიშვილი (საბურთალო), ოთარ კიტეიშვილი (დინამო თბ), გიორგი ბერიძე (გენტი, ბელგია), ლადო მოხევიშვილი (ალბასეტე, ესპანეთი), გიორგი ჯობავა (ოსერი, საფრანგეთი)
თავდამსხმელები: გიორგი ზარია (დინამო თბ), ლუკა ზარანდია (ლოკომოტივი), გაბრიელ საღრიშვილი (ტორპედო), რომან ჭანტურია (ემპოლი, იტალია)
25 მაისს საქართველოს ახალგაზრდული ნაკრები შეიკრიბა და ევროშესარჩევი მატჩისთვის მზადება დაიწყო. გია გეგუჩაძემ სფფ-ის ტექნიკურ ცენტრ „ბასაზე“ 24 ფეხბურთელს უხმო.
21-წლამდელები „ბასაზე“ ხუთი დღის განმავლობაში ორჯერად ვარჯიშებს ჩაატარებენ, 30 მაისს კი შვედეთში გაემგზავრებიან, სადაც 3 ივნისს ოფიციალურ მატჩს გამართავენ მასპინძელთა ახალგაზრდულ ნაკრებთან.
გია გეგუჩაძის სანაკრებო სია ასეთია:
მეკარეები: ოთო გოშაძე (საბურთალო), ლაზარე კუპატაძე (ლოკომოტივი), ბექა ქურდაძე (საბურთალო);
მცველები: ლევან გეგეჭკორი (შუქურა), თორნიკე კირკიტაძე (ჩიხურა), გაგი მარგველაშვილი (საბურთალო), ანრი ჭიჭინაძე (ტორპედო), დაჩი ცნობილაძე (სამტრედია), ჯიმი ტაბიძე (გენტი, ბელგია), გრიგოლ ჩაბრაძე (საბურთალო), გიორგი თევზაძე (დინამო თბ);
ნახევარმცველები: გიორგი გოროზია (სტაბეკი, ნორვეგია), ვალერიან გვილია (მინსკი, ბელარუსი), სანდრო ალთუნაშვილი (საბურთალო), ვლადიმერ მამუჩაშვილი (საბურთალო), გიორგი გაფრინდაშვილი (სიონი), გიორგი ხარაიშვილი (საბურთალო), ოთარ კიტეიშვილი (დინამო თბ), ირაკლი ბიძინაშვილი (საბურთალო), გიორგი პაპუნაშვილი (ვერდერი, გერმანია);
თავდამსხმელები: ლევან შენგელია (ტუბიცე, ბელგია), ბაჩანა არაბული (დინამო თბ), ნიკა კაჭარავა (როსტოვი, რუსეთი), ბუდუ ზივზივაძე (სამტრედია).
სფფ-ის პრესსამსახური
წარმგიდგენთ საქართველოს 21-წლამდელთა ნაკრების ესპანელ თანატოლებთან გუშინდელი შეხვედრის ფოტორეპორტაჟს.
ევროპის 21-წლამდელთა ჩემპიონატის შესარჩევი ეტაპის მატჩში საქართველოს ახალგაზრდულმა ნაკრებმა მიხეილ მესხის სახელობის სტადიონზე ესპანელ თანატოლებს უმასპინძლა და ანგარიშით 2:5 დამარცხდა.
უკვე მე-2 წუთზე მარჯვენა ფლანგზე მანიკიომ პასით დელოფეუ მოამარაგა, ეს უკანასკვნელი ქართველთა საჯარიმოში შევიდა და მუნირის მიმართლებით ჩააწოდა, რომელიც მასპინძელთა მცველებზე გაცილებით სწრაფი აღმოჩნდა და გოლის გატანა არ გასჭირვებია. საბედნიეროდ, ორ წუთში მათე ცინცაძემ საჯარიმოს დარტყმის შემდეგ მეტოქის საჯარიმოში ჩააწოდა, თუმცა ბურთი მეტოქის კარის ბადეში აღმოჩნდა – 1:1.
ზოგადად, ჩვენი ნაკრებისთვის ფლანგზე დელოფეუ ყველაზე დიდ ხიფათს წარმოადგენდა, მცველებს მისი შეჩერება უჭირდათ, რაც არაერთხელ დადასტურდა. მე-9 წუთზე ესპანელთა შვიდი ნომერი ჩვენს საჯარიმოშ კვლავ შეიჭრა, თუმცა მისი პასი უმისამართო გამოდგა.
მე-14 წუთზე სამუელ კასტილიეხოს დარტყმა ქურდაძის კარს ასცდა. 28-ე წუთზე გოშთელიანი მეტოქის საჯარიმოში აღმოჩნდა, მაგრამ, სამწუხაროდ, მცველებმა მას ბურთი აართვეს და ვერც დარტყმის საშუალება მისცეს. ცოტა ხანში მარჯვენა ფლანგიდან ესპანელთა საჯარიმოში ფანცულაიაც შევიდა, მისი არც ისე ძლიერი დარტყმული სტუმართა კიპერმა კეპა არისაბალაგამ მშვიდად აიღო. 39-ე წუთზე ოთარ კიტეიშვილი ცენტრიდან მეტოქის ნახევარზე სწრაფად დაიძრა და შეტევის გასამწვავებლად რამდენიმე ვარიანტი ჰქონდა, მაგრამ პასს „დინამოს“ მოთამაშემ შორიდან კარში დარტყმა ამჯობინა, ესპანელთა მეკარისთვის პრობლემა არც ამ ბურთის აღება ყოფილა. ტაიმის ბოლოს ცინცაძემ მეტოქესთან შეჯახებისას დაშავდა და სამწვრთნელო სამედიცინო დახმარებაც დასჭირდა. საბედნიეროდ, მათემ თამაშის გაგრძელება მოახერხა და მოედანზე რამდენიმე წუთში დაბრუნდა.
მეორე ნახევარში ალექსანდრე ჩივაძის გუნდმა გაცილელებით ცუდად ითამაშა, რაც ანგარიშზეც აისახა. 57-ე წუთზე ელ ჰადადის სამმა მცველმა დარტყმაში ხელი ვერ შეუშალა, რომ არა ქურდაძის ლამაზი სეივი, ესპანელები დაწინაურდებოდნენ. მანამდე ორი წუთით ადრე მასპინძლებმა პირველი ცვლილება გამოიყენეს – ლევან შენგელიას ადგილი საბა ლობჟანიძემ დაიკავა. როგორც სულ ცოტახანში გაირკვა, ამ ცვლილებამ შედეგი გამოიღო.
მე-60 წუთზე ლობჟანიძემ ფლანგიდან შორიდან ძლიერად და ზუსტად დააარტყა – 2:1. ორ წუთში პირველ ტაიმში მოხმდარი განმეორდა, მაგრამ ამჯერად ანგარიშის გათანაბრება ესპანელებს მოუწიათ, ფლანგიდან ჩაწოდებული ასენსიომ თავური დარტყმითა და გოლით დააგვირგვინა – 2:2.
67-ე წუთზე ბორხა მაიორალს ქართველთა საჯარიმოში შესვლა და ზუსტად დარტყმა არ გასჭირვებია – სტუმრები კვლავ დაწინაურდნენ. შვიდ წუთში მცველებმა ვერც ელ ჰადადის შეჩერება შეძლეს – 2:4. ცოტახანში ქართველებს დელოფეუც გაეპარათ, თუმცა ქურდაძესთან პირისპირ დარჩენილმა ესპანელმა ქართველ მეკარეს ვერ აჯობა. დარჩენილ დროში ქართველებს შეტევაში ვერაფერი გამოსდიოდათ, მასპინძლები მეტოქის კარის მიმართლებით დარტყმებითაც კი ვერ გამორჩეულან. 90-ე წუთზე ტაბლოზე საბოლოო ანგარიში დანი სებალოსმა დააფიქსირა.
ამრიგად, ესპანეთმა სამი ქულა დააგროვა და ჯგუფში მეორე ადგილზე გადაინაცვლა. რაც შეეხება საქართველოს 21-წლამდელთა ნაკრებს, ჩივაძს გუნდი სამი ქულით მეოთხე ადგილზეა. შემდეგი შეხვედრა ჩვენს გუნდს 13 ოქტომბერს ესტონელ თანატოლებთან უწევს. მატჩი კვლავ მიხეილ მესხის სახელობის სტადიონზე გაიმართება.
საქართველო U21 – ესპანეთი U21 2:5
გოლები: ცინცაძე 4′, ლობჟანიძე 60′ – მუნირი 2′, ასენსიო 62′, მაიორალი 67′, მუნირი 73′, სებალოსი 90′
საქართველო: ქურდაძე, ცნობილაძე, დვალი, გეგეჩკორი, უბილავა, ცინცაძე, აბურჯანია, ფანცულაია (ერისთავი 80′), შენგელია (ლობჟანიძე 55′), კიტეიშვილი (გოროზია 70′), გოშთელიანი.
ესპანეთი: არიაზაბალაგა, დუარტე, ვალეხო, მერე, მანკილიო, ასენსიო, საული, ო.ტორესი, ელ ჰადადი (სებალიოსი 77′), კასტილიეხო (მეიორალი 61′), დეულოფეუ (როდრგესი 84′).
გაფრთხილება: ცინცაძე 79′
დღეს საქართველოს 21-წლამდელთა ნაკრების მთავარმა მწვრთნელმა საშა ჩივაძემ ხორვატიასთან ევროპის ჩემპიონატის საკვალიფიკაციო ეტაპის გასვლითი მატჩისთვის თავისი განაცხადი დაასახელა, რომელიც შემდეგნაირად გამოიყურება:
მეკარეები: ოთარ გოშაძე („ქასიმფაშა“, თურქეთი), ბექა ქურდაძე („საბურთალო“)
მცველები: გიორგი გადრანი („ჩერნომორეცი“, უკრაინა), ჯემალ ტაბიძე („გენტი“, ბელგია),, დავით უბილავა (თბილისის „ლოკომოტივი“), ოთარ კაკაბაძე, გიორგი თევზაძე (ორივე თბილისის „დინამოდან“), ნიკა სანდოხაძე („სამტრედია“), ლაშა დვალი (თავისუფალი აგენტი)
ნახევარმცველები: გიორგი აბურჯანია („ანორთოსისი“, კვიპროსი), გიორგი პაპუნაშვილი („ვერდერი“, გერმანია), გურამ გოშთელიანი, გიორგი ხარაიშვილი (ორივე „საბურთალოდან“), დაჩი ცნობილაძე, ავთო ენდელაძე (ორივე „სამტრედიადან“), მათე ცინცაძე, ოთარ კიტეიშვილი (ორივე თბილისის „დინამოდან“)
თავდამსხმელები: ნიკა კაჭარავა („ცხინვალი“), მათე კვირკვია (გორის „დილა“), გიორგი ფანცულაია („საბურთალო“)
