„მანჩესტერ იუნაიტედის“ მთავარი მწვრთვნელი დევიდ მოიესი გუნდის ერთდროულად ორი ძირითადი თავდამსხმელის უეინ რუნისა და რობინ ვან პერსის ტრავმებში დიდ პრობლემას ვერ ხედავს.
„ვფიქრობ, საკმაოდ ბევრი მაღალი დონის მოთამაშეები გვყავს, ამიტომაც, გოლების გატანა არამხოლოდ უეინსა და რობინს შეუძლიათ. გვყავს ფეხბურთელები, რომლებსაც შედეგის მოტანა ამ ორი ფეხბურთელის არყოფნაშიც შეუძლიათ“, – აღნიშნა მოიესმა.
შეგახსენებთ, რომ რუნიმ ტრავმა დონეცკის „შახტართან“ მატჩამდე მიიღო, ხოლო ვან პერსი იმავე შეხვედრაში დაშავდა, რის გამოც „სანდერლენდთან“ მატჩში მისი მონაწილეობა დიდი კითხვის ნიშნის ქვეშ არის.
ალექსანდრე მატევოსოვი