ჭდე: უმაღლესი ლიგა

დღეს, საქართველოს ოთხ ქალაქში უმაღლესი ლიგის პირველი ტურის მატჩები გაიმართა. შეხვედრები საკმაოდ უხვგოლიანი გამოდგა.

შუქურა 2:1 ზუგდიდი 

გოლი: 1:0 ზვიად მეტრეველი (24), 1:1 შოთა ლომია (46), 2:1 გიორგი ჩელებაძე (59, პენალტით)

გაძევება: დავით ლომაია 55′

მეტალურგი 2:1 დინამო 

გოლები: 1:0 ირაკლი სიხარულიძე (6), 1:1 თეიმურაზ შონია (8), 2:1 დაჩი ცნობილაძე (66)

კოლხეთი  0:3 ტორპედო 

გოლი: 0:1 ნიკა კვასხვაძე (10), 0:2 ოთარ კვერნაძე (56), 0:3 თენგიზ ჩიკვილაძე (70)

ზესტაფონი 0:6 გურია

გოლები: 1:0 ჯაბა დვალი (7), 2:0 თეიმურაზ ღონღაძე (24), 3:0 გიორგი ფანცულაია (27), 4:0 ჯაბა დვალი (73), 5:0 თედორე გრიგალაშვილი (76), 6:0 ლაშა გვალია (81)

ხვალ საქართველოს 26-ე ეროვნული ჩემპიონატი აიღებს სტარტს. 16-გუნდიანი ჩემპიონატის პირველ ტურში რამდენიმე საკმაოდ საინტერესო მატჩი გველის.

09/08/14

ზესტაფონი – გურია 
ზესტაფონი, “დავით აბაშიზე”, 19:00

ზესტაფონში ადგილობრივი გუნდი ლანჩხუთის “გურიას” უმაპსინძლებს. ევროთასებიდან გამოვარდნის შემდეგ იმერული კლუბის ბიუჯეტი მნიშვნელოვნად შემცირდა, რამაც წამყვანი მოთამაშეების ნაწილის წასვლა გამოიწვია. თუმცა, “ზესტაფონმა” ბირთვის და რაც მთავარია გია გეგუჩაძის შენარჩუება მოახერხა.

ცვლილებებია გურიაშიც. ლანჩხუთელები ახალ ჩემპიონატს ახალი მწვრთნელით ხვდებიან. “გურიას” მომდევნო სეზონში თემურ ლორია უხელმძღვანელებს. ცვლილებები გუნდის შემადგენლობასაც შეეხო.

შუქურა – ზუგდიდი
ქობულეთი, “ჩელე არენა”, 17:30

უმაღლესი ლიგის დებიუტანტი საკუთარ მოედანზე “ზუგდიდს” უმასპინძლებს. გუნდები მატჩს განსხვავებული მდგომარეობით ხვდებიან. ზუგდიდელებმა ვარჯიში ცოტა ხნის წინ ახალი მთავარი მწვრთნელის, ნესტორ მუმლაძის ხელმძღვანელობით დაიწყეს და ჯერ კიდევ დაკომპლექტების პროცესში არიან. ზუგდიდელებს ახალწვეულებიც ჰყავთ, თუმცა მწვრთნელის თქმით, გუნდი ოპტიმალური ფორმისგან ჯერ კიდევ შორს არის.

საპირისპირო ვითარებაა ქობულეთელთა ბანაკში. “ჩიხურამ” თურქეთში სრულფასოვანი შეკრება გაიარა და ძლიერ მოწინააღმდეგეებსაც ესპარინგა. პირველი ლიგის გასული წლის ერთ-ერთი ტრიუმფატორს შემადგენლობაც საკმაოდ ძლიერი ჰყავს.

მეტალურგი – დინამო ბათუმი
რუსთავი, “ფოლადი”, 17:30

რუსთავში ადგილობრივი “მეტალურგი” ბათუმის “დინამოს” უმასპინძლებს. რუსთაველებმა ფინნასური პრობლემებისა და ხელმძღავენლობაში გაურკვეველი ვითარების გამო სეზონისთვის მზადება საკმაოდ გვიან დაიწყეს. ახალგაზრდული, ადგილობრივი კადრებით დაკომპლექტებულ გუნდს ვარლამ კილასონია უთავკაცებს.

მეტოქისგან განსხვავებით სეზონისთვის სრულფასოვნად მოემზადა ბათუმის “დინამო”. თურქული შეკრების შემდეგ გაძლიერებული ზღვისპირელები მოდევნო სეზონში იოლად არაფრის დათმობას არ აპირებენ.

კოლხეთი – ტორპედო 
ლანჩხუთი, “ევგრაფი შევარდნაძე”, 17:30

ფოთის “კოლხეთი” ქუთაისის “ტორპედოს” ლანჩხუთში მიიღებს. ბოლო დროს ქუთაისურ გუნდში ფინანსური თვალსაზრისთ საკმაოდ მძიმე ვითარება იყო შექმნილი. ფეხბურთელებმა გაფიცვასაც კი მიმართეს, რის შემდეგაც მდგომარეობა შედარებით გამოსწორდა. მოსამზადებელი შეკრება “ტორპედომ” ქუთაისში გაიარა. ძოძუაშვილის გუნდს რამდენიმე გამოცდილი ფეხბურთელიც შეუერთდა.

ნომინალურმა მასპინძლებმა მოსამზადებელი შეკრება თურქეთში გაიარეს და შემადგენლობაც მნიშნველოვნად გააძლიერებს. ახალწვეულთა შორის საკმაოდ საინტერესო ლეგიონერებიც არიან.

10/08/14

დინამო თბილისი – სამტრედია
თბილისის, “დინამო არენა”, 19:00

გაახალგაზრდავებული “დინამო” საკუთარ მოედანზე უმაღლეს ლიგაში დაბრუნებულ “სამტრედიას” მიიღებს. განახლებული შემადგენლობითა და ახალი მთავარი მწვრთნელის ხელძღვანელობით “დინამო” პირველ ოფიციალურ მატჩს კვირას გამართავს.

თბილისელებს ბოლო დროს განხორციელებული ტრანსფერების გათვალისწინებით ძლიერ მეტოქესთან მოუწევთ დაპირისპირება. “სამტრედიაში” საქართველოს კვალობაზე საკმაოდ სოლიდურმა შემადგენლობამ მოიყარა თავი. დიდი ალბათობით, ჩემპიონატის მსვლელობისას გუნდი კიდევ უფრო გაძლიერდება.

დილა – სპარტაკი
გორი, “თენგიზ ბურჯანაძე”, 17:30

გორში ადგილობრივი “დილა” ცხინვალის “სპარტაკს” უმასპინძლებს. ჩემპიონატის წინ ორივე გუნდის შემადგნელობა გადახალისდა. გულშემატკივარი საინტერესო, თანაბარი ბრძოლის მოლოდინში უნდა იყოს. გათამაშების მოგებით დაწყება როგორც “დილასთვის”, ასევე “სპარტაკისთვისაც” ძალიან მნიშვნელოვანი იქნება.

მერანი – ვიტ ჯორჯია
სამტრედია, “ეროსი მანჯგალაძე”, 17:30

სამტრედიაში მარტვილის “მერანი” “ვიტ ჯორჯიას” მიიღებს. მარტვილელები ახალ სეზონის ახალი თავკაცით, უკრაინელი ვლადიმერ ლობასით ხვდებიან. აღსანიშნავია, რომ ამ ეტაპზე ლობასი ერთადერთი უცხოელი სპეციალისტია ჩვენს ჩემპოიონატში.

ახალ სეზონში ფაქტობრივად უცცლელეია “ვიტ ჯორჯიას” შემადგენლობა და სამწვრთნელო შტაბი. “ვეტერინარები” ტრადიციულად ახალგაზრდა მოთამაშეებზე გააკეთებენ აქცენტს.

11/08/14

სიონი – ჩიხურა
თბილისი, “მიხეილ მესხი”, 17:30

ტურის ბოლო შეხვედრაში ერთმანეთს ევროსარბიალზე მოთამაშე გუნდები დაუპირისპირდებიან. პირველ ეტაპზე გამოვარდნილი ბოლნისის “სიონი” საჩხერის “ჩიხურას” მიიღებს, რომელიც ევროთასებზე გაცილებით დიდხანს ასპარეზობდა.

ბოლნისელებმა დავით სირაძის სახით საკმაოდ ძლიერი ფორვარდი დაიმატეს. “ჩიხურამ” კი ნეფთჩისთან მარცხის შემდეგ რამდენიმე მნიშვნელოვანი მოთამაშე დაკარგა.

21 მაისს გამართული თასის ფინალის მატჩით ქართული საფეხბურთო სეზონი დასასრულს მიუახლოვდა.  2013/14 წლების სეზონის უმაღლესი ლიგის გათამაშება უკვე ისტორიის ნაწილია. გასულ სეზონში ტრადიციულად მრავლად იყო სკანდალები, დაპირისპირებები, უსიამოვნო ეპიზოდები. თუმცა, ეს ფეხბურთია და მსგავსი ფაქტები მას ყოველთვის თან ახლავს. მთავარია, მოვლენებიდან სწორი დასკვნების გამოტანა ვისწავლოთ და მომავალში შეცდომები მინიმუმამდე დავიყვანოთ.

გასული სეზონი ევროთასების მიმდინარეობისას დაიწყო, რაც საერთაშორისო ასპარეზზე საქართველოს სახელით მოთამაშე გუნდებისთვის იოლი არ ყოფილა. ორ ფრონტზე ბრძოლა განსაკუთრებით გორის „დილას“ გაუჭირდა, რომელიც უმაღლესი ლიგის ერთ-ერთი მთავარ ფავორიტად იყო შერაცხული, თუმცა ევროსარბიელიდან ქართულ ასპარეზზე გადმორთვა ხეირიანად ვერ შესძლო და სეზონის სტარტზე მნიშვნელოვანი ქულებიც დაკარგა. შემდეგ ამას „დილაში“ არსებული ფინანსური პრობლემებიც დაემატა და საბოლოოდ, შემადგენლობიდან გამომდინარე არც თუ ისე სუსტმა გუნდმა, ექვსეულშიც კი ვერ შეძლო მოხვედრა.

ჩემპიონატის პირველი წრის ნამდვილი აღმოჩენა ლანჩხუთის „გურია“ გახდა . სახელფასო დავალიანებით და ნეინტრალურ მოედანზე მოთამაშე გურულებმა „საშინაო“ მატჩებში თითქმის ყველა ლიდერის დამარცხება მოახერხეს. თუმცა, მეორე ეტაპზე „გურიამ“ ვეღარ იყოჩაღა და მეექვსე პოზიციით დაკმაყოფილდა.

„გურიისგან“ განსხვავებით მეორე წრე იღბლიანი სიონისთვის გამოდგა. სეზონის წინ ბოლნისური კლუბი გამოცდილი ფეხბურთელებით გაძლიერდა, რომლებსაც სათავეში გიორგი კიკნაძე ჩაუდგა. თუმცა, ამ ამბიციურ გუნდს საქმე კარგად ვერ აეწყო. „სიონს“ ჩემპიონატის მესამე ტურიდან ჩავარდნა დაეწყო, რომელიც 8-მატჩიანი მოუგებელი სერიისგან შედგებოდა. სასტარტო ათ ტურში კი, ბოლნისელებმა მხოლოდ ერთი შეხვედრის მოგება მოახერხეს, რაც კლუბის სამწვრთნელო შტაბში ცვლილებების მიზეზი გახდა.  მთავარი მწვრთნელის პოსტზე ლადო ბურდულის მოსვლის შემდეგ „სიონმა“ ისევ 8-მატჩიანი, მაგრამ ამ შემთხვევაში უკვე წაუგებელი სერია გამოაცხო და სატურნირო ცხრილში მნიშნველოვანი პროგრესი განიცადა. „სიონის“  წარმატებული სვლა ექვსეულებად დაყოფის შემდეგაც გაგრძელდა. საბოლოოდ ბოლნისელბმა მესამე პოზიცია და ევროპა ლიგის საგზური მოიპოვეს.

სეზონის შუაში “ვისოლის” წასვლის შემდეგ პრობლემების წინაშე აღმოჩნდა ქუთაისის “ტორპედო”. სპონსორის წასვლას “დინამოსთან” მატჩში მომხდარი ინციდენტიც დაემატა. მიუხედავად ყველაფრისა, ქუთაისელებმა სეზონის ღირსეულას დასრულება მოახერხეს და ქვედა ექვსეულში პირველი ადგილი დაიკავეს. “ტორეპდოს” ერთი პოზიციით და სამი ქულით ჩამორჩა “ვიტ ჯორჯია”. “ვეტერინარებმა” პროგრამა მინიმუმი წარამტებით შეასრულეს და უმაღლესში ადგილი შეინარჩუნეს, ისევე როგორც ცხინვალის “სპარტაკმა”.

გასული ჩემპიონატი წარუმატებელი გამოდგა რუსთავის “მეტალურგისთვის”. მერე ეტაპის წინ რუსთაველებს დაფინანსება მნიშვნელოვნად შეუმცირდათ, რამაც გუნდიდან გამოცდილი მოთამაშეების წასვლა გამოიწვია. “მეტალურგმა” ჩემპიონატი მეხუთე პოზიციაზე დაასრულა და ევროთასების გარეშე დარჩა. “მეტალურგს” ერთი საფეხურით “ჩიხურამ” აჯობა. თუმცა, საჩხერელებმა თასის ფინალშიც მოახერხეს გასვლა და მომდევნო სეზონში ევროპული ასპარეზიც გაინაღდეს.

ჩემპიონობის კიდევ ერთმა პრეტენდენტმა „ზესტაფონმა“ სეზონი მძიმედ დაიწყო. სერბი სპეციალისტის, რატკო დოსტანიჩის მთავარი მწვრთნელის პოსტზე დანიშვნა წარმატებული სვლა არ გამოდგა. გათამაშების სტარტზე იმერლებმა ბევრი მნიშვნელოვანი ქულა დაკარგეს. მდგომარეობა გია გეგუჩაძის დაბრუნების შემდეგ გამოსწორდა. „ზესტაფონელებმა“ „დინამოს“ მცირე საჩემპიონო ბრძოლაც კი გაუამრთლეს, თუმცა თბილისელები ამ სეზონშიც უკონკურენტოები იყვნენ.

მიუხედავად დუშან უჰრინის წასლვისა და მთელი რიგი არადამაჯერებელი მატჩებისა, „დინამოს“ უპირატესობა მაინც დიდი და თვალსაჩინო იყო. თბილისელებმა ჩემპიონატში ლიდერობის მოპოვება მე-10 ტურში, „ტორპედოსთან“ დრამატულ მატჩში მოპოვებული გამაჯრვებით მოახერხეს და იმ დღიდან სეზონის ბოლომდე დამაჯერებლად ულიდერეს უმაღლესი ლიგის სატურნირო ცხრილს. „დინამოელებმა“ წარმატებულად ისაპარეზეს თასის გათამაშებაშიც, რომლის ფინალურ შეხვედრაში, შარშანდელის მსგავსად წელსაც „ჩიხურას“ დაუპირისპირდნენ, მეტოქე მძიმე ბრძოლაში დაამარცხეს და კვლავ მოახერხეს დუბლის გაფორმება.

საინტერესოა, რომ ამ მნიშნველოვან შეხვედრებში, „დინამო“ პირველივე ტაიმში 10 კაცით დარჩა და ორივე შემთხვევაში ანალოგირი ანგარიშით მოახერხა გამარჯვების მოპოვება, რაც გუნდის ხასიათის სიმტკიცეზე მეტყველებს. იმედია, ასეთ ბრძოლისუნარიანობას „დინამოს“ და სხვა ქართული გუნდების შესრულებით ევროპულ სარბიელზეც ვიხილავთ.

გასული სეზონის შედეგების მიხედთვის უმაღლეს ლიგას მარტვილის „მერანი“ და „ზუგდიდი“ დაემშვიდობნენ. თუმცა, ლიცენზირების და მომავალი სეზონის ფორმატთან დაკავშირებული გაურკვეველი ვითარების გამო ეროვნული ჩემპიონატის მომავალი ბურუსითაა მოცული…