ჭდე: შუქურა

ქობულეთის “შუქურა” ეროვნულ ლიგას დაემშვიდობა (ვიდეო)

Posted on by კახა ყიფიანი

დღეს ეროვნული ლიგის ბოლო, 36-ე ტურის მატჩები იმართება.

სეზონის დასკვნითი შეხვედრა ჩაატარა ქობულეთის “შუქურამ”, რომელიც თბილისის “საბურთალოს” სამტრედიაში, “ეროსი მანჯგალაძეზე” დაუხვდა. ანგარიში 21-ე წუთზე ელვინ ტერამ გახსნა და დედაქალაქელები დააწინაურა. მეორე ნახევარში, 65-ე წუთზე იმავე მოთამაშემ დუბლი შეასრულა. აჭარლებმა ერთი ბურთის გაქვითვა 74-ე წუთზე მოახერხეს, როცა ალექსანდრე გურულმა გამოიჩინა თავი. ამის შემდეგ “შუქურა” გათანაბრებას ცდილობდა, თუმცა ყველა შანსის გამოყენების მცდელობა უგოლოდ დასრულდა.

ამ მატჩის მერე “შუქურას” 21 ქულა დაუგროვდა, იგი მთელი ხუთი ქულით ჩამორჩა ბოლოს წინა ადგილოსან ფოთის “კოლხეთს” და, შესაბამისად, ეროვნულ ლიგას დაემშვიდობა. როგორც უკვე ცნობილია, აღნიშნულ გუნდს “რუსთავი” ჩაანაცვლებს.

 

“შუქურამ” “დილას” სტუმრად მოიგო და ეროვნულ ლიგაში დარჩენის შანსი ბოლო ტურამდე შეინარჩუნა (ვიდეო)

Posted on by კახა ყიფიანი

დღეს ეროვნული ლიგის 35-ე ტურის მატჩები გაიმართა.

გორში, “თენგიზ ბურჯანაძეზე” ადგილობრივი “დილა” ქობულეთის “შუქურას” დაუხვდა. თამაშის პირველ ნახევარში ანგარიში არ გაიხსნა.

მეორე ტაიმში, 59-ე წუთზე აჭარელთა მოთამაშემ, კობა შალამბერიძემ შეძლო მასპინძელთა კარის აღება. ეს ამ მატჩში ერთადერთი გოლი აღმოჩნდა. საბოლოოდ, “შუქურამ” მინიმალური ანგარიშით იმარჯვა.

ამჟამად ქობულეთურ გუნდს 21 ქულა აქვს და ორით ჩამორჩება “კოლხეთს”. შესაბამისად, ბოლო ტურში გაირკვევა, ვინ გავარდება ეროვნული ჩემპიონატიდან. რაც შეეხება “დილას”, ის ორმოცი ქულით მეშვიდე ადგილზეა.

“დინამო” ქულების დაკარგვას გადაურჩა – თბილისლებმა კვარაცხელიას გოლით იმარჯვეს (ვიდეო)

Posted on by კახა ყიფიანი

დღეს ეროვნული ლიგა, სანკარებო პაუზის შემდეგ, განახლდა.

34-ე ტურის ერთ-ერთი მატჩი ბათუმში, “რაგბი არენაზე” შედგა: ქობულეთის “შუქურა” თბილისის “დინამოს” წინააღმდეგ. წესით, დედაქალაქელებისგან ჩემპიონატის ბოლოადგილოსანთან ყველა მარტივ გამარჯვებას ელოდა, თუმც ასე არ მოხდა. “დინამომ” პირველ ტაიმში შექმნა მომენტები, თუმცა უშედეგოდ – გოლი არ გასულა.

გადამწყვეტი გამოდგა დაპირისპირების 78-ე წუთი: მე-18 ნომერმა, მცველის შეცდომის შემდეგ, მარცხენა ფლანგზე მიიღო ბურთი, სამი ფეხბურთელის მოტყუებით საჯარიმოს სიღრმეში შევიდა და მეკარისგან მარჯვენა ცხრიანში გაგზავნა ბურთი – 0:1! საბოლოოდ, სტუმრებმა სწორედ ამ ანგარიშით იმარჯვეს.

“დინამო” 74 ქულით პირველია. “შუქურას” 18 ქულა აქვს და მეათე ადგილს იკავებს.

 

“ლოკო” – “შუქურა”: ფრე დედაქალაქში (ვიდეო)

Posted on by კახა ყიფიანი

დღეს ეროვნული ლიგის 33-ე ტურის შეხვედრები იმართება.

ერთ-ერთ მატჩში, “მიხეილ მესხი 2”-ზე თბილისის “ლოკომოტივმა” ქობულეთის “შუქურა” მიიღო. დაძაბულ მატჩში ანგარიში მე-19 წუთზე გაიხსნა. ამის გაკეთება აჭარელთა ბრაზილიელმა ლეგიონერმა, მარსელინომ მოახერხა. თუმცა, შვიდ წუთში გიორგი რეხვიაშვილმა გაათანაბრა.

მეორე ნახევარში, 57-ე წუთზე ჯეფინიომ კიდევ ერთხელ გაიყვანა საკუთარი გუნდი წინ. თუმცა, 72-ე წუთზე გიორგი დიასამიძის ზუსტი დარტყმის შემდეგ ანგარიში კვლავ გათანაბრდა. “ლოკო” აქტიურობდა, თუმცა მათ ვერ შეძლეს გამარჯვების მოპოვება. შესაბამისად, მატჩი ანგარიშით, 2-2 დასრულდა.

ამ ფრის შემდეგ დედაქალაქური გუნდი 53 ქულით მეოთხე პოზიციას იკავებს. “შუქურას” 18 ქულა აქვს და ცხრილში ბოლოა.

 

“შუქურა” – “დინამო”: უგოლო აჭარული დერბი (ვიდეო)

Posted on by კახა ყიფიანი

დღეს ეროვნული ლიგის 32-ე ტურის შეხვედრები იმართება.

ერთ-ერთ მატჩში ქობულეთის “შუქურა” ბათუმის “დინამოს” დაუპირისპირდა. არც ისე დაძაბული თამაში გარდამავალი უპირატესობით წარიმართა და უგოლო ფრით დასრულდა – 1-1.

აჭარული დერბის შემდეგ “შუქურას” 17 ქულა დაუგროვდა და ბოლო, მეათე პოზიციას იკავებს. ის მომდევნო ტურში თბილისის “ლოკომოტივს” დაუპირისპირდება. აღნიშნული შეხვედრა ოთხ ნოემბერს, თბილისში, “მიხეილ მესხი 2”-ზე 15:00-ზე დაიწყება. რაც შეეხება “დინამოს”, იგი 33 ქულით მერვე პოზიციაზეა. ამჟამად მას 33 ქულა აქვს და მერვე ადგილზეა. იგი ხუთ ნოემბერს, თბილისში, ადგილობრივ “დინამოს” შეხვდება. ეს მატჩიც სამ საათზე დაიწყება.

 

სადისციპლინო და საფეხბურთო დავების განმხილველი კომიტეტის საგანგებო სხდომა

Posted on by ცოტნე შაორშაძე

დღეს გაიმართა საქართველოს ფეხბურთის ფედერაციის სადისციპლინო და საფეხბურთო დავების განმხილველი კომიტეტის საგანგებო სხდომა. კომიტეტის წევრებმა განიხილეს ეროვნული ლიგის 31-ე ტურში სტადიონის მოუმზადებლობის გამო ჩაშლილი დღევანდელი მატჩი ფოთის “კოლხეთსა” და ქობულეთის “შუქურას” შორის და სადისციპლინო კოდექსის 108-ე მუხლის მე-3 პუნქტის თანახმად, მიიღეს შემდეგი გადაწყვეტილება: “კოლხეთს” ჩაეთვალა 0:3 წაგება და დაჯარიმდა 2500 ლარით. აგრეთვე, კლუბს სეზონის ბოლომდე მიეცა პირობითი სასჯელი.

საქართველოს ფეხბურთის ფედერაციის პრესსამსახური.

“ჩიხურამ” “შუქურას” მატჩის მეხუთე დამატებით წუთზე გატანილი გოლის წყალობით მოუგო (ვიდეო)

Posted on by კახა ყიფიანი

დღეს ეროვნული ლიგის 30-ე ტურის შეხვედრები იმართება.

ერთ-ერთ მათგანში ქობულეთის “შუქურა” ბათუმში მდებარე “რაგბი არენაზე” საჩხერის “ჩიხურას” დაუპირისპირდა. მატჩი იმერელთა უპირატესობით წარიმართა. უფრო მეტი მომენტი სწორედ “ჩიხურამ” შექმნა და ერთადერთი გოლი სწორედ მან გაიტანა. ამის გაკეთება მეორე ტაიმის მეხუთე დამატებით წუთზე მიშიკო სარდალიშვილმა მოახერხა.

ამ ფრის შემდეგ “შუქურა” 13 ქულით მეათე პოზიციაზეა. “ჩიხურას” 43 ქულა აქვს და მეექვსე ადგილზეა.

 

“შუქურამ” “სამტრედიას” მნიშვნელოვანი ქულები დააკარგვინა

Posted on by ცოტნე შაორშაძე

ოცდამერვე ტურის მეორე შეხვედრა გიამართა ბათუმში “რაგბი არენაზე”. მაყურებელმა დაძაბული და უხვგოლიანი შეხვედრა იხილა.

პირველი რეალური მომენტი შეხვედრაში მე-18 წუთზე შეიქმნა, როდესაც თერთმეტმეტრიანი ნიშნულიდან ქობულეთელთა კარს ნიკა საბანაძე დაემუქრა, მაგრამ გიორგი სომხიშვილმა მეტოქეს აჯობა.თუმცა სამტრედიელთა სწრაფ შეტევებს მაინც მოჰყვა შედეგი, 26-ე წუთზე დავით რაჟამაშვილის დარტყმის შემდეგ ანგარიშიც გაიხსნა.

ბევრად უფრო დაძაბული და საინტერესო გამოდგა მეორე ნახევარი, მე-60 წუთზე ალექსანდრე გურულის ჩაწოდების შემდეგ მარსელიონიომ ძალიან კარგად ითამაშა და მიგინეიშვილის კარი აიღო. ამის შემდეგ მოედანზე კიდევ უფრო დაიძაბა ვითარება, სამტრედიელები ცდილობდნენ გოლის გატანას, რეალურად ძალიან ახლოს იყვნენ მიზანთან 65-ე წუთზე, როდესაც გიორგი კახელიშვილმა კარის ხაზზე ხელით ითამაშა და მეორედ დაინიშნა თერთმეტმეტრიანი, ამჯერად ნიკა სამდოხაძე მივიდა ბურთთან, მაგრამ ჯერ ხარიხამ იხსნა “შუქურა” შემდეგ კი დამატებაზე ისევ სანდოხაძემ ააცილა ბურთი კარს. საბოლოოდ კი მატჩის 87-ე წუთზე ქობულეთელები ახლოს იყვნენ გამარჯვებასთან, როდესაც სწრაფი კონტრშეტევის შემდეგ, კობა შალამბერიძემ აჭარლები წინ გაიყვანა. “სამტრედიის”მონდომებამ მაინც გამოიღო შედეგი,რაჟამაშვილის ჩაწოდების შემდეგ ნიკა საბანაძემ 93-ე წუთზე ზუსტი თავური დარტყმით აღადგინა წონასწორობა. ამის შემდეგ აღარაფერი შეცვლილა და შეხვედრა ფრედ 2-2 დასრულდა.

“საბურთალო” – “შუქურა”: პოლარის სისტემის შედეგები

Posted on by კახა ყიფიანი

საქართველოს ფეხბურთის ფედერაციის ინიციატივით, ეროვნულ ლიგაში უკვე ზედიზედ მეორედ იქნა გამოყენებული პოლარის სისტემა, რომელიც ფეხბურთელთა ფიზიკური აქტივობის ანალიტიკურ სურათს იძლევა.

თავდაპირველად, დაგეგმილი იყო პოლარის სისტემის გამოყენება ტორპედო-დინამოს მატჩზე, თუმცა სფფ-ის მედიაპარტნიორ ჯიეფემ სტუდიოსთან კონსულტაციების შემდეგ გადაწყდა, რომ პოლარი ისეთ მატჩზე დატესტილიყო, რომელიც ინტერნეტსივრცეში გადაიცემოდა, რაც მხარეებს საშუალებას აძლევდა, პირველად დამოუკიდებელი ქართული ფეხბურთის ისტორიაში, ფეხბურთელთა მონაცემები პირდაპირ ეთერში ასახულიყო ეკრანზე.

საბოლოოდ, არჩევანი საბურთალო-შუქურაზე შეჩერდა და ამ გუნდების საუკეთესო სამ-სამი ფეხბურთელის მონაცემებს თანდართულ გრაფიკაზე იხილავთ. დაფარული მანძილით ორივე გუნდში საუკეთესო თორნიკე თარხნიშვილი გახდა 11,24 კილომეტრით. სპრინტების რაოდენობით კი მისმა თანაგუნდელმა, ნოდარ იაშვილმა იპირველა – 65 სპრინტი. მაქსიმალური სიჩქარითაც საბურთალოელი გამოირჩა – ლუკა ლაკვეხელიანმა 34,9 კმ/სთ აჩვენა.

“საბურთალომ” “შუქურა” დაამარცხა (ვიდეო)

Posted on by კახა ყიფიანი

დღეს ეროვნული ლიგის 27-ე ტურის შეხვედრები გაიმართა.

ერთ-ერთ მატჩში თბილისის “საბურთალომ” “დავით პეტრიაშვილზე” ქობულეთის “შუქურა” მიიღო. ანგარიში მეორე წუთზე გაიხსნა, როცა ლაშა შინდაგორიძემ შეძლო გიორგი სომხიშვილის კარის ბადის აღება. მერვე წუთზე გიორგი ხარაიშვილმა ორამდე გაზარდა სხვაობა. ხოლო, მე-14 წუთზე გაგი მარგველაშვილმა მესამე გოლიც გაიტანა.

მეორე ნახევარში, 48-ე წუთზე ლაზარე კუპატაძემ ავტოგოლი გაიტანა და სხვაობა ორამდე შემცირდა. ხოლო, 65-ე წუთზე რომან ჩაჩუამ კიდევ ერთი გოლი გაქვითა.

საბოლოოდ, 3-2 თბილისელთა სასარგებლოდ.

დედაქლაქელები 43 ქულით მეოთხეზე არიან. “შუქურას” 12 ქულა აქვს და ბოლოზეა.

 

“დილამ” “შუქურას” სტუმრად ძარიას გოლით მოუგო (ვიდეო)

Posted on by კახა ყიფიანი

დღეს ეროვნული ლიგის 26-ე ტურის შეხვედრები იმართება.

“რაგბი არენაზე” ქობულეთის “შუქურა” გორის “დილას” დაუპირისპირდა. ანგარიში მერვე წუთზე გაიხსნა, როცა ირაკლი ძარიამ აჭარლების კარი აიღო.

მეორე ნახევარში გოლი აღარ გასულა.

საბოლოოდ, “დილამ” სტუმრად მინიმალური სხვაობით მოიგო. ეს კლუბი 28 ქულით მეშვიდეზეა. “შუქურას” 12 ქულა აქვს და მეათეზეა.

 

“დინამო” – “შუქურა”: ჩემპიონატის პირველადგილოსანმა ბოლოადგილოსანთან ქულები სახლში დაკარგა (ვიდეო)

Posted on by კახა ყიფიანი

დღეს ეროვნული ლიგის 25-ე ტურის მატჩები გაიმართა.

თბილისში, “დინამო არენაზე” “დინამო” ქობულეთის “შუქურას” დაუპირისპირდა. შეხვედრაში ანგარიში პირველ ტაიმში არ გაიხნსა.

მეორე ნახევარში, 72-ე წუთზე ეროვნული ლიგის ბოლოადგილოსანმა პირველადგილოსანს გაუტანა: “შუქურადან” თავი კობა შალამბერიძემ გამოიჩინა. რვა წუთში აჭარელთა მოთამაშემ, გიორგი კახელიშვილმა მეორე ყვითელი ბარათი მიიღო და მოედანი დატოვა. შეხვედრის მესამე დამატებით წუთზე ენვერ ლილუაშვილმა ანგარიში გაათანაბრა და “დინამოს” ქულა გადაურჩინა.

საბოლოოდ, 1-1.

“დინამო” 57 ქულით პირველია. “შუქურას” 12 ქულა აქვს და მეათე პოზიციაზეა.