ჭდე: უმაღლესი ლიგა

დღეს გამართული უმაღლესი ლიგის ორი შეხვედრა მასპინძელთა გამარჯვებით დასრულდა.

“მიხეილ მესხზე” ბოლნისის “სიონმა” ლანჩხუთის “გურია” მიიღო და 2:0 გაიმარჯვა. ბოლნისელთა მხირდან გოლები კახელიშვილმა და უგულავამ გაიტანეს.

მეორე მატჩი ივანწმინდაში გაიმართა, სადაც “ჩიხურამ” რუსთავის “მეტალურგს” უმასპინძლა, 4:1 დაამარცხა მეტოქე და მეოთხე ადგილი ფაქტობრივად გაინაღდა.

 

სიონი (ბოლნისი) – გურია (ლანჩხუთი) 2:0

გოლი: 1:0 კახელიშვილი (16), 2:0 უგულავა  (90)

ჩიხურა (საჩხერე) – მეტალურგი (რუსთავი) 4:1

გოლები: 1:0, 2:0, 3:0 გაბედავა (11, 45, 52), 4:0 ჯიღაური (63), 4:1 მიქაბერიძე (90)

უმაღლეს ლიგაში ტური ორი შეხვედრით გაიხსნა. თბილისში ქუთაისის “ტორეპდო” ზუგდიდის “ზუგდიდს” უმასპინძლა და 3-1 დაამარცხა. დარსელიას შეგირდებმა ამ მარცხის უმაღლესში ადგილის შენარჩუნება ძალიან გაირთულეს.

მეორე შეხვედრაში “ვიტ ჯორჯიამ” მცხეთაში გორის “დილას” უმასპინძა და მინიმალური სხვაობით, 2-1 დაამარცხა.

 

 

ტორპედო 3-1 ზუგდიდი

გოლები: კირკიტაძე 6′ (0:1); ხურციძე 57′ (1:1); ბექა ტუღუში 71′ ; 90′ (3:1)

ვიტ ჯორჯია 2-1 დილა

გოლები: კორიფაძე 32′ (1:0); ლომიძე 55′ (1:1); ლობჟანიძე 86′ (2:1)

უმაღლესი ლიგის გათამაშება დასასრულს უახლოვდება. ჩემპიონის ვინაობა შესაძლოა უკვე დამდეგ ტურში გახდეს ცნობილი. მთავარი მატჩს ზესტაფონის სტადიონი უმასპინძლებს. 

 

სიონი – გურია

3 მაისი, “მიხეილ მესხი”, 16:00

მიხეილ მისხზე ერთმანეთის წინააღმდეგ განსხვავებული შედეგის მქონე გუნდები წარსდგებიან. “სიონის” ზედა ექვსეულში უდანაკარგოდ ასპარეზობს, “გურიას” კი ყველა მატჩი წაგებული აქვს.

ბოლო დროს გავრცელებული ინფორმაციით ლანჩხუთელებს კვლავ ფინანსური პრობლემები აქვთ, რაც “სიონის” ისედაც დიდ შანსებს კიდევ უფრო ზრდის.

 

ჩიხურა – მეტალურგი

3 მაისი, ივანწმინდა, 16:00

მეოთხე საფეხბურისთვის მებრძოლი გუნდების უშუალო შეხვედრას ივანწმინდა უმასპინძლება. “ჩიხურასა” და “მეტალურგს” შორის სხვაობა მხოლოდ სამი ქულაა, ამიტომ მატჩიც საკმაოდ დაძაბული და საინტერესო უნდა გამოდგეს. თანაც, საჩხერელებს ექვსეულებად დაყოფის შემდეგ “მეტალურგთან” გამართულ პირველ მატჩი წაგების გამო რევანში აქვთ ასაღები.

 

ზესტაფონი – დინამო

3 მაისი, ზესტაფონი, 19:00 

ჩემპიონატის ცენტრალურ მატჩს დავით აბაშიძის სახელობის სტადიონი უმასპნიძებს. აღნიშნული მატჩი “დინამოსთვის” შესაძლოა ჩემპიონატში გადამწყვეტი აღმოჩნდეს. თბილისელები მოგების შემთხვევაში ოფიციალურად გაიფორმებენ მიმდინარე გათამაშების გამარჯვებულის ტიტულს.

თუმცა, ზესტაფონელები მაქსიმალურად შეეცდებიან, რომ უშალო კონკურენტმა მათ მოედანზე არ იზეიმოს წარმატება. ამიტომ, იმერეთში გასამართი შეხვედრა უდიდეს ინტერესს იწვევს ფეხბურთის გულშემატკივრებში. ორივე გუნდიმატჩს ოპტიმალური შემადგენლობით ხვდება.

 

ტორპედო – ზუგდიდი

2 მაისი, მიხეილ მესხის სათადარიგო, 16:00, უმაყურებლოდ

უმაღლეს ლიგაში ადგილის შესანარჩუნებლად მებრძოლი “ზუგდიდი” ქუთაისის “ტორპედოს” უკვე ტრადიციულად თბილისში ესტუმრება და საციცოცხოლდ მნიშვნელოვანი გამაჯრვების მოპოვებას შეეცდება.

ზუგდიდელები “სპარტაკს” ოთხი ქულით ჩამორჩებიან და თუ უმაღლესში ადგილის შენარჩუნება სურთს, შეცდომის დაშვების უფლება აღარ აქვთ.

 

ვიტ ჯორჯია – დილა

2 მაისი, “მცხეთა პარკი”, 16:00

ქვედა ექვსეულის ყველაზე უმოტივაციო შეხვედრას “მცხეთა პარკი” უმაპსნიძებს. “ვიტ ჯორჯიას” და “დილას” უმაღლესიდან გავარდნა ბუნებრივია აღარ ემუქრებათ. დარჩენილ მატჩებს გუნდები უბრალოდ საკუთარი სიამოვნებისთვის ჩაატარებენ.

მიმდინარე სეზონში ეს “ვიტ ჯორჯიასა” და “დილას” შორის გამართულ შეხვერებში სრული თანაფარდობაა. ორივე გუნდმა თითო მატჩის მოგება მოახერხა. ერთი შეხვედრა კი, ფრედ დასრულდა.

 

სპარტაკი – მერანი

2 მაისი, “მიხეილ მესხი”, 19:00

აუტსაიდერების დაპირისპირებას დღეს “მიხეილ მესხი” უმასპინძლებს. “მერანი” მარცხის შემთხვევაში უმაღლესში დარჩენის თეორიულ შანსსაც კარგავს. “სპარტაკს” კი, გამარჯვების შემთხვევაში კონკურენტებთან შედარებით კომფორტული უპირატესობა ექნება.

აღსანიშანვია, რომ კაჭარავას შეგირდები მეორე ეტაპს საკამოდ კარგად ატარებენ და აუტსაიდერთა შორის სავსებით დამსახურებულად აქვთ “ფავორიტის” სტატუსი.

25-27 აპრილს ჩატარდა ლიცენზირების კომიტეტის სხდომა შემდეგი შემადგენლობით: ნარგიზი ჩხიკვაძე (თავმჯდომარე), რევაზ შენგელია, დიმიტრი ბოკერია, თამარ ჭიჭინაძე. კომიტეტის გადაწყვეტილებით, 2014-2015წწ. სეზონის უეფას და ეროვნული ლიცენზიები გაიცა შემდეგ საფეხბურთო კლუბებზე:

–       „დინამო თბილისი“

–       „ზესტაფონი“

–       „სიონი“

–       „ჩიხურა“

ამას გარდა, 2014-2015წწ. სეზონის ეროვნული ლიცენზიები გაიცა საფეხბურთო კლუბებზე:

–       „ვიტ ჯორჯია“

–       „სპარტაკი“

–       „კოლხეთი 1913“

–       „შუქურა“

–       „გაგრა“

საფეხბურთო კლუბების მიერ სანქცირებადი კრიტერიუმების დარღვევის ფაქტები განსახილველად და გადაწყვეტილების მისაღებად გადაეცემა სფფ-ის სადისციპლინო კომიტეტს, 2014-2015წწ. ჩემპიონატის მონაწილეთა დაკომპლექტების შემდეგ.

კლუბები უკვე ინფორმირებულები არიან გადაწყვეტილებების შესახებ და უკმაყოფილო ლიცენზიის მაძიებლებს შეუძლიათ ა/წ 5 მაისამდე გაასაჩივრონ ლიცენზირების კომიტეტის გადაწყვეტილება ლიცენზირების სააპელაციო ორგანოში (თავმჯდომარე დავით კალანდაძე), ამ ორგანოსთვის პირდაპირი მიმართვის გზით, სფფ-ის საკლუბო ლიცენზირების მოქმედი დებულებების შესაბამისად (იხ.მე-6 მუხლი).

gff.ge

უმაღლესი ლიგის მიმდინარე სეზონის დასრულებამდე 4 ტურია დარჩენილი. თუმცა, ჩემპიონატის გადამწყვეტი ნაწილი განსაკუთრებული დაძაბულობისა და ინტრიგის გარეშე ჩაივლის.

ფაქტობრივად ცნობილია ჩემპიონის და ევროტურნირებზე გამსვლელი გუნდების ვინაობა. გასაკრვევი მხოლოდ ერთი რამ დარჩა – ვინ დარჩება უმაღლეს ლიგაში “სპარტაკი” თუ “ზუგდიდი”… ამ კითხვაზე პასუხს, ალბათ ამ გუნდების ანაკლიაში გასამართი შეხვედრა გასცემს, რომელიც 6 მაისს შედგება. თუმცა, თუ ფედერაცია გუნდების რაოდენობის გაზრდის შესახებ მიიღებს გადაწყვეტილებას, არც აღნიშნული მატჩის შედეგს და საბოლოოდ დაკავებული პოზიციებს ექნება გადამწყვეტი მნიშვნელობა.

ქვედა ექვსეულის დარაჩენ გუნდებს რაც შეეხება.. ცხრილში უკანასკნელ პოზიციაზე მყოფ მარტვილის “მერანს” გადარჩენის ძალიან მცირე შანსი და საკმაოდ რთული შეხვედრებიც აქვს დარჩენილი.

“ტორპედო”, “ვიტ ჯორჯია” და “დილა” კი, თავს მშვიდად გრძნობენ და დარჩენილ შეხვედრებს უბრალოდ საკუთარი სიამოვნებისთვის ჩაატარებენ.

ზედა ექვსეულში ინტრიგა უფრო ნაკლებია. სათასო ბატალიების, “მეტალურგის” და განსაკუთრებით “გურიას” სუსტი თამაშის გამო ოთხეულიც და შესაბამისად ევროთასებზე გამსვლელი გუნდების ვინაობაც ფაქტობრივად უკვე ცნობილია.

გურულებს ჩემპიონატის მეორე ეტაპზე ქულაც კი არ აქვთ მოპოვებული. “მეტალურგი” კი სეზონის გადამწყვეტ ნაწილს საკმაოდ არასტაბილურად ატარებს, რაც რუსთავულ გუნდში მომხდარი ცვლილებების შემდეგ გასაკვირი სულაც არ არის.

მართალია, “მეტალურგი” დამდეგ ტურში ივანწმინდაში  უშუალო კონკურენტ “ჩიხურას” ეწვევა, თუმცა ფრუიძის გუნდი დიდი ალბათობით მეოთხე პოზიციას არ დათმობს.

უახლოესი დღეების ერთ-ერთი მთავარი მოვლენა ზესტაფონში “დინამოს” სტუმრობა იქნება. თბილისელეს უკვე უახლოეს შაბათს აქვთ ჩემპიონობის ოფიციალურად გაფორმების შანსი. მიუხედავად მცირე ჩავარდნებისა, “დინამომ” მიმდინარე სეზონი საკმაოდ კარგად განვლო და ფაქტია, რომ თბილისელებს მთელი გათამაშების მანძილზე სტაბილური კონკურენცია ვერავინ ვერ გაუწია. შესაბამისად, თბილისელთა ეს შედეგიც სავსებით ლოგიკურად უნდა მივიჩნიოთ.

“დინამოს” და ალბათ ევროთასებზე საქართველოს სახელით გასულ ყველა გუნდს საკმაოდ სერიოზული გაძლიერება დასჭირდება, თუმცა არა “რევოლუციური” ცვლილებები, რაც ხშირ შემთხვევაში ქართული საფეხბურთო მენეჯმენტისთვის დამახასიათებელი რამ არის.

ასეა თუ ისე, მორიგი ეროვნული ჩემპიონატი დასასრულს უახლოვდება… იყო ბევრი უსიამოვნო ფაქტი, სკანდალი და სახალისო მომენტებიც.. ტრადიციულად, ნეგატივის რაოდენობა სასიამოვნო მომენტებზე უფრო მეტი იყო. თუმცა, იმედი ვიქონიოთ, რომ დარჩენილი ტურები მშვიდ ატმოსფეროში ჩაივლის და უმაღლესი ლიგის მცირე რაოდენობის, მაგრამ ერთგულ გულშემატკივარს კიდევ რამდენიმე ლამაზ მატჩს აჩუქებს.

დღეს, ეროვნული ჩემპიონატის 28-ე ტურის ორი მატჩი გაიმართა და ორივე შეხვედრა აუტსაიდერების მარცხის დასრულდა. ანაკლიაში “ზუგდიდმა” “ვიტ ჯორჯია” მიიღო და უხვგოლიან შეხვედრაში 2:3 წააგო. თბილისში გამართული “სპარტაკის” და “ტორპედოს” შეხვედრა ქუთაისელთა გამარჯვებით, 1:2 დასრულდა.

ზუგდიდი 2-3 ვიტ ჯორჯია

გოლები:  0:1 მაისურაძე (26), 1:1 მირცხულავა (30), 1:2 ჯავაშვილი (38 საკუთარ კარში), 1:3 კორიფაძე (81), 2:3 კირკიტაძე (89, პენალტით)

 

სპარტაკი 1-2 ტორპედო

გოლები: 1:0 შონია (38), 1:1 ჩიკვილაძე (55), 1:2 ხურციძე (84)

 

ხვალ ტურის დარჩენილი მატჩები გაიმართება:

დინამო – გურია

მეტალურგი – ზესტაფონი

სიონი – ჩიხურა

მერანი – დილა

დღეს, უმაღლესი ლიგის 28-ე ტური აიღებს სტარატს. თუმცა, მისი ძირითადი ნაწილი ხვალ გაიმართება. 

 

გურია – დინამო

27 აპრილი, ლანჩხუთი, 16:00

ზედა ექვსეულის პირველი და ბოლო გუნდის დაპირისპირება “ევგრაფი შევარდნაძეზე” შედგება. ლანჩხუთელებმა ჩემპიონატის მეორე ეტაპზე ყველა შეხვედრა წააგეს და რთული წარმოსადგენია, რომ წარუამტებელი სერიის შეწყვეტა მახარაძის შეგირდებმა გათამაშების ლიდერთან შეძლონ.

გუნდები მოედანზე საბრძოლო შემადგენლობით გავლენ. “დინამოს” დისკვალიფიკაციის გამო მხოლოდ დავით კვირკველია დააკლდება.

 

მეტალურგი – ზესტაფონი

27 აპრილი, რუსთავი, 16:00

რუსთავში პრინციპული მეტოქეების შეხვედრა გაიმართება. ადგილობრივი “მეტალურგი” “ზესტაფონს” უმასპინძებს. გასულ ტურში იმერლები მნიშნველოვან შეხვედრაში დამარცხდნენ და უშუალო კონკურენტ ბოლნისის “სიონს” მიახლოების საშულება მისცეს. პრობლემები რუსთავშიც არის. “მეტალურგს” მეორე ეტაპზე სტაბილურობა აკლია.

შეხვედრის პირდაპირ რეპორტაჟს საზოგადოებრივი მაუწყებლის მეორე არხი გეგმავს.

 

სიონი – ჩიხურა

თბილისი, მ.მესხი, 16:00

ტურის ცენტრალურ მატჩს მიხეილ მესხის სახელობის სტადიონი უმასპინძლებს.

ბოლნისის “სიონი” შესანიშნავ ფორმაში იმყოფება. ზედიზედ ხუთი მოგებული მატჩის შემდეგ, საიდანაც ორში ბურდულის შეგირდებმა ლიდერების დამარცხება მაოხერხეს, “სიონი” “ჩიხურას” დაუპირისპირდება.

ფრუიძის გუნდმა სეზონის მეორე ნახევარი მძიმად დაიწყო, თუმცა ბოლო დროს თამაშის ხარისხი გამოასწორა და საქართველოს თასის ფინალის საგზურიც მოიპოვა.

 

სპარტაკი – ტორპედო

26 აპრილი, მ. მესხის სათადარიგო, 16:00

ტური ქვედა ექვსეულის მატჩებით გაიხსნება. მიხელ მესხის სათადარიგო მოედანზე ცხინვალის “სპარტაკი” ქუთაისის “ტორპედოს” მიიღებს.

კაჭარავს გუნდი მეორე ეტაპზე საკმაოდ დამაჯერებლად ასპარეზობს და ქვედა ექვსეულში ერთადერთი წაუგებელი გუნდიც არის. გამარჯვების შემთხვევაში “სპარტაკი” მნიშვნელოვან ნაბიჯს გადადგავმს უმაღლესში ადგილის შესანარჩუნებლად.

 

ზუგდიდი – ვიტ ჯორჯია

26 აპრილი, ანაკლია, 16:00

უმაღლესში ადგილის შესანარჩნებლად მებრძოლი კიდევ ერთი გუნდი საკუთარ მეოდანზე “ვიტ ჯორჯიას” უმასპინძლებს. ზუგდიდელები გასავარდნ ზონაში იმყოფებიან და აღნიშნულ შეხვედრაში ქულების მოპოვებას ძალიან დიდი მნიშნველობა ენიჭება.

დარასელიას გუნდი შეხვედრას ოპტიმალური შემადგენლობით ხვდება. “ვიტ ჯორჯიას” კი დისკვალიფიკაციის გამო გიორგი კალანდია დააკლდება.

 

მერანი – დილა 

27 აპრილი, ქუთაისი, 16:00

მარტვილის “მერანი” ქუთაისის ცენტრალურ სტადიონზე გორის “დილას” უმასპინძლებს.

იონანიძის გუნდი ბოლო პოზიციაზე, თუმცა უმაღლესში ადგილის შესანარჩუნებლად ბოლომდე იბრძვის. მარტვილელებმა მნიშვნელოვანი ქულების მოპოვება მოახერხეს და შანსს კი ინარჩნებენ, მაგრამგასულ ტურში “ტორპედოსთან” დიდი ანგარიშით მარცხმა “მერანის” მდგომარეობა გაართულა.

კარგი მდგომარეობა არც “დილას” აქვს. გორულმა კლუბმა ჩემპიონატში ზედიზედ სამი თამაში წააგო და ასე თუ გააგრძელდა, შესაძლოა “დილას” პრობლემები შეექმნას. არადა გუნდი შემადგენლობიდან გამომდინარე, “დილას” ასეთი პრობლემები არ უნდა ქონდეს.

უმაღლესი ლიგის მორიგი ტური ზედა ექვსეულში გამართული სამი მატჩით დასრულდა. ივანწმინდაში “ჩიხურამ” “გურიას” სამი უპასუხო გოლი გაუტანა და მოუგებელი სერიას შეწყვიტა. რუსთავში თბილისის “დინამომ” ადგილობრივი “მეტალურგის” დამარცხებით ორმატჩიანი წარუმატებელ პერიოდს წერტილი დაუსვა და მნიშვნელოვანი სამი ქულა მოიპოვა, ხოლო “მიხეილ მესხზე” ტურის ცენტრალურ დაპირისპირებაში ბოლნისის “სიონმა” “ზესტაფონის” დამარცხება მინიმალური სხვაობით შესძლო.

ჩიხურა 3-0 გურია

გოლები: გაბედავა 28′ ; ჭელიძე 39′ ; კვასხვაძე 84′

სიონი 2-1 ზესტაფონი

გოლები: გოგობერიშვილი 33′ (1:0); გეწაძე 39′ (1:1); გოგობერიშვილი 75′ (2:1)

მეტალურგი 0-2 დინამო

გოლები: ჩისკო 18′ ; პაპუნაშვილი 89′ 

 

ქვედა ექვსეულის დღევანდელ მატჩში “ზუგდიდამ” გორის “დილას” უმაპსინძლა და მინიმალური სხვაობით, 2:1 დაამარცხა. ზუგდიდელები 25-ე წუთისთვის კიკიტაძის და სამუშიას გოლებით იგებდნენ. პირველი ტაიმის დამთავრებამდე 5 წუთით ადრე გორელებმა ლომიძის ძალისხმევით სხვაობა შეამცირეს. მეორე ნახევარში ანგარიში აღარ შეცვლილა.