ჭდე: უმაღლესი ლიგა

დღეს ეროვნული ჩემპიონატის უმაღლესი ლიგის მეორე ეტაპი აიღებს სტარტს. გთვაზაობთ ტრადიციულ პრევიუს.

“ჩიხურა” – “სიონი”

პირველი ეტაპი: 2-2, 1-1

25 მარტი, ივანწმინდა, ცენტრალური სტადიონი, 15:00

მსაჯები: გ.ვადაჭკორია, ზ.ფიფია, ი.უკლება, ბ.ნინუცა (1 დამ.ასისტენტი), გ. ყრუაშვილი (2 დამ.ასისტენტი), ხ.გაგნიძე (სათადარიგო)

ივანწმინდაში გასამართი მატჩი ტურის ცენტრალურ დაპირისპირებად უნდა ჩავთვლოთ. სატურნირო ცხრილიდან გამომდინარე სწორედ “ჩიხურას” და “სიონის” შეხვედრა იწვევს ყველაზე დიდ ინტერესს.

აღნიშნული გუნდების პირველი ეტაპის ორივე შეხვედრა ფრედ დასრულდა. დღეს კი, გამარჯვებას როგორც მასპინძლებისთვის ისე სტუმართა გუნდისთვის უდიდესი მნიშვნელობა აქვს.

დისკვალიფიკაციის გამო “ჩიხურას” გამოცდილი გივი კვარაცხელია დააკლდება, ხოლო “სიონს” გიორგი კახელიშვილი.

 

“დინამო” – “გურია”

პირველი ეტაპი: 2-1, 3-1

25 მარტი, თბილისი, ბორის პაიჭაძის სახელობის “დინამო არენა”, 18:00

მსაჯები: ა.კრიჭაშვილი, ბ.ჭიჭინაძე, გ.ჩიგოგიძე, ლ.სილაგავა (სათადარიგო)

“დინამო არენაზე” ქვეყნის მრავალგზის ჩემპიონი ლანჩხუთის “გურიას” უმასპინძლებს. ძნელი სავარაუდოა, რომ გურულები ექვსეულში მაღალი მიზნებისთვის იბრძოლებენ. მათი პროგრამა მინიმუმი ამ სეზონში უკვე შესრულებულია.

თბილისელებს საჩემპიონო რბოლაში მორიგი სამი ქულის მოპოვება არ უნდა გაუჭირდეთ.

 

“ზესტაფონი” – “მეტალურგი”

პირველი ეტაპი: 0-0, 2-1

25 მარტი, ზესტაფონი, “დავით აბაშიძე”, 18:00

მსაჯები: ჯ.ხორავა, ი.მაჩიტიძე, ზვ.ერქვანია, მ.ბეუქლიშვილი

ზესტაფონში სტუმრად რუსთავის “მეტალურგი” ჩადის. ამ ორი გუნდის შეხვედრა ყოველვის დიდი ინტერესს იწვევს და დიდი დაძაბულობითაც გამოირჩევა.

შესანიშნავ ფორმაში მყოფ გია გეგუჩაძის შეგირდების წესით და რიგით გამარჯვების მოპოვება არ უნდა გაუჭირდეთ. “ზესტაფონს” პირველ წრეშიც რომ ასე დმააჯერებლად ეასპარეზა, “დინამოს” უპირატესობა ახლა ასეთი დიდი ნამდვილად არ იქნებოდა.

 

“დილა” – “მერანი”

პირველი ეტაპი: 3-0, 1-2

26 მარტი, გორი, “თენგიზ ბურჯანაძე”, 15:00

ზედა ექვსეულს ხვალ ქვედაც შეუერთდება და ლიგაში ადილის შესანარჩუნებელი ბრძოლაც დაიწყება.

გორული კლუბი მარტვილის “მერანთან” შეხვედერას მთავარი მწვრთნელის, რამაზ სოლოღაშვილის გარეშე ხვდება. ახალგაზრდა სპეციალისტმა თანამდებობის დატოვების გატაწყვეტილება მიიღო. აღნიშნულ მატჩზე “დილას” სოლოღაშვილის თანაშემწეები გაიყვანენ.

გორში გასამართ მატჩს უდიდესი მნიშნველობა აქვს სტუმართა გუნდისთვის. “მერანს” უმაღლესში ადგილის შესანარჩუნებლად მაქსიმალურად ბევრი მატჩის მოგება სჭირდება.

 

“ვიტ-ჯორჯია” – “ზუგდიდი”

პირველი ეტაპი: 0-0, 1-0

26 მარტი, მცხეთა, “მცხეთა პარკი”, 15:00

გადარჩენისთვის ბრძოლა მცხეთაშიც გაიმართება. პირველი ეტაპის დასკვნით ტურში ორივე გუნდმა მოიპოვა გამარჯვება, რაც იმის მანიშნებელია რომ “ვიტიც” და “ზუგდიდიც” დანებებას არ აპირებს. უშუალო კონკურენტთან შეხვედრაში კი, გამარჯვების მოპოვება გაცილებით უფრო მნიშვნელოვანია.

 

“ტორპედო” – “სპარტაკი”

პირველი ეტაპი: 0-1, 1-0

26 მარტი, თბილისი, “მიხეილ მესხი”, 15:00,

მსაჯები: დ.ხარიტონაშვილი, ლ.თოდრია, გ.ელიკაშვილი, თ.გვანცელაძე

ქუთაისის “ტორპედო” “მიხეილ მესხზე” გულშემატკივრის გარეშე უმასპინძლებს ცხინვალის სპარტაკს. ორივე გუნდს ჰაერივით ესაჭიროება სამი ქულა. თუმცა “ტორეპდოს” მდგომარეობა, სატურნირო ცხრილის გათვალისწინებით, უფრო მომგებიანია. ასე რომ, ძოძუაშვილს თავისი საყვარელი დაცვითი ფეხბურთის თამაშის საშუალებაც მიეცემა.

 

დღეს ეროვნული ჩემპიონატის უმაღლესი ლიგის პირველი ეტაპის უკანასკნელი ტურის მატჩები გაიმართა. შესაბამისად, გარკვეულია პირველ და მეორე ექვსეულებში მოხვედრილი გუნდების ვინაობა.

გაგაცნობთ ტურის შედეგებს:

ჩიხურა 1-2 ტორპედო

გოლები: ღონღაძე 7′ (0:1); გაბედავა 23′ (1:1); სავჩენკოვსი 66′ (1:2

დინამო 0-1 მეტალურგი 

გოლი: ექვთიმიშვილი 68′ 

სიონი 0-1 ზესტაფონი

გოლი: ზაზა ჭელიძე 5′ 

მერანი 1-2 დილა 

გოლები: რაზმაძე 45′ (0:1); ბერიაშვილი 52′ (0:2); ციცხვაია 68′ (1:2)

ვიტ ჯორჯია 2-1 სპარტაკი

გოლები: ლობჯანიძე 56′ (1:0); კორიფაძე 57′ (2:0); ზვიად მეტრეველი 90′ (2:1)

ზუგდიდი 2-0 გურია

გოლები: ჯავაშვილი 5′ (1:0); სიხარულია 71′ (2:0)

 

1-6 ადგილებისთვის: დინამო, ზესტაფონი, ჩიხურა, გურია, სიონი, მეტალურგი.

7-12 ადგილებისთვის: დილა, ვიტ ჯორჯია, ტორპედო, სპარტაკი, ზუგდიდი, მერანი.

საინტერესოა, რომ დღეს დილით ზუგდიდი-გურიას მატჩის დაწყებამდე მნიშნველოვნად შემცირდა “ზუგდიდის” კოეფიციენტი მატჩის მოგებაზე, რამდენიმე წუთში კი აღნიშნული შეხვედრა პროგრამიდან ამოიღეს. “გურიას” ამ შეხვედრაში ფაქტობრივად არანაირი მოტივაცია არ გააჩნდა…

დღეს უმაღლესი ლიგის პირველი ეტაპის უკანასკნელი ტური გაიმართება. ექვსეულში მოსახვედრ ბრძოლას “მეტალურგი” და “დილა” აგრძელებენ. 

 

„ჩიხურა“ – „ტორპედო“

პირველი წრე: 1-2

16 მარტი, ივანწმინდა, ცენტრალური სტადიონი, 15:00

მსაჯები: გ.ყრუაშვილი, ბ.ჭიჭინაძე, ი.უკლება, გ.ვადაჭკორია (სათადარიგო)

ივანწმინდაში “ჩიხურა” განახლებულ სტადიონზე უმასპინძლებს ქუთაისის “ტორპედოს”. გასულ ტურში ორივე გუნდი დამარხდა. საჩხერელებმა “გურიასთან” წააგეს და ამ მატჩს დიდი აჟიოტაჟი მოჰვა. საფეხბურთო სამყაროში აქტიურად მუსირება ის აზრი, რომ ამ შეხვედრაში ბოლომდე არ იყო დაცული “სამართლიანი თამაშის” წესები.. ერთი სიტყვით, ყველაფერი ექვსეულში, ჩიხურა-გურიას მატჩის დროს გამოჩნდება.
სკანდალური იყო “ტორპედოს” ბოლო შეხვედრაც, რომელზეც უკვე ძალიან ბევრი დაიწერა და ზედმეტა ამ თემაზე საუბრით თავს აღარ შეგაწყენთ.

დისკვაიფიკაციის გამო ორივე გუნდს საკმაოდ მნიშვნელოვანი ფეხბურთელები დააკლდებათ, ზემო იმერლები კაპიტნის და გუნდის ერთ-ერთი ლიდერის, დავით ოდიკაძის გარეშე იასპარეზებენ. ქუთაისლებს კი, ბექა ტუღუში დააკლდებათ.

 

„დინამო თბილისი” – „მეტალურგი”

პირველი წრე: 0-0

16 მარტი, თბილისი, „დინამო არენა“
მსაჯები: ლ.სილაგავა, ლ.თოდრია, გ.ელიკაშვილი, ო.ხეცაძე (სათადარიგო)
“დინამო არენაზე” ტურის ერთ-ერთი ყველაზე საინტერესო მატჩი შედგება. ექვსეულისთვის მებრძოლ “მეტალურგს” აუცილებლად სჭირდება გამარჯვების მოპოვება, წინააღმდეგ შემთხვევაში კილასონიას გუნდის ბედი “მერანი” – “დილას” მატჩზე იქნება დამოკიდებული. თუმცა, რუსთავული გუნდის არც თ ისე კარგი თამაშის გათვალისწინებით, დადებითი შედეგის მიღწევა “დინამო არენაზე” ძალიან რთული იქნება. თანაც, ბოლო პერიოდში დინამოელებმა საკუთარი თამაში იპოვეს, რაც ქუთაისური მატჩის 58 წუთშიც ნათლად გამოჩნდა.

 

„სიონი“ – „ზესტაფონი“

პირველი წრე: 0-0

16 მარტი, თბილისი, „მიხეილ მესხი“ სათადარიგო, 15:00

მსაჯები: თ.გვანცელაძე, ზ.ფიფია, გ.ჩიგოგიძე, ა.ბასლეჰლო

“მიხეილ მესხის” სათადარიგო მოედანზე ბოლნისის “სიონი” “ზესტაფონს უმასპინძლებს. ორივე გუნდმა მიმდინარე სეზონის პროგრამა მინიმუმი შეასრულა და ზედა ექვსეულში თამაში გაინაღდა. თუმცა, როგორც ჩანს “ზესტაფონი” ამით არ დაკმაყოფილდება და უფრო მაღალი მიზნებისთვისაც იბრძოლებს, რაც მარგველების შემადგენლობის გათვალისწინებით საკმაოდ ლოგიკურიც არის.

 

„მერანი“ – „დილა“

პირველი წრე: 3-0

16 მარტი, სამტრედია, „ეროსი მანჯგალაძე“, 15:00

მსაჯები: ა.კრიჭაშვილი, დ.ჩიგოგიძე, ლ.ვარამიშვილი, ბ.ნინუა (1დამ. ასისტენტი), ა.ნონიკაშვილი (2 დამ. ასისტენტი), ჯ.ხორავა (სათადარიგო)

 

ძალიან მნიშვნელოვანი მატჩი გაიმართება სამტრედიაში, სადაც “მერანისთვის” საშინაო არენად ქცეულ “ეროსი მანჯგალაძეზე” გორის “დილა” ჩავა სტუმრად და ექვსეულში მოსახვედრად გადამწყვეტ ბრძოლას გამართავს.

თუმცა, აუსტაიდერთან გორელებს გარანტირებული სამი ქულა არ აქვთ. გასულ ტურში “მერანელებმა” ზესტაფონში დაამტკიცეს, რომ ბრძოლა ნამდვილად შეუძლიათ.

 

„ვიტ-ჯორჯია“ – „სპარტაკი“

პირველი წრე: 3-1

16 მარტი, მცხეთა, „მცხეთა პარკი“, 15:00

 

ჩემპიონატის განახლებიდან “სპარტაკმა” 3-დან 2 მატჩი მოიგო და გასავარდნი ზონიდანაც ამოვიდა. “ვეტერინარები” კი 3 შეხვედრაში მხოლოდ 1 ქულას დასჯერდნენ და გარდა იმისა, რომ ექვსეულში მოხვედრის ყველანაირი შანსი დაკარგეს, სახიფათო ზონასაც მიუახლოვდნენ.

“მცხეთა პარკზე” გასამართი შეხვედრა, მოტივაციის მხრივ უფრო კაჭარავას გუნდისთვის არის მნიშნველოვანი. თუმცა, იმედი ვიქონიოთ, რომ ამ მატჩი ნამდვილი ბრძოლა შედგება.

 

„ზუგდიდი“ – „გურია“

პირველი წრე: 1-0

16 მარტი, განმუხური, ცენტრალური სტადიონი, 15:00

მსაჯები: ხ.გაგნიძე, ზ.ბერულავა, ს.სპიცინი, თ.ხუჭუა (სათადარიგო)

 

გურულებმა გასულ ტურში ექვსეულში გაინაღდეს თამაში, რითაც მთელი სეზონი პროგრამა – უმაღლეს ლიგაში დარჩენის საკითხი გადაწყვიტეს. ზუგდიდელებს კი, დღევანდელ შეხვედრაში აუცილებლად სჭირდებათ სამი ქულა და სავარაუდოდ მოიპოვებენ კიდეც. დარასელიას გუნმა გასულ ტურში უშუალო კონკურენტთან წააგო და დღეს საკუთარი გულშემატკივრის თვალწინ ეცდება სიტუაციის ოდნავ მაინც გამოსწორებას.

დღეს უმაღლესი ლიგის პირველი ეტაპის ბოლოსწინა ტურის მატჩები გაიმართა. შეხვედრები მოსალოდნელზე მეტად დაძაბული გამოდგა. ქუთაისში გამართული “კლასიკო” კი სკანდალით დასრულდა.

ქუთაისური დაპირისპირების დეტალები უკვე მთელს საქართველოს მოედო. “დინამოელები” დამაჯერებლად იგებდნენ შეხვედრას, როდესაც მოედანზე მასპინძელთა გულშემატკივრების დიდი ნაწილი შეიჭრა და ჯერ ფეხბურთელებთან სცადეს ურთიერთობის გარკვევა შემდეგ კი, სტუამრი გუნდის ფანებთან მოხდა დაპირისპირება. როგორც ჩვენთვის გახდა ცნობილი, “დინამოს” ფანებმა და ფეხბურთელებმა სტადიონიდან მშვიდობიანად მოახერხეს გამოსვლა და უკვე თბილისისკენ მოემართებიან. ასევე ვრცელდება ინფორმაცია, რომ პოლიციამ ათამდე პირი დააკავა.

“დინამოს” პრეზიდენტმა რომან ფიფიამ აღნიშნა, რომ შემდეგი მატჩები აუცილებლად ნეიტრალურ მოედანზე უნდა ჩატარდეს.

ფაქტი ერთია, “ტორპედოს” სერიოზული სანქციები ემუქრება.

ბუნებრივია, რომ ამ ამბების ფონზე დანარჩენი შეხვედრები მეორე პლანზე გადავიდა. თუმცა, ერთი რამ ფაქტია: “ვიტ ჯორჯია” საუკეთსო ექვსეულში ვეღარ მოხვდება.

 

გურია 2-0 ჩიხურა

გოლები: ისიანი 43′ ; ნიქაბაძე 81′

სპარტაკი 2-0 ზუგდიდი

გოლები: შონია 24′ ; ეხვაია 58′

დილა 1-1 ვიტ ჯორჯია

გოლები: რაზმაძე 53′ (1:0) ; კორიფაძ 82′ (1:1)

მეტალურგი 0-2 სიონი 

გოლები: აბრამიძე 42′ ; 51′

ზესტაფონი 2-0 მერანი

გოლები: საბანაძე 82′ ; დოლიძე 89′

ტორპედო 0-2 დინამო

მატჩი შეწყდა 58′ წუთზე. დინამო პაპუნაშვილის და მერებაშვილის გოლებით იგებდა.

უმაღლესი ლიგის მორიგი ტური დღეს გაიმართება, რომლის ფარგლებში ბევრ საინტერესო და დაძაბულ მატჩს უნდა ველოდოთ. მთავარი დაპირისპირება კი, ქუთაისში შედგება. 

 

“გურია” – “ჩიხურა”

პირველი წრე: 5-1

9 მარტი, ლანჩხუთი, “ევგრაფი შევარდნაძე”, 15:00

მსაჯები: მ.ბეუქლიშვილი, ზ.მენთეშაშვილი, ზ.ბერულავა, გ.დოგრაშვილი (სათადარიგო)

ლანჩხუთში გასამართი დაპირისპირება ორივე გუნდისთვის ძალიან მნიშნველოვანია. იქიდან გამომდინარე, რომ გასულ ტურში “გურიაც” და “ჩიხურაც” დამარცხდნენ, დღეს ისინი ყველანაირად ეცდებიან სიტუაციის გამოსწორებას. მარცხის შემთხვევაში გურულებს ექვსეულიდან ემუქრებათ გამოვარდნა, ხოლო “ჩირუას” “ზესტაფონი” მიუახლოვდება.

პირველი წრის მატჩი საჩხერელების გამანადგურებელი გამარჯვებით, 5-1 დასრულდა. შეხვედრების საერთო ისტორია კი 15 მატჩს ითვლის, საიდანაც 10 “ჩიხურამ” მოიგო, 2 გურიამ, ფრედ კი 3 მატჩი დასრულდა.

 

“სპარტაკი” – “ზუგდიდი”

პირველი წრე: 1-1

9 მარტი, თბილისი, “მიხეილ მესხი” სათადარიგო მოედანი, 15:00 

მსაჯები: ო.ხეცაძე, ი.უკლება, ი.მაჩიტიძე, ლ.სილაგავა (სათადარიგო)

“მიხეილ მესხის” სათადარიგო მოედანზე “სპარტაკი” “ზუგდიდს” უმასპინძლებს. აუტსაიდერთა დაპირისპირებას თამამად შეგვიძლია ვუწოდოთ ექვსქულიანი. ამ მატჩი გამარჯვების მოპოვებას უდიდესი მნიშვნელობა აქვს უმაღლესში ადგილის შესანარჩუნებლად ბრძოლაში. თუმცა, მასპინძები შეხვედრას დანაკლისით ხვდებიან. დისკავლიფიკაციის გამო კაჭარავს გუნდს თუხარელი და თექთურმანიძე ვერ დაეხმარებიან. “ზუგდიდელებს” კი სიხარულია დააკლდებათ.

ანაკლიაში გამართული პირველი წრის დაპირისპირება ფრედ, 1-1 დასრულდა.

 

“დილა” – “ვიტ-ჯორჯია”

პირველი წრე: 0-2

9 მარტი, თბილისი, “თენგიზ ბურჯანაძე”, 15:00

მსაჯები: გ.ვადაჭკორია, ბ.ჭიჭინაძე, დ.კვეტენაძე, გ.ყრუაშვილი (სათადარიგო)

ინტრიგა არც გორში გასამართ შეხვედრას აკლია. “დილა” და “ვიტ ჯორჯია” ექვსეულისთვის აგრძელებენ ბრძოლას. “ვეტერინარებისთვის” ეს სულაც უკანასკნელი შანსი იქნება. მარცხის შემთხვევაშიბ ერიძის გუნდი ტოპ-6-ს მნიშვნელოვნად ჩამორჩება.

მეორე წრე ორივე გუნდმა წარუმატებლად დაიწყო. გორელებმა ჯერ “გურიასთან” შემდეგ კი “ზუგდიდთან” წააგეს. ხოლო “ვიტ ჯორჯიამ” პირველ ტურში რუსთავში განცდილი მარცხის შემდეგ ვერც “ზესტაფონს” გაუწია წინააღმდეგობა.

გუნდებს ურთიერთშეხვედრების საკმაოდ მდიდარი ისტორია გააჩნიათ. 29 ჩატარებული მატჩიდან “დილამ” მხოლოდ 4 მოიგო, “ვიტელებმა” კი 23. გამარჯვებულის გამოვლენა მხოლოდ 2-ჯერ ვერ მოხერხდა.

 

“მეტალურგი” – “სიონი”

პირველი წრე: 0-1

9 მარტი, რუსთავი, “ფოლადი”, 15:00

მსაჯები: დ.ხარიტონაშვილი, ლ.ვარამიშვილი, დ.ჩიგოგიძე, ბ.ნინუა, (1 დამ.ასისტენტი), ჯ.ხორავა (2 დამ.ასისტენტი), ლ.კვარაცხელია (სათადარიგო)

რუსთავში გასამართი დერბი ტრადიციული დაძაბულობის გარდა იმითაც არის გამორჩეული, რომ ხვალინდელ მატჩს სატურნირო ინტრიგაც ემატება. გამარჯვებული გუნდი მნიშვნელოვან ნაბიჯს გადადგავს ექვსეულში ადგილის დასაბევებლად, ხოლო დამარცხებულს მძიმე ბრძოლების გადატანა მოუწევს.

ორივე გუნდმა 2014 წელი წარმატებით დაიწყო. რუსთაველებმა საკუთარ მოედანზე “ვიტს” მოიგეს, ხოლო “სიონმა” დინამო არენას მოედანზე შესძო ქვეყნის მრავალგზის ჩემპიონის დამარაცხება. თუმცა, შემდეგ ორივე გუნდმა დაკარგა მნიშნველოვანი ქულები, რაც მათ არასტაბილურობაზე მეტყველებს.

 

“ზესტაფონი” – “მერანი”

პირველი წრე: 0-2

9 მარტი, ზესტაფონი, “დავით აბაშიძე”, 18:00

მსაჯები: თ.ხუჭუა, ზ.ფიფია, გ.ელიკაშვილი, თ.გვანცელაძე (სათადარიგო)

ზესტაფონში ბრწყინვალე ფორმაში მყოფი ადგილობრივი კლუბი მარტვილის “მერანს” მიიღებს. “დავით აბაშიძეზე” ზურაბ იონანიძე ბრუნდება, რომელსაც “ზესტაფონის” შემადგენლობაში უამრავი დასამახსოვრებელი მატჩი აქვს ჩატარებული. თუმცა, ბრუნდება უკვე მწვრთნელის რანგში და თანაც მოწინააღმდეგე გუნდის.

ორივე გუნდს ქულები აუცილებლად სჭირდება, თუმცა უნდა ვივარაოდოთ, რომ საშემსრულებლო ოსტატობის ხარჯზე ზესტაფონელები აღნიშნული მატჩის მოგებას მიაინც მოახერხებენ.

 

“ტორპედო” – “დინამო”

პირველი წრე: 2-1

9 მარტი, ქუთაისი, “გივი კილაძე”, 15:00, პირდაპირი რეპორტაჟი საზოგადოებრივი მაუწყებლის მეორე არხზე

მსაჯები: ა.კრიჭაშვილი, გ.ჩიგოგიძე, ა.კოკაია, ხ.გაგნიძე (სათადარიგო)

ტურის და ქართული ფეხბურთის მთავარი დაპირისპირება ქუთაისში შედგება. ქართულ “კლასიკოდ” მონათლული მატჩი “გივი კილაძეზე” 15 საათზე დაიწყება.

ქუთაისელებს ექვსეულში მოსახვედრად გამარჯვება აუცილებლად სჭირდებათ. ძოძუაშვილის გუნდი ბოლომდე რომ იბრძოლებს, ამას წყალი არ გაუვა.

“დინამომ” კი გასულ ტურში ყველას დაანახა, რომ “სიონთან” მარცი უბრალო შემთხვევითობა იყო და ჩემპიონობისთვის ბრძოლაში თბილისელებს წელს კონკურენტი უბრალოდ არ ჰყავთ.

დღეს, ეროვნული ჩემპიონატის უმაღლესი ლიგის მე-20 ტურის შეხვედრები გაიმართა. ტურის ცენტრალური მატჩი, რომელიც ზესტაფონში შედგა უხვგოლიანი კი გამოდგა, მაგრამ დაძაბულობას მოკლებული იყო. “დინამო” უშუალო კონკურენტი “ჩიხურა” დიდი ანგარიშით, 5-1 დაამარცხა და 7-ქულიანი უპირატესობა აღადგინა. ამ გამარჯვებით, თბილისელებმა ყველას დაანახეს, რომ ჩემპიონატში წელს კონკურენტი არ ჰყვათ. ჩისკოს ჰეთ ტრიკს გოლები პაპუნაშვილმა და გიორგი მერებაშვილმა დაუმატეს. საჩხერელთა მხირდან პრესტიჟის გოლის ავტორი გიორგი გაბედავა გახდა.

მცხეთაში “ზესტაფონმა” მნიშნველოვანი მატჩი მოიგო “ვიტ ჯორჯიასთან” და სატურნირო ცხრილში მესამე პოზიციაც დაისაკუთრა. არც თუ ისე კარგი სტარტის შემდეგ, გია გეგუჩაძის მოსვლამ ზესტაფონურ კლუბს კარგი სამსახური გაუწია. ექვსეულში მოხვედრის საკითხი ფაქტობრივად მოხსნილია. “ვეტერინარებთან” გამარჯვებას “ზესტაფონმა” კუხიანიძის დუბლით მიაღწია.

რევაზ ძოძუაშვილის ხელმძღვანელობით პირველად მოიგო “ტორპედომ”. ქუთაისელებმა “მიხეილ მესხზე” შეხვედრის შემობრუნება შესძლეს და თბილისიდან 3 ქულა წაიღეს. 2014-ში მეორე მარცხი იგემა “დილამ”. გორელებმი ამჯერად ანაკლიაში, “ზუგდიდთან” დამარცხდნენ. “გურიასთვის” კი, მშობლიურ “ევრგრაფი შევარდანძეზე” დაბრუნება წარუმატებელი აღმოჩნდა. მახარაძის შეგირდები “სპარტაკთან’ მინიმალური ანგარიშით დამარცხდნენ.

 

ჩიხურა (საჩხერე) – დინამო (თბილისი) 1:5 (1:3)

გოლები: გიორგი პაპუნაშვილი 9′ (1:0), გიორგი გაბედავა 21′ (1:1), ჩისკო 38′ (1:2), 1:3 გიორგი მერებაშვილი 43′ (1:3), ჩისკო 59′ (1:4); ჩისკო 64′ (1:5)

 

სიონი – ტორპედო1:2 

გოლი: ვალერი აბრამიძე 42′ (1:0), ოთარ კვერნაძე 65′ (1:1), მამუკა ღონღაძე 85 (1:2) 

 

ვიტ ჯორჯია (თბილისი) – ზესტაფონი 0:2 

გოლი: გიორგი კუხიანიძე (28′ ;  56′) 

 

ზუგდიდი – დილა  2:1 

გოლი: ვახტანგ კვარაცხელია 39′ (0:1), ლუკა გუგუჩია 54′ (1:1), 2:1 ზვიად სიხარულია 56′ (2:1)

 

გურია  – სპარტაკი 0:1 

გოლი: თორნიკე თუხარელი 66′ 

 

მერანი  – მეტალურგი 0:0

 

უმაღლესი ლიგის მე-20 ტურის მატჩები დღეს საქართველოს ექვს ქალაქში გაიმართება. გთავაზობთ ეროვნული ჩემპიონატის მორიგი სათამაშო დღის პრევიუს.

 

„ჩიხურა“ – „დინამო“ 

პირველი წრე: 6-1

2 მარტი, ზესტაფონი, „დავით აბაშიძე“, 15:00

მსაჯები: გ.ვადაჭკორია, ბ.ჭიჭინაძე, ი.უკლება, ბ.ნინუა (1დამ. ასისტანტი), გ.ყრუაშვილი (2 დამ.ასისტენტი), ა.კრიჭაშვილი (სათადარიგო)

გასულ ტურში დაფიქსირებული შედეგების შემდეგ სატურნირო ცხრილში ვითარება დაიძაბა. ზესტაფონში ჩასატარებელი შეხვედრის შემდეგ სხვაობა “დინამოსა” და “ჩიხურას” შორის შესაძლოა მინიმალური გახდეს. დინამო კი მოგების შემთხვევაში არსებულ სხვაობას დიბრუნებს.

ცალკე აღსანიშნავია “დინამოდან” გაშვებული ტრიოს: კვარაცხელიას, ხმალაძის და გრიგალაშვილის ფაქტორი. “ჩიხურას” ახალწვეულები ყოფილი გუნდის წინააღმდეგ რომ დიდი მონდომებით ითამაშებენ ამას წყალი არ გაუვა.

თუმცა, “დინამოს” მოტივირებულია. “სიონთან” საკუთარ კედლებში განცდილი მარცხის შემდეგ გულშემატკივრის თვალში რეაბილიტაცია აუცილებელია, რისთვისაც უშუალო კონკურენტთან შეხვედრა იდეალური შესაძლებლობაა.

 

„სიონი“ – „ტორპედო“

პირველი წრე: 1-1

2 მარტი, თბილისი, „მიხეილ მესხი“, 15:00

მსაჯები: ლ.კვარაცხელია, ზვ.ერქვანია, გ.ელიკაშვილი, ხ.გაგნიძე (სათადარიგო)

გასული ტურის მთავარი სენსაციის შემოქმედი ბოლნისის “სიონი” ხვალ საშინაოდ ქცეულ “მიხეილ მესხზე” ქუთაისის “ტორპედოს” მიიღებს. სეზონის სტარტზე ბევრი ვერ იფიქრებდა, რომ ბოლნისელები მაღალი მიზნებისთვის იბრძოლებდნენ, თუმცა ფაქტია, რომ ბურდულის მთავარი მწვრთნელის პოსტზე დანიშვნის შემდეგ “სიონი” შესანიშნავად ათამაშდა და ამ სერიას სავარაუდოდ გადახალისებულ “ტორპედოსთანაც” გააგრძელებს.
მართალია, ძოძუაშვილის სახით ქუთათურებს გამოცდილი და ბევრის მნახველი სპეციალისტი უდგათ სათავეში, თუმცა ცალსახაა, რომ “ტორპედო” იდეალური ფორმისგან ჯერ შორს არის.

 

„მერანი“ – „მეტალურგი“

პირველი წრე: 6-1

2 მარტი, სამტრედია, „ეროსი მანჯგალაძე“, 15:00

მსაჯები: ლ.სილაგავა, ი.მაჩიტიძე, დ.კვეტენაძე, ჯ.ხორავა (სათადარიგო)

სამტრედიაში მარტვილის “მერანის” რუსთავის “მეტალურგს” მიიღებს. ორივე გუნდმა გასულ ტურში დადებით შედეგს მიაღწია. მარტვილელებლა ქუთაისიდან შესძლეს ქულის წამოღება, ხოლო “მეტალურგმა” დაძაბულ ბრძოლაში “ვიტ ჯორჯია” დაამარცხა და ექვსეულში მოხვედრის შანსები მნიშნველოვნად გაიუმჯობესა.

განსხვავებული მიზნებისთვის მებრძოლი მეტოქეები მოახლოებულ დაპირისპირებას ორივე გუნდი ოპტიმალური შემადგენლობით ხვდება.

 

„ვიტ-ჯორჯია“ – „ზესტაფონი“

პირველი წრე: 1-1

2 მარტი, მცხეთა, „მცხეთა პარკი“, 15:00

მსაჯები: ა.ნონიკაშვილი, ზ.მენთეშაშვილი, ზ.ბერულავა, ო.ხეცაძე (სათადარიგო)

რუსთავში გამართული წარუმატებელი მატჩის შემდეგ “ვიტ ჯორჯია” მცხეთაში საგრძნობლად გაძლიერებულ “ზესტაფონს” მიიღებს. თავის მხრივ, გეგუჩაძის გუნდმა 2014 წლის პირველ ტურში “ზუგდიდთან” შესანიშნავი მატჩი ჩაატარა და დამაჯერებელი გამარჯვებაც მოიპოვა. იმერელთა შანსებს ისიც ზრდის, რომ “ვეტერინარებს” დაცვის ერთ-ერთი მნიშვნელოვანი მოთამაშე გიორგი მჭედლიშვილი დისკვალიფიკაციის გამო დააკლდებათ. თუმცა, “ვიტის” და “ზესტაფონი” დაპირისპირება ყოველთვის გამოირჩეოდა დაძაბულობითა და უკომპრომისო ბრძოლით, რასაც ამ გუნდების პირველი წრის მატჩიც ადასტურებს.

 

„ზუგდიდი“ – „დილა“

პირველი წრე: 1-1

2 მარტი, განმუხური, ცენტრალური სტადიონი, 15:00

მსაჯები: დ.ხარიტონაშვილი, ლ.ვარამიშვილი, გ.ჩიგოგიძე, გ.დოგრაშვილი (სათადარიგო)

ზამთრის პაუზისას მნიშნვნელოვნად გაძლიერებული “ზუგდიდი” საკუთარ მოედანზე გორის “დილას” მიიღებს. აღსანისნავია, რომ უამრავი ახალწველით შევსებულმა ორივე გუნდმა, გასულ ტურში მეტად პრინციპული მატჩები წააგეს.

ასე რომ, “ზუგდიდის” და “დილას” დაპირისპირება დიდ მნიშნელობას იძენს. ჩემპიონატის ორი მარცხით განახლება კარგი არცერთი გუნდისთვის არ არის.

 

„გურია“ – „სპარტაკი“

პირველი წრე: 0-1 

2 მარტი, ლანჩხუთი, „ევგრაფი შევარდნაძე“, 15:00

მსაჯები: თ.გვანცელაძე, დ.ჩიგოგიძე, ზ.ფიფია, თ.ხუჭუა (სათადარიგო)

თუ “გურიამ” გასულ ტურში სენსაციის დაფიქსირება მოახერხა და “დილა” გორში დაამრცხა, “სპარტაკს” მოულოდნელი რეზულტატის დაფიქსირებამდე სულ ცოტა დააკლდა. ცხინვალელები “ჩიხურას” ორბურთიანი უპირატესობით ამარცხებდნენ, მაგრამ მატჩი ბოლო წამებზე მაინც წააგეს, რითაც ეროვნულ ჩემპიონატში ინტრიგის დაბრუნებას შეუწყვეს ხელი.

აღსანიშნავია, რომ დღევანდელ მატჩში “გურიამ” მშობლიურ სტადიონს უბრუნდება. პირველ ეტაპზე ნეიტრალურ მოედანზე მოთამაშე გურულებმა “საშინაო” შეხვედრებში შესანიშნავი შედეგი აჩვენებს. ვნახოთ, რას მოუტანს გურულებს 2014 წელს “ევგრაფი შევარდნაძეზე” გასამართი პირველი დაპირისიპირება.

დღეს, საქართველოს ეროვნული ჩემპიონატი მე-19 ტურის მატჩებით განახლდა. სათამაშო დღე საკმაოდ უხვგოლიანი და მოულოდნელობებით აღსასვსე გამოდგა. მთავარი სენსაცია “დინამო არენაზე” მოხდა, სადაც გათამაშების ლიდერს 3 ქულა ბოლნისის “სიონმა” წაართვა. კიდევ ერთი მოულოდნელი შედეგი გორის “თენგიზ ბურჯანაძეზე” დაფიქსირდა – “დილა” ლანჩხუთის “გურიასთან” დამარცხა.
საკმაოდ სანახაობრივი გამოდგა “მიხეილ მესხზე” გამართული “სპარტაკის” და “ჩიხურას” დაპირისპირება. დრამატულ მატჩში უკანასკნელ წუთზე გამარჯვება სტუმრებმა მოიპოვეს. რუსთავში, ადგილობრივმა “მეტალურგმა” “ვიტ ჯორჯიასთან” მნიშვნელოვანი მატჩი მოიგო.
ტურის ორი შეხვედრა იმერეთშიც გაიმართა. ქუთაისში რევაზ ძოძუაშვილის “ტორპედომ” “მერანი” მიიღო – შეხვედრა ფრედ, 1:1 დასრულდა. ზესტაფონში კი ზუგდიდი ჩავიდა და დიდი ანგარიშით დამარცხდა – 3:0.

 

სპარტაკი 2-3 ჩიხურა

გოლები: თუხარელი 7′ (1:0); პარუნაშვილი 12′ (2:0); დეკანოიძე 25′ (2:1); გაბედავა 35′ (2:2); დათუნაიშვილი 94′ (2:3). 

დილა 1-3 გურია

გოლები: ხორგუაშვილი 53′ (0:1); კვერენჩხილაძე 83′ (0:2); რაჟამაშვილი 89′ (1:2); ძამსაშვილი 93′ (1:3). 

ტორპედო 1-1 მერანი 

გოლები: ფონიავა 63′ (0:1); ღონღაძე 68′ (1:1)

ზესტაფონი 3-0  ზუგდიდი

გოლები: საბანაძე 7′ ; 9′ ; 45′ 

მეტალურგი 2-0 ვიტ ჯორჯია  

 

გოლები: კაკაშვილი 49′ ; კილასონია 57′ 

დინამო 1-2 სიონი

 

გოლები: ჩისკო 72′ (0:1); კახელიშვილი 75′ (1:1); უგულავა 85′ (1:2)

 

ფეხბურთის ისტორიისა და სტატისტიკის საერთაშორისო ფედერაციამ (IFFHS) ეროვნული ლიგების ყოველწლიური რეიტინგი გამოაქვეყნა, სადაც საქართველოს უმაღლესი ლიგა 50-ე პოზიციაზეა

ჩვენი ჩემპიონატი უსწრებს ისეთ ლიგებს, როგორიცაა: ალბანეთი,  სლოვაკეთი, უზბეკეთი, ირლანდია, ბელორუსი, ყაზახეთი, ფინეთი, სომხეთი, სლოვენიაი, ბოსნია.

 

 

საუკეთესო ათეული კი ასე გამოიყურება:

1. ესპანეთი
2. ინგლისი
3. გერმანია
4. იტალია
5. ბრაზილია
6. არგენტინა
7. საფრანგეთი
8. რუსეთი
9. კოლუმბია
10. რუმინეთი