ჭდე: უმაღლესი ლიგა

“დინამოს” გამარჯვება და არეულობა ტრიბუნებზე

Posted on by Levan

თბილისის “დინამო” მარტვილის “მერანს” სამტრედიაში ეწვია და დაგეგმილი გამარჯვებაც მოიპოვა. თუმცა, ლიდერს იოლი მატჩი ნამდვილად არ ჰქონდა.

შეხვედრა ნომინალური მასპინძლების უპირატესობით დაიწყო. მარტვილელები კარგად იჭერდნენ ბურთს, მაგრამ საგოლე მომენტების შექმნა “მერანს” უჭირდა.
აი, სტუბმა კი თავიანთი მომენტი მშვენიევრად გამოიყენეს. 24-ე წუთზე ჩისკომ შესანიშნავი გადაცემით გაიყვანა მერებაშვილი დასარტყმელ პოზიციაზე. ამ უკანასკნელს გოლის გატანა არ გასჭირვებია. ამის შემდეგ მერანს შეხვედრის ერთ-ერთი ყველაზე რეალური შესაძლებლობა შეექმნა, მაგრამ ლორიას კარგმა თამაშმა გადაარჩინა დინამოელები.

მეორე ნახევარში მარტვილელებმა შეტევებს მოუმატეს, მაგრამ მომენტები კვლავ “დინამოს” ექმენბოდა. თუმცა, რეალიზაციში თბილისელები მოიკოჭლებდნენ.
მეორე ნახევრის შუაში კი სტადიონზე საკმაოდ უსიამოვნო ინციდენტი მოხდა.. დაახლოებით 40 ნიღბიანი ახალგაზრდა შემოიჭრა “დინამოს” ფანების სექტორზე, რასაც ხელჩართული ჩხუბი მოჰყვა.. “ეროსი მანჯგალაძეზე” არანაირი უსაფრთხოების ზომები არ იყო დაცული. მოედანზე შესასვლელი კარიც კი ღია იყო, რითაც შემოჭრილებმა ისარგებლეს. სტადიონის ტერიტორიაზე სულ 10 პოლიციელი იმყოფებოდა და ეს საკმარისი არ აღმოჩნდა სიტუაციის გასაკონტროლებლად. როგორც ჩანს, ფედერაციას და სტადიონების უსაფრთხოების სამსახურებს სამუშაო კიდევ ბევრი აქვთ..
სწრორედ ამ არეულობის დროს გაიტანა “დინამომ” თავისი მეორე გოლი. საბოლოო ანგარიში შეცვლაზე შემოსულმა დარკო გლიშიჩმა დააფიქსირა.

მერანი 0:2 დინამო

გოლები: 0:1 მერებაშვილი 23’

0:2 გლიშიჩი 72’

მერანი: შეროზია, მელიავა, კუჭუხიძე, ფონიავა, ღონღაძე, ბაბუნაშვილი (ჯღამაია 83’), კერძევაძე, ხუბუა, ციკოლია (ხუგუა 71’), გეგეჭკორი, გაბუნია

 დინამო: ლორია, გველესიანი, ხმალაძე, კვარაცხელია, მერებაშვილი (გლიშიჩი 71’), პაპავა, ჩისკო (ვუო 80’), დვალი, ხურცილავა, კვირკველია, გოგა (სეთურიძე 83’)

მატჩის შემდეგ

მალხაზ ჟვანია – თავიდანვე ველოდით, რომ მარტვილის მერანის წინააღმდეგ გასვლითი მატჩის თამაში ადვილი არ იქნებოდა. ჩვენი ვარაუდი გამართლდა, მძიმე შეხვედრა გამოდგა. დღეს ბიჭებმა ძალიან მოინდომეს და მოედანზე ბევრი იმოძრავეს, რაც საფინალო ანგარიშზეც აისახა.

ფოტო: fcdinamo.ge

“ზუგდიდის” ზედიზედ მეორე გამარჯვება

Posted on by Levan

დღეს ანაკლიასა და ქობულეთში უმაღლესი ლიგის მეთვრამეტე ტურის მატჩები გაიმართება.

“ზუგდიდისა” და რუსთავის “მეტალურგის” მატჩი, მასპინძელთა მინიმალური გამარჯვებით დასრულდა. გიორგი დარასელიას შეგირდებმა საბა ლომიას 28-ე წუთზე გატანილი გოლით მოიგეს. როგორც ჩანს, “ზუგდიდი” პირველი ეტაპის ბოლოს ფორმაში შევიდა. მეორე წრეში გიორგი დარასელიას გუნდისგან ალბათ უფრო შედეგიან თამაშს უნდა ველოდოთ.

ქობულეთში “გურია” “ზესტაფონს” მასპინძლობდა. ლანჩხუთელებმა ზედიზედ მეორე მარწყი იწვნია. გია გეგუჩაძის გუნდს გამარჯვება გიორგი ადამიამ მოუტანა. ვეტერანმა 78-ე წუთზე ზუსტად შეასრულა პენალტი. “ზესტაფონი” ამ გამარჯვებით მაქსიმალურად მიუახლოვდა ზედა ექვსეულს. “მეტალურგთან” სხვაობა მხოლოდ ერთ ქულას შეადგენს. “გურიამ” კი პირველ ეტაპს მეოთხე ან მეხუთე ადგილზე დაასრულებს.

გურია: ბობღიაშვილი, ჩაგელიშვილი, ჩიკვილაძე, ჩეუნსუ, ჯიშკარიანი, კოშკაძე, შალამბერიძე, შენგელია, ჯოჯუა (მახარაძე 86′), ძამსაშვილი (გაჩეჩილაძე 48′), ისიანი (ტორონჯაძე 64′).

მტ. მწვრთნელი: რომან პოკორა

ზესტაფონი: კვასხვაძე, კაჭკაჭიშვილი, გაგოშიძე, თორნიკე გრიგალაშვილი, ნაემეკა აჯურუ, გურული (ენდელაძე 86′), ჭანკოტაძე (სარდალიშვილი 66′), შარიქაძე, რენე ფერეირა, ადამია (ლომია 54′), ჭანტურიშვილი.

მთ. მწვრთნელი: გია გეგუჩაძე

უმაღლესი ლიგის პრევიუ

Posted on by Levan

დღეს ეროვნული ჩემპიონატის უმაღლესი ლიგის მეთვრამეტე ტური აიღებს სტარტს.

8 დეკემბერი, ანაკლია14:00

„ზუგდიდი“ ზუგდიდი – „მეტალურგი“ რუსთავი

გამოიცანი შედეგი: http://fanebi.com/premium/?match_id=1157

გასულ ტურში მოპოვებული მნიშვნელოვანი გამარჯვების შემდეგ დარასელიას გუნდი საკუთარ მოედანზე რუსტავის “მეტალურგს” მიიღებს. გუნდებს მიმდინარე ჩემპიონატში განსხვავებული მიზნები აქვთ, თუმცა როდესაც ყოველ ქულას ოქროს ფასი აქვს, ნამდვილი ბროძლა იწყება. პირველი წრის მატჩი ამ გუნდებს შორის რუსთაველთა მინიმალური გამარჯვებით დასრულდა.

18 დეკემბერი.„ჩელე არენა“, 14:00

„გურია“ ლანჩხუთი  – „ზესტაფონი“ ზესტაფონი

გამოიცანი შედეგი: http://fanebi.com/premium/?match_id=1158

ლანჩხუთელები მორიგ საშინაო შეხვედრას ატარებენ “ჩელე არენაზე”. ამჯერად გურულები “ზესტაფონს” მიიღებენ. გასულ ტურში ნომინალურმა მასპინძლებმა საკმაოდ სუსტი ცუდი მატჩი ჩაატარეს რუსთავში და დამსახურებულადაც დამარცხდნენ (3:1). “ზესტაფონს” კი მცირე პაუზა გამოუვიდა. წინა ტურის შეხვედრა, რომელშიც იმერლებს ცხინვალის “სპარტაკი” უნდა მიეღოთ, უამინდობის გამო გადაიდო. პირველი წრის მატჩი ზესტაფონელთა გამარჯვებით დასრულდა – 1:0.

 
19 დეკემბერი, რუსთავი, „ფოლადი“, 14:00

„სპარტაკი“ ცხინვალი  – „დილა“ გორი

გამოიცანი შედეგი: http://fanebi.com/premium/?match_id=1159

რთული მეტოქესთან შეხვედრისათვის “სპარტაკს” დიდი დრო ჰქონდა. როგორც ზემოთ უკვე ვთქვით, წინა ტურში “ზესტაფონი” – “სპარტაკის” თამაში გადაიდო. “დილამ” კი, “ჩიხურასთან” დიდი ენერგია დახარჯა, თუმცა შეხვედრის მოგება მაინც ვერ შესძლო. სამაგიეროდ გორელებს დისკვალიფიცირებული ფეხბურთელები უბრუნდებიან. “დილას” დაცვის ცენტრს კვლავ კვახაძე-ხიზანეიშვილი გაამაგრებენ. პირველი წრის შეხვედრა “დილამ” 3-1 მოიგო. ერთმანეთის წინააღმდეგ ჩატარებული 13 შეხვედრიდან 7 გორელებმა მოიგეს, 3 “სპარტაკმა” და ასევე 3-ჯერ გუნდებმა გამარჯვებული ვერ გამოავლინეს.

19 დეკემბერი, სამტრედია, ეროსი მანჯგალაძე, 14:00

„მერანი“ მარტვილი – „დინამო“ თბილისი

გამოიცანი შედეგი: http://fanebi.com/premium/?match_id=1161

მალხაზ ჟვანია თავის ყოფილ გუნდს დაუპირისპირდება. იმ გუნდს, რომელიც ფაქტობრივად თვითონ შექმნა, და რომელმაც ის მწვრთნელად ჩამოაყალიბა. გასულ ტურში განცდილი მარცხის შემდეგ, “დინამოელებს” აუცილებლად სჭირდებათ გამარჯვება. თუმცა, თუ აუცილებლობაზე მიდგა საქმე, ქულების მოგროვება მარტვილელებსაც სჭირდებად. გუნდი კრიზისიდან გამოსვლას ვერ ახერხებს და უკვე გასავარდნ ზონაშიც დაეშვა. ამ გუნდების უკანასკნელი შეხვედრა, რომელიც “დინამო არენაზე” გაიმართა, თბილისელთა გამარჯვებით დასრულდა – 4-2. აღსანიშნავია, რომ სწორედ ამ მატჩის შემდეგ დატოვა მალხაზ ჟვანიამ მარტვილის “მერანის” მთავარი მწვრთნელის პოსტი და “დინამო-2”-ში გადავიდა სამუშაოდ.

19 დეკემბერი, გორი, თენგიზ ბურჯანაძე, 14:00

„ჩიხურა“ საჩხერე  – „სიონი“ ბოლნისი

გამოიცანი შედეგი: http://fanebi.com/premium/?match_id=1160

მეთვრამეტე ტურის ერთ-ერთი ყველაზე საინტერესო დაპირისპირება ნეიტრალურ მოედანზე, გორში გაიმართება. ორივე გუნდი საკმაოდ კარგ სათამაშო ფორმაში იმყოფება. ვნახოთ რომელი შეწყვეტს დაუმარცხელ სერიას. პირველი წრის მატჩი, ფრედ 2-2 დასრულდა. სულ  “ჩიხურასა” და “სიონს” ერთმანეთის წინააღმდეგ 11 შეხვედრა აქვთ ჩატარებული. აქედან 4 საჩხერელებმა მოიგეს, 5 ბოლნისელებმა 2-ჯერ კი, შეხვედრები ფრედ დასრულდა.

19 დეკემბერი, მცხეთა, „მცხეთა პარკი“, 14:00

„ვიტ ჯორჯია“ თბილისი  – „ტორპედო“ ქუთაისი

გამოიცანი შედეგი: http://fanebi.com/premium/?match_id=1162

გასულ ტურში მთავარ სენსაციის შემოქმედი, თბილისი “ვიტ ჯორჯია” საკუთარ მოედანზე “ტორპედოს” მიიღებს. ქუთაისელები საკმაოდ რთულ მდგომარეობაში არიან. გასულ ტურში “ტორპედომ” სწორედ “მცხეთა პარკზე” წააგო “ზუგდიდთან”. პირველი წრის შეხვედრა ქუთაისელთა გამარჯვებით – 4:1 დასრულდა. საერთო ჯამში კი, ერთმანეთის წინააღმდეგ 39 ჩატარებული შეხვედრიდან “ვეტერინარებმა” 9 მოიგეს, 14 მატჩი ფრედ დასრულდა, ხოლო ქუთაისელებმა 16-ჯერ შესძლეს გამარჯვების მოპოვება.

 

ტური მოულოდნელი შედეგით

Posted on by Levan

დღეს დასრულდა უმაღლესი ლიგის მეჩვიდმეტე ტური. მატჩების ნაწილი გუშინ გაიმართა. გთავაზობთ აღნიშნული სათამაშო დღის მიმოხილვას.

“მეტალურგი” 3-1 “გურია”

ტურის ერთ-ერთი საინტერესო შეხვედრა გუშინ რუსთავში გაიმართა. მატჩი მასპინძელთა სრული უპირატესობით წარიმართა და ლოგიკური გამარჯვებითაც დასრულდა. შეხვედრაში ანგარიშI მე-17 წუთზე გაიხსნა. თავი ჩირგაძემ გამოიჩინა, რომელმაც მეკარე ბობღიაშვილის შეცდომით ისარგებლა. პირველ ტაიმში აღარაფერი შეცვლილა. მეორე ნახევრის დებიუტში გავაშელიშვილმა ლამაზი საჯარიმო დარტყმით მასპინძელთა უპირატესობა ორამდე გაზარდა. 72-ე წუთზე კი, ჩირგაძემ დუბლი გაიფორმა და ანგარიშიც 3:0 გახდა. სტუმრება ბოლო წუთებზე შესძლეს პრესტიჟის გოლის გატანა. თავი შეცვლაზე შემოსულმა მამუკა ტორონჯაძემ გამოიჩინა.

“ტორპედო” 1-2 “ზუგდიდი”

დასაველთში მოსული თოვლის გამო აღნიშნული შეხვედრა ნეიტრალურ სტადიონზე, “მცხეთა პარკზე” გაიმართა. მორიგი მარცხის შემდეგ “ტორპედო” ძალიან რთულ მდგომარეობაშია. აქტუალური ხდება ჟერარდ სარაგოსას საკითხიც.. მცხეთაში გამართული შეხვედრის პირველი ნახევარი უგოლოდ დასრულდა. მეორე ტაიმის დებიუტში კი, ირაკლი ეხვაიამ ორწუთიანი ინტერვალით გაუტანა “ტორპედოს” ორი გოლი და გიორგი დარასელიას შეგირდებიც დააწინაურა. “ტორეპდომ” საპასუხოდ მხოლოდ ერთი გოლის გატანა მოახერხა, რომელიც რევაზ ბარაბაძის ანგარიშზეა. საბოლოოდ “ტორეპდოს” მორიგი მარცხი და უკვე მერვე პოზიცია სატურნირო ცხრილში. “ზუგდიდმა” კი როგორც იქნა შეწყვიტა მოუგებელი სერია.

“სიონი” 2-0 “მერანი”

რუსთავში გამართული მატჩი მოსალოდნელი შედეგით დასრულდა. საკმაოდ კარგ ფორმაში მყოფმა ბოლნისელებმა უპრობლემოდ დაამარცხეს “მერანი”. პირველი გოლი 30-ე წუთზე დავით სვანიძემ გაიტანა. საბოლოო წერტილი კი ვალერი აბრამიძემ დასვა შეხვედრის უკანასკნელ წუთზე და მეორე გოლი გაიტანა ნომინალური სტუმრების კარში. “სიონი” წინ მიიწევს. ლადო ბურდულის შეგირდები უკვე მეხუთე ადგილზე არიან. “მერანის” მდგომარეობა კი შესაშური ნამდვილად არა არის…

“დილა” 0-0 “ჩიხურა”

გორში გამართული ტურის ცენტრალური შეხვედრა გატანილი გოლები გარეშე დასრულდა. მატჩის უკანასკნელ წუთებზე კვახაძე-ხიზანეიშვილის გარეშე მოთამაშე მასპინძლებს ორჯერ მიეცათ გოლის გატანის საშუალება. ჯერ ღონღაზის დარტყმული მოხვდა ძელს, შემდეგ კი ქვილითაიას ქონდა კარგი მომენტი, მაგრამ ბურთი “ჩიხურას” კარს ასცდა. მოპოვებული ქულებით “ჩიხურამ” “დინამოსთან” სხვაობა 5 ქულამდე შეამცირა.”დილა” კი მესამე პოზიციაზე დამკვიდრდა სატურნირო ცხრილში.

“დინამო” 0-1 “ვიტ ჯორჯია”

მეჩვიდმეტე ტურს სენსაციის გარეშე არ ჩაუვლია. მოულოდნელი შედეგი “დინამო არენაზე” დაფიქსირდა. მალხაზ ჟვანიას პირველ საშინაო შეხვედრაში “დინამომ” მეორე ექვსეულში მყოფ “ვიტ ჯორჯიასთან” იწვნია მარცხი. შეხვედრის ბედი ბოლოსწინა წუთზე გადაწყდა. სტუმრება საჯარიმოს სიახლოვეს სტანდარტის უფლება მოიპოვეს. ჩაწოდებას კასრაძე გამოეხმაურა და ბურთი თავით გადაგზავნა ლორიას კარში.

“ზესტაფონი” – “სპარტაკი” გადაიდო. მიზეზი “დავით აბაშიძეზე” გაყინული მოედნის საფარი იყო. მატჩი სავარაუდოდ 2014 წლის თებერვალში გაიმართება.

“დინამოს” პირველი საშინაო მარცხი

Posted on by Levan

მალხაზ ჟვანიას პირველი საშინაო შეხვედრა წარუმატებელი აღმოჩნდა. თბილისის “დინამომ” მიმდინარე სეზონში საკუთარ მოედანზე პირველი მარცხი განიცადა. “დინამოელებმა” თბილისური დერბი წააგეს “ვიტ ჯორჯიასთან”.

შეხვედრის პირველ ნახევარში თანაბარი თამაში მიმდინარეობდა. “დინამოს” უფრო მეტი საგოლე მომენტი კი ჰქონდა, მაგრამ ანგარიშის გახსნა ვერ მოხერხდა. აღსანიშნავია, რომ პირველ ტაიმში მასპინძლებს მსაჯთან ჰქონდათ პრეტენზიები. მთავარმა არბიტრმა ჯერ გოლი არ ჩათვალა, რომელიც საჯარიმოში ბრძოლას მოჰყვა, შემდეგ კი საკამათო სიტუაციაში პენალტი არ დანიშნა. თავის გამოჩენის შანსი “ვიტელებსაც” ჰქონდათ. გიორგი ჯანელიძის გარღვევას დარტყმა მოჰყვა, მაგრამ ლორიამ შესძლო რთული ბურთის მოგერიება.

მეორე ნახევარში სტუმრებმა უკან დაიხიეს. “დინამო” ტერიოტრიულ უპირატესობათ დაეუფლა, მაგრამ “ვიტელები” ძალიან კარგად იცავდნენ თავს და თავის შანსსაც ელოდებოდნენ. შანსი სტუმრებს 89 წუთზე მიეცათ, რაც მათ მშვენივრად გამოიყენეს. სტანდარტიდან ჩამოწოდებულ ბურთს კასრაძე გამოეხმაურა და თავით გადაგზავნა “დინამოს” კარში.
დარჩენილ დროში მასპინძლები მთელი გუნდით გადავიდნენ შეტევაზე, მაგრამ ხეირიანი ვერაფერი შექმნეს.
მალხაზ ჟვანიას გუნდმა მთლიანობაში ძალიან ცუდი შეხვედრა ჩაატარა და დაფიქსირებული შედეგი ლოგიკურიც იყო.

მატჩის შემდეგ:

ზურაბ ბერიძე – რთულ თამაშს ველოდით და ასეც გადმოდგა. იქიდან გამომდინარე, რომ დინამო ძალიან კარგი გუნდია და ახალი მწვრთნელი ჰყავს, ეს ახალ სტიმულსაც მატებდა ჩვენ მეტოქე გუნდის ფეხბურთელებს. რაც შეეხება ვიტ ჯორჯიას, ბიჭებმა თითქმის ყველა ის დავალება შეასრულეს, რომელიც მატჩამდე მივეცით. კმაყოფილი ვარ, შედეგითაც და თამაშის ხარისხითაც.

 

მალხაზ ჟვანია – პირველ რიგში მეტოქეს ვულოცავ გამარჯვებას. სამწუხაროდ დღევანდელ შეხვედრაში დინამოელების მხრიდან არ იგრძნობოდა ბრძოლის ჟინი, მონდომება.  დაუშვებელია მეტოქის შეუფასებლობა. მოედანზე თუ ბოლომდე არ იბრძოლე გამარჯვებას ვერ მიაღწევ. საჭიროა უფრო მეტი მუშაობა.

 

“დინამო თბილისი” 0-1 “ვიტ ჯორჯია”

გოლი: კასრაძე 89′

“დინამო”: ლორია, ხურცილავა, შაშიაშვილი, კვარაცხელია, კვირკველია, გრიგალაშვილი, პაპავა, გოგა (მერებაშვილი 55′), გრიგალაშვილი (პაპუნაშვილი 85′), ჩისკო, ვუო (დვალი 68′)

“ვიტ ჯორჯია”: დაუშვილი, გეთიაშვილი, კასრაძე, კორიფაძე, ადამაძე, კუხალეიშვილი (ლობჯანიძე 56′), მჭედლიშვილი, მაისურაძე, სიჭინავა (ღიბრაძე 86′), წყაროზია, (დავლაშელიძე 77′) ჯანელიძე

ფოტო: fcdinamo.ge

“მეტალურგმა” “გურია” დაამარცხა

Posted on by Levan

დღეს რუსთავის “ფოლადზე” ადგილობრივმა “მეტალურგმა” ლანჩხუთის “გურია” მიიღო და იოლად გაუმკლავდა მეტოქეს – 3:1. “გურიას” აშკარად ეტყობა, რომ გუნდი ნომრალურად ვერ ვარჯიშობს, რაზეც მატჩის შემდეგ რომან პოკორამაც ისაუბრა.

შეხვედრა მასპინძლთა უპირატესობით დაიწყო. რუსთაველები მთლიანად აკონტროლებდნენმოედნის ცენტრს და 17-ე წუთზე მცირერიცხოვანმა გულშემატკივარმა პირველი გოლიც იხილა. გიორგი ჩირგაძემ, მინდია ბობღიაშვილის უხეში შეცდომით ისარგებლა და საჯარიმოს გარედან ფაქტობრივად ცარიელ კარში გაიტანა გოლი. საერთო უნდა ითქვს, რომ ახალგაზრდა ჩირგაძემ საკმაოდ კარგი მატჩი ჩაატარა. 23 წლის შემტევი გასული ორი სეზონის განმავლობაში ნიუ-იორკის “რედ ბულის” შემადგენლობაში ირიცხებოდა.

გაშვებული გოლის შემდეგ “გურიამ” გამოასწორა თამაში, მაგრამ რეალურ საგოლე მომენტებამდე საქმე არ მისულა. აი რუსთაველებს კი, ტაიმის ბოლოს ორი შესანიშნავი შესაძლებლობა ჰქონდათ მაგრამ ჯერ კირკიტაძემ ვერ გამოიყენა ერთი ერთზე გასვლა, შემდეგ კი სიხარულიძემ.

მეორე ტაიმი ახალი დაწყებული იყო, როდესასც “გურიას” საჯარიმოს მისადგომებთან სახიფათო ჯარიმა დაინიშნა. მისი შესრულება გიორგი გავაშელიშვილმა ითავა და როგორც აღმოჩნდა ეს გადაწყვეტილება სწორი იყო. ძლიერი დარტყმა და – 2:0.

მეორე გაშვებული გოლის შემდეგ, მოვლენები იგივე სცენარით განვითარდა რაც პირველ ტაიმში. “გურია” შეტევებში წავიდა თუმცა რამოდენიმე კუთხურის გარდა ვერაფერი ვერ მოიპოვა. სწორედ ერთ-ერთ კუთხურს მოჰყვა “მეტალურგის” კონტრშეტევა და ჩირგაძემაც დუბლი გაიფორმა – 3:0.

დარჩენილ დროში “გურულებმა” პრესტიჟის გოლის გატანა მოახერხეს მამუკა ტორონჯაძის ძალისხმევით.

მატჩის შემდეგ

რომან პოკორა (გურია): ვულოცავ მოწინააღმდეგეს დამსახურებულ გამარჯვებას. ჩვენ დღეს უშანსოდ ვიყავით. მე ნაკლებად მეხება გუნდის ფინანსური პრობლემები, ჩემი საქმე სავარჯიშო პროცესია, მაგრამ სამწუხაროა, რომ სწორედ ცუდი ფინანსური მდგომარეობა გვიშლის ხელს სავარჯიშო პროცესი ნორმალურად წარმართვაში. მადლობა მინდა ვუთხრა ჩემს ფეხბურთელებს და რა თქმა უნდა ჩვენს გულშემატკივარს. შეიძელბა ითქვას პირველ ეტაპზე დასახული ამოცანა შევასრულეთ.

გელა სანაია (მეტალურგი): კარგი თამაში ვაჩვენეთ და დამსარებული გამარჯვებაც მოვიპოვეთ. მადლობა ჩემს ბიჭებს. სამწუხაროდ გუნდში პრობლემები გვაქვს. წლის ბოლომდე ტრავმების გამო ვეღარ დაგვეხმარებიან გეწაძე და ბერიაშვილი, რაც ჩვენთვის დიდი დანაკლისია.

მეტალურგი 3-1 გურია

გოლები: ჩირგაძე 17′ (1:0); გავაშელიშვილი 49′ (2:0); ჩირგაძე 72′ (3:0); ტორონჯაძე 89′ (3:1)

“მეტალურგი”: ბედიაშვილი, ჯაფარიძე, ორბელაძე, მახვილაძე, გავაშელიშვილი, ჩირგაძ (საჯაია), გურეშიძე (ვასაძე), რაზმაძე (დობროვოლსკი), კირკიტაძე, სიხარულიძე, კორღალიძე.

“გურია”: ბობღიაშვილი, ჩუენსუ, ჩაგელიშვილი, იობაშვილი, ჯიშკარიანი, ჯოჯუა, გაჩეჩილაძე, შენგელია (ტორონჯაძე), კოშკაძე (მახარაძე), შალამბერიძე, ისიანი (დარჩიძე)

 

ტორპედო 1-2 ზუგდიდი

გოლები: ეხვაია 49′ ; 50′ (0:2); რევაზ ბარაბაძე 79′ (1:2)

ზესტაფონი – სპარტაკი

გადაიდო

“ჩიხურამ” “მერანი” დაამარცხა

Posted on by Levan

კვირას დაწყებული უმაღლესი ლიგის XVI ტურის უკანასკნელი მატჩი დღეს “მცხეთა პარკზე” გაიმართა, სადაც ერთმანეთს “ჩიხურა” და “მერანი” დაუპირისპირდნენ. აღნიშნული შეხვედრა კვირას ქუთაისში უნდა გამართულიყო, თუმცა შეხვედრა უამინდობის გამო გადაიდო. გუნდებმა კიურთიერთშეთანხმების საფუძველზე  მატჩის მცხეთაში გამართვა გადაწყვიტეს.

როგორც მოსალოდნელი იყო, შეხვედრა ჩემპიონატის ერთ-ერთი ლიდერის უპირატესობით წარიმართა და ლოგიკური გამარჯვებითაც დასრულდა. უკვე მეცხრე წუთზე ანგარიში უმაღლესლი ლიგის საუკეთესო ბომბარდირმა, დიმიტრი ტატანაშვილმა გახსნა და თავისი მეთორმეტე გოლიც გაიტანა მიმდინარე გათამაშებაში.

79-ე წუთზე “დინამოდან” “ჩიხურაში” განათხოვრებულმა ჯაბა ჯიღაურმა მარტვილელებს მეორე გოლი გაუტანა და საბოლოო ანგარიში დააფიქსირა.

“მერანი” აგრძელებს წარუმატებელ სერიას. მალხაზ ჟვანიას წასვლის შემდეგ გუნდი ვეღარ იგებს. “ჩიხურამ” კი ამ გამარჯვებით 33 ქულას მოუყარა თავი და მყარად დაფუძნდა ცხრილის მეორე საფეხურზე. ლიდერ “დინამო თბილისთან” ჩამორჩენა ექვს ქულას შეადგენს.

“ჩიხურა” 1-0 “მერანი”

გოლები: ტატანაშვილი 9′ , ჯაბა ჯიღაური 79′

XVI ტური

“ვიტ ჯორჯია” 0-0 “სიონი”

“ზუგდიდი” 0-3 “დინამო”

“დილა” 3-1 “ზესტაფონი”

“გურია” 2-0 “ტორპედო”

“სპარტაკი” 2-0 “მეტალურგი”

 

 

 

ტორპედოს მორიგი მარცხი

Posted on by Levan

დღეს სამტრედიაში უმაღლესი ლიგის გადადებული მატჩი გაიმართა. ნეიტრალურ მოედანზე ლანჩხუთი “გურიამ” ქუთაისის “ტორპედოს” “უმასპინძლა. შეგახსენებთ, რომ შეხვედრა გუშინ, ქობულეთში უნდა გამართულიყო, თუმცა მატჩის ჩატარებას ხელი დიდთოვლობამ შეუშალა.

მატჩი ლანჩხუთელი ფეხბურთელების უპირატესობით დაიწყო რასაც სავსებით ლოგიკური გოლი მოჰყვა. თუმცა, გოლი ჩვეულებრივი ნამდვილად არ ყოფილა. ალექსანდრე კოშკაძემ მეშვიდე წუთზე ბურთი პირდაპირ კუთხურიდან ჩაახვია მაქსიმე ქვილითაიას კარში. პირველი ტაიმის დარჩენილ წუთებში რომან პოკორას შეგირდები კარგად იცავდნენ თავს და ქუთაისელებს რეალური საგოლე მომენტები არც შექმნიათ.

მეორე ნახევარში “გურიამ” დათმო ინიციატივა და კონტრშეტევებზე ცდილობდა თამაშს, რაც გამოსდიოდა კიდევაც. თუმცა, არც ჟერარდ სარაგასოს ფეხბურთელები იყვნენ სტატისტების როლში. ნომინალური სტუმრები მომენტებს კი ქმნიდნენ, მაგრამ რეალიზაციაში მოიკოჭლებდნენ. ერთ-ერთი ასეთი ეპიზოდის დროს დაუწერელი საფეხბურთო კანონი ამოქმედდა და ტორპედო დაისაჯა. 67 წუთზე “ტორეპდოს” შეხვედრაში ყველაზე სახიფათო მომენტი შეექმნა, თუმცა ბობღიაშვილმა სასწაულებრივი რეაქცია გამოავლინა და თავისი გუნდი გადაარჩინა. 71-ზე კი გურიამ წერტილი დასვა. გოლი, რომელიც ალექსანდრე შენგელიამ გაიტანა კვლავ სტანდარტულ სიტუაციას მოჰყვა.

ფინანსურ კრიზისში მყოფი “გურია” აგრძელებს ფეხბურთის მოყვარულების გაკვირვებას საკმაოდ კარგი თამაშით. “ტორპედოში” კი სერიოზული პრობლემებია. გუნდში რაღაც რომ შესაცვლელია, ეს აშკარაა…

გურია: ბობღიაშვილი, ჩუენსი, იობაშვილი, ჩიკვილაძე,  ჯიშკარიანი, ჯოჯუა, კილაძე, შენგელია, კოშკაძე (კაპ), შალამბერიძე, ისიანი.

სათადარიგოები: გოგუაძე, ჩაგელიშვილი, გაჩეჩილაძე, ტორონჯაძე, დარჩიძე, ჯოხაძე, ინგოროყვა.

მთ. მწვრთნელი: რომან პოკორა

ტორპედო: ქვილითაია, მთივლიშვილი, სანდოხაძე, ჭელიძე, უბილავა, ცინცაძე, გოროზია, გიგაური, კუხიანიძე, ჯიქია, კაპანაძე.

სათადარიგოები: მიქავა, ჩიტეიშვილი, ხიდეშელი, მზევაშვილი, მარკოზაშვილი, გავაშელიშვილი, ბარაბაძე.

მთ. მწვრთნელი: ჟერარდ სარაგოსა მულეტი

 

არასრული ტური და ჟვანიას წარმატებული დებიუტი

Posted on by Levan

დღეს საქართველოს ქალაქებში ეროვნული ჩემპიონატის მატჩები გაიმართა. თუმცა, მეთექვსმეტე ტური სრულად არ შედგა. თოვლის გამო ორი შეხვედრა გადაიდო. უამინდობამ ხელი ქუთაისში გასამართ “ჩიხურასა” და “მერანის” დაპირისპირება გადადო. გუნდები ურთიერთშეთანხმების საფუძველზე აღნიშნულ შეხვედრას 11 დეკემბერს, “მცხეთა” პარკზე გამართავენ. ხოლო მეორე გადადებული შეხვედრა “გურია” – “ტორპედოა”.

ჟვანიას წარმატებული დებიუტი

ანაკლიაში გამართული “ზუგდიდი” – “დინამო” თბილისელების გამარჯვებით დასრულდა. სტუმრება 3-0 მოიგეს და სამივე გოლი ლეგიონერების ანგარიშზეა.  ანგარიში მეცხრე წუთზე ჩისკო მინიოსმა გახსნა. მეორე გოლი დორინ გოგას ანგარიშზეა. რუმინელმა შედეგიანი დარტყმა 32-ე წუთზე შესრულა, ხოლო უკანასკნელი გოლი 81-ე წუთზე დარკო გლიშიჩის ანგარიშზეა. აღსანიშნავია, რომ თბილისელები 69-ე წუთიდან კაცნაკლულები იყვნენ. წითელი ბარათი გიორგი გველესიანმა მიიღო.


მეტალურგის მოულოდნელი მარცხი

ტურს მოულოდნელი შედეგის გარეშე არ ჩაუბლია. “მიხეილ მესხზე” ცხინვალის “სპარტაკმა” რუსთავის “მეტალურგი” დაამარცხა, რომელიც უკვე მე-10 წუთზე რიცხობრივ უმცირესობაში აღმოჩნდა. მიუხედავად ამისა, რუსთაველები მთელი მატჩი იბრძდნენ და მხოლოდ 87-ე წუთზე გაუშვეს პირველი გოლი, რომელიც დავით გელაშვილის ანგარიშზეა. 90-ე წუთზე “სპარტაკის” უპირატესობა თორნიკა თუხარელმა გაზარდა.

ლოგიკური ფრე მცხეთაში 

“მცხეთა პარკზე” ერთმანეთს ცხრილის შუა ნაწილში მყოფი გუნდები დაუპირისპირდნენ. “ვიტ ჯორჯიასა” და “სიონის” შეხვედრა, საკმაოდ მოსაწყენი და ნელ ტემპში მიმდინარე თამაში ლოგიკური შედეგით, ნულოვანი ფრით დასრულდა.

 

ტურის შედეგები:

დილა 3-1 ზესტაფონი

ზუგდიდი 0-3 დინამო

სპარტაკი 2-0 მეტალურგი

ვიტ ჯორჯია – სიონი

გადაიდო:

ჩიხურა – მერანი

გურია – ტორპედო

ჟვანიას დებიუტის მოლოდინში

Posted on by Levan

საქართველოს ეროვნული ჩემპიონატის უმაღლესი ლიგის მეთექვსმეტე ტური დღეს აიღებს სტარტს. თუმცა მატჩების ძირითადი ნაწილი ხვალ გაიმართება.

08/12/13 გორი, “თენგიზ ბურჯანაძე”

“დილა” – “ზესტაფონი”

ტურის გამორჩეულიუ მატჩი დღეს გორში გაიმართება. ბოლო წლებში “დილასა” და “ზესტაფონის” დაპირისპირებას ყოველთვის ახლავს დაძაბულობა. წელს ორივე გუნდმა სეზონი ცუდად დაიწყო, მაგრამ ბოლო დროს შედეგი გამოასწორეს, რაც სატურნირო ცხრილში მათ მდგომარეობაზეც აისახა. გასულ ტურში ორივე გუნდმა ფრედ ითამასა. გორელებმა რუსთავში, ხოლო ზესტაფონელებმა “ჩიხურასთან”.

ერთმანეთის წინააღმდეგ ჩატარებულ 23 შეხვედრაში. “ზესტაფონმა” 15 მოიგეო, ერთი მატჩი ფრედ დასრულდა, “დილამ” კი 7ჯერ შესძლო სამი ქულის აღება. გუნდების უკანასკნელი დაპირისპირება ზესტაფონში გაიმართა და მასპინძლების გამარჯვებით დასრულდა – 2:0.

09/12/13 ქუთაისი, “ცენტრალური”

“ჩხურა” – “მერანი”

ქუთაისში “ჩიხურა” მარტვილის “მერანს” მიიღებს და სავარაუდოდ უპრობლემოდ შესძლებს სამიქულის მოპოვებას. მარტვილელებს საკმაოდ მძიმე მდგომარეობა აქვთ. ათმატჩიანი წაუგებელი სერია გუნდის სატურნირო მდგომარეობაზეც აისახა. “მერანი” მეათე ადგილზეა და მხოლოდ “ზუგდიდს” და “სპარტაკს” უსწრებს.განსხვავებული სიტუაციაა “ჩიხურაში”. იმერლები ძალიან კარგ სეზონს ატარებენ და მხოლოდ “დინამო თბილისს” ჩამორჩებიან სატურნირო ცხრილში. სტატისტიკა კი, “მერანის” უპირატესობაზე მეტყველებს. შვიდ ჩატარებულ შეხვედრაში “ჩიხურამ” ორჯერ შესძლო მოგება, დანარჩენ 5 მატჩში 3 ქულა მარტვილელებს დარჩათ.

09/12/13 მცხეთა, “მცხეთა პარკი”

“ვიტ ჯორჯია” – “სიონი”

მცხეთაში ერთმანეთს ქვედა ეშელონის გუნდები დაუპირისპირდებიან. ბოლო დროს “სიონი” საკმაოდ კარგად ათამაშდა და ზედა ექვსეულზეც აცხადებს პრეტენზიას. ბოლნისელთა შემადგენლობიდან გამომდინარე, ეს საკმაოდ რეალურიც არის. გუნდს ბევრი გამოცდილი ფეხბურთელი ჰყავს.

“ვიტ ჯორჯიას” ახალგაზრდული გუნდს სტაბილურობა აკლიათ. ერთ მოგებულ შეხვედრას ორი წაგებული მოჰყვება.

ურთერთშეხვედრებში უპირატესობა თბილისელებს აქვთ. 52 მატჩში “ვეტერინარებმა”  25 მოიგეს, 16 შეხვედრა ფრედ დასრულდა, ხოლო 11 შემთხვევაში გამარჯვება ბოლნისელებმა იზეიმეს. 

09/12/13 ანაკლია, “ცენტრალური”

“ზუგდიდი” – “დინამო თბილისი”

მალხაზ ჟვანიას დებიუტი “დინამოს” მთავარი მწვრთნელის რანგში ხვალ ანაკლიაში შედგება. მშვნიერი შესაძლებლობაა სადებიუტო მატჩში სამი ქულის მოსაპოვებლად. ვნახოთ, რა ცვლილებებს შეიტანს ახალგაზრდა სპეციალისტი “დინამოს” თამაშში.

“ზუგდიდი” საკმაოდ მძიმე მდგომარეობაშია. თორმტი მატჩი მოგების გარეში და სავსებით ლოგიკური უკანასკნელი პოზიცია სატურნირო ცხრილში.

თბილისურ ზუგდიდური დაპირისპირება დღემდე 39–ჯერ გაიმართა, საიდანაც 28 შემთხვევაში გამარჯვება “დინამომ” იზეიმე, 7 მატჩი ფრედ დასრულდა, 4 თამაში კი ზუგდიდურმა კლუბმა მოიგო

09/12/13 ქობულეთი, “ჩელე არენა”

“გურია” – “ტორპედო”

ქობულეთში საშინაოდ გამხდარ “ჩელე არენაზე” ლანჩუთის “გურია” ქუთაისის “ტორპედოს” მიიღებს. გურულებმა გასულ ტურში “დინამოსთან” საკმაოდ კარგი ფეხბურთი აჩვენეს, განსაკუთრებით პირველ ტაიმში, თუმცა მაინც დამარცხდნენ. “ტორპედომ” კი წარუმატებელი სერიას შეწყვიტა ცხინვალის “სპარტაკთან”. ერთმანეთის წინააღმდეგ 29 ჩატარებულ შეხვედრაში, 17 შემთხვევაში ქუთაისელებმა გაიმარჯვეს, 8-ჯერ გურულებმა, ხოლო 4 დაპირისპირება ფრედ დასრულდა.

09/12/13 თბილისი, “მიხეილ მესხი”

“სპარტაკი” – “მეტალურგი”

“მიხეილ მესხზე” “სპარტაკი” რუსთავის “მეტალურგს” მიიღებს. ზედიზედ სამი წაგების შემდეგ, “სპარტაკელებს” აუციელბლად სჭირდებათ გამარჯვება, რათა სახიფათო ზონიდან შესძლონ ამოსვლა. თუმცა, ბოლო სამ შეხვედრაში არც რუსთაველებს ჰქონდათ კარგად საქმე. “მეტალურგმა” მხოლოდ ორი ქულის მოპოვება შესძლო, თუმცა რუსთაველებს მატჩების გამართვა უშუალო კონკურენტებთან მოუწიათ. ერთმანეთის წინააღმდეგ აქამდე ამ გუნდებმა 24 მატჩი გამართეს. საიდან “მეტალურგმა” 17, ხოლო “სპარტაკმა” 3 მოიგო. 4 მატჩი ფრედ დასრულდა. გუნდების უკანასკნელი დაპირისპირება რუსთავში გაიმართა და მასპინძლების მინიმალური გამარჯვებით დასრულდა.

 

ბრძოლა ექვსეულში მოსახვედრად

Posted on by Levan

საქართველოს ქალაქებში უმაღლესი ლიგის მეთხუთმეტე ტურის შეხვედრები გაიმართა. გასული ტურის შედეგებიდან გამომდინარე გასნაკუთრებული დაძაბულობა ცხრილის შუა ნაწილში იგრძნობა. ექვსეულში მოსახვედრად რამოდენიმე გუნდი იბრძვის.

“მიხეილ მესხზე“ “სიონმა“ „ზუგდიდს“ უმასპინძლა და მინიმალური ანგარიშით დაამარცხა. შეხვედრაში ერთადერთი გოლი  ლადო ახალაიამ გაიტანა 63’ წუთზე. ამ გამარჯვებამ “სიონი“ ზედა ექვსეულს კიდევ უფრო მიუახლოვა.

სამტრედიაში “მერანი“ “ვიტ ჯორჯიას“ გამართული დაპირისპირება თბილისელების გამარჯვებით დასრულდა. ანგარიში  სტუმრებმა გახსნეს, მე-12 წუთზე გოლი გიორგი კორიფაძემ გაიტანა. თუმცა, 8 წუთში ნომინალურმა მასპინძლებმა წონასწორობა აღადგინეს. შედეგიანი დარტყმა ლაშა ღონღაძის ანგარიშზეა. პირველი ნახევარი ფრედ დასრულდა. გადამწვყეტი უპირატესობა თბილისელებმა მეორე ნახევარში მოიპოვეს და 76-ე წუთზე ნიკოლოზ მაისურაძემ გამარჯვების გოლი გაიტანა.

ქუთაისში “ტორპედომ“ ცხინვალის “სპარტაკი“ მიიღო და ხუთმატჩიანი წაგებების სერია შეწყვიტა. ქუთათურებმა მატჩი მინიმალური ანგარიშით მოიგეს. გოლი პირველ ნახევარში, მე-20 წუთზე თორნიკე კაპანაძემ გაიტანა.

ტურის ბოლო მატჩი კი “დინამო არენაზე“ გაიმართა. “დინამო თბილისმა“ ლანჩხუთის “გურია“ დაამარცხა და ლიდერობა განიმტკიცა.

დაწვრილებით თბილისური მატჩის შესახებ:

http://fanebi.com/uhrinis-bolo-matchi/#.UqC_RNIW1Bg

შეგახსენებთ, რომ გუშინ უმაღლესის ორი შეხვედრა გაიმართა:

მეტალურგი 0-0 დილა

ზესტაფონი 1-1 ჩიხურა

“ზესტაფონი” 1:1 “ჩიხურა”

Posted on by Levan

ზესტაფონში გამართული იმერული დერბი ფრედ, 1:1 დასრულდა. ანგარიში სტუმრებმა გახსნეს. მეორე ტაიმის მესამე წუთზე, ყოფილმა “ზესტაფონელმა” ნიკა კვასხვაძემ საჩხერელები დააწინაურა. წონასწორობის აღდგენა მასპინძლებმა 71-ე წუთზე მოახერხეს. გოლი ვახტანგ ჭანტურიშვილის ანგარიშზეა.

ტურის დარჩენილი შეხვედრები ხვალ გაიმართება:

სიონი – ზუგდიდი

მერანი – ვიტ ჯორჯია

ტორპედო – სპარტაკი

დინამო – გურია