ლონდონის “არსენალის” მცველი, გაბრიელ პაულისტა ამიერიდან კარიერას ესპანეთის პრიმერადივიზიონში, კერძოდ კი “ვალენსიას” რიგებში გააგრძელებს.
ესპანური კლუბი “ვილიარეალის” ყოფილ ფეხბურთელს, რომელიც “მეთოფეთა” რიგებში 11.3 მილიონი ფუნტის სანაცვლოდ გადაბარგდა, ესეკილ გარაის პოტენციურ შემცვლელად განიხილავს, რომელიც კლუბს უახლოეს მომავალში დატოვებს.
გეტყვით იმასაც, რომ 26 წლის გაბრიელ პაულისტამ პრემიერ ლიგის გასული სეზონის 15 მატჩში მიიღო მონაწილეობა, რაც მისთვის არც თუ ისე სახარბიელო შედეგია.
ლა ლიგის 2017/18 წლების სეზონის დაწყებამდე, 11 აგვისტოს “ვალენსიამ” საკუთარი გუნდი გულშემატკივრებს წარუდგინა.
წარდგენილთა შორის იყო “ღამურების” კუთვნილებაში მყოფი 30 წლის არგენტინელი მცველი, ესეკილ გარაი, რომელიც გავრცელებული ცნობების მიხედვით, “მესტალიას” დატოვებას აპირებს.
აღსანიშნავია, რომ სწორედ ამ მიზეზის გამო, “ვალენსიას” ფანები კლუბის მიერ 25 მილიონ ევროდ შეფასებულ ფეხბურთელს სტვენის თანხლებით შეხვდნენ. გარაის ტრანსფერთან ყველაზე ახლოს მოსკოვის “სპარტაკია”.
Ezequiel Garay, a punt d'anar-se'n al Spartak, es rebut amb xiulits. pic.twitter.com/tpZRKIZCnH
— Blanquinegres (@Blanquinegres) August 11, 2017
ესპანურ პრესაში გავრცელებული ინფორმაციის მიხედვით, “ვალენსიას” ხელმძღვანელები დაეგო ალვეშის გაყიდვას აპირებენ.
32 წლის მეკარის გადაბირების სურვილს “რომა” და “დეპორტივოც” გამოთქვამდა, თუმცა, როგორც ცნობილი ხდება, ის კარიერას ბრაზილიურ “ფლამენგოში” გააგრძელებს.
“ფლამენგოსთან” დიეგო ალვეშის ტრანსფერის თაობაზე მოლაპარაკებები მიმდინარეობს. კარიერის ბრაზილიაში გაგრძელება თავად ფეხბურთელის მიერ მიღებული გადაწყვეტილებაა, ჩვენ კი საუკეთესო ვარიანტის ძიებაში ვართ,” – აცხადებს “ვალენსიას” გენერალური დირექტორი.
ბრაზილიელმა მეკარემ “მესტალიაზე” ექვსი სეზონი ითამაშა “ალმერიადან” გადასვლის შემდეგ.
“ვალენსიას” ხელმძღვანელებმა ტურინის “იუვენტუსის” ბრაზილიელი მეკარის, ნეტოს ტრანსფერი ოფიციალური განცხადებით დაადასტურეს.
როგორც ცნობილი ხდება, “ბებერი ქალბატონის” აწ უკვე ყოფილმა ფეხბურთელმა ესპანურ კლუბთან 4-წლიანი კონტრაქტი გააფორმა, მის გამოსასყიდად საჭირო თანხა კი 80 მილიონ ევროდ განისაზღვრება.
ნეტო, რომელშიც “ღამურებმა” 7 მილიონი ევრო გადაიხადეს, ჯანლუიჯი ბუფონის შემცვლელის როლს ასრულებდა “იუვეში” – 27 წლის ფეხბურთელმა სერია ა-ს მხოლოდ 10 მატჩი დაიწყო სასტარტოდან ტურინში ყოფნის პერიოდში.
“ვალენსიას” მეკარის, დიეგო ალვეშის აგენტი აცხადებს, რომ მისი კლიენტი ახალი კლუბის ძიებაშია.
“დიეგოს სხვა, გაცილებით მაღალი დონის გუნდში თამაში სურს. ვფიქრობ, იგი “ნაპოლის” მოერგება. ჩვენ ახლა რამდენიმე ვარიანტს განვიხილავთ და საუკეთესოს ავარჩევთ. ბრაზილიელს გაცილებით დიდ დონეზე თამაში უნდა. მას ახალი მოტივიაცია და ადრენალინი სჭირდება.”
“ჯერ ადრეა იმის თქმა, რომ “ნაპოლი” ყველაფერს აკეთებს ალვეშის შესაძენად. თუმცა, თუ რეინა, ასაკიდან და კონდიციებითან გამომდინარე, კლუბს დატოვებს, დიეგო მისი შესანიშნავი შემცვლელი იქნება!” – აცხადებს გრაციანო ბატისტინი.
იტალიურ პრესაში გავრცელებული უახლესი ინფორმაციის მიხედვით, ესპანური “ვალენსია” “იუვენტუსის” ნახევარმცველის, მარიო ლემინას ტრანსფერით არის დაინტერესებული.
Cadena Ser-ის ცნობით, ესპანური და იტალიური გუნდის ხელმძღვანელებს შორის მოლაპარაკებები უკვე წამოწყებულია და ტურინელები ლემინას სანაცვლოდ 20 მილიონ ევროს ითხოვენ.
შეგახსენებთ, რომ 23 წლის გაბონელი შემტევი ტურინში 2015 წელს გამოჩნდა, როდესაც ამ უკანასკნელმა “მარსელის” რიგები დატოვა.
მიმდინარე სეზონში ალეგრიმ მხოლოდ 11-ჯერ შეიყვანა ლემინა სასტარტო შემადგენლობაში.
თურქული “გალათასარაის” სპორტული დირექტორი, ჩენკ ერგანი ადასტურებს ინფორმაციას ესპანურ “ვალენსიასთან” მოლაპარაკებების მიმდინარეობის თაობაზე.
როგორც იცით, ალვარო ნეგრედომ მიმდინარე სეზონი არენდის წესით “მიდლსბროში” გაატარა, სადაც მან 9 გოლის გატანა შეძლო. თუმცა, ნაკლებად სავარაუდოა, რომ ეს უკანასკნელი “მიდლსბროს” ჩემფიონშიპშიც გაჰყვეს.
“დიახ, ალვარო ნეგრედოსთან მოლაპარაკებებს ვაწარმოებთ, მაგრამ ზედმეტი ინფორმაციის გასაჯაროება არ ღირს, ამან შესაძლოა საქმე შეაფერხოს,” – აცხადებს თურქული კლუბის დირექტორი.
ესპანური “სევილიასა” და “ვილიარეალის” ყოფილი თავკაცი, მარსელინიო ლა ლიგას უბრუნდება – მომავალი სეზონიდან ეს უკანასკნელი “ვალენსიას” მთავარი მწვრთნელის როლს მოირგებს.
ესპანური პრესის ცნობით, მარსელინიომ “ღამურებთან” ახალ, ორწლიან კონტრაქტს მოაწერა ხელი.
შეგახსენებთ, რომ ამ დროისთვის ესპანურ გუნდს სათავეში ვორო უდგას, რომელიც იანვრიდან მუშაობს ვალენსიურ კლუბში და არც ისე ცუდად გამოყავს გუნდი საშინაო ასპარესზე.
მარსელინომ კი “ვილიარეალში” გამართული ყოველი სეზონი საკმაოდ წარმატებულად დაასრულა – გუნდი ყოველთვის ხვდებოდა ექვსეულში და ევროტურნირებზეც საკმაოდ კარგად ასპარეზობდა.
დღეს ლა ლიგა სანტანდერის 35-ე ტურის მატჩები იმართება. თავისი შეხვედრა ჩაატარა მადრიდის “რეალმა”, რომელმაც “ვალენსია” მიიღო.
საკმაოდ დაძაბულ მატჩში პირველი გოლის ავტორი 27-ე წუთზე კრიშტიანუ რონალდუ გახდა. პორტუგალიელ სუპერვარსკვლავს მეორე ტაიმში დუბლის შესრულებაც შეეძლო. მან 57-ე წუთზე პენალტი ვერ გამოიყენა.
82-ე წუთზე დანი პარეხამ ანგარიში გაათანაბრა. თუმცა, 86-ეზე მარსელომ “ბლანკოსისთვის” გამარჯვების გოლი გაიტანა.
საბოლოოდ – 2-1.
ამ მოგების შემდეგ “რეალს” 81 ქულა აქვს და ჯერჯერობით ლიდერია. “ვალენსია” 40 ქულით მე-12-ზეა.
29 ლა ლიგა სანტანდერის 35-ე ტურში მადრიდის “რეალი” “ვალენსიას” მიიღებს. “ელ კლასიკოს” წაგებისა და ცხრილში სიტუციის დაძაბვის შემდეგ, ცალსახაა, რომ ზინედინ ზიდანის შეგირდები მოგებისთვის იბძოლებენ.
უახლესი ინფორმაცია გავრცელდა შეხვედრის წინ. ძალიან პრინციპულ დაპირისპირებაში მადრიდულ გრანდს რაფაელ ვარანი ვერ დაეხმარება. ფრანგმა დღეს კი ივარჯიშა, თუმცა ზინედინ ზიდანმა გადაწყვიტა, რომ იგი განაცხადს მიღმა დატოვოს.
ტრავმირებულები არიან პეპე და გარეტ ბეილი. სამაგიეროდ, გუნდს მცირეხნიანი დასვენების შემდეგ კრიშტიანუ რონალდუ და ტონი კროოსი დაუბრუნდნენ.
ესპანური “ვალენსიას” კარის დარაჯი, დიეგო ალვეში საფეხბურთო სამყაროს განცვიფრებას კვლავ განაგრძობს.
დიეგო ალვეშმა, რომელიც პენალტების მოგერიების უბადლო ნიჭით არის განთქმული, თერთმეტმეტრიანი კიდევ ერთხელ აიღო – “დეპორტივოსთან” მოგებულ მატჩში (3:0).
აღსანიშნავია, რომ დიეგო ალვეშის ამ გმირობამ დიდწილად განაპირობა მატჩის ასეთი შედეგი. საქმე ისაა, რომ პენალტი მატჩის მერვე წუთზე დაინიშნა, როდესაც ანგარიში ჯერ კიდევ 0:0 იყო. დიეგო ალვეშმა ფესალ ფაჟრას აჯობა.
ეს მის მიერ ესპანეთში მოგერიებული რიგით 24-ე თერთმეტმეტრიანი იყო (50-დან). წლევანდელ სეზონში კი მან 5 პენალტის მოგერიება შეძლო.
Diego Alves, la leyenda. pic.twitter.com/MtvZ3RjK0C
— Iñaki Toledo (@txakitoledo) April 2, 2017
კატალონიური “ბარსელონას” ხელმძღვანელებმა ზაფხულის სატრანსფერო ფანჯრისთვის პრიორიტეტად მარჯვენა მცველის პოზიციის გაძლიერება დაისახეს.
როგორც იცით, კატალონიურ გრანდში მარჯვენა მცველის პრობლემა დანი ალვეშის წასვლის შემდეგ დგას, რამეთუ დაკისრებულ მოვალეობებს თავს სათანადოდ ვერც ალეიშ ვიდალი ართმევს და ვერც სერხი რობერტო.
როგორც ცნობილი ხდება, “ლურჯ-ბროწეულისფრები” პირველ რიგში “ვალენსიას” მცველის, ჟოაუ კანსელუს ტრანსფერზე გაამახვილებენ ყურადღებას. კანსელუს ალტერნატივად კი ფრანგული “მონაკოს” მცველი, ჯიბრილი სიდიბე განიხილება.
თუმცა, Marca-ს ცნობით, ტრანსფერები მანამ არ განხორციელდება, სანამ გუნდს ახალი მთავარი მწვრთნელი არ ჩაიბარებს.
