ჭდე: ვიქტორ სანიკიძე

საქართველოს ნაკრების ფორვარდი ვიქტორ სანიკიძე თურქულ „თედ კოლეჯლერში“ გადასვლასთან ძალიან ახლოსაა.

მართალია, აღნიშნული ტრანსფერი ოფიციალურა ჯერ არ დადასტურებულა, თუმცა თურქეთის სუპერლიგის მონაწილის „ტვიტერის“ გვერდის ცნობით, სანიკიძე კლუბში სულ მალე ჩაირიცხება.

შეგახსენებთ, რომ განვლილ სეზონში ქართველი კალათბურთელი ყაზანის „უნიკსში“ თამაშობდა. სამწუხაროდ, მხრის ტრავმის გამო ვიქტორს სეზონის დიდი ნაწილი გაუცდა. საბოლოოდ, კლუბმა და მოთამაშემ კონტრაქტი ურთიერთშეთანხმების შედეგად გაწყვიტეს.

ევროთასის გათამაშებაში პლეი ოფი დაიწყო. მეთექვსმეტედფინალში ერთმანეთს გიორგი შერმადინის „კანტუ” და ვიქტორ სანიკიძის „უნიკსი” შეუწყვილდნენ. სერია 2-მატჩინია, რომლის პირველი შეხვედრა 4 მარტს კანტუში გაიმართა.

სამწუხაროდ, ქართველი კალათბურთელები ოედანზე ერთმანეთს ვერ შეხვდნენ. ვიქტორ სანიკიძე ტრავმირებულია. დაახლოებით 1 თვის წინ მან მხარზე ოპერაცია გაიკეთა და ახლა რეაბილიტაიის კურსს გადის. გიორგი შერმადინმა კი ითამაშა და რა შეეძლო, თავის გუნდს დაეხმარა.

შეხვედრა სტუმრათა, „უნიკსის” კალათბურთელთა გამარჯვებით – 70:64 დასრულდა. შერმადინი სათადარიგო იყო და მოედანზე 17 წუთით გამოჩნდა. ქართველმა ცენტრმა 2-დან ორივე ორქულიანი ჩააგდო და 4 ქულასთან ერთად 4 მოხსნა, 1 პასი და 1 დაფარება მიითვალა. 15 ქულით კანტუელთაგან ბობარდირი დარიუს ლამარ-ჯონსონი გახდა.

ამ გუნდებს შორის მეთექვსმეტედფინალური სერიის საპასუხო მატჩი ყაზანში, 11 მარტს გაიმართება. „კანტუ” მხოლოდ იმ შემთხვევაში გავა მერვედფინალში, თუკი 6 ქულაზე მეტით იმარჯვებს.

GBF.GE

ვიქტორ სანიკიძის არყოფნაში ყაზანის „უნიკსი“ ევროთასის მერვედფინალში გავიდა. რუსულმა გუნდმა აღნიშნულ ტურნირში ევროლიგიდან გადაინაცვლა და 6 ტურის თავზე G ჯგუფში პირველი ადგილი დაიკავა.

ყაზანელებმა ჯგუფური ეტაპის ბოლო შეხვედრა ჩეხეთში, „ნიმბურკთან მოიგეს და პირველი ადგილი გაინაღდეს. რუსულმა გუნდმა მასპინძლები დაძაბულ ბრძოლაში – 84:79 დაამარცხა. სანიკიძემ 1 კვირის წინ მხრის ოპერაცია გაიკეთა და რეაბილიტაციას გადის.

მერვედფინალში „უნიკსის“ მეტოქე J ჯგუფის მეორეადგილოსანი იქნება. შესაძლოა ეს გუნდი გიორგი შერმადინის „კანტუ“ იყოს, თუმცა დღეს ამ ჯგუფში ბოლო ტური იმართება და ყაზანელების მეტოქის ვინაობა ოფიციალურად თამაშების დასრულების შემდეგ გაირკვევა.

gbf.ge

საქართველოს ეროვნული ნაკრებისა და ყაზანის „უნიკსის“ ფორვარდმა ვიქტორ სანიკიძემ ტრავმა მიიღო. ვითიბი ლიგის გასულ ტურში, რომელშიც ყაზანელებმა „ზენიტი“ 103:67 დაამარცხეს, ქართველმა კალათბურთელმა მხარი იტკინა და როგორც ირკვევა, ფეხის ორთავა მყესის კუნთი გაიწყვიტა.

რებილიტაციას სავარაუდოდ 1 თვე დასჭირდება, თუმცა გართულებების შემთხვევაში შესაძლოა მკურნალობამ 8 კვირამდე გასტანოს – წერენ ევროპული გამოცემები.

gbf.ge

ევროთასის მეორე ჯგუფურ ეტაპზე მეორე ტურის მატჩები გამართეს გიორგი შერმადინისა და ვიქტორ სანიკიძის გუნდებმა. სანიკიძის „უნიკსმა“ ჩეხურ „ნიმბურკს“ უმასპინძლა და75:64 დაამარცხა, შერმადინის „კანტუმ“ კი დასანანი მარცხი განიცადა საბერძნეთში. იტალიურმა კლუბმა სალონიკში, პაოკ-თან ერთი ქულით – 77:78 წააგო.

ყაზანში სანიკიძის გუნდმა ზედმეტი გართულების გარეშე იმარჯვა. რუსულმა კლუბმა ყველა მეოთხედი მცირე სხვაობით მოიგო და საბოლოოდ 11 ქულით გაიმარჯვა. სანიკიძე სათდარიგო იყო და მთლიანობაში 10:10 წუთი ითამაშა. ქართველმა ფორვარდმა 3-დან 1 ორქულიანი და 4-დან 1 საჯარიმო ჩააგდო, 1 სამიანი კი ააცილა. ვიქტორმა კარგად იმუშავა ფარქვეშ და 3 ქულასთან ერთად 7 მოხსნა და 1 პასი მიითვალა.

1 მოგებითა და ამდენივე მარცხით „უნიკსი“ 4-გუნდიან ჯგუფში მე-2 ადგილზეა და მომდევნო მატჩს 21 იანვარს შინ სანკტ-პეტერბურგის „ზენიტთან“ გამართავს. თითო მოგებ-წაგება აქვს შერმადინის გუნდსაც, რომელსაც საბერძნეთში გამარჯვებამდე მცირედი დააკლდა.

შერმადინი სასტარტო ხუთეულში იყო და მოედანზე მთლიანობაში 16 წუთი გაატარა. ქართველმა ცენტრმა 4-დან 4 საჯარიმო და 5-დან 1 ორიანი ჩააგდო, 6 ქულა დააგროვა და ამას 6 მოხსნა, 1 პასი და 1 დაფარება მოაყოლა.  „კანტუში“ 16 ქულით საუკეთესო ამერიკელი დეჟან ჯონსი იყო, ხოლო დარიუს ჯონსონ-ოდომმა 14 ქულა მიითვალა.

მომდევნო მატჩი კანტუელებს 20 იანვარს ბელგიაში, „ლიმოჟათან“ ელით.

gbf.ge

ვიქტორ სანიკიძის შედეგიანი მატჩი ვითიბი იგაში. „უნიკსის“ ქართველი ფორვარდი უკვე მეორე მატჩია, გამორჩეულ სატისტიკას აჩვენებს და ეს ქართველი გულშემატკივრებისთვის სასიამოვნო ამბავია.

სანიკიძემ თავი ამჯერად ტალინში – ადგილობრივ „კალევთან“ გამოიჩინა. ყაზანელებმა მასპინძლები 84:69 დაამარცხეს, ქართვეი ფორვარდი კი შედეგიანობით მხოლოდ კეიტ ლენგფორდს ჩამორჩა.

ვიქტორმა მთლიანობაში 25 წუთი ითამაშა და თავი 12 ქულას, 5 მოხსნას, 3 დაფარებას და 2 ჩაჭრას მოუყარა. სანიკიძემ 3 ჯარიმა მიიღო და ბურთი 1-ჯერ დაკარგა, ხოლო მასზე მეტოქეები 2-ჯერ დაჯარიმდნენ. ლენგფორდმა ყაზანელებს 24 ქულა შესძინა და საუკეთესო შედეგიც დააფიქსირა.

9 მოგებითა და 4 მარცხით „უნიკსი“ ვითიბი ლიგის მე-4 საფეხურზე იმყოფება. მორიგ მატჩს ტურნირის ეგიდით ყაზანელები 17 იანვარს, სარატოვში „ავტოდორთან“ გამართავენ.

gbf.ge

ვიქტორ სანიკიძის „უნიკსმა“ ვითიბი ლიგაში მნიშვნელოვანი გამარჯვება მოიპოვა. ყაზანელებმა ბოლგოგრადში ადგილობრივი „კრასნი ოკტიაბრი“ 78:69 დაამარცხეს.

ქართველმა ფორვარდმა 12:7 წუთი ითამაშა და 3 ქულასთან ერთად 2 პასი, 1 მოხსნა და 1 ჩაჭრა დააგროვა. სანიკიძემ 2 ჯარიმა მიიღო და ბურთიც ამდენჯერვე დაკარგა. ვიქტორმა ბოლგოგრადელთა კალათს ერთხელ შეუტია და შორეული ტყორცნა მიზანში გაარტყა.

8 მოგება, 4 წაგება და ცხილში მე-4 ადგილი – ესაა ყაზანელთა მიმდინარე შედეგი. ვითიბი ლიგაში სანიკიძის გუნდი მორიგ მატჩს 12 იანვარს, ტალინში, „კალევთან“ დამართავს.

gbf.ge

ვიქტორ სანიკიძის „უნიკსმა“ ვითიბი ლიგაში იოლი გამარჯვება მოიპოვა. ყაზანელებმა „ენისეის“ უმასპინძლეს და დიდი სხვაობით –  107:74 იმარჯვეს.

სამწუხაროდ, ქართველ ფორვარდს დიდ ხანს არ უთამაშია. სანიკიძე მოედანზე 9:50წუთს იმყოფებოდა, რა დროშიც 1 ქულა და 1 მოხსნა მიითალა. ქართველმა ფორვარდმა 2-დან 1 საჯარიმო ჩააგდო, 2 ორქულიანი კი ააცილა.

ყაზანელებს 22 ქულით ნიკოს ზისისმა ულიდერა, 18 ქულა კიტ ლანგფორდმა მოაგროვა, ხოლო ვალერი ლიხოდეის  ანგარიშზე 16 დაგროვდა.

9 გამარჯვებითა და 1 მარცხით „უნიკსი“ცხრილის მე-3 საფეხურზე იმყოფება. მორიგი მატჩი ყაზანელებს 22 დეკემბერს, სტუმრად „ხიმკისთან“ ელით.

gbf.ge