ევროპის 2016 წლის ჩემპიონატის შემდეგ ესპანეთის ნაკრების მთავარი მწვრთნელი ვისენტე დელ ბოსკე თავის პოსტს დატოვებს. სპეციალისტს კონტრაქტი ეწურება, რომლის გახანგრძლივებას ის არ გეგმავს.
„იმ შემთხვევაშიც წავალ, თუ ახალ კონტრაქტს შემომთავაზებენ. ამჟამინდელი ხელშეკრულების ვადის ბოლომდე მუშაობა და შემდგომ წასვლა მსურს“, – ციტირებს სპეციალისტს cope.es-ი.
შეგახსენებთ, რომ რამდენიმე დღის წინ ევროპულმა მედიამ დელ ბოსკეს დარჩენა არ გამორიცხა.
ესპანეთის ნაკრების მთავარმა მწვრთნელმა ვისენტე დელ ბოსკემ ახნა, თუ რატომ არ გამოიძახა „მანჩესტერ იუნაიტედის“ მეკარე ვიქტორ ვალდესი.
„ვალდესის სიტუაციაზე ბევრს ვფიქრობდი. მის გამოსაძახებლად სითამამე დაგვაკლდა. ვიქტორის საქმე უნიკალურია და ნაკრების ყველა წევრისთვის მნიშვნელოვანია. მისი მოქმედებები ყოველთვის ფანტასტიკური იყო. ის ერთ-ერთი ერთგული ფეხბურთელია, რომელსაც ესპანეთის ნაკრების ღირსება აქვს დაცული. მასთან ერთად გუნდი უფრო ძლიერია“, – განაცხადა „ფურია როხას“ თავკაცმა.
ცნობილი ესპანური გამოცემის AS-ის მიერ გავრცელებულ ინფორმაციას თუ დავუჯერებთ, ესპანეთის ფეხბურთის ფედერაცია ნაკრების მთავარ მწვრთნელთან ვისენტე დელ ბოსკესთან თანამშრომლობის გაგრძელებას 2018 წლის მსოფლიო ჩემპიონატის დასრულებამდე გეგმავს.
ამავდროულად, არსებობს ალბათბა, რომ სპეციალისტმა კარიერა უკვე 2016 წლის ევროპის ჩემპიონატის შემდეგ დაასრულოს.
ცნობისთვის, ესპანელი სპეციალისტის ამჟამინდელი კონტრაქტი სწორედ პლანეტის 2016 წლის პირველობის დასრულებამდე მოქმედებს.
ესპანეთის ნაკრების მთავარმა მწვრთნელმა ვისენტე დელ ბოსკემ მადრიდის „რეალიდან“ კარლო ანჩელოტის გათავისუფლების შესახებ ისაუბრა.
„ანჩელოტიმ „რეალთან“ კარგად იმუშავა. ამ სპეციალისტს პატივს ვცემ, რადგან კარიერაში მან წარმატებას სხვადასხვა კლუბთან მიაღწია. მასთან საუბრის შემდეგ მის პროფესიონალიზმში კიდევ ერთხელ დავრწმუნდი.
ბენიტესი? „რეალისთვის“ ის კარგი მწვრთნელი იქნებოდა. რაფა გამოცდილია, ამიტომაც უკეთესი გუნდის ჩამოსაყალიბებლად ყველაფერს გააკეთებს“, – განაცხადა დელ ბოსკემ.
ესპანეთის ნაკრების მთავარ მწვრთნელს ვისენტე დელ ბოსკეს უეფას ჩემპიონთა ლიგის ფინალში მადრიდის „რეალისა“ და კატალონიის „ბარსელონას“ ნახვა სურს.
„ესპანური ფინალის ხილვა მსურს. ბოლო წლებში „რეალი“ და „ბარსელონა“ ესპანეთს ევროპაში კარგად წარმოადგენენ. ასეთი ფინალი ჩვენს ფეხბურთს ძალიან სჭირდება“, – განაცხადა „ფურია როხას“ დამრიგებელმა.
ესპანეთის ნაკრების მთავარმა მწვრთნელმა პრიმერადივიზიონის წამყვან კლუბებში ესპანელი ფეხბურთელების რაოდენობაზე ისაუბრა.
“წამყვან კლუბებში ესპანელი მოთამაშეები არასაკმარისი რაოდენობით არიან.
ეს კლუბებისთვის პრობლემას არ წარმოადგენს, თუმცა ჩვენთვის არის ცუდი”, – განაცხადა ესპანელმა სპეციალისტმა.
შეგახსენებთ, რომ “რეალის” ძირითად შემადგენლობაში მხოლოდ ოთხი, “ბარსელონას” რიგებში კი სულაც სამი ფეხბურთელი თამაშობს.
დელ ბოსკეს უეფას ჩემპიონთა ლიგის მეოთხედფინალურ ეტაპზე მადრიდის “რეალსა” და “ატლეტიკოს” შორის დაპირისპირებაზეც ჰკითხეს:
“საუკეთესო გუნდი გაიმარჯვებს. კარგია, რომ ესპანური ნახევარფინალისტები გვეყოლება”, – დელ ბოსკეს კომენტარი Goal.com-მა გამოაქვეყნა.
ესპანეთის ნაკრების მთავარმა მწვრთნელმა ვისენტე დელ ბოსკემ ტურინის „იუვენტუსის“ თავდამსხმელი ალვარო მორატა შეაქო და აღნიშნა, რომ ამ მოთამაშეს დიდ მომავალს უწინასწარმეტყველებს.
„როგორც ახალგაზრდა ფეხბურთელს, მას თავისი მინუსები აქვს.. იყო მატჩები, რომლებშიც მან სტაბილურობით თავი გამოიჩნა. ახლა ის უკეთესად გამოიყურება. მასზე დიდ იმედს ვამყარებს და, ვფიქრობ, საუბარი ესპანეთის ნაკრებზეა. ჩემი აზრით, ის უკვე ახლაც კი გამოგვადგება“, – ციტირებს დელ ბოსკეს AS-ი.
ცნობისთვის, მორატა უკრაინის ნაკრებთან ევროპის ჩემპიონატის საკვალიფიკაციო ეტაპის მატჩისთვის გამოიძახეს, რომელიც 27 მარტს გაიმართება. გარდა ამისა, 31 მარტს ესპანელები ჰოლანდიასთან ამხანაგურ შეხვედრას ჩაატარებენ.
ესპანეთის ნაკრების მთავარმა მწვრთნელმა, ვისენტე დელ ბოსკემ “ბარსელონსა” და “რეალს” შორის გასამართ კლასიკოზე ისაუბრა. ფურია როხას დამრიგბელი თვლის, რომ კატალონიელები ამ ეტაპზე უკეთესს ფეხბურთს თამაშობენ.
“ამ მომენტისთვის ვთვლი, რომ “ბარსელონა” უკეთ გამოიყურება. თუმცა, “რეალი” ძალიან ძლიერი გუნდია” – განუცხადა დელ ბოსკემ Marca-ს.
შეგახსენებთ, რომ მორიგი ესპანური კლასიკო 22 მარტს “ნოუ კამპზე” გაიმართება.
ესპანეთის ნაკრების მთავარი მწვრთნელის ვისენტე დელ ბოსკეს თქმით, ფერნანდო ტორესს ესპანეთის ნაკრებში დაბრუნების შანსი აქვს.
„ფერნანდოს ნაკრებში დაბრუნების შანსი აქვს. „ატლეტიკომ“ და ტორესმა ერთმანეთი იპოვეს. „რეალის“ წინაამღდეგ მან ჩინებული მატჩი ჩაატარა. ნაკრებში მისი პოტენციური დაბრუნება ჩვენთვის კარგი სიახლეა“, – განაცხადა „ფურია როხას“ დამრიგებელმა.
ესპანეთის ნაკრების მთავარი მწვრთნელის ვისენტე დელ ბოსკეს აზრით, ლა ლიგაში საკმაოდ ბევრი ლეგიონერი გამოდის.
„ბოლო ელ კლასიკო მომეწონა. გუნდებმა ჩინებული ფეხბურთი აჩვენეს. თუმცა, მათი სუსტი ხმარეებიც გამოჩნდნენ.
აღვნიშნავდი იმ ფაქტს, რომ ორივეს შემადგენლობაში 4-4 ესპანელი მოთამაშე იყო. იგივე, „სევილიას“, „ვალენსიას“ და „ატლეტიკოს“ ეხება. ჯამში, ჩვენს ჩემპიონატში ლეგიონერების წინააღმდეგ არ ვარ, უბრალოდ, მათი რიცხვი საკმაოდ მაღალია.
სხვა მხვრივ, კლუბების აკადემიებისთვის კარგი დრო დადგა. ფინანსური სირთლეების დროს, კლუბს აღზრდილების წყალობით ფულის ეკონომია შეუძლიათ“, – განაცხადა „ფურია როხას“ თავკაცმა.
“ჩელსის” მთავარმა მწვრთნელმა ჟოზე მოურინიომ განაცხარა, რომ დიეგო კოსტას ტრავმა ესპანეთის ნაკრების სამწვრთნელო შტაბის და ვისენტე დელ ბოსკეს ბრალია.
“დიეგო კოსტა ნაკრებიდან დაბრუნების შემდეგ საავადმყოფოში გაემგზავრა, თუმცა მას ამანაც ვერ უშველა. “მანჩესტერთან” მატჩი ფორვარდმა არა ვირუსის, არამედ ტრავმის გამო გამოტოვა.
კოსტამ ესპანეთის ნაკრებში სამ დღეში ორი შეხვედრა ითამაშა და ტრავმაც ამის გამო მიიღო. ვიმედოვნებთ, რომ ფეხბურთელი “ქპრ”-სთან დაგვიბრუნდება” – განაცხადა მოურინიომ.
ესპანეთის ნაკრების მთავარმა მწვრთნელმა ვისენტე დელ ბოსკემ ორი სიტყვით სლოვაკეთთან ევრო-2016-ის შესარჩევი ეტაპის წაგებული მატჩი შეაფასა.
„ამ მარცხში კონკრეტულად რომელიმე მოთამაშეს ვერ დავადანაშაულებ. ჩვენ არ გვიმართლებდა, თანაც, მეტოქე გუნდის მეკარე მოწოდების სიმაღლეზე იყო“, – განაცხადა „ფურია როხას“ დამრიგებელმა.
