საკმაოდ საინტერესო ფოტო გავრცელდა ფეისბუქის ერთ-ერთ გვერდზე, რომლის მფლობელიც მომხმარებლებს გარკვეული თანხის სანაცვლოდ მომგებიან ფსონებს პირდება.
ფოტოზე ჩანს, რომ გვერდის მფლობელმა ფსონი ვიტ ჯორჯია – გურიას შეხვედრაზე გააკეთა და 10 ევროთი 4350 მოიგო. აღნიშნული შეხვედრა პარასკევს, მცხეთაში გაიმართა.
ფსონიც მატჩის სცენარს ზუსტად ასახავს. შეხვედრის პირველი ნახევარი მასპიძელთა გამარჯვებით დასრულდა, ხოლო საბოლოოდ ფრედ დაფიქსირდა.
16 სექტემბერს, საქართველოს 26-ე ეროვნული ჩემპიონატის უმაღლესი ლიგის გადადებული მე-4 ტურის მატჩები გაიმართა. ქუთაისის „ტორპედომ“ საკუთარ სტადიონზე თბილისის „ვიტ ჯორჯია“ მიიღო.
ძირითადად მზიან ამინდში მიმდინარე საინტერესო შეხვედრის დებიუტი ქუთაისელთა აშკარა უპირატესობით წარიმართა. პირველი ტაიმის განმავლობაში „ცენტრალურის“ ტრიბუნებზე შეკრებილები საკმაოდ ხშირად ხმაურობდნენ, რაც უმეტესად „ტორპედოს“ მიერ შექმნილი სახიფათო მომენტებით იყო გამოწვეული. უკვე მე-2 წუთზე მასპინძელთა სწრაფი გადასვლა მეტოქის ნახევარზე ტუღუშის კარში დარტყმით ბოლოვდებოდა, რომ არა ერთ-ერთი ოპონენტი მცველი, რომლისგანაც კუთხურზე გადავიდა ბურთი. აქედან ერთ წუთში ჩიკვილაძემ ზედიზედ მეორე კუთხური მოაწოდა, კართან ახლოს ყველას კვერნაძემ დაასწრო, მაგრამ თავით მიზანში ვერ მოარტყა. მე-17 წუთზე, ისევ კვერნაძე შევიდა სტუმართა საჯარიმოში მარჯვენა კუთხიდან და ამჯერად მეკარეს ვერ აჯობა. 34-ე წუთზე, ვიტელთა საჯარიმოში მყოფმა ტუღუშმა აკრობატული დარტყმით სცადა გატანა, მაგრამ შეროზიამ რთული ბურთი მოიგერია. საწინააღმდეგო კართან შექმნილ ეპიზოდებზეც რომ ვთქვათ, 45 წუთი ისე მიიწურა, რომ ტორპედოელ მეკარეს სერიოზული საქმე არ მისცემია, რადგან სტუმართა 2-3 დარტყმით ბურთი „მართკუთხედის“ მიღმა წავიდა. ყველაზე მაღალპროცენტიანი შანსი გეთიაშვილს ჰქონდა, რომელმაც ვარდნაში 4-5 მეტრიდან ააცილა კარს.
15-წუთიანი შესვენების შემდეგ პირველი 20 წუთი არაფრით იყო გამორჩეული. თითქოს, სტუმრები უფრო გააქტიურდნენ, თუმცა ეს მხოლოდ ბურთის ფლობაში ჩანდა. 66-ე წუთზე, ტაბატაძემ მისივე ფლანგიდან ჩააწოდა ბურთი, რომელსაც თავით ჩადუნელი გამოეხმაურა და მას სულ ცოტა დააკლდა ანგარიშის გახსნამდე. 77-ე წუთზე, ბონდარენკოს მიერ შესრულებული საჯარიმოთი ბურთი მეკარემ დაიმორჩილა ხელებში. აქედან წამებში, ჩიკვილაძემ საჯარიმოს მისადგომებიდან დარტყმით შეაზანზარა ხარიხა. თამაშის ფინალი მეტად დაძაბული გამოდგა, ამან ფეხბურთელებზეც ზედმეტად ემოციურად იმოქმედა, რისთვისაც მათ მთავარი მსაჯისგან ყვითელი ბარათები მიიღეს. „ტორპედო“ ფრეს არ ეგუებოდა და რისკზეც გადავიდა. თამაშის კულმინაცია 88-ე წუთზე იყო, როცა ფიფიამ ცრუ მოძრაობების შემდეგ კარის გასწვრივ ჩასაწოდებლად არეალი გაითავისუფლა, ჩააწოდა და… ჩვენი გუნდის მიერ მეტოქის კარში განხორციელებულმა მე-9 დარტყმამ შედეგი გამოიღო. 19 წლის უკრაინელი ვალერი ბონდარენკო საჭირო ადგილას აღმოჩნდა და ლამაზი თავური დარტყმით იგი მისი პირველი ქუთაისური მატჩის გამარჯვების გოლის ავტორი და ამასთან, საუკეთესო მოთამაშეც გახდა. არბიტრის საბოლოო სასტვენმა ჩემპიონატში ქუთათურების 3-მატჩიანი მოუგებელი სერია შეწყვიტა და დამსახურებული გამარჯვება დააფიქსირა – 1:0.
FCTorpedo.Ge
17 ივლისს გორის თენგიზ ბურჯანაძის სახელობის სტადიონზე „დილამ“ მორიგ ამხანაგურ მატჩში თბილისის „ვიტ ჯორჯიას“ უმასპინძლა.
უჩა სოსიაშვილის გუნდი პირველ ნახევარში დომინირებდა. გორელთა ერთ-ერთი პირველი შეტევის დროს ახალკაცმა ფლანგიდან მეტოქის საჯარიმოში გამჭოლი გადაცემით მოდებაძესკარგი შანსი მისცა, თუმცა ეს უკანასკნელი მცველმა წააქცია და მთავარმა არბიტრმა თერთმეტმეტრიანი დანიშნა. ბურთთან ნიკა კვეკვესკირი მივიდა და ზუსტი დარტყმით ანგარიში გახსნა – 1:0.
ამის შემდეგაც ძირითადად გორელები ფლობდნენ უპირატესობას და 27’ე წუთზე პირველი გოლის ავტორმა ლამაზი ბურთი გაიტანა და დუბლის შეასრულება შეძლო. ისევ ახალკაცმა წამოიწყო ეს შეტევა, კურმაშვილს გადაცემა გაუკეთა, რომელიც თავის ფლანგზე მარტო იმყოფებოდა, საჯარიმოსკენ დაიძრა და კვეკვესკირი მოძებნა. ნიკა კარისკენ ზურგით იმყოფებოდა და ერთი ცრუ მოძრაობის შემდეგ, დაბალი დარტყმით შეროზიას შანსი არ დაუტოვა – 2:0.
თითქოს პირველი ნახევარი წყნარად დასასრულისკენ მიდიოდა, როდესაც ბოლო წუთებზე მასპინძელთა კართან კუთხური დაინიშნა. ჩაწოდების შემდეგ ლუკა რაზმაძემ ფეხით მოგერიება ცადა, მაგრამ ასხლეტილი ბურთი ხელზე მოხვდა და პენალტი ამჯერად უკვე ჩვენ კარში დაინიშნა.ღიბრაძემ ამ ნიშნულიდან უშეცდომოდ დაარტყა და ანგარიში მინიმუმამდე შეამცირა – 2:1.
მეორე ნახევარი ძირითადად თანაბარი ბრძოლით გაგრძელდა. პირველი სახიფათო მომენტი გორელებმა შექმნეს. კვახაძის გრძელ გადაცემას კურმაშვილი თავით კარგად ვერ შეწვდა და კარიდან გამოსულ მეკარეს ამ მომენტში გაუმართლა, შემდეგ თბილისელთა მცველებმა დაუშვეს შეცდომა და ბურთი კვეკვესკირმა აართვა, ამ შეტევის ბოლოს ფალავანდიშვილი ცდილობდა დარტყმას, თუმცა მცველს მოხვდა ბურთი.
55’-ე წუთზე „ვიტ ჯორჯიამ“ ერთ-ერთი იერიშისას ბურთი ცენტრში სახიფათო სიტუაციაში დაკარგა და კვეკვესკირმა ზუსტი გადაცემისთ ირაკლი მოდებაძე ფაქტიურად მეკარესთან პირისპირ დატოვა. მიუხედავად იმისა, რომ მცველი დაეწია, მოდებაძემ მახვილი კუთხიდან დარტყმა მაინც მოახერხა და ოდნავ არ გაუმართლა, მეტოქე ძელმა იხსნა.
ამის შემდეგ, მოედანზე შესულ ერისთავს ორი მომენტი ჰქონდა. ერთხელ ფაქტიურად ერთი-ერთზე გაიყვანეს, თუმცა კარგად ვერ დაარტყა. ამ მომენტის საპასუხო შეტევა სტუმრებმა გოლად აქციეს.ზარქუამ პირველი დარტყმა კი მოიგერია, თუმცა დამატებაზე კურდღელაშვილმა უშეცდომოდ ითამაშა და ანგარიში გაათანაბრა – 2:2.
მეორე შემთხევაში ერისთავმა კარიდან გამოსული მეკარის შეცდომით ისარგებლა და ბურთი აართვა, რის შემდეგაც შორი მანძილიდან კარში ზუსტად დაარტყა, მაგრამ თბილისელებს გაუმართლათ და მცველმა ცარიელი კარიდან თავით შეძლო ბურთის მოგერიება. ბოლოს სტუმრებმა შორიდან სახიფათოდაც დაარტყეს, თუმცა ანგარიში აღარ შეცვლილა.
გუნდების შემადგენლობა
„დილა“: ზარქუა, თომაშვილი, კვახაძე (კაპ.), ი. ლომიძე, მჭედლიშვილი, ფალავანდიშვილი, რაზმაძე, კვეკვესკირი, კურმაშვილი, ახალკაცი, მოდებაძე.
შეცვლაზე შევიდნენ: ერისთავი, სადაღაშვილი, მახარობლიძე, ნოზაძე, ქარქუზაშვილი.
მთავარი მწვრთნელი: უჩა სოსიაშვილი.
„ვიტ ჯორჯია“: შეროზია, საბაძე, კალანდია, გეთიაშვილი (კაპ.), იაშვილი, ჭეჭელაშვილი, ღიბრაძე, მაისურაძე, დემეტრაშვილი, სიჭინავა, ლობჯანიძე.
შეცვლაზე შევიდნენ: დავლაშელიძე, წყაროზია, კურდღელაშვილი.ასპილაშვილი, ხვისტანი, დადიანი.
მთავარი მწვრთნელი: ზურაბ ბერიძე.
გოლები: კვეკვესკირი (პენ. 19’; 27’) 2:0, ღიბრაძე (პენ. 39’) 2:1, კურდღელაშვილი (64’) 2:2.
„დილას“ პრესსამსახური
დღეს, ქუთაისის „ტორპედომ“ თბილისის „ვიტ ჯორჯიასთან“ ხვალ გასამართ მატჩამდე ბოლო ვარჯიში ჩაატარა, რომელშიც მთლიანი აქცენტი ბურთის გამოყენებით მომზადებაზე გაკეთდა. შუა დღეს, ქვეყნის 3-გზის ჩემპიონი დედაქალაქში გაემგზავრება და სასტუმრო „ბატესტაში“ დაბინავდება.
მოახლოებული შეხვედრის წინ კომენტარი ვთხოვეთ ჩვენი გუნდის მთავარ მწვრთნელს.
რევაზ ძოძუაშვილი: „ძალიან გვინდა, რომ ჩემპიონატის ბოლო აკორდები ნორმალურად ჩავატაროთ, მოგეხსენებათ, უკვე კარგა ხანია ვიცით, რომ უმაღლეს ლიგაში დარჩენილები ვართ, აქედან გამომდინარე, მწვრთნელები ვაპირებთ ახალგაზრდა თაობის წარმომადგენელთა გამოცდას დარჩენილ თამაშებში. ჩვენ მივცემთ თავიანთი პოტენციალის გამოვლენის საშუალებას იმ ბიჭებს, რომლებზეც გარკვეული იმედები გვაქვს და ვფიქრობთ, რომ ახალ სეზონში გამოგვადგებიან ძირითადი შემადგენლობისთვის. ამდენად, შეიძლება ითქვას, საკმაო ყურადღებას ვაქცევთ სამომავლო შევსებას, თუმცა, რასაკვირველია, ამასთან ერთად მიზნად გვაქვს ქვედა ექვსეულში პირველი ადგილის დაკავებაც და ვეცდებით, რომ ეს ორივე საქმე გავაერთიანოთ“.
FCTorpedo.GE
2 მაისს „მცხეთა პარკზე“ გაიმართება საქართველოს ეროვნული ჩემპიონატის მეორე ეტაპის მორიგი ტურის მატჩი თბილისის „ვიტ ჯორჯიასა“ და გორის „დილას“ შორის, რომელიც 16:00 საათზე დაიწყება.
ჩვენმა მეტოქემ გათამაშების განვლილ 28 ტურში 39 ქულა დააგროვა და ჩვენ გუნდს მხოლოდ ერთი ქულით უსწრებს. ეროვნული ჩემპიონატების ჩატარების დღიდან, გორის „დილა” თბილისის „ვიტ ჯორჯიას” (ეს გუნდი უმაღლეს ლიგაში გამოსვლის პირველ წრეში “მორკინალი–კოდაკოს” სახელით ასპარეზობდა) უმაღლეს ლიგაში 31–ჯერაა შეხვედრილი. ამ მატჩების ბალანსი ასეთია: „დილამ” 4მატჩი მოიგო, „ვიტ ჯორჯიამ” 24, ფრედ კი 3 დამთავრდა. ბურთების შეფარდება თბილისელთა მხარესაა – 66:23.
გთავაზობთ „ვიტ ჯორჯიასთან” მატჩებში „დილას” მიერ ნაჩვენებ შედეგებსა და გორელთა რიგებში მოთამაშეთაგან გოლების ავტორთა ვინაობას.
IX ჩემპიონატი
21.11.1997. “მორკინალი–კოდაკო”–”დილა” 2:0
22.05.1998. “დილა”–”ვიტ ჯორჯია” 2:3 – გიორგი ჩიტაია, გიორგი რევაზიშვილი.
X ჩემპიონატი
19.09.1998. “ვიტ ჯორჯია”–”დილა” 1:2 – ალექსანდრე კაიდარაშვილი (2).
10.04.1999. “დილა”–”ვიტ ჯორჯია” 1:3 – ნუკრი მინდიაშვილი.
XI ჩემპიონატი
20.03.2000. “ვიტ ჯორჯია”–”დილა” 2:1 – გიორგი ლომიძე.
06.05.2000. “დილა”–”ვიტ ჯორჯია” 0:2
XII ჩემპიონატი
19.08.2000. “დილა”–”ვიტ ჯორჯია” 0:3
04.11.2000. “ვიტ ჯორჯია”–”დილა” 3:0
XIV ჩემპიონატი
15.09.2002. “დილა”–”ვიტ ჯორჯია” 0:1
23.11.2002. “ვიტ ჯორჯია”–”დილა” 2:0
XV ჩემპიონატი
03.08.2003. “დილა”–”ვიტ ჯორჯია” 3:0 – მერაბ ძოძუაშვილი (2), ზაზა ლაცაბიძე.
22.10.2003. “ვიტ ჯორჯია”–”დილა” 3:1 – ბექა ჩიტაია.
03.04.2004. “ვიტ ჯორჯია”–”დილა” 3:0
12.05.2004. “დილა”–”ვიტ ჯორჯია” 0:1
XVI ჩემპიონატი
16.08.2004. “დილა”–”ვიტ ჯორჯია” 1:3 – კობა ხანიშვილი.
25.10.2004. “ვიტ ჯორჯია”–”დილა” 2:0
01.03.2005. “დილა”–”ვიტ ჯორჯია” 0:4
26.04.2005. “ვიტ ჯორჯია”–”დილა” 4:0
XVII ჩემპიონატი
19.11.2005. “დილა”–”ვიტ ჯორჯია” 1:3 – კობა ხანიშვილი.
06.05.2006. “ვიტ ჯორჯია”–”დილა” 2:0
XVIII ჩემპიონატი
18.11.2006. “დილა”–”ვიტ ჯორჯია” 0:6
16.05.2007. “ვიტ ჯორჯია”–”დილა” 1:1 – გიორგი ვარდოსანიძე.
XIX ჩემპიონატი
24.08.2007. “დილა”–”ვიტ ჯორჯია” 0:1
07.03.2008. “ვიტ ჯორჯია”–”დილა” 2:0
XXIII ჩემპიონატი
06.08.2011. “ვიტ ჯორჯია”–”დილა” 4:3 – ნოდარ ნოზაძე (2), რომან ახალკაცი.
30.10.2011. “დილა”–”ვიტ ჯორჯია” 1:1 – რომან ახალკაცი.
XXIV ჩემპიონატი
13.08.2012.”დილა”–”ვიტ ჯორჯია” 0:1
31.10.2012. “ვიტ ჯორჯია”-“დილა” 0:2 – ზურაბ არზიანი, ირაკლი კლიმიაშვილი.
XXV ჩემპიონატი
26.10.2013. „ვიტ ჯორჯია“-“დილა“ 0:2 – გრიგოლ დოლიძე, ირაკლი მოდებაძე.
09.03.2014. „დილა“-„ვიტ ჯორჯია“ 1:1 – ლუკა რაზმაძე.
30.03.2014. „დილა“-„ვიტ ჯორჯია“ 1:2 – გიორგი ბერიაშვილი.
FCDila.GE
უმაღლესი ლიგის 27-ე ტურის პირველ შეხვედრაში ცხინვალის “სპარტაკმა” “ვიტ ჯორჯიას” უმასპინძა და მორიგი გამარჯვება მოიპოვა. შეხვედრაში ანგარიში მეორე ტაიმის დებიუტში გაიხნსა. 51-ე წუთზე “სპარტაკი” ზვიად მეტრეველმა დააწინაურა.
მატჩის დასრულებამდე 6 წუთით ადრე კი, თეიმურაზ შონიამ საბოლოო ანგარიში დააფიქსირა – 2:0.
აღსანიშნავია, რომ მატჩი საკმაოდ დაძაბული გამოდგმა. შეხვედრის მთავარმა არბიტრმა აბდულა ბასლეჰლომ ყვითელი ბარათის გამოყენება შვიდჯერ მოუწია.
აღნიშნული გამარჯვებით “სპარტაკის” წაუგებელი სერია 5 მატჩამდე გაიზარდა.
12 აპრილს, საქართველოს 25-ე ეროვნული ჩემპიონატის უმაღლესი ლიგის 26-ე ტურის მატჩები გაიმართა. ქვედა ექვსეულში ქუთაისის „ტორპედო“ თბილისის „ვიტ ჯორჯიას“ „მცხეთა პარკზე“ ესტუმრა.
შეხვედრის დასაწყისში ქუთაისელთა შემადგენლობაში იძულებითი ცვლილება განხორციელდა, მეტოქის მეკარესთან შეჯახების გამო დაშავებული მამუკა ღონღაძე მოდნიდან საკაცით გაიყვანეს, მის ნაცვლად კიირაკლი ლექვთაძე ჩაერთო თამაშში, რომელმაც მოგვიანებით „ტორპედოს“ შემადგენლობაში მისი პირველი და მნიშვნელოვანი გოლიც გაიტანა. თამაში ტაიმებს შორის შესვენებამდე ძირითადად თანაბარ შეტევებში მიმდინარეობდა. ასეთი სცენარის ფონზე ერთი საგოლე მომენტი იქნა რეალიზებული და ის ვიტელებმა „ითავეს“. 35-ე წუთზე, მათე კვირკვიამ დასწრებაზე ითამაშა კარგად და თანაგუნდელის გადაცემა გოლით დააბოლოვა – 1:0. მეორე ტაიმი კი ქუთაისელთა აშკარა უპირატესობით წარიმართა, ჩვენი გუნდის სასარგებლოდ განსაკუთრებით შესამჩნევი სხვაობა გახლდათ ფიზიკურ მომზადებაში. 59-ე წუთზე, მოედანზე კიდევ ერთი დებიუტანტი დავით ხურციძე შევიდა, რომლის ფეხი საკმაოდ იღბლიანი გამოდგა, რადგან აქედან წამებში მარკოზაშვილის პასით ლექვთაძემ წონასწორობა აღადგინა – 1:1. დარჩენილ ნახევარ საათში ტორპედოელებმა უფრო მეტი ხიფათი შექმნეს, რომელთაგან საჭიროა აღინიშნოს, ჩიკვილაძის საჯარიმო დარტყმა, რომელიც ოდნავ არაზუსტი იყო, დამთავრებამდე 5 წუთით ადრე კი ლექვთაძემ ხელსაყრელი პოზიციიდან ძელს მოარტყა ბურთი და საბოლოო ანგარიშიც ასეთი იყო – 1:1.
გუნდების შემადგენლობები, მატჩის სტატისტიკა – http://fctorpedo.ge/index.php?geo&game=240
მომდევნო შეხვედრას ქუთაისის “ტორპედო” 18 აპრილს, მიხეილ მესხის სახელობის სტადიონზე ჩაატარებს, სადაც მასპინძლობას აუტსაიდერ მარტვილის “მერანს” გაუწევს.
FCTorpedo.GE
კვირას, 2 მარტს, საფეხბურთო კლუბი ”ზესტაფონი” ეროვნული საფეხბურთო პირველობის მორიგ მატჩს გამართავს. საქართველოს XXV ეროვნული ჩემპიონატის მეოცე ტურის შეხვედრაში ზემოიმერლები თბილისის საფეხბურთო კლუბ ”ვიტ-ჯორჯიას” სტადიონ “მცხეთა-პარკზე” ესტუმრებიან.
თბილისის “ვიტ-ჯორჯიას” და საფეხბურთო კლუბ “ზესტაფონის” დაპირისპირებათა ისტორია იმერელთათვის სადებიუტო 2004-2005 წლების სეზონში იღებს სათავეს. ამ გუნდების შეხვედრები ტრადიციულად პრინციპული ხასიათისა გახლავთ, ყოველთვის ძალიან დაძაბულად და უკომპრომისოდ მიმდინარეობს… რაც შეეხება გუნდების ურთიერთშეხვედრების ისტორიას, აქ უპირატესობას სხვადასხვა წლებში ხან ერთი მხარე ეუფლებოდა ხოლმე, ხანაც მეორე…
პირველ წლებში თვალშისაცემი იყო ძალთა სრული თანაფარდობა, რომელიც ვეტერინართა აღზევების პერიოდში თანდათანობით დაირღვა. თბილისური კლუბისათვის მეორე საჩემპიონო სეზონში (2008-2009 წლების პირველობა) თბილისელებმა ზედიზედ 3 შეხვედრა მოუგეს ზესტაფონელებს და პირადი შეხვედრების სტატისტიკაში სოლიდური “ჰანდიკაპიც” შეიქმნეს. ზემოიმერლებმა სიტუაცია კარდინალურად 2010-2012 წლებში შეცვალეს – ორი ზესტაფონური ოქროს “ჭედვისას” მარგველებმა ხუთჯერ დაამარცხეს ოპონენტი, რასაც წინა ჩემპიონატის პირველ წრეში მოპოვებული გამარჯვებაც (3-2) მოაყოლეს და, იმის მიუხედავად, რომ განვლილი სეზონის მეორე (საშინაო) შეხვედრაში მარცხი (1-2) იწვნიეს, სადღეისოდ დადებითი ბალანსით თავს უკვე დასავლელები იწონებენ.
მიმდნარე პირველობის პირველი წრის შეხვედრა, რომელსაც 2013 წლის 30 ოქტომბერს დავით აბაშიძის სახელობის სტადიონმა უმასპინძლა, ფრედ 1-1 დასრულდა. მასპინძლები მატჩის დებიუტში საბა ლომიამ დააწინაურა, თუმცა ვეტერინარებმა ლაშა კასრაძის გოლით იხეირეს და ზესტაფონიდან ქულის წაღება მოახერხეს.
სულ, ეროვნული ჩემპიონატის შეხვედრებში, საფეხბურთო კლუბ “ზესტაფონსა” და თბილისის “ვიტ-ჯორჯიას” ერთმანეთში 26-ჯერ უასპარეზიათ. აქედან 11 შეხვედრაში გაიმარჯვეს ზესტაფონელებმა, 5 დასრულდა ფრედ, 10 კი მოიგეს ვეტერინარებმა. გატანილი და გაშვებული ბურთების ბალანსი 40:36 იმერელი ფეხბურთელების სასარგებლოდ.
რაც შეეხება დავით ყიფიანის სახელობის ეროვნული თასის გათამაშებას, ვეტერინართა და მარგველთა გზები აქ ორჯერ გადაიკვეთა – თასის 2005-2006 წლების გათამაშების ნახევარფინალში ზესტაფონელებმა ორჯერ (2-1 და 3-1) დაამარცხეს მეტოქე, ხოლო 2009-2010 წლების გათამაშების მეოთხედფინალის პირველ შეხვედრაში სოლიდურ გამარჯვებას (3-0) მეორე მატჩში დამატებით დროში მარცხი (0-4) მოაყოლეს…
საინტერესოა ის, რომ “ვიტ-ჯორჯიას” კარში ზესტაფონელთაგან ყველაზე ხშირად ნიკოლოზ გელაშვილს გაუტანია – თავის დროზე სწორედ ვეტერინართა რიგებიდან იმერულ კლუბში მოსულ ფეხბურთელს ყოფილი კლუბის ბადე 9-ჯერ აქვს შერხეული. მეორე შედეგი აქვს ნაჩვენები გოგი ფიფიას – 4 გატანილი გოლი…
“ვიტ-ჯორჯიასთან” 2 მარტს მცხეთაში გასამართი შეხვედრა, რომელსაც ეროვნული კატეგორიის არბიტრი არსენ ნონიკაშვილი იმსაჯებს, 15:00 საათზე დაიწყება…
საფეხბურთო კლუბ ”ზესტაფონის” პრეს-სამსახური
რუსთავის “მეტალურგმა” მნიშნველოვანი მატჩი მოიგო და ექვსეულში შესვლას მიუახლოვდა. წინ კიდევ ბევრი მატჩია, თუმცა კილასონიას გუნდმა უშუალო კონკურენტს მოუგო, თანაც დამაჯერებლად.
რუსთავის “ფოლადზე” გამართული მატჩი “ვიტ ჯორჯიას” უპირატესობით დაიწყო. პირველ წუთებზე მასპინძლებს ბურთის დაჭერაც უჭირდათ. თუმცა, ტაიმის შუაშია სიტუაცია შეიცვალა და ბურთს უკვე “მეტალურგი” აკონტროლებდა. პირველ ტაიმში გასნსაკუთრებით აღსანიშნავი არაფერი ხდებოდა. მოვლენები ძირითადად მოედნის ცენტრში ვითარდებოდა და სახიფათო მომენტებამდე საქმე იშვიათ შემთხვევაში მიდიოდა. პირველ ნახევარში სტადიონზე შეკრებილმა გულშემატკივარმა ორივე გუნდის შესრულებით იხილა გოლები, თუმცა ორივეჯერ კარის აღება თამაშგარე მდგომარეობის გამო გაუქმდა.
მეორე ნახევარი გაცილებით კარგი საყურებელი გამოდგა. იმატა ტემპმაც და სახიფათო მომენტებიც გაცილებით მეტი იყო. რუსთაველებმა უპირატესობა ტაიმის პირველივე წუთებიდან მოიპოვეს და 49-ე წუთზე დაწინაურდნენ კიდეც. გოლი კახაბერ კაკაშვილმა ულამაზესი დარტყმით გაიტანა. მალევე “მეტალურგის” უპირატესობა ორბურთიანი გახდა. საჯარიმოს ხაზთან დანიშნული ჯარიმა ვარლამ კილასონიამ ტექნიკური დარტყმით გადაგზავნა “ვიტ ჯორჯიას” კარში და საბოლოო ანგარიშიც დააფიქსირა.
მატჩის შემდეგ
ვარლამ კილასონია: “ვიცოდი, რომ რთული თამაში გვექნებოდა. მიუხიდავად იმისა, რომ “ვიტ ჯორჯიამ” რამდენიმე წამყვანი მოთამაშე დაკარგა, მათ ყოველთვის ყავთ ახალგაზრდები, ვინც ღირსეულად ცვლიან წასულ ფეხბურთელს.
ჩვენს თამაშში ბევრი ტექნიკური სტილი იყო, რასაც ზედმეტი ნერვიულობით ავხსნი. ბევრი ახალი მოთამაშე გვყავს და ჯერ ჩამოყალიბების პროცესში ვართ. მთავარი, რომ მნიშვნელოვანი 3 ქულა მოვიპოვეთ”.
ზურაბ ბერიძე: ცუდად ვითამაშეთ და წავაგეთ. ამ თამაშის დავიწყვება გვმართებს და მომდევნო დაპირისპირებებზე უნდა ვიფიქროთ. ვულოცავ მეტოქეს ღირსეულ გამარჯვებას.
მეტალურგი 2-0 ვირ ჯორჯია
მეტალურგი: სეფიაშვილი, სეთურიძე, მახვილაძე, კილასონია, დავით საჯაია, დობროვოლსკი, გიგაური, ვასაძე, ტვილდიანი (გოგინაშვილი 63), ჩირგაძე, ჩიმაკაძე (ოქროპირიძე 74)
მწვრთნელი: ვარლამ კილასონია
ვიტ ჯორჯია: შეროზია, საბაძე, გეთიაშვილი, კალანდია, მჭედლიშვილი, წყაროზია (გახარია 55), მაისურაძე (კუხალეიშვილი 55), დავლაშელიძე, კორიფაძე, სიჭინავა (კვირკვია 61), ლობჯანიძე.
მწვრთნელი: ზურაბ ბერიძე
გოლები: კაკაშვილი 49′ ; კილასონია 57′
თასის მატჩების შემდეგ ქართულ სტადიონებს უმაღლესი ლიგაც უბრუნდება. 2014 წლის პირველ ტურში გულშემატკივარს რამდენიმე საინტერესო დაპირისპირება ელის.
პირველი წრე: 2-1
26 თებერალი, თბილისი, „მიხეილ“ მესხი, 14:00
მსაჯები: გ.კიკაჩეიშვილი, ი.უკლება, ი.კაკაბაძე, თ.გვანცელაძე (სათადარიგო)
“მიხეილ მესხზე” გასამართი აუტსაიდერის და ლიდერის დაპირისპირება საკმაოდ საინტერესო უნდა გამოდგეს. მეორე ეტაპზე ყველა ქულას ოქროს ფასი აქვს, შესაბამისად გუნდებმა პირველივე ტურიდან უნდა იზრუნონ თავიანთ საბოლოო შედეგებზე.
“სპარტაკმა” თურქეთში საკმაოდ ნაყოფიერი შეკრება გაიარა და ჩემპიონატს წესით და რიგით კარგ ფორმაში უნდა შეხვდეს. რასაც ვერ ვიტყვით “ჩიხურაზე”. საჩხერელბმა მზადება გვიან დაიწყეს და პრობლემების გამო ვერც შეკრებაზე მოახერხეს გამგზავრება.
პირველი წრე: 2-0
26 თებერვალი, გორი, „თენგიზ ბურჯანაძე“, 14:00
მსაჯები: ჯ.ხორავა, ზ.ბერულავა, ზვ.ერქვანია, ლ.კვარაცხელია (სათადარიგო)
გორის “დილა” საკუთარ მოედანზე ლანჩხუთის “გურიას” უმასპინძლებს. ორივე გუნდში საკმაოდ ბევრი ცვლილება მოხდა და ფაქტია, რომ “დილასაც” და “გურიასაც” პირველ ტურებში შეთამაშების პრობლემა ექნებათ.
გორელებმა 2014-ში ოფიციალური მატჩის გამართვა უკვე მოასწრეს და წარმატებითაც დაასრულეს. შაბათს, საქართველოს თასის ფარგლებში “დილამ” ქუთაისში ადგილობრივ “ტორპედოს” მოგუო 2:1.
პირველი წრე: 0-3
26 თებერვალი, ზესტაფონი, „დავით აბაშიძე“, 18:00
მსაჯები: ა.კრიჭაშვილი, დ.ჩიგოგიძე, ზ.ფიფია, დ.სანოძე (სათადარიგო)
ზამთრის შესვენება ორივე გუნდმა ნაყოფიერად გაატარა და თურქეთში მოწყობილი შეკრება გუნდის გასაძლიერებლად გამოიყენა. მიუხედავად იმისა, რომ გუნდები განსხვავებული მიზნებისთვის ირძვიან, გულშემატკივარი დაძაბულ ბრძოლას უნდა ელოდოს. გეგუჩაძე-დარასელიას დუელი ნამდვილად საინტერესო სანახავი იქნება.
ზესტაფონმა წელს ოფიციალური მატჩის გამართვაც მოასწროა. პირველი წრის გადადებულ შეხვედრაში იმერლებმა ცხინვალის “სპარტაკს” 3-0 მოუგეს.
პირველი წრე: 5-2
26 თებერალი, რუსთავი, „ფოლადი“, 14:00
მსაჯები: ა.ბასლეჰლო, გ.ჩიგოგიძე, გ.ელიკაშვილი, გ.ვადაჭკორია (სათადარიგო)
სატურნირო ცხრილში მეზობლად მყოფი გუნდები ერთმანეთს რუსთავის “ფოლადზე” დაუპირისპრიდებიან. პირველი წრის შეხვედრა “ვეტერინარებისთვის” ერთ-ერთი საუკეთესო იყო მიმდინარე სეზონში და ეს რუსთავალებსაც კარგად ახსოვთ, რომლებიც მოედანზე რევანშის ასაღებად გავლენ.
“მეტალურგში” სეზონის მეორე ნახევარს განახლებული შემადგენლობითა და სამწვრთნელო შტაბით ხვდებიან. აღსანიშნავია, რომ რამდენიმე დღის წინ რუსთაველებმა სათასო მატჩი გამართეს თბილისის “დინამოსთან” და 2-0 დამარცხდნენ.
პირველი წრე: 0-3
26 თებერვალი, ქუთაისი, „გივი კილაძე“, 14:00
მსაჯები: მ.ბეუქლიშვილი, ბ.ჭიჭინაძე, ს.სპიცინი, ხ.გაგნიძე (სათადარიგო)
გორის “დილასთან” თასზე განცდილი მარცხის შემდეგ, რევაზ ძოძუაშვილის გუნდი საკუთარ მეოდანზე მარტვილის “მერანს” მიიღებს. მარტვლილებმა “ტორპედოს” მსგავსად სეზონი გასულ შაბათს, თასის მატჩით განაახლეს, რომლის ფარგლებშიც იონანიძის ბიჭებმა ქობულეთის “შუქურასთან” გასვლითი მატჩი უგოლო ფრით დაასრულეს.
“ტორპედოში” შესვენების დროს ფაქტობრივად ყველაფერი შეიცვალა და ეროვნული ჩემპიონატის მეორე ეტაპს ქუთათურები განახლებული გუნდით ხვდებიან. “მერანმა” კი, ძირითადი ბირთვის შენარჩუნება მოახერხა და ახალ მთავარ მწვრთნელთან ერთად თურქული შეკრებაც მოიწყო.
პირველი წრე: 1-4
26 თებერვალი, თბილისი, ბორის პაიჭაძის სახელობის „დინამო არენა“, 17:00
მსაჯები: ლ.სილაგავა, ზ.მენთეშაშვილი, ლ.ვარამიშვილი, ა.ნონიკაშვილი (1 დამ.ასისტენტი), გ.ყრუაშვილი (2 დამ.ასისტენტი), დ.ხარიტონაშვილი (სათადარიგო)
ტურის ცენტრალურ დაპირისპირებას დინამო არენა უმასპინძლებს, სადაც ურთიერთბას თბილისის “დინამო” ბოლნისის “სიონს” გაარლვევენ.
ბოლნისელებმა ჩემპიონატის პირველი ეტაპის უკანასკნელი ნაწილი შესანიშნავად ჩაატარეს და საბოლოოდ ცხრილის ზედა ნაწილში დამკვირდრნენ. ბურდულის გუნდმა თურქულ შეკრებაზეც კარგი შედეგები აჩვენა. 2014 წელი კი, “ჩიხურასთან” სათაშო მატჩით გახსნა, რომელმაც გამარჯვებული ვერ გამოავლინა – 1:1.
“სიონის” მსგავსად, გასულ შაბათს სათასო მატჩში ჩემპიონატის ერთპიროვნულ ლიდერ “დინამოსაც” ჰქონდა. როგორც უკვე ავღნიშნეთ, ჟვანიას გუნდმა რუსთავში ადგილობრივი “მეტალურგის” დამარცხება მოახერხა და ეროვნული ჩემპიონატის განახლებას შესანიშნავ ხასიათზე ხვდება.
დღეს საბურთალოზე, ბენდელას სტადიონზე ზაზა ბენდელიანის სახელობის თასის XXIII გათამაშება დასრულდა. ფინალურ შეხვედრაში ერთმანეთს დინამო თბილისის დუბლშემადგენლობა და უმაღლესი ლიგის ბინადარი– ვიტ ჯორჯია დაუპირისპირდნენ. მატჩი თავიდან ბოლომდე ძალიან საინტერესოდ და დაძაბულად წარიმართა. პირველ ტაიმში თითო რეალური მომენტი ქონდა ორივე გუნდს, თუმცა მატჩის ნახევარი გოლების გარეშე დასრულდა. მეორე ტაიმის დაწყებიდან 10 წუთის შემდეგ დინამოელების სწრაფ შეტევას მეტოქის დაჯარიმება მოჰყვა და შეროზიას კარში თერთმეტმეტრიანი დარტყმა დაინიშნა, რომელიც არჩილ მესხმა უზადოდ შეასრულა 1:0. მიღებული გოლის შემდეგ ვეტერინარებმა მალევე მოახერხეს ანგარიშის გათანაბრება. 65 წუთზე ვიტელთა კაპიტანმა– გიორგი გეთიაშვილმა აღადგინა წონასწორობა 1:1. შეხვედრის ბოლომდე ანგარიში აღარ შეცვლილა და ჩემპიონის გამოსავლენად დაინიშნა პენალტების სერია. თერთმეტმეტრიანი დარტყმები კახი გოგიჩაიშვილის შეგირდებმა ბრწყინვალედ შეასრულეს (4:2) და ბენდელას თასი ზედიზედ მეორედ დინამოს საკუთრება გახდა.
გუნდურ ჯილდოსთან ერთად დინამოელებმა ინდივიდუალური პრიზებიც დაისაკუთრეს:
საუკეთესო მეკარედ დასახელდა – ლევან შოვნაძე
საუკეთესო თავდამსხმელი – საბა კვერნაძე
მაყურებლის სიმპატია – თენგიზ კიტოვანი
ტურნირის საუკეთესო ფეხბურთელი გახდა – არჩილ მესხი
დინამოს დუბლები 1:1 ვიტ ჯორჯია (4:2 პენალტებში)
გოლები: 1:0 ა. მესხი 55 (პენ)’ 1:1 გეთიაშვილი 65’
დინამოელთაგან ოთხივე პენალტი ზუსტად დაარტყა: მათიაშვილმა, ვეკუამ, არჩილ მესხმა და ნემსაძემ.
ვიტ ჯორჯიის შემადგენლობიდან ზუსტად შეასრულეს პენალტები: ლობჯანიძემ და კახელეიშვილმა. მჭედლიშვილმა კარს ააცილა, ხოლო გეთიაშვილის დარტყმული შოვნაძემ მოიგერია.
დინამოს დუბლები: შოვნაძე, მარაქველიძე, თევზაძე, ნემსაძე, გურეშიძე, კიტოვანი, კვერნაძე, მაჭავარიანი, კობახიძე, ა. მესხი, ც. მესხი
(მათიაშვილი, მურუსიძე, კახნიაშვილი, ვეკუა, კაციტაძე, გალდავაძე, ხარებაშვილი)
ვიტ ჯორჯია: შეროზია, მჭედლიშვილი, კალანდია, გეთიაშვილი, საბაძე, მაისურაძე, წყაროზია, ღიბრაძე, კორიფაძე, სიჭინავა, ლობჯანიძე
fcdinamo.ge
