ჭდე: ჟოზე მოურინიო

“მანჩესტერ იუნაიტედის” ხელმძღვანელები საკმაოდ რისკიანი ნაბიჯის გადადგმას აპირებენ და მზად არიან, “ოლდ ტრაფორდის” გაუმჯობესებისთვის გამოყოფილი თანხაც ტრანსფერებს მოახმარონ.

წლების წინ დაგეგმილი პროექტის მიხედვით, 2018-19 წლების სეზონს “წითელი ეშმაკუნები” 88 000-იანი სტადიონით უნდა შეხვედრილიყვნენ (75 000-იანის ნაცვლად), მაგრამ, როგორც ჩანს, სამშენებლო სამუშაოები გაურკვეველი დროით გადაიდება.

შეგახსენებთ, რომ 2016 წლის მაისში კლუბის ჩაბარების შემდეგ, ჟოზე მოურინიომ 300 მილიონ ფუნტზე მეტი დახარჯა, თუმცა მისი გუნდი ჯერ სასურველ შედეგებს ვერ დებს.

მსოფლიოს ერთ-ერთმა საუკეთესო ფეხბურთის მწვრთნელმა, ჟოზე მოურინიომ “მანჩესტერ იუნაიტედთან” კონტრაქტის გახანგრძლივების გადაწყვეტილება მიიღო. პორტუგალიელმა სპეციალისტმა უკვე მოაწერა ხელი ახალ ხელშეკრულებას.

“წითელი ეშმაკების” ოფიციალური ვებ-გვერდის ცნობით, ახალი კონტრაქტის თანახმად მოურინიო, რომელიც თავის მეორე სეზონს ატარებს მანჩესტერში, “ოლდ ტრაფორდზე” მინიმუმ 2020 წლამდე უნდა დარჩეს.

ცნობისთვის გაგაცნობთ იმ ფაქტსაც, რომ “რეალის”, “ინტერისა” და “ჩელსის” ყოფილი თავკაცი ერთ კლუბში ზედიზედ სამი სეზონი არასოდეს დარჩენილა.

რაც შეეხება პრემიერ ლიგის მიმდინარე სეზონის სატურნირო ცხრილს, 24 ტურის შემდეგ ჟოზე მოურინიოს გუნდი 53 ქულით მეორე პოზიციას იკავებს და პირველადგილოსანს 12 ქულით ჩამორჩება.

“მანჩესტერ იუნაიტედის” ხელმძღვანელები ძალიან ახლოს არიან ჟოზე მოურინიოსთან ახალი, გაუმჯობესებული კონტრაქტის გაფორმებასთან. ამ ინფორმაციას ავტორიტეტული ბრიტანული გამოცემა, The Daily Telegraph ადასტურებს.

როგორც ცნობილი ხდება, მანჩესტერულ კლუბსა და პორტუგალიელ სპეციალისტს შორის მიმდინარე მოლაპარაკებები უკვე დასკვნით ფაზაშია შესული და მხარეები თანახმანი არიან, მათი ურთიერთობა 2021 წლამდე გაგრძელდეს.

შეგახსენებთ, რომ მადრიდის “რეალის” ყოფილი თავკაცი “წითელ ეშმაკუნებთა” რიგებს 2016 წლის ზაფხულში ჩაუდგა სათავეში. ახლა კი “მანჩესტერ იუნაიტედი” 50 ქულით მეორე ადგილს იკავებს პრემიერ ლიგის სატურნირო ცხრილში და 12 ქულით ჩამორჩება პირველადგილოსან “მანჩესტერ სიტის”.

“ოლდ ტრაფორდზე” “ბარნლისთან” გასამართი მატჩის წინ ჟოზე მოურინიომ შონ დაიჩის გუნდს შეაქო და აღნიშნა, რომ მათ ევროპა ლიგის საგზურისთვის ბრძოლა შეუძლიათ. სეზონის პირველი წრე “ბარნლიმ” მეშვიდე ადგილზე დაასრულა.

“თუ მათი მთავარი მიზანი პრემიერ ლიგაში დარჩენა იყო, მაშინ ეს უკვე ჯიბეში აქვთ. ყველაფერს ისინი აკონტროლებენ. თუ სეზონის ათეულში დასრულებაზე ფიქრობენ, ისინი ამას შეძლებენ.

ვფიქრობ, ახლა მათი მიზანი ევროპის ჩემპიონატზე მოხვედრაა და “ბარნლის” ნამდვილად შესწევს ამის ძალა. ასე რომ, ძლიერი მეტოქის წინააღმდეგ მოგვიწევს თამაში.

მიუხედავად იმისა, რომ ბოლო მატჩში სამი გული გაუშვეს, ისინი მაინც დაცვით ფეხბურთზე გააკეთებენ აქცენტს და მაქსიმალურად უნდა ვცადოთ ზონების განთავისუფლება. რთული იქნება მოგება ასეთ მატჩში,” – აცხადებს მოურინიო, რომლის გუნდიც მეორე პოზიციას იკავებს სატურნირო ცხრილში.

მარკ კლატენბურგმა, რომელიც მსოფლიოს ერთ-ერთ საუკეთესო მსაჯად მოისაზრება, აღიარა, რომ პრემიერ ლიგის დატოვებისაკენ მას ჟოზე მოურინიომ უბიძგა. შეგახსენებთ, რომ ახლა ის საუდის არაბეთში მუშაობს და საკმაოდ მნიშვნელოვანი თანამდებობაც უკავია.

“მე ვიყავი მსაჯი, როდესაც უეინ რუნიმ ბობი ჩარლტონის რეკორდი დაამხო. თამაშის შემდეგ მოურინიო ჩემს გასახდელში შემოვიდა, მან უკმაყოფილება გამოთქვა იმის გამო, რომ პენალტი არ დავნიშნე.

“მანჩესტერ იუნაიტედის” თამაშში მსაჯობა ყოველთვის რთულია, განსაკუთრებით კი “სტოკის” სტადიონზე, რომელიც ყველაზე ცივი და სველია. თუმცა, ვიცოდი, რომ კარგი მატჩი ჩავატარე, მან მაინც დაბადა რაღაც ეჭვი ჩემში.

იმ დღეს 250 მილი ისე გავიარე სახლისკენ, რომ თავში სულ ეს ამბავი მიტრიალებდა. მალე ჩემმა მეუღლემაც შენიშნა ცვლილებები ჩემში და სწორედ მაშინ დავფიქრდი, მიღირდა თუ არა ეს ყველაფერი ამად. მივხვდი, რომ ეს ყველაფერი ნაკლებად მსიამოვნებდა და წასვლის გადაწყვეტილება მივიღე,” – აცხადებს კლატენბურგი.

“მანჩესტერ იუნაიტედის” მთავარმა მწვრთნელმა, ჟოზე მოურინიომ შეძლო კლუბის ხელმძღვანელების დარწმუნება, რომ გუნდს გაძლიერება სჭირდება და შედეგად, მას ზამთრის სატრანსფერო ფანჯრისთვის 80 მილიონ ფუნტს გამოუყოფენ.

როგორც იცით, პრემიერ ლიგის 15 ტურის შემდეგ “მანჩესტერ იუნაიტედი” მეორე ადგილზე იმყოფება და ლიდერ “სიტის” რვა ქულით ჩამორჩება. თუმცა, “წითელი ეშმაკები” ბრძოლას წაგებულად არ თვლიან და ბოლომდე არ აპირებენ ფარ-ხრმლის დაყრას.

ბრიტანული მედიის ცნობით, პირველ რიგში, ჟოზე მოურინიო გუნდში მარცხენა მცველისა და კრეატიული შემტევის მოყვანას აპირებს, რომელიც “ათიანის” პოზიციაზე შეძლებს თამაშს.

შესაძლოა, მოურინიოსთვის განკუთვნილი თანხის ოდენობა გაიზარდოს, თუ “ოლდ ტრაფორდელები” ლუკ შოუსა და მატეო დარმიანის გაყიდვას შეძლებენ.