რაგბის კავშირის პრეზიდენტმა გიორგი ნიჟარაძემ ზვიად სიჭინავას გამოწვევას უპასუხა.
ჭდე: ზვიად სიჭინავა
ზვიად სიჭინავამ კოლეგები გამოიწვია
სფფ-ს პრეზიდენტმა ზვიად სიჭინავამ Ice Bucket Challenge-ში მიიღო მონაწილებოა და რაგბის კავშირის პრეზიდენტი, კალათბურთის ფედერაციისა და ჭიდაობის ფედერაციის პრეზიდენტები გამოიწვია.
ზვიად სიჭინავა: “კომისიამ 33 გუნდის აზრი არ გაითვალისწინა”
პრემიერ-მინისტრ ირაკლი ღარიბაშვილთან გამართული შეხვედრის შემდეგ. საქართველოს ფეხბურთის ფედერაციის პრეზიდენტმა ზვიად სიჭინავამ ალექსანდრე ჩივაძესთან ერთად ფედერაციის ოფისში პრესკონფერნეცია გამართა, სადაც აღნიშნული შეხვედრის დეტალებზე ისაუბრა.
ზვიად სიჭინავა: სპორტის სამინისტრომ პრემიერს წარუდგინა ფეხბურთის განვითარების ხუთწლიანი პროგრამა. პროგრამა 180 მილიონზეა გათვლილი.
სპორტის სამინისტროს პროექტში უზარმაზარ თანხებზეა ლაპარაკი, რომელიც არა მგონია ფინანსთა სამინისტროსთან იყოს შეთანხმებული და პრემიერიც გაოცებული დარჩა. ფაქტიურად, ეს სფფ-ის მიერ შემუშავებული პროექტია, მხოლოდ, ციფრებია შეცვლილი.
კიდევ ერთხელ ვიმეორებ, რომ კომისია და სამინისტრო კი არ იღებს გადაწყვეტილებას, არამედ ფედერაციის აღმასკომი. გამოდის, რომ სამინისტრო PFL-ის ფუნქციებს ითავსებს. შეგვიძლია ხელშეკრულებაც გავუფორმოთ და მათ ჩაატარონ ჩემპიონატი…
განხილვის შემდეგ დაიწყო დისკუსია, რომელიც კამათში გადაიზარდა, სადაც პრემიერმა კონკრეტული კითხვა დასვა თუ რამდენ გუნდზეა პროგრამა გათვლილი. ფედერაციის სურვილი 16-გუნდიან უმაღლესს და 20-გუნდიან პირველ ლიგას გულისხმობს. სამწუხაროდ, მე უმცირესობაში ავღმოჩნდი. მეორე მხრიდან იყო ოთხი წარმომადგენელი, რომლებმაც საწინააღმდეგო აზრი გამოთქვეს.
პრობლემა ის არის, რომ გუნდების უმრავლესობა 16-გუნდიანი ჩემპიონატის მოლოდინში არიან. საკითხავია თუ რატომ თავიდანვე არ შეჩერდა ეს იდეა და რატომ მიეცათ ამ კლუბებს გარკვეული იმედები.
შეხვედრები კიდევ გვექნება. თბილისში ვრჩები და მზად ვარ ყველა კლუბს შევხვდე. ბატონმა ლევან ყიფიანმა განაცხადა, რომ მზად არის ყველა იმ კლუბის წარმომადგენელს გასცეს პასუხის, რომლებიც 16-გუნდიანი ჩემპიონატის მოლოდინში იყვნენ და არგუმენტირებულად უთხრას, თუ რატომ სჯობს 12-გუნდიანი.
მე ვფიქრობ, რომ ეს თავიდანვე უნდა დაფიქსირებულიყო და საქმე აქამდე არ უნდა მიგვეყვანა. ვფიქორბ, რომ კვირის ბოლოს აღმასკომს საკმაოდ რთული გადაწყვეტილების მიღება მოუწევს.
ბატონმა კოკაიამ განაცხადა, რომ 16-გუნდიანის შემთხვევაში ის დაფინანსებას შეწყვეტდა. რომან ფიფიამ სტადიონების ცუდ ხარისხს გაუსვა ხაზი.
ფაქტობრივად, კომისიამ 33 გუნდის აზრი არ გაითვალისწინა და გამდამწყვეტი 2 გუნდის პოზიცია აღმოჩნდა. ბატონმა პრემიერმა თქვა, რომ უნდა ჩამოვყალიბდეთ და პირველ ივლისს ელოდება საბოლოო პროექტს.
აღსანიშნავია და ეს ბატონ პრემიერსაც ვუთხარი, რომ თუ რაიმე მიღწევა ჰქონდა ჩვენს ეროვნულ და ახალგაზრდულ ნაკრებებს ეს 16 ან 18 გუნდიანი ჩემპიონატის პირობებში ხდებოდა.
12-გუნდიანში ფეხბურთელთა რაოდენობა მცირდება. ჩვენი 19-წლამდე ნაკრების ფეხბურთელები სათამაშო პრაქტიკას მოკლებულები არიან. სწორედ ამ პრობლემის მოგვარებას ემსახურება გუნდების რაოდენობის გაზრდა. 19-20 წლის ფეხბურთელს თუ სათამაშო ადგილი და ხელფასი არ აქვს ის უბრალოდ თავს დააანებებს ამ სპორტს.
სამწუხაროდ, დღევანდელ შეხვედრაზე საკმაოდ დიდი კამათი მოგვივიდა. კიდევ ერთხელ ბოდიშს ვუხდი იმ კლუბებს ვინც 16-გუნდიანს უჭერდა მხარს. სამწუხაროდ ვერ მოვახერხე ჩემი ოპონენტების დარწმუნება.
ალექსანდრე ჩივაძე: სპორტის სამინისტროს მიერ წარმოდგენილი პროექტი წელს 12-გუნდიანი ჩემპიონატის ჩატარებას გულისხმობს, რომელიც მამავალ სეზონში 10-გუნდიანი გახდება და ოთხ წრედ ჩატარდება, რაც არსებულ ფორმატს ნამდვილად სჯობს. თუმცა, ამით ხარისხი ნამდვილად არ ამაღლდება.
ჩვენთვის ახალგაზრდა ფეხბურთელების კარგ უცხოურ ლიგებში თამაში პრიორიტეტულია. ამ პირობებში საქართველოში საშუალო დონის მოთამაშეები გვრჩებიან ან ასაკოვანი მოთამაშეები ჩამოდიან, რომლებიც საერთო დონეს ვერ აამაღლებენ. ამიტომ 10 იქნება თუ 16 გუნდი, ეს ფაქტორი ჩემპიონატის დონეზე არ იმოქმედებს. გუნდები საერთო დონე საკმაოდ თანაბარია.
ზვიად სიჭინავა: “უმაღლეს ლიგაში გუნდები რაოდენობა ჩვენი გადასაწყვეტია”
დღეს, მიხეილ მესხის სახელობის სტადიონის მედიაცენტრში ფეხბურთის ფედერაციის პრეზიდენტმა ზვიად სიჭინავამ პრესკონფერენცია გამართა და ქართულ ფეხბურთში მიმდინარე აქტუალურ საკითხებზე ისაუბრა. გარდა ამისა, სფფ-ს პრეზიდენტმა საინტერესო სიახლეც გვითხრა.
ზვიად სიჭინავა (სფფ-ს პრეზდენტი): ბოლო პერიოდში პრესაში და საფეხბურთო წრეებში მხოლოდ ჩემპიონატში გუნდების რაოდენობაზე საუბარი. მინდა ხაზგასმით ავღნიშნო, რომ ჩვენს პროექტში უმაღლესი ლიგის გარდა სხვა ძალიან მნიშვნელოვანი დეტალებიც არის, რომლებიც რატომღაც ყურადღების მიღმა რჩება.
პირველ რიგში ეს 2015 წლის სუპერთასის მატჩია, რომელსაც “დინამო არენა” უმასპინძლებს. აღნიშნული პროექტი სახელმწიფოს გარანტიებით არის აღებული და ჩვენც და სახელმწიფოსაც გარკვეული ვალდებულებები გაგვაჩნია, რომელიც აუცილებლად უნდა შესრულდეს.
მეორე საკითხი 2017 წლის 19-წლამდე ევროპის ჩემპიონატის მასპინძლობაა. ამ ტურნირისთვის ოთხი სტადიონი, რუსთავი, გორი, მცხეთა, მიხეილ მესხი და დინამო არენა გვაქვს შერჩეული. გარდა ამისა, გვსურს, რომ გორში, ბათუმში, ქუთაისში, ზესტაფონში და ზუგდიდში მესამე კატეგორიის სტადიონები იყოს.
ჩვენი პროექტის კიდევ ერთი მნიშნველოვანი დეტალი მასობრივი ფეხბურთია. დიდი ყურადღება უნდა დაეთმოს სამოყვარულო და ქალთა ფეხბურთს, რომელიც ძალიან მნიშნველოვანია.
მინდა გითხრათ, რომ თბილისის შემოგარენში ვიწყებთ აკადემიის მშენებლობას, რომელიც 140 ბავშზეა გათვლილი და მოთამაშის სრულ მოზადებას გულისხმობს. თუმცა, გვაქვს სურვილი, რომ ასეთი ტიპის აკადემია საქართველოში მინიმუმ სამი იყოს. თბილისში, დასავლეთში და აღმოსავლეთში. რა თქმა უნდა ეს აკადემიები უფასო უნდა იყოს.
რაც შეეხება საკლუბო თემას, რომელიც ძალიან მნიშვნელოვანია და აზრთა სხვადასხვაობა გამოიწვია. მინდა ავღნიშნო, რომ გუნდების რაოდენობა უმაღლეს ლიგაში ჩვენი გადასაწყვეტია. მონაწილეების ხელოვნურად გაზრდა არ მოხდება. ფაქტია, რომ საკმაოდ ბევრი ახალგაზრდა მოთამაშე გუნდის არ არსებობის გამო თავს ანებებს ფეხბურთს და ეს პრობლემა გამოსასწორებელია.
გუნდების რაოდენობის გაზრდა პირველ რიგში კლუბების ინიციატივა იყო. საკმაოდ ბევრი სპეკულირებს სპორტული პრინციპის დარღვევის თემით. თუმცა, გუნდების უმაღლესშ 10-მდე, ხოლო პირველ ლიგაში 16-მდე შემცირების შემთხვევაში სპორტული პრინციპი არ დაირღვევა?
ჩვენ გამოვდივართ ინიციატივით: ორ ივნისამდე ყველა ორგანიზაციას, ვისაც აქვს სურვილი ჩაატაროს ეროვნული ჩემპიონატი, გთხოვთ მოგვიტანონ გეგმა, ფინანსური გარანტიები. აღნიშნულ პროექტებს მსოფლიო ჩემპიონატის შემდეგ განვიხილავთ.
მარიამ ნიშნიანიძის ფოტოები
ზვიად სიჭინავამ ფეხბურთის განვითარების პროგრამა წარადგინა
საქართველოს ფეხბურთის ფედერაციამ ქვეყნის პრემიერ-მინისტრ ირაკლი ღარიბაშვილთან და ინფრასტრუქტურისა და რეგიონალური განვითარების მინისტრ დავით ნარმანიასთან შეხვედრების შემდეგ ფეხბურთის განვითარების პროექტი ჟურნალისტებს წარუდგინა.
აღნიშნული პროექტი 3-წლიანია და წელიწადში 33 მილიონი ლარის დახარჯვას ითვალისწინებს, რაც ჯამში 99 მილიონ ლარი გამოდის. უმაღლესი ლიგის 12 გუნდიდან თითოეული 1,5 ლარს მიიღებს.
აღნიშნულ პროექტში უმაღლესთან ერთად, პირველი ლიგის გუნდებიც იქნებიან ჩართულები და წელიწადში 400000 ლარს მიიღებენ. პროექტის თანახმად, პირველ ლიგაში 18 გუნდი მოიაზრება.
საქართველოს ჩემპიონატის, პირველი ლიგისა და თასის გათამაშების საპრიზო ფონდი კი 7,8 ლარი იქნება.
სიჭინავას თქმით, აღნიშნული პროექტი გულისხმოს არა დაფინანსებას, არამედ კლუბების განვითარებას. სამწლიანი დახმარების შემდეგ, კლუბის მენეჯმეტი იმ დონეზე უნდა იყოს განვითარებული, რომ გუნდმა დამოუკიდებლად შესძლოს არსებობის გაგრძელება.
აღსანიშნავია, რომ პროექტის განხორციელების შემთხვევაში, ფეხბურთის ფედერაციას თანხასთან არანაირი შეხება არ ექნება და კლუბები თანხას პირდაპირ სახელმწიფოსგან მიიღებენ.
ფეხბურთის ფედერაციის მიერ წარმოდგენილ გეგმაში ადგილი ფეხბურთის პოპულარიზაციასაც ეთმობა. საუბარია სკოლბურთის განვითარებაზე.
ასევე, პროექტში გათვალისწინებულია, უეფას და სახელმწიფოს ხელშეწყობით საქართველოს სხვადასხვა რეგიონებში ფეხბურთის განვითარების სამი ცენტრის გახსნა, სადაც 1500-მდე მოზარდი აღიზრდება.
ზვიად სიჭინავამ ისიც აღნიშნა, რომ სახელმწიფოს მიერ გამოყოფილი 7 მილიონი ლარიდან, ფედერაციამ 2 400 000 ლარი კლუბებს გადასცა. სავარაუდოდ ეს თანხა უმაღლესი ლიგის გუნდებს მიმდინარე სეზონის მეორე ნახევარში დაერიცხებათ.
სიჭინავამ თემურ ქეცბაიას ხელფასზეც ისაუბრა. ამიერიდან ნაკრების მთავარი მწვრთნელის ანაზღაურებას ფეხბურთის ფედერაცია გადაიხდის და ის წინა ციკლთან შედარებით 30 პროცენტით ნაკლები იქნება.
ხელუსიფლების წარმომადგენლებთან შეხვედრებზე ასევე განიხილებოდა 2015 წლის სუპერთასის ჩატარების დეტალები. კერძოდ კი აეროპორტის გაფართება, სასტუმროები და ქალაქში ფან-ზონების მოწყობა.
ასევე, საქართველოს ფეხბურთის ფედერაცია 2017 წელ ევროპის ჩემპიონატის 19-წლამდელთა ფინალური ეტაპის მისპინძლობაზე გეგმავს ოფიციალური განცხადების შეტანას.
ტურნირის საქართველოში ჩატარების შემთხვევაში, პირველობას ოთხი სტადიონი: “დინამო არენა”, “მიხეილ მესხი”, გორის “თენგიზ ბურჯანაძე” და რუსთავის “ფოლადი” მიიღებენ. “ბასა” “მცხეთა-პარკი” კი სავარჯიშო მოედნებად იქნება გამოყენებული.
ზვიად სიჭინავა: „ეს იყო უეფაში ჩვენი ყველაზე ნაყოფიერი სამუშაო ვიზიტი“
უეფაში მორიგ სამუშაო შეხვედრებსა და კომიტეტის სხდომაზე იმყოფებოდნენ საქართველოს ფეხბურთის ფედერაციის პრეზიდენტი – ზვიად სიჭინავა და გენერალური მდივანი – რევაზ არველაძე.
პრეზიდენტი და გენერალური მდივანი თბილისში ძალიან კმაყოფილები დაბრუნდნენ.
ზვიად სიჭინავა: „ეს იყო სოციალური ვალდებულებებისა და „Fair Play“ – ს კომიტეტის მორიგი სხდომა და ამის გარდა, ჩვენ გვქონდა სამუშაო შეხვედრები უეფას მაღალ ეშელონებში. პირდაპირ შემიძლია გითხრათ, რომ იმ ოთხი წლის განმავლობაში, რაც მე ფედერაციაში ვმუშაობ, ეს იყო ყველაზე ნაყოფიერი ვიზიტი და შეხვედრები. ამას იმიტომ ვამბობ, რომ ჩვენ გაგვიჩნდა საქართველოში სამი ძალიან მაგარი პროექტის განხორციელების დიდი შანსი. ეს თემა უკვე დაიძრა და როგორც გითხარით, ძალიან სერიოზული პროექტებია. ამ ყველაფერს, უახლოეს დღეებში ჩვენ გავივლით სპორტის სამინისტროსთან და ეს მნიშვნელოვანია, ვინაიდან, პროექტების მასშტაბურობიდან გამომდინარე, აუცილებელია სახელმწიფოს ჩართულობა. მოკლედ, ეს ყველაფერი დაეფუძნება სამკუთხედის პრინციპს – უეფა, საქართველოს ფეხბურთის ფედერაცია და სახელმწიფო. როცა ჩვენ აქ ამ ყველაფერს გავივლით, მერე კვლავ გვექნება უეფაში შეხვედრები, რომ ვუთხრათ, მზადაა თუ არა ჩვენი ქვეყანა განახორციელოს ასეთი გრანდიოზული პროექტები.
ახლა მეტის თქმა არ მინდა და არც შემიძლია. როცა გვეცოდინება, რომ ყველანაირად მზად ვართ და სახელმწიფოსგან და უეფასგან სრული მხარდაჭერა გვაქვს, მაშინ ყველაფერზე ღიად ვისაუბრებთ.
კიდევ ერთხელ გავიმეორებ, რომ ძალიან კმაყოფილი ვარ, რადგან ვთვლი, რომ დღეს, საქართველოს ფეხბურთის ფედერაციამ დაუმტკიცა ევროპის საფეხბურთო ოჯახს და უეფას, რომ დიდი გამოწვევებისთვის მზად ვართ. ჩვენი ფედერაციისთვის ეს მნიშვნელოვანი წარმატებაა“.
სფფ-ის პრესსამსახური
ზვიად სიჭინავა: „ასეთი დონის ტუნრირის ჩასატარებლად ჯერ მზად არ ვართ“
გასული კვირის განმავლობაში, საქართველოს ფეხბურთის ფედერაციის პრეზიდენტი – ზვიად სიჭინავა და გენერალური მდივანი – რევაზ არველაძე დუბროვნიკში, უეფას წევრი ქვეყნების ფეხბურთის ფედერაციების პრეზიდენტებისა და გენერალური მდივნების სამუშაო შეხვედრაზე იმყოფებოდნენ და თბილისში დღეს, გამთენიას დაბრუნდნენ.
შეხვედრის მონაწილეებმა არაერთ საინტერესო საკითხზე იმსჯელეს. ერთ-ერთი მთავარი კი, ევროპის 2020 წლის ჩემპიონატის რეგიონალური პრინციპით ჩატარება და მასპინძელი ქვეყნების ქალაქების განაცხადებისა და წინადადებების მიღება იყო. აქვე გეტყვით, რომ დიდი სურვილის მიუხედავად, საქართველოს განაცხადი არ შეუტანია და განმარტებისთვის,
ხორვატიიდან თბილისში დაბრუნების შემდეგ, საქართველოს ფეხბურთის ფედერაციის პრეზიდენტმა სფფ-ის ოფიციალურ ვებ-გვერდთან კომენტარი გააკეთა.
ზვიად სიჭინავა: „ჩვენ ბევრი რამე გავითვალისწინეთ და შესაბამისად, განაცხადის შეტანაზე თავი შევიკავეთ. უპირველესად, ჩვენ ანგარიში გავუწიეთ რეგიონალურ პრინციპს. ის მდგომარეობა კი, რაც დღეს ჩვენს ქვეყანაშია, ნამდვილად არ გვაძლევს იმის საშუალებას, რომ ევროპის ჩემპიონატს ვუმასპინძლოთ. აქ საუბარი მხოლოდ ერთ თამაშზე კი არა, ერთი ჯგუფის მასპინძლობაზე იყო. ჯგუფი კი, ეს უკვე 4 გუნდია და 6 თამაში, რასაც მინიმუმ ორი სტადიონი, 4 სავარჯიშო მოედანი და სხვა ძალიან მნიშვნელოვანი ინფრასტრუქტურული თუ ადამიანური რესურსი სჭირდება. ჩვენ მხარი დავუჭირეთ რეგიონალურ პრინციპს და ვიმედოვნებთ, რომ ჩვენი აზერბაიჯანელი კოლეგები მიიღებენ ჩემპიონატის მასპინძლობის უფლებას, რადგან ბაქოში მართლა ყველაფერი მზადაა და ეს ქალაქი უმაღლეს დონეზეა განვითარებული – სტადიონები, სასტუმროები, აეროპორტი და სხვა…
თუმცა, ჩვენთვის საინტერესო და მნიშვნელოვან სხვა თემებზე იყო სერიოზული საუბარი და ალბათ, იანვარში, როცა ჩვენ კიდევ ერთხელ შევიკრიბებით, არ არის გამორიცხული, ქართველი გულშემატკივრებისთვის ძალიან საინტერესო და სასიხარულო სიურპრიზით დავბრუნდეთ. საუბარია, საკმაოდ მაღალი დონის ერთ-ერთ ტურნირზე. ჩვენ იმედი გვაქვს, რომ უეფა ჩვენს სასარგებლოდ გადაწყვეტს.
ევრო 2020-ს რომ დავუბრუნდეთ, ამ თემაზე, ცხადია, ყველაზე დიდხანს ვმსჯელობდით. ჩემი ვარაუდი შემიძლია გითხრათ, რომ ჩემპიონატს აუცილებლად წაიღებენ გერმანიის, თურქეთის, იტალიის, ესპანეთის, პორტუგალიის, ინგლისის, ჰოლანდიის, სკანდინავიის ქვეყნებიდან ერთ-ერთისა და აზერბაიჯანის ქალაქები. ბალტიისპირეთის ქვეყნებმაც თავად თქვეს უარი. ჩვენს მსგავსად, ისინიც არ არიან მზად, ასეთი დონისა და მასშტაბის ტურნირის ჩასატარებლად.“
სფფ-ის პრესსამსახური
ევრო-2020-ის მატჩების მასპინძლობის კანდიდატები
2020 წლის ევროპის ჩემპიონატის ფინალური სტადიის მატჩების მასპინძლობაზე უეფას 32-მა ეროვნულმა ასოციაციამ გამოთქვა სურვილი. განაცხადების წარდგენის ვადა ხუთშაბათს ამოიწურა.
ევრო-2020-ის მატჩების მასპინძელ ქალაქთა წინასწარი სია ასე გამოიყურება:
ინგლისი (ლონდონი), აზერბაიჯანი (ბაქო), სომხეთი (ერევანი), ბელორუსი (მინსკი), ბელგია (ბრიუსელი), ბულგარეთში (სოფია), მაკედონია (სკოპიე), უნგრეთი (ბუდაპეშტი), გერმანია (მიუნხენი), საბერძნეთი (ათენი), დანია (კოპენჰაგენი), ისრაელი (იერუსალიმი), ირლანდია (დუბლინი), ესპანეთი (მადრიდი, ბარსელონა, ბილბაო, ვალენსია), იტალია (რომი, მილანი), ყაზახეთი (ასტანა), ჰოლანდია (ამსტერდამი), პოლონეთი (ვარშავა, ხოჟუვი), პორტუგალია (ლისაბონი, პორტუ), რუსეთი (სანკტ-პეტერბურგი), რუმინეთი (ბუქარესტი), სერბეთი (ბელგრადი), თურქეთი (სტამბული), უკრაინა (კიევი, დონეცკი), უელსი (კარდიფი), ფინეთი (ჰელსინკი), საფრანგეთი (ლიონი ), ხორვატია (ზაგრები), ჩეხეთი (პრაღა), შვეიცარია (ბაზელი), შვედეთი (სოლნა) და შოტლანდია (გლაზგო).
მოგეხსენებათ, 2020 წელს ევროპის ჩემპიონატის 60 წლის იუბილეა, რის აღნიშვნასაც უეფა გრანდიოზულად აპირებს. ამასთან დაკავშირებით, 2013 წლის იანვარში უეფას აღმასრულებელმა კომიტეტმა გადაწყვიტა, რომ ევრო-2020-ის ფინალური სტადიის მატჩები ევროპის 13 ქალაქში გაიმართება.
თითოეულ კანდიდატს უფლება აქვს, თავდაპირველი ქალაქი შეცვალოს, თუმცა უეფას საბოლოო განაცხადი არაუგვიანეს 2014 წლის 25 აპრილს უნდა წარედგინოს.
უეფას აღმასრულებელი კომიტეტი ტურნირის მასპინძელ ქალაქთა საბოლოო სიას 2014 წლის 25 სექტემბერს დაამტკიცებს.
მოგეხსენებათ, 2020 წლის ევროპის ჩემპიონატის მატჩების მასპინძლობის სურვილს საქართველოს ფეხბურთის ფედერაციის პრეზიდენტი ზვიად სიჭინავაც გამოთქვამდა, თუმცა, როგორც ჩანს, კონტინენტის პირველობის შეხვედრები საქართველოს სტადიონებზე არ შედგება.
ბექა დოგრაშვილი