ტორესი: “სწრაფმა გოლმა ჩვენი თამაშის ჩვენების შესაძლებლობა მოგვცა”
ესპანეთის სამეფო თასის მერვედფინალურ ეტაპზე მადრიდის “რეალსა” და “ატლეტიკოს” შორის გამართული განმეორებითი მატჩი ფრედ, ანგარიშით 2:2 დასრულდა და მომდევნო ეტაპზე დიეგო სიმეონეს გუნდი გავიდა. “ატლეტიკოს” რიგებიდან დუბლი შეასრულა გუნდში ახლადდაბრუნებულმა ფერნანდო ტორესმა, რომელსაც მატჩის შემდეგ ჟურნალისტებმა კომენტარის გაკეთება სთხოვეს.
“დღეს მშვენიერი დღეა და ამით უნდა დავტკბეთ. ფრედ ვითამაშეთ და კმაყოფილები ვართ, რადგან მოედანზე საკმაოდ თავდაჯერებულნი ვიყავით. სწრაფმა გოლმა ჩვენი თამაშის ჩვენების შესაძლებლობა მოგვცა. საერთო შედეგი საფრთხის წინაშე არ დამდგარა და ეს ეტაპი ზედმეტი წინააღმდეგობის გარეშე გავიარეთ.
მოხარული ვარ, რომ “ატლეტიკოში” დაბრუნების შემდეგ გატანა შევძელი და ეს იმ მოედანზე მოვახერხე, სადაც მანამდე გოლი გატანილი არ მქონდა”, – ციტირებს ტორესის სიტყყვებს “მარკა”.
