უნაი ემერიმ “სევილია” დატოვა, ჰორიზონტზე ხორხე სამპაოლია

უნაი ემერიმ “სევილიას” მთავარი მწვრთნელის პოსტი დატოვა.

ესპანელ სპეციალისტს კლუბთან შრომითი ხელშეკრულება მომავალ წელს ეწურებოდა, თუმცა მან “სევილიას” ხელმძღვანელობას აცნობა, რომ გუნდიდან წასვლა სურდა.

ანდალუსიური კლუბის პრესსამსახური იუწყება, რომ “სევილია” მოლაპარაკებებს ჩილეს ნაკრების ყოფილ თავკაც ხორხე სამპაოლისთან აწარმოებს.

შეგახსენებთ, რომ უნაი ემერი “სევილიას” მთავარი მწვრთნელის პოსტზე 2013 წლიდან მუშაობდა. მისი თავკაცობით გუნდმა სამჯერ მოიგო ევროპის ლიგა. რაც შეეხება სამპაოლის, იგი ჩილეს ნაკრებთან ერთად 2015 წელს კოპა ამერიკის გამარჯვებული გახდა.