ვან დერ ვაარტმა წითელ ბუცებზე უარის თქმით 1,6 მლნ ევრო გამოიმუშავა

“ბეტისის” ყოფილმა ნახევარმცველმა რაფაელ ვან დერ ვაარტმა კონტრაქტში ჩაწერილი უჩვეულო პუნქტის წყალობით ჯიბე გვარიანად გაისქელა.

Football Leaks-ის ცნობით, ჰოლანდიელ ნახევარმცველსა და “ბეტისს” შორის გაფორმებულ ხელშეკრულებაში ერთი კონკრეტული პუნქტი წითელი ფერის ბუცებს ეთმობოდა. წითელი, როგორც მოგეხსენებათ, “ბეტისის” დაუძინებელი მტრის – “სევილიას” ფერია და ვან დერ ვაარტს კონტრაქტში ჩაუწერეს, თუ წითელი ბუცების ჩაცმაზე უარს იტყვი, კვირაში 115 ათას ევროს მიიღებო. ჰოლანდიელმაც შემთხვევით ისარგებლა, წითელი ბუცების ჩაცმაზე უარი თქვა და მხოლოდ ამ იოლი ხერხით კონტრაქტის ამოწურვამდე 1,6 მილიონი ევრო გამოიმუშავა.