ვერმალენს “ბარსელონადან” აბარგება არ სურს

“ბარსელონას” მცველი ტომას ვერმალენი ზაფხულამდე გუნდის გამოცვლას არ აპირებს. 31 წლის ბელგიელ ფეხბურთელს კატალონიურ გუნდში ცოტა სათამაშო დრო ეძლევა. მიუხედავად ამისა, მას “ნოუ კამპიდან” აბარგება არ სურს.

ტომას ვერმალენმა მიმდინარე სეზონში “ბარსელონას” ფორმით მხოლოდ ერთი მატჩი ჩაატარა. ცნობისათვის, მხარეებს შორის გაფორმებულ შრომით ხელშეკრულებას ვადა 2019 წლის პირველ ივლისს ეწურება.

შეგახსენებთ, რომ ტომას ვერმალენი “ბარსელონაში” 2014 წელს ლონდონის “არსენალიდან” გადავიდა. კატალონიურმა კლუბმა ბელგიელი მცველის სანაცვლოდ 15 მილიონი ფუნტი გაიღო.