“ატრომიტოსი” — აიკ-ის მატჩი ელექტროენერგიის გათიშვის გამო შეწყდა (ფოტო)

უეფას ევროპის ლიგის მესამე საკვალიფიკაციო ეტაპზე ბერძნულ “ატრომიტოსსა” და შვედურ აიკ-ს შორის მიმდინარე მატჩის 53-ე წუთზე სტადიონზე ელექტროენერგია გაითიშა, რის გამოც შეხვედრა რამდენიმე წუთით შეწყდა. ამ დროს ანგარიში ნულოვანი გახლდათ. ელექტროენერგიის ჩართვის შემდეგ მასპინძელთა ბრაზილიელმა შემტევმა ნახევარმცველმა მარსელინიომ “ატრომიტოსი” დააწინაურა და გუნდს საბოლოო გამარჯვება მოუპოვა — 1:0.

ამრიგად, “ატრომიტოსმა” ორი მატჩის ჯამში აიკ-ი ანგარიშით 4:1 დაამარცხა და საკვალიფიკაციო ეტაპის პლეი-ოფში თამაშის უფლება მოიპოვა. ბერძნული გუნდი მეტოქის ვინაობას დღეს, ნიონში გასამართ წილისყრაზე გაიგებს.