ნორვეგიული კლუბის ფეხბურთელებმა სტადიონზე ორგია გამართეს

გამოცემა Bergens Tidende-ს ცნობით, ნორვეგიული საფეხბურთო კლუბ “ბრანის” ფეხბურთელებმა კლუბის საშინაო სტადიონზე ორგია გამართეს.

წყაროს თანახმად, გუნდური ვახშმის შემდეგ ფეხბურთელები 20-დან 22 წლამდე ასაკის ოთხ გოგოსთან ერთად კლუბის სტადიონისკენ გაემართნენ. ვიდეოჩანაწერებით ირკვევა, რომ მოთამაშეებმა მინდორზე ხუთ საათზე მეტი დაჰყვეს, რა დროის განმავლობაში სქესობრივი აქტითაც დაკავდნენ. გარდა ამისა, ფეხბურთელები მოედანზე შიშვლები დარბოდნენ და ალკოჰოლურ სასმელს იღებდნენ.

“ამ 12 ადამიანის განაჩენი მაქსიმალურად მკაცრი იქნება. მიიღებენ თუ არა ისინი კვირას გასამართ მატჩში მონაწილეობას? მათი რაოდენობა საკმაოდ დიდია, ამიტომ მიზანშეწონილი გადაწყვეტილების მიღება გვმართებს”, – განაცხადა კლუბის გენერალურმა დირექტორმა ჯიმი იაკობსენმა.

15 აგვისტოს “ბრანი” ნორვეგიის ჩემპიონატში საკუთარ მოედანზე “სანეფიორდს” მიიღებს.