“ამ ქმედების გამო ტიმოშჩუკი უკრაინული ფეხბურთის ლეგენდა აღარ არის”
უკრაინის ეროვნული ნაკრებისა და ბერგამოს “ატალანტას” ნახევარმცველმა რუსლან მალინოვსკიმ კომენტარი გააკეთა ანატოლი ტიმუშჩუკზე, რომელსაც რუსეთის მიერ უკრაინაში განხორციელებული ფართომასშტაბიანი თავდასხმის ფონზე სანქტ-პეტერბურგის “ზენიტის” სამწვრთნელო შტაბი ამ დრომდე არ დაუტოვებია.
“მე ვთვლი, რომ რუსული კლუბების დატოვება სწორი გადაწყვეტილება იყო. ანდრეი ვორონინი ნამდვილი ოდესელივითა და ქვეყნის პატრიოტივით მოიქცა. მან უკრაინისთვის ბევრი რამ გააკეთა. ვიცი, რაოდენ ძლიერად უყვარს მას ოდესა.
რაც შეეხება ტიმოშჩუკს, თავად მას ჰკითხეთ. კომენტარის გაკეთება რთულია, მისი ქმედება მაკვირვებს. მის პოზიციას ვერ ავხსნი, თუმცა ვთვლი, რომ არასწორად იქცევა. ზუსტად ვიცი, რომ ის უკრაინული ფეხბურთის ლეგენდად აღარ ითვლება. ამ ქმედების გამო მისი ყველა დამსახურება დავიწყებულია”, – აღნიშნა მალინოვსკიმ.
შეგახსენებთ, რომ “ზენიტი” უკრაინელმა მცველმა იაროსლავ რაკიცკიმ დატოვა. ტიმოშჩუკს ბოლო მოვლენებზე კომენტარი ჯერ არ გაუკეთებია.
