ხორხე სამპაოლის ახალი კლუბი ცნობილია

არგენტინის ნაკრების ყოფილი თავკაცის, ხორხე სამპაოლის ახალი სამუშაო ადგილი ცნობილია. 58 წლის სპეციალისტი ბრაზილიური “სანტოსის” მთავარი მწვრთნელის პოსტზე იმუშავებს.

ხორხე სამპაოლისა და კლუბს შორის პრინციპული შეთანხმება უკვე მიღწეულია, ხოლო კონტრაქტის ვადისა და სხვა დეტალების შესახებ ინფორმაცია დამდეგ უქმეებზე გახდება ცნობილი.

შეგახსენებთ, რომ ხორხე სამპაოლი უკანასკნელად არგენტინის ნაკრებში მუშაობდა, რომელიც 2018 წლის მსოფლიოს ჩემპიონატს მერვედფინალურ ეტაპზე საფრანგეთის ეროვნულ გუნდთან დაპირისპირებისას გამოეთიშა. მანამდე არგენტინელი სპეციალისტი “სევილიას” თავკაცობდა. სამპაოლის ყველაზე დიდ წარმატებად ჩილეს ნაკრებთან ერთად 2015 წელს კოპა ამერიკის მოგება ითვლება.