ყაზანის “რუბინის” მთავარმა მწვრთნელმა ლეონიდ სლუცკიმ ხვიჩა კვარაცხელიას ფიზიკური მდგომარეობის შესახებ ისაუბრა. ხვიჩა “კრილიასთან” ამხანაგურ მატჩში 38-ე წუთზე შეცვალეს, რადგან დისკომფორტი ირგძნო.

“კვარაცხელია უნდა შეეგუოს, რომ ამ ტრავმით ფეხბურთელები მთელი კარიერა თამაშობენ. მას მუხლი აწუხებს, ეს პერმანენტული ხასიათის ტრავმაა და მისი მოკლე დროის განმავლობაში განკურნება შეუძლებელია. საერთოდ, სახსარის პრობლემა მარტივად არ წყდება”, – განაცხადა სლუცკიმ.

იმედია, “რუბინში” “გენტზე” უკეთესი ექიმები ჰყავთ.

მაშინ, როცა გიორგი ჩაკვეტაძე “ჰამბურგში” გადავიდა და ნელ-ნელა ფეხბურთს უბრუნდება, მისი გვარი საფეხბურთო წრეებში კიდევ უფრო მეტად ისმის.

წლების განმავლობაში, რატომღაც, გიორგის ცნობილი მწვრთნელები თუ ექსპერტები, მათ შორის, კახა ცხადაძე, ლეგენდარული ვოვა გუცაევი და სხვები, მოიხსენიებდნენ როგორც – ჭანკვეტაძით, გვარის დამახინჯებული ფორმით. ალბათ, თქვენც მოგისმენიათ და არ მოგწონებიათ.

კარგი იქნება თუ ეს მიმართვა მათთანაც მიაღწევს და ჩაკვეტაძეს ჩაკვეტაძეს დაუძახებენ, როგორც ეს, ასე უნდა იყოს.

“ვალენსიას” ნიდერლანდელმა გოლკიპერმა ვარჯიშზე თითქმის სრულად გამოჯანმრთელების შემდეგ კვლავ ტრავმა მიიღო.

სილესენმა ამჯერად მეორე ფეხზე კუნთი დაიზიანა და შესაძლოა, ოპერაციაც დასჭირდეს. Marca-ს ინფორმაციით, “ვალენსიას” გოლკიპერის შესახებ რაიმე ინფორმაცია არ გაუვრცელებია, თუმცა პრაქტიკულად დადასტურებულია, რომ იასპერი მინიმუმ კიდევ რამდენიმე კვირას გამოტოვებს.

“ღამურების” მთავარი მწვრთნელი ხოსე ბორდალასი სილესენის დაყენებას “ბარსელონას” წინააღმდეგ აპირებდა, თუმცა მას არჩევანის გაკეთება მამარდაშვილსა და ხაუმეს შორის მოუწევს. მამარდა ბოლო 3 მატჩია ძირითადი მეკარე და ამ სტატუსი დაკარგვას არ აპირებს.