ლუკას ლეივამ “ლივერპულში” გატარებული 10 წლისა და ჩატარებული 346 მატჩის შემდეგ, კლუბიდან წასვლა და კარიერის იტალიურ “ლაციოში” გაგრძელება გადაწყვიტა.
ბრაზილიელმა ფეხბურთელმა “ენფილდის” დატოვებამდე კლუბის ღირსებაზეც ისაუბრა:”ლივერპული” განსაკუთრებული კლუბია, რომელიც ამ ქალაქს უნიკალურს ხდის. ვფიქრობ, ლივერპული ყველა სხვა ქალაქისგან განსხვავდება.
გულშემატკივრები კლუბში ერთ-ერთ უმნიშვნელოვანეს როლს თამაშობენ, მათ გარეშე “ლივერპული” ისეთი ვერ იქნებოდა, როგორიც ახლა არის. მინდა ყველა იმ გულშემატკივარს გადავუხადო მადლობა, რომელიც გასაჭირში ზურგს გვიმაგრებდა.
მერწმუნეთ, ყოველთვის ვუყურებ “ლივერპულის” თამაშებს და მუდამ ვუგულშემატკივრებ ამ კლუბს,” – აცხადებს ლუკას ლეივა.
