ჭდე: სტოკ სიტი

შაქირი: “სტოკ სიტის” ვტოვებ, ეს საიდუმლო არავისთვის არის”

Posted on by იაკობ კაპანაძე

“სტოკ სიტის” შვეიცარიელმა ნახევარმცველმა, ჟერდან შაქირიმ, საკუთარ მომავალთან დაკავშირებით საკმაოდ გარკვევით ისაუბრა და აღნიშნა, რომ პრემიერ ლიგის სხვა კლუბში სურს კარიერის გაგრძელება.

“საიდუმლო არავისთვის არის ის ფაქტი, რომ კლუბს ვტოვებ. ვფიქრობ, ინგლისის პრემიერ ლიგა ზედგამოჭრილია ჩემთვის. ძალიან მინდა, ინგლისში დავრჩე, მაგრამ არაფერს გამოვრიცხავ.

პრემიერ ლიგა მსოფლიოს საუკეთესო ჩემპიონატია საუკეთესო ფეხბურთელებით,” – აცხადებს შაქირი, რომელსაც “ინტერის”, “ბაიერნისა” და “ბაზელის” რიგებში აქვს ნათამაშები.

“არსენალმა” “სტოკ სიტი” ცარიელი ტრიბუნების ფონზე დაამარცხა (ვიდეო)

Posted on by იაკობ კაპანაძე

პრემიერ ლიგის 31-ე ტურის ეგიდით ლონდონის “არსენალმა” საკუთარ სტადიონზე “სტოკ სიტი” მიიღო. სტუმართა მიერ გამოვლენილი ბრძოლისუნარიანობის მიუხედავად, გამარჯვება მაინც “მეთოფეებს” დარჩათ.

აღსანიშნავია, რომ შეხვედრა თითქმის ცარიელი ტრიბუნების ფონზე მიმდინარეობდა, რითიც “მეთოფეები” უკმაყოფილებას გამოთქვამდნენ ლონდონელთა ცუდი ასპარეზობის მიმართ.

ანგარიში შეხვედრის 75-ე წუთზე ობამეიანგმა გახსნა, 86-ე წუთზე გაბონელმა ფეხბურთელმა დუბლი გაიფორმა, ლაკაზეტმა კი მატჩის 89-ე წუთზე თავისი მეათე გოლი გაიტანა პრემიერ ლიგაში.

31 ჩატარებულ მატჩში დაგროვებული 51 ქულით “არსენალი” მეექვსე ადგილზეა და 5 ქულით უსწრებს “ბარნლის”. “სტოკ სიტი” კი 27 ქულით ბოლოსწინაა და 3 ქულა აშორებს თავისუფალ ზონამდე.

“არისტოკრატებმა” საკუთარ კედლებში “სტოკ სიტი” გაანადგურეს (ვიდეო)

Posted on by იაკობ კაპანაძე

პრემიერ ლიგის 21-ე ტურის მატჩში ლონდონის “ჩელსიმ” საკუთარ მოედანზე “სტოკ სიტი” მიიღო და როგორც მოსალოდნელი იყო, საკმაოდ ადვილად დაამარცხა. “არისტოკრატებმა” მეტოქეს ხუთი უპასუხო გოლი გაუტანეს.

მასპინძლებმა სწრაფი გოლის გატანა მოახერხეს, რამაც მეტწილად განაპირობა ეს შედეგი . თავი რუდიგერმა გამოიჩინა შეხვედრის მე-4 წუთზე, ხუთიოდე წუთის შემდეგ დრინქვოთერმა ანგარიშში სხვაობა ორამდე გაზარდა. თავები პედრომ (23′),უილიანმა (74′) და ზაპაკოსტამაც გამოიჩინეს (87′).

შედეგად, ანტონიო კონტეს ბიჭებმა მორიგი სამი ქულა მოიპოვეს და იმ შემთხვევაში, თუ “მანჩესტერ იუნაიტედი” “საუთჰემტონს” ვერ მოუგებს, მეორე ადგილზეც გადაინაცვლებენ. “სტოკი” კი 20 ქულით მე-13 ადგილზე რჩება. მომდევნო ტურში “ჩელსი” “არსენალს” ეწვევა, “სტოკი” კი “ნიუკასლს” მიიღებს.

“ჩელსი”: ტიბო კურტუა; რუდიგერი, კეჰილი, ასპილიკუეტა; ალონსო, ნგოლო კანტე (ბაკაიოკო 65′), დრინქვოთერი, მოზესი (ზაპაკოსტა 57′); პედრო, მორატა (ბატშუაი 71′), უილიანი

მთავარი მწვრთნელი: ანტონიო კონტე

“სტოკ სიტი”: ბუტლანდი; ედვარდსი, კამერონი, ვიმერი, ტიმონი; ფლეტჩერი, ადამი (ჩუპო-მოტინგი 81′); დიუფი, აფელაი (ნგოი 71′), ზობჰი; ბერაჰინო

მთავარი მწვრთნელი: მარკ ჰიუზი

ზუმას ტრავმა არც ისე მარტივია – ფრანგი “ვესტ ჰემთან” იუქმებს

Posted on by კახა ყიფიანი

ლონდონის “ჩელსის” ფეხბურთელმა, კურტ ზუმამ, რომელიც ამჟამად “სტოკ სიტიშია”, პრემიერ ლიგის მეჩვიდმეტე ტურში,”ბარნლის” წინააღმდეგ, მუხლის ქვედა მყესის ტრავმა მიიღო. მინიმალური ანგარიშით წაგებული დაპრისიპირების შემდეგ, მთავარმა მწვრთნელმა, მარკ ჰიუზმა განაცხადა, რომ ფრანგის დაზიანება არც ისე სერიოზული იყო და ის უიქენდზე გუნდს დაუბრუნდებოდა.

როგორც ირკვევა, უელსელი სპეციალისტი მართალი არ აღმოჩნდა. 23 წლის ცენტარლური მცველი ლაზარეთში კიდევ რამდენიმე დღე დარჩება. რაც იმას ნიშნავს, რომ იგი “სტოკს” ინგლისის ჩემპიონატის მეთვრამეტე ტურში (16 დეკემბერს), “ვესთ ჰემის” წინააღმდეგ მატჩში ვერ დაეხმარება.

“სამწუხაროდ, კურტი ამ უიქენდზე ჩვენთან არ იქნება. იმედგაცრუებულები ვართ, თუმცა ფაქტს თვალი უნდა გავუსწოროთ. თუმცა, კარგი ამბავი ისაა, რომ დაზიანება ხანგრძლივი არაა და, დიდი ალბათობით, ზუმა მომავალ კვირაში დაბრუნდება,” – აცხადებს ჰიუზი.

“მანჩესტერ სიტი” 7:2 “სტოკ სიტი”: სპექტაკლი “ეტიჰად სტედიუმზე” (ვიდეო)

Posted on by იაკობ კაპანაძე

ინგლისის პრემიერ ლიგის მერვე ტურის მატჩში “მანჩესტერ სიტიმ” პირველ ადგილზე გასვლის შანსი წარმატებით გამოიყენა, გამანადგურებელი ანგარიშით დაამარცხა რა თავისი მეტოქე, “სტოკ სიტი”.

“ეტიჰადზე” შეკრებილმა გულშემატკივარმა ბრწყინვალე სანახაობა და ცხრა გატანილი გოლი იხილა. მასპინძელთა მხრიდან თავი გაბრიელ ჟეზუსმა (17′, 55′), სტერლინგმა (19′), დავიდ სილვამ (27′), ფერნანდინიომ (60′), ლეროი სანემ (62′) და ბერნარდო სილვამ შეძლეს (79′). სტუმართა ანგარიში კი დიუფმა გახსნა 44-ე წუთზე, რასაც უოკერის ავტოგოლი მოჰყვა 47-ეზე.

როგორც იცით, “ქალაქელთა” მატჩს წინ “მანჩესტერ იუნაიტედისა” და “ლივერპული” დაპირისპირება უძღოდა, რომელიც ფრედ, 0:0 დასრულდა.

ანტონიო კონტე: “ფანების მიერ შეთხზული ახალი სიმღერა ძალიან მომეწონა”

Posted on by იაკობ კაპანაძე

ლონდონის “ჩელსის” მთავარმა მწვრთნელმა, ანტონიო კონტემ “სტოკ სიტის” განადგურების (0-4) შემდეგ პრესასთან ამ მატჩში გულშემატკივრების მიერ შესრულებულ როლს გაუსვა ხაზი და აღნიშნა, რომ მათ მიერ შეთხზული ახალი სიმღერა ძალიან მოეწონა.

როგორც იცით, ზემოთ აღნიშნულ მატჩში “არისტოკრატთა” ახალწვეულმა, ალვარო მორატამ ჰეთ-ტრიკით გამოიჩინა თავი. ესპანელ შემტევს გულშემატკივრებმა ამის გამო ახალი სიმღერაც მიუძღვნეს: “ალვარო, ალვარო, ის მზიანი ესპანეთიდან მოდის, ის ჰარი კეინზე უკეთესია.” (“Alvaro, Alvaro, he comes from sunny Spain, he’s better than Harry Kane.”)

“მშვენიერი ცვლილება იყო და ახალი სიმღერაც ძალიან კარგი იყო. ჩვენი გულშემატკივრები ფანტასტიკურები იყვნენ, ისინი ჩვენ შეჩერების საშუალებას არ გვაძლევდნენ, რის გამოც მინდა მათ დიდი მადლობა გადავუხადო, ისინი ძალიან დაგვეხმარნენ.

ამ სიმღერაზე ალვაროსთანაც ვისაუბრე და ისიც ძალიან კმაყოფილი და გულშემატკივრების მადლობელია,” – აცხადებს კონტე, რომლის გუნდიც ექვი ტურის შემდეგ მესამე პოზიციაზე იმყოფება.

ალვარო მორატას ჰეთ-ტრიკი და “ჩელსის” მორიგი სამი ქულა (ვიდეო)

Posted on by იაკობ კაპანაძე

ინგლისური პრემიერ ლიგის მე-6 ტურში ლონდონის “ჩელსი” “სტოკ სიტის” ეწვია და საკმაოდ იოლი გამარჯვებითაც დაამწუხრა “სტოკელი” გულშემატკივრები. მატჩი “არისტოკრატთა” მშრალი გმარჯვებით, 0:4 დასრულდა.

ანგარიში მატჩის დაწყებიდან მეორე წუთზე გაიხსნა, თავი ალვარო მორატამ გამოიჩინა. 30-ე წუთზე პედრომ ანგარიშში სხვაობა ორამდე გაზარდა. 77-ე და 82-ე წუთებზე გატანილი გოლების წყალობით კი “ჩელსის” ესპანელმა შემტევმა, ალვარო მორატამ პირველი ლონდონური ჰეთ-ტრიკი გაიფორმა – 0:4.

ექვსი მატჩის შემდეგ კონტეს ბიჭებს 13 ქულა უგროვდებათ და ამ დროისთვის მესამე პოზიციაზე იმყოფებიან, “სტოკი” კი 5 ქულით მე-15 ადგილს იკავებს. მომდევნო ტურში “ჩელსი” “სიტის” დაუხვდება, “სტოკი” – “საუთჰემპტონს”.

“სტოკ სიტი”: ბატლენდი; პიტერსი, მარინს ინდი (აფელაი 76′), ჯონსონი; ზობჰი, ფლეტჩერი, ალენი, დიუფი; ხესე (კრაუჩი 60′), ჩუპო-მოტინგი, შაქირი

მთავარი მწვრთნელი: მარკ ჰიუზი

“ჩელსი”: ტიბო კურტუა; ასპილიკუეტა, კრისტენსენი, რუდიგერი; მოზესი, კანტე, ბაკაიოკო, ალონსო (კეჰილი 59′); უილიანი (აზარი 73′), პედრო (ფაბბრეგასი 69′); ალვარო მორატა

მთავარი მწვრთნელი: ანტონიო კონტე

“მანჩესტერ იუნაიტედის” შედეგიანი ფრე “სტოკ სიტისთან” (ვიდეო)

Posted on by იაკობ კაპანაძე

“მანჩესტერ იუნაიტედის” სამმატჩიან მოგებათა სერიას ბოლო “სტოკ სიტიმ” მოუღო, რომელმაც ჟოზე მოურინიოს შეგირდებს ორი ქულა დააკარგვინა.

მატჩში ანგარიში “სტოკელებმა” გახსნეს, კერძოდ კი ჩუპო-მოტინგმა (43′), რასაც სამიოდე წუთში უპასუხა მარკუს რეშფორდმა. მეორე ნახევარში, 57-ე წუთზე ლუკაკუმ წინ გაიყვანა “წითელი ეშმაკები”, თუმცა, 63-ე წუთზე ჩუპო-მოტინგმა დუბლი გაიფორმა და საბოლოო ანგარიშიც დააფიქსირა – 2:2.

“სტოკ სიტი”: ბატლენდი; კამერონი (მარტინს ინდი 46′), ვიმერი, ზოუმა; პიტერსი, ალენი, ფლეტჩერი, დიუფი; ხესე (ბერაჰინო 75′), შაქირი; ჩუპო-მოტინგი

მთავარი მწვრთნელი: მარკ ჰიუზი

“მანჩესტერ იუნაიტედი”: დე ხეა; ვალენსია, ბაილი, ჯონსი, დარმიანი; ანდერ ერერა (მარსიალი 72′), მატიჩი, პოლ პოგბა; მხითარიანი (ლინგარდი 84′), ლუკაკუ, რეშფორდი (ხუან მატა 72′)

მთავარი მწვრთნელი: ჟოზე მოურინიო

“სტოკმა” ბოიანი ესპანეთში გაანათხოვრა

Posted on by იაკობ კაპანაძე

“სტოკ სიტის” თავდამსხმელი, ბოიან კრკიჩი მომავალ სეზონში “დეპორტივო ალავესის” ღირსებას დაიცავს. ამ ინფორმაციას ინგლისური კლუბის ოფიციალური ვებ-გვერდიც ადასტურებს.

როგორც იცით, ბოიანი “ბრიტანია სდეტიუმზე” 2014 წელს გამოჩნდა და საკმაოდ შედეგიანი სადებიუტო სეზონიც ჩაატარა. თუმცა, “ბარსელონას” აღზრდილმა ფეხბურთელმა მარკ ჰიუზის გულის მოგება ვეღარ შეძლო და ახლა ახალ თავგადასავლებთან მოუწევს გამკლავება.

ესპანელმა ფეხბურთელმა გასულ სეზონში მხოლოდ 5-ჯერ ითამაშე პრემიერ ლიგის მატჩში, სეზონის მეორე ნაწილი კი გერმანიის ბუნდესლიგაში გაატარა, სადაც ის “მაინცის” ღირსებას იცავდა.

გეტყვით იმასაც, რომ ზაფხულის სატრანსფერო ფანჯრის ბოლო დღეს კრკიჩთან ერთად “სტოკ სიტიმ” ჯანელი იმბულაც განათხოვრა, ოღონდ ფრანგულ “ტულუზაში”.

“სტოკი” – “არსენალი”: ხესე როდრიგესმა “სტოკელებს” სადებიუტო მატჩში მოაგებინა (ვიდეო)

Posted on by იაკობ კაპანაძე

პრემიერ ლიგის მეორე ტურის მატჩში ლონდონის “არსენალი” “სტოკ სიტის” დაუპირისპირდა, რომელმაც სადებიუტო მატჩი მერსესაიდის “ევერტონთან” მინიმალური სხვაობით დათმო.

მატჩი სტუმართა უპირატესობით მიმდინარეობდა, მრავლად იყო დარტყმებიც – “მეთოფეებმა” 17-ჯერ დაარტყეს მასპინძელთა კარის მიმართულებით, “სტოკის” ფეხბურთელებმა – 10-ჯერ. თუმცა, მათგან ერთადერთი, ხესე როდრიგესის დარტყმა გამოდგა ზუსტი.

მომდევნო ტურში არსენ ვენგერის გუნდი “ენფილდს” ეწვევა, “სტოკ სიტი” კი ტონი პულისის “ვესტ ბრომვიჩს”, რომელიც ბრწყინვალე ფორმაშია და ორი მატჩიდან 6 ქულით ცხრილის სათავეში იმყოფება.

ანდრეი იარმოლენკო ინგლისურ პრემიერ ლიგაში?

Posted on by იაკობ კაპანაძე

“სტოკ სიტის” ხელმძღვანელები მზად არიან გუნდში ანრეი იარმოლენკო მოიყვანონ, რომელსაც უცხოურ პრესაში მარკო არნაუტოვიჩის შემცვლელად მოისაზრებენ.

როგორც იცით, 27 წლის უკრაინელი ფეხბურთელის მიმართ ბოლო წლებში არაერთი ინგლისური იჩენდა ინტერესს, მაგრამ კიევის “დინამო” გუნდის ლიდერის გაყიდვაზე უარს აცხადებდა.

თუმცა, უკვე იარმოლენკოს თავისუფლად შეუძლია გუნდის დატოვება და ძალიან დიდია შანსი, რომ ის “ბრიტანია სტედიუმზე” ვიხილოთ “ვესტ ჰემში” წასული ავსტრიელი ფეხბურთელის ნაცვლად.

“ვესტ ჰემი” არნაუტოვიჩის ტრანსფერში 24 მილიონს იხდის

Posted on by იაკობ კაპანაძე

Sky sports-ის მიერ გავრცელებულ ინფორმაციას თუ დავუჯერებთ, “სტოკ სიტის” ნახევარმცველის, მარკო არნაუტოვიჩის ტრანსფერით “ვესტ ჰემის” ხელმძღვანელები არიან დაინტერესებულები.

როგორც ცნობილი ხდება, “ჩაქუჩებისთვის” ავსტრიელი ფეხბურთელის გადაბირება მთავარ პრიორიტეტს წარმოადგენს და მზად არიან ამ ტრანსფერისთვის 24 მილიონი ფუნტიც გაიღონ.

ბრიტანული წყაროს ცნობით, ეს “ვესტ ჰემის” რიგით მესამე შეთავაზება იქნება. აქვე გეტყვით იმასაც, რომ არნაუტოვიჩის ტრანსფერიდან შემოსული თანხის 20 პროცენტი “სტოკმა” ბრემენის “ვერდერს” უნდა გადაუხადოს.