პაულო დიბალასთვის ბრძოლაში “ნაპოლიც” ჩაერთო.
იტალიური მედიის თანახმად, ნეაპოლელთა სპორტულ დირექტორ კრისტიანო ჯუნტოლის სატელეფონო საუბარი ჰქონდა არგენტინელი ფეხბურთელის აგენტთან. “ნაპოლის” ერთ-ერთმა ხელმძღვანელმა დიბალას წარმომადგენელს აცნობა, რომ კლუბი 28 წლის ნახევარმცველის დამატებით დაინტერესებულია.
პაულო დიბალას მიმართა “ნაპოლის” ლეგენდარული ფეხბურთელის, დიეგო მარადონას ვაჟმაც:
“გადმოდი “ნაპოლიში”, პაულო. აქ მეფესავით შეგიყვარებთ”.
პაულო დიბალას დამატებაზე ფიქრობს ორივე მილანური კლუბიც.
შეგახსენებთ, რომ არგენტინელი ნახევარმცველი დღესდღეობით თავისუფალი აგენტის სტატუსით სარგებლობს.