ფოთის “კოლხეთმა” მეორე წრისთვის მზადება რამდენიმე დღის წინ დაიწყო. ალეკო ჩაკვეტაძისა და ლევან შენგელიას შემდეგ ფოთელებმა კიდევ ერთი ფეხბურთელი დაიმატეს.
გადაწყვეტილია, რომ “კოლხეთის” ღირსებას გურამ გურეშიძე დაიცავს, რომელიც გათამაშების პირველ ეტაპზე “სიონში” ასპარეზობდა.
25 წლის ნახევარმცველი 5 წლის მანძილზე “ვიტ ჯორჯიაში” თამშობდა. გასულ წელიწადნახევარში კი “მეტალურგში”, “დილაში” და “სიონშ” მოასწრო თამაში. მიმდინარე სეზონში გურეშიძემ უმაღლესი ლიგის 8 შეხვედრაში მიიღო მონაწილეობა.
ფოთის ჩემპიონატის მეორე ეტაპისთვის მზადება დაიწყო. როგორც უკვე ვწერდით გუნდი დათა სიჭინავამ დატოვა, რომელიც კარიერას ფოთის “კოლხეთში” გააგრძელებს. მეორე ეტაპზე ფოთელთა შემადგენლობაში ლუკა გუგუჩიაც არ იასპარეზებს.
ფოთელთა რიგებში ახალი მოთამაშეებიც იქნებიან. უახლოეს დღეებში შემოუერთდებიან ქუთაისის ,,ტორპედო”-ს ყოფილი ფეხბურთელები ალეკო ჩაკვეტაძე და ლევან შენგელია. ასევე, “კოლხეთს” ცხინვალის “სპარტაკის” ყოფილი ნახევარმცველი, მერაბ გიგაურიც გააძლიერებს. იანვრის მეორე ნახევარში ,,კოლხეთი 1913” ოთხ ამხანაგურ შეხვედრას გამართავს, რის შემდეგა შეკრებაზე თურქეთში გაემგზავრება.
ფოთის “კოლხეთის” შემტევი დათა სიჭინავა კარიერას ბოლნისის “სიონში” გააგრძელებს.
სიჭინავა ჩემპიონატის პირველ ეტაპზე ფოთელთა შემადგენლობაში ერთ-ერთი საუეკთესო იყო და ფინანსურად უფრო ძლიერი კლუბების ყურადღებაც მიიპყრო, რის გამოც “კოლხეთმა” მისი შენარჩუნება ვეღარ მოახერხა.
ფეხბურთელმა ყოფილი კლუბის პრესსამსახურთან კომენტარიც გააკეთა: “დიდი მადლობა მინდა გადავუხადო ფოთის “კოლხეთი 1913”-ის ფეხბურთელებს, მწვრთნელებს, გულშემატკივრებს და გუნდში მომუშავე თითოეულ ადამიანს ყველანაირი გაწეული სამსახურისთვის. ვუსურვებ წინსვლას და სულ დავრჩები ფოთის “კოლხეთი 1913″-ის გულშემატკივრად.”
უმაღლესი ლიგის პირველ ეტაპზე 25 წლის სიჭინავამ 15 შეხვედრაში მიიღო მონაწილეობა და 6 გოლი გაიტანა.
შეხვედრის მეორე წუთზე მომენტი “კოლხეთს” შეექმნა. მარჯვენა ფლანგიდან განხოციელებული ჩაწოდების შემდეგ ბურთის გამოტანას მახარობლიძე ცდილობდა, თუმცა ბურთი საკუთარი კარისკენ დაარტყა. ამ ეპიზოდში „სპარტაკი“ ხარიხამ გადაარჩინა. მე-13 წუთზე „კოლხეთს“ გოლის გატანის კიდევ ერთი შესაძლებლობა მიეცა. საჯარიმოს მისადგომებიდან სიჭინავას დარტყმა ნადირაძემ კუთხურზე მოიგერია.
მე-17 ჭუთზე გატანის შანსი „სპარტაკსაც“ მიეცა, თუმცა თექთურმანიძის დარტყმა კარს მცირე მანძილით აცდა. 25-ე წუთზე გიგაურის ძლიერი დარტყმაც არაზუსტი გამოდგა. „სპარტაკი“ ტერიტორიულ უპირატესობას დაეუფლა, თუმცა საგოლე მომენტების შექმნას მასპინძლებს უჭირდათ. ანგარიში კი ტაიმის ბოლო სტუმრებმა გახსნეს. მე-40 წუთზე საჯარიმოს მისადგომებთ დანიშნული ჯარიმა ულამაზესი დარტყმით გოლად დათა სიჭინავამ აქცია. ფოთელთა სიხარული ხანმოკლე აღმოჩნდა. „სპარტაკმა“ გათანაბრება 3 წუთში გიგაურის გოლით მოახერხა. მასპინძელთა შვიდიანმა საჯარიმოდან გადმოვარდნილ ბურთზე ყველას დაასწრო და ზუსტი დარტყმით წონასწორობა აღადგინა.
მეორე ნახევარში პირველი მომენტი 53-ე წუთზე სტუმრებმა შექმნეს. ნიკა სიჭინავს დარტყმული ნადირაძემ მოიგერია. მასპინძლებმა მეტოქეს 1 წუთში, კაჭარავას დარტყმით უპასუხეს, რასაც შემდეგ იოსელიანის მცდელობაც მოყვა.
57-ე წუთზე სტუმრებმა სწრაფი კონტრშეტევა განახორციელეს, რომელიც ქორჩილავას დარტყმით დასრულდა, თუმცა მასპინძელთა მეკარე კვლავ დამაჯერებელი იყო. შეხვედრა საკმაოდ სწრაფ ტემპში, ორმხრივი შეტევბით მიმდინარეობდა, თუმცა განსკაუთრებული ხიფათის გარეშე.
73-წუთზე „კოლხეთის“ კიდევ ერთხე დაწინაურებას ამბროლაძე ცდილობა, თუმცა მისი შორეული დარტყმა კაკრს მცირე მანძილით ასცდა. სულ რაღაც 4 წუთში კი ფოთელებმა მაინც გაიტანეს. დათა სიჭინავამ მეტოქის კარში ბურთი კუთხურიდან ჩაახვია – 1:2.
დარჩენილ დროში უპირატესობას კაჭარავას გუნდი ფლობდა, “კოლხეთი” კი ანგარიშის შენარჩუენბაზე თამაშობდა და მეტოქის კართან ხიფათიშ შექმნას კონტრშეტევებით აპირებდა. საბოლოოდ, მატჩის დამთავრებამდე არაფერი აღარ შეცვლილა. “კოლხეთმა” ზამთრის არდადეგების წინ მნიშვნელოვანი სამი ქულა მოიპოვა.
სპარტაკი 1-2 კოლხეთი
გოლები: სიჭინავა 40′ (0:1): გიგაური 43′ (1:1); სიჭინავა 77′ (1:2)
სპარტაკი: ნადირაძე, იოსელიანი, მახარობლიძე (ქოჩლაძე 88′), გიგაური, ივანიშვილი, შინდაგორიძე (ლექვთაძე 78′), კაჭკაჭიშვილი, ცერცვაზე, მაისაშვილი, თექთურმანიძე (მაქაცარია 82′), კაჭარავა.
კოლხეთი: სეფიაშვილი, კილასონია, ჩადუნელი, თევზაძე, ლემონჯავა, ქორჩილავა (გუგუშვილი 90′), ბარამიძე, ჯიქია, ამბროლაძე (კაკულია 75′), სიჭინავა დ, სიჭინავა ნ. (ჟიშკარიანი 60′)
მარიამ ნიშნიანიძის ფოტოები
საქართველოს XXVI ეროვნული ჩემპიონატის მეთორმეტე ტურში გორის „დილა“ „ევგრაფი შევარდნაძის“ სახელობის სტადიონს ესტუმრა და მასპინძლის სტატუსში მყოფ ფოთის „კოლხეთს“მინიმალური სხვაობით 1:0 ძლია.
საერთო ჯამში გორელები გაცილებით კარგად გამოყურებოდნენ და „დილას“ ფეხბურთელები მთელი მატჩი გააზრებული კომბინაციური შეტევებით თავგზას უბნევდა მეტოქეს.
პირველი სახიფათო მომენტი მე-18’ წუთზე კვეკვესკირის ჭკვიანურ გადაცემას მოყვა, როდესაცსეთურიძე პრაქტიკულად ერთი-ერთზე გავიდა მეკარესთან, თუმცა კუთხე მახვილი იყო, მცველმაც ხელი შეუშალა და ძლიერად ვერ დაარტყა. მეკარეს ბურთის აღება არ გაუჭირდა.
მალევე გორელები გადარჩნენ, როდესაც საკუთარ ნახევარზე ბურთი დაკარგეს და შემდეგ თანაგუნდელმა ზუსტი გადაცემით სიჭინავა მეკარესთან პირისპირ გაიყვანა, სადაც ფოთელმაშეყრილაძის მოტყუება სცადა, მაგრამ ბექამ მშვენივრად ითამაშა და თამაშის წესების სრული დაცვით, ბურთი სუფთად აართვა მეტოქეს.
31’-ე წუთზე გორელებმა კარგი კომბინაცია გაითამაშეს. ბოლოს ახალკაცმა ფლანგიდან ბურთი უკან დაუგორა მეტოქის საჯარიმოს მისადგომებთან კარგ პოზიციაში მყოფ ნიკა კვეკვესკირს, რომელსაც ბოლო მომენტში ფოთელმა ხელი შეუშალა და ზუსტად ვერ დაარტყა. ბურთი მიზანს ოდნავ აცდა. ტაიმის მიწურულს ნიკამ კიდევ ერთხელ ცადა შორიდან დარტყმა, თუმცა ამჯერადაც არაზუსტად.
მეორე ნახევარიც მთლიანად ჩვენი გუნდის სათამაშო უპირატესობით წარიმართა. 51’-ე გორელებმა კუთხური მოაწოდეს, სადაც ქარქუზაშვილმა თავით ყველას დაასწრო და სულ ოდნავ ააცდინა მიზანს. მასპინძლები გადარჩნენ, ვინაიდან გივის ამ მომენტში ხელს არავინ უშლიდა.
55’-ე წუთზე გორელებმა ლამაზი კომბინაცია გოლით დააგვირგვინეს. მეტოქის საჯარიმოშისეთურიძისა და ახალკაცის მიერ გათამაშებული კედელი გიორგის ზუსტი დარტყმით დასრულდა და „დილა“ წინ გავიდა – 0:1.
ამის შემდეგ მოდებაძის ორი დარტყმა ვიხილეთ. პირველ ჯერზე მან ბურთის კარში ზუსტად გადაგზავნა ვერ მოახერხა, ხოლო მეორე მომენტში ირაკლიმ ძალიან კარგად ითამაშა. სეთურიძისზუსტი გადაცემის შედეგად მცველთან ორთაბრძოლაში მახვილი კუთხიდან ერთი შეხებით ძლიერად და კარგად დაარტყა, თუმცა მეკარემ ბურთის კუთხურზე მოგერიება მოახერხა. მალევე კუთხურიდან ჩაწოდებულ ბურთს ადამაძე თავით ოდნავ აცდა და „კოლხეთის“ ფეხბურთელები კიდევ ერთხელ გადარჩნენ გაშვებულ გოლს.
68’-ე წუთზე ჯიშკარიანი ჩვენი საჯარიმოს სიახლოვეს წაიქცა და ჯარიმასაც ითხოვდა, თუმცაყრუაშვილმა მომენტი კარგად დაინახა და ფეხბურთელს სიმულაციის გამო მეორე ყვითელი ბარათი უჩვენა და მოედნიდან გააძევა.
რიცხვობრივი უპირატესობა გორელებმა გამოიყენეს და მეტოქეს ბურთი პრაქტიკულად დაუმალეს. შეცვლაზე შესულ ნიკა სადაღაშვილს ორი ძალიან კარგი მომენტი ჰქონდა. პირველ ჯერზე მახვილი კუთხიდან ძლიერად და არაზუსტად დაარტყა, ხოლო მეორე ჯერზე ნიკას გოლი გატანაც მართებდა, როდესაც ახალკაცმა ჭკვიანური და კარგი გადაცემით სადაღაშვილი მეკარესთან ერთი-ერთზე გაიყვანა, თუმცა უხეიროდ დაარტყა სეფიაშვილს ბურთის აღება არ გაუჭირდა.
ბოლო წუთებზე ფოთელებს ჰქონდათ უპირატესობა, თუმცა ჩვენი გუნდის ფეხბურთელები დაცვაში კარგად ირჯებოდნენ და მეტოქეს შანს არ აძლევდნენ. ერთადერთი ხიფათი ბოლო წუთებზე სტანდარტული მდგომარეობიდან შეიქმნა, რომელიც „დილას“ საჯარიმოს მისადგომებთან დაინიშნა. დარტყმული შეყრილაძემ მოიგერია.
საბოლოოდ გორელებმა ამ მნიშვნელოვანი სამი ქულით გათამაშების ცხრილში მეორე ადგილი დაიკავეს, სადაც „სამტრედიასთან“ ერთად 21 ქულა დააგროვეს. მომდევნო მატჩს „დილა“ უკვე დავით ყიფიანის სახელობის თასის გათამაშებაზე ჩაატარებს, სადაც ჩვენი გუნდის მეტოქე მეოთხედფინალში ისევ ისევ აღნიშნული მეტოქე ფოთის „კოლხეთი“ იქნება. პირველი შეხვედრა 17 ნოემბერს გორში გაიმართება, საპასუხო კი 26 ნოემბერს.
გუნდების შემადგენლობა
„დილა“: შეყრილაძე, ადამაძე, ჯაფარიძე, ხურცილავა, ქარქუზაშვილი, ფალავანდიშვილი, წიქარიძე, კვეკვესკირი (ჭეჭელაშვილი 93’), სეთურიძე (სადაღაშვილი 74’), ახალკაცი (ერისთავი 80’), მოდებაძე (კაპ.).
სათადარიგო: ზარქუა, ბაჩიაშვილი, სადაღაშვილი, ერისთავი ბერიძე, ჭეჭელაშვილი, ბუზალაძე.
მთავარი მწვრთნელი: უჩა სოსიაშვილი.
„კოლხეთი“: სეფიაშვილი, თ. კაკულია (ნ. სიჭინავა 60’), ჩადუნელი, ფარულავა, ლემონჯავა, გოგონაია (კაპ.), დ. სიჭინავა (ლ. კაკულია 80’), გუგუჩია (ამბროლაძე 72’), ჯიშკარიანი, კილასონია, ჯიქია.
სათადარიგო: ბარამიძე, ამბროლაძე, ძაგანია, ლ. კაკულია, ნ. სიჭინავა, გაბისკირია, თევზაძე.
მთავარი მწვრთნელი: ზაზა ინაშვილი.
გოლი: სეთურიძე (55’) 0:1.
გაფრთხილებები: ქარქუზაშვილი (23’), გუგუჩია (26’), ჯიშკარიანი (38’; 68’), წიქარიძე (69’), ფალავანდიშვილი (83’).
გაძევება: ჯიშკარიანი (68’).
მთავარი მსაჯი: ყრუაშვილი.
„დილას“ პრესსამსახური
შაბათს, 4 ოქტომბერს, საფეხბურთო კლუბი ”ზესტაფონი” ეროვნული საფეხბურთო პირველობის მორიგ მატჩს გამართავს. საქართველოს XXVI ეროვნული ჩემპიონატის მერვე ტურში ქვეყნის ვიცე-ჩემპიონი ფოთის საფეხბურთო კლუბ ”კოლხეთს” დავით აბაშიძის სახელობის სტადიონზე უმასპინძლებს.
სულ, ეროვნული ჩემპიონატის შეხვედრებში, საფეხბურთო კლუბ “ზესტაფონსა” და ფოთის “კოლხეთს” ერთმანეთში 16-ჯერ უასპარეზიათ. აქედან 11 შეხვედრაში გაიმარჯვეს ზესტაფონელებმა, 2 დასრულდა ფრედ, 3 კი მოიგეს ზღვისპირელებმა (ფოთელთა სამივე გამარჯვება ზესტაფონელთათვის სადებიუტო, 2004-2005 წლების სეზონზე მოდის). გატანილი და გაშვებული ბურთების სხვაობაშიც იმერელი ფეხბურთელები შთამბეჭდავ უპირატესობას ფლობენ – 29:11.
დავით ყიფიანის სახელობის ეროვნული თასის გათამაშებაში კოლხთა და მარგველთა გზები მხოლოდ ერთხელ გადაიკვეთა – 2011-2012 წლების გათამაშების მერვედფინალის პირველ მატჩში ჯაბა დვალის დუბლის წყალობით მოპოვებულ მინიმალურ გამარჯვებას (2-1) იმერლებმა სტუმრად (მატჩი ლანჩხუთში გაიმართა) უგოლო ფრე შემატეს.
აღნიშვნის ღირსია ის, რომ ზესტაფონელთაგან ფოთელთა კარში სხვაზე ხშირად ზურაბ იონანიძესა და რატი წინამძღვრიშვილს გაუტანიათ – მათ ანგარიშზე 4-4 გოლია. 3-3-ჯერ მეტოქის კარის ბადე შეურხევიათ თორნიკე აფციაურსა და თორნიკე გორგიაშვილს. ჯაბა დვალს კი “კოლხეთის” კარი 2-ჯერ (ხოლო სათასო მატჩების ჩათვლით – 4-ჯერ) აქვს აღებული,..
ფოთის “კოლხეთთან” 4 ოქტომბერს გასამართი შეხვედრა 16:00 საათზე დაიწყება. მატჩის პირდაპირი ინტერნეტ-ტრანსლაცია საფეხბურთო კლუბ ”ზესტაფონის” ოფიციალურ ვებ-გვერდზე გადაიცემა.
საფეხბურთო კლუბ ”ზესტაფონის” პრეს-სამსახური
დღეს დინამო თბილისის სარეზერვო შემადგენლობამ ფოთის კოლხეთის დუბლებს უმასპინძლა და დიდი ანგარიშით 3:0 დაამარცხა მეტოქე. დუბლშემადგენლობათა ჩემპიონატის მეექვსე ტურის მატჩი დინამოს აკადემიის მოედანზე შედგა და თამაზ სამხარაძის გუნდის უპირატესობით წარიმართა. პირველი გოლი მატჩის მე- 16 წუთზე კვერნაძის გადაცემით კაციტაძემ გაიტანა. 41- ე წუთზე ბუდუ ზივზივაძემ კობოურის გადაცემის შემდეგ თავით გადაგზავნა ბურთი ფოთელთა კარში. მესამე გოლი დინამოელებმა შეხვედრის ბოლო წუთზე გაიტანეს. ჩიხლაძემ იაქტიურა მეტოქის საჯარიმოში, ბურთი ლილუაშვილს გადააწოდა, რომელმაც ერთი შეხებით გაიტანა მესამე გოლი. ამ მოგების შემდეგ დინამოელებმა 15 ქულა დააგროვეს და სატურნირო ცხრილში პირველ ადგილზე გადაინაცვლეს.
დინამო დუბლები 3:0 კოლხეთი დუბლები
დინამო: კულუა, კაკაბაძე (კაპანაძე 46), კაციტაძე, ყურშავიშვილი, კობოური (კირკიტაძე 65), ვეკუა, ჩიხლაძე, აშორტია (ნემსაძე 55), კვერნაძე, ო. კობახიძე (ბუღრიძე 46), ზივზივაძე (ლილუაშვილი 46)
კოლხეთი: მეიშვილი, ჭანტურია, გაბისკირია, შამუგია, კაკულია, ლაშქარავა, გუგუშვილი, სარსანია, ბეჩანია, მ. სიჭინავა, ნ. სიჭინავა
შეცვლაზე შევიდნენ: ხვიჩია, ქეშელაშვილი, ჩაგანავა, გვაზავა, გვალია
FCDinamo.GE
დღეს, დინამო არენაზე უმაღლესი ლიგის მეექვსე ტურის დასკვნით შეხვედრაში თბილისის “დინამომ” ფოთის “კოლხეთს” უმასპინძლა და მეტოქე მინიმალური სხვაობით დაამარცხა.
შეხვედრა ნელ ტემპში, მასპინძელთა ტერიტორიული უპირატესობით დაიწყო. სასტარტო წუთებში ხიფათი მხოლოდ სტანდარტულებიდან იქმნებოდა, თუმცა სეფიაშვილი დამაჯერებლად გამოიყურებოდა.
“კოლხეთმა” თამაში კონტრშეტევებზე ააგო და პირველი სახიფათო იერიში მე-14 წუთზე განახორციელა. მარცხენა ფლანგზე ქორჩილავას სწრაფ გარღვევას მწვავე ჩაწოდება მოჰყვა, რომელიც თოთაძემ მოიგერია. 21-ე წუთზე ფოთელებმა პირველი დარტყმაც განახორციელეს. ჯიქიას მცდელობა დაუშვილმა, რომელიც თბილისელთა კარს მიგინეიშვილის ტრავმის გამო იცავდა, კუთხურზე მოიგერია.
“დინამო” შეტევაში ხიფათს ტრადიციულად პაპუნაშვილი-პარუნაშვილის ხარჯზე ქმნიდა. 25-ე წუთზე სწორედ ამ დუეტის ეფექტური თამაშის შემდეგ გატანის შანსი ლობჟანიძეს მიეცა, თუმცა ახალგაზრდა დინამოელის დარტყმა სუსტი და არაზუსტი აღმოჩნდა.
29-ე წუთზე მასპიძნლებმა ანგარიში გახსნეს. პაპუნაშვილის რეიდს “კოლხეთის” საჯარიმოში არეულობა მოჰყვა, რომლის შედეგად ბურთი ნიკა საბანაძეს მიუვიდა, თუმცა ფორვარდმა ბურთის დამორჩილება ვერ შესძლო. შეტევა მეორე ტემპით გაგრძელდა. საჯარიმოს გარედან ცინცაძის დარტყმას ფეხი იმავე საბანაძემ დაუხვედრა და “დინამოც” დაწინაურდა – 1:0.
გატანილი გოლის შემდეგ თამაშის ტემპი კიდევ უფრო დაეცა. მორიგი სახიფათო მომენტი 44-ე წუთზე შეიქმნა და კვლავ პაპუნაშვილის აქტიურობას მოჰყვა. “დინამოს” რვიანის დარტყმა კარს მცირე მანძლით ასცდა.
კომპენსირებულ წუთებში გატანის შანსი “კოლხეთს” მიეცა. მოედნის ცენტრში თოთაძის არაზუსტი პასის შემდეგ კარისკენ შოთა ჯიქია დაიძრა, თუმცა დარტყმა ჭანტურიას დამაჯერებელი თამაშის გამო ვერ შესძლო.
მეორე ნახევარის პირველივე წუთებზე “კოლხეთის” ფეხბურთელებს სახიფათო სტანდარტის შესრულების უფლება მიეცათ, მაგრამ გუგუჩიას ჩაწოდება უხეირო გამოდგა. მომენტი “დინამოსაც” შეექმნა. შეტევაში ჩართული შერგელაშვილი ძლიერად, მაგრამ არაზუსტად ურტყამდა.
59-ე წუთზე “კოლხეთმა” სწრაფი შეტევა განახორციელა. დასარტყმელ პოზიცია ლუკა გუგუჩია აღმოჩნდა, რომელსაც გატანა არ გასჭივებია და ანგარიშიც გათანაბრდა – 1:1.
გაშვებულის გოლის შემდეგ “დინამო” გააქტიურდა. პირველივე შეტევაში გოლის გატანას პაპუნაშვილი ცდილობდა. მის ძლიერ დარტყმას სეფიაშვილი გაჭირვებით დაეუფლა. რამდენიმე სახიფათო შეტევა ფოთელებმაც განახორციელეს.
66-ე წუთზე დასარტყმელ პოზიციაზე ძარია გავიდა. “დინამოს” კაპიტნის მცდელობა არაზუსტი იყო. მალევე თბილისელები კიდევ ერთხელ დაწინაურდნენ. 72-ე წუთზე ცინცაძის პასის შემდეგ საჯარიმოში ბურთი ჩირგაძემ მიიღო და საკმაოდ ეფექტური გოლიც გაიტანა – 2:1.
83-ე წუთზე “დინამოს” მესამე გოლის გატანა შეეძლო. მეკარესთან პირისპირ შერგელაშვილი აღმოჩნდა, თუმცა მცველმა ხელსაყრელი პოზიციიდან ააცილა.
დარჩენილ დროში მოედანზე არაფერი აღარ შეცვლილა და თბილისელებმა მორიგი გამარჯვება იზეიმეს.
დინამო თბილისი 2-1 კოლხეთი
გოლები: საბანაძე 29′ (1:0); გუგუჩია 59′ (1:1); ჩირგაძე 72′ (2:1)
დინამო თბილისი: დაუშვილი, თოთაძე, ჭანტურია, ცინცაძე, პაპუნშვილი, საბანაძე (ჯიქია 84′), პაპავა, პარუნაშვილი (მჭედლიშვილი 90′), ლობჟანიძე (ჩირგაძე 59′), შერგელაშვილი, ძარია
სათადარიგოები: კულუა, კაკაბაძე, ზივზივაძე, საჯაია.
მთავარი მწვრთნელი: კახა გოგიჩაიშვილი
კოლხეთი: სეფიაშვილი, კილასონია, ჩადუნელი, თვზაძე, ლემონჯავა, გუგუჩია, ჯიქია, ჟიშკარიანი (სიჭინავა დ. 57′), ამბროლაძე, ქორჩილავა (კაკულია 81′), ბარამიძე (სიჭინავა ნ. 76′).
სათადარიგოები: ძაგანია, ნევუჩე, გუგუშვილი, კაკულია თ.
მწვრთნელი: ნუგზარ თვარაძე.
მარიამ ნიშნიანიძის ფოტოები
საქართველოს XXVI ეროვნული ჩემპიონატის უმაღლესი ლიგის მეექვსე ტურის შეხვედრას დინამო თბილისი სახლში, დინამო არენაზე ფოთის კოლხეთის წინააღმდეგ გამართავს. დაპირისპირება 18.00 საათზე დაიწყება. პირდაპირ ეთერს საზოგადოებრივი მაუწყებლის პირველი არხი აწარმოებს. ჩვენი კლუბის ოფიციალური ვებ–გვერდი ტრადიციულად მატჩის როგორც ტექსტურ, ასევე ვიდეო რეპორტაჟს შემოგთავაზებთ.
ჩვენი მეტოქე
სკ ფოთის კოლხეთი 1913 წელს დაარსდა და 1978 წლამდე გუნდი- კოლხიდას სახელით ასპარეზობდა. საშინაო შეხვედრებს გუნდი ფაზისის სტადიონზე ატარებს, რომლის ტევადობაც 7500 მაყურებელზეა გათვლილი. გუნდის ფერები ცისფერ-თეთრშია გადაწყვეტილი. კოლხეთმა 1978 და 1988 წლებში მოიგო საქართველოს რეგიონალური ჩემპიონატი. კოლხეთი-1913-ის სახელით მონაწილეობა მიიღო საქართველოს ეროვნული ჩემპიონატის პირველი გათამაშების (1990) გახსნით მატჩში, თბილისის იბერიას წინააღმდეგ. საუკეთესო შედეგი საქართველოს უმაღლეს ლიგაში კოლხეთს 1993-1994 და 1996-1997 წლებში ჰქონდა, როდესაც გუნდმა მე-2 ადგილი დაიკავა. მესამეზე გავიდა გუნდი 1994-1995, 1995-1996 და 1997-1998 სეზონებში. წინა სეზონში კოლხეთმა პირველ ლიგაში (A ზონა) მეორე ადგილი დაიკავა და უმაღლესი ლიგის საგზური მოიპოვა.
მწვრთნელი და კოლხეთი
2013 წლის ივლისიდან ფოთის კოლხეთის მთავარ მწვრთნელად ზაზა ინაშვილი მუშაობს. მისი ხელმძღვანელობით გუნდმა გასრულებულ სეზონში პირველი ლიგის A ზონაში მეორე ადგილი დაიკავა და უმაღლეს ლიგაში ასპარეზობის უფლება მოიპოვა. ხუთი ტურის შემდეგ ფოთელები 4 ქულით მე- 15 ადგილზე იმყოფებიან.
დინამომდე
მიმდინარე სეზონი ფოთის კოლხეთმა ტორპედოსთან 0:3 მარცხით გახსნა. მეორე ტურში კოლხეთი ბათუმის დინამოსთან დამარცხდა 0:1. საქართველოს თასზე კოლხეთმა წალენჯიხის სქურს აჯობა 1:0. ზუგდიდთან მატჩი ჩვენმა მომავალმა მეტოქემ ყაიმით 1:1 დაასრულა, რასაც ჩიხურასთან გამარჯვება მოჰყვა ანგარიშით 1:0. ბოლო შეხვედრაში გურიამ დაამარცხა ფოთელები 3:2.
დინამო vs კოლხეთი – ურთიერთშეხვედრები
გუნდების დაპირისპირება სათავეს პირველი ჩემპიონატის პირველი ტურიდან იღებს. ფოთელებთან დინამოს ეროვნულ ჩემპიონატში 51 მატჩი აქვს ჩატარებული, საიდანაც თბილისელებმა 34 შემთხვევაში იმარჯვეს, 10 შეხვედრა ფრედ დასრულდა, ხოლო 7 მატჩი ფოთელთათვის აღმოჩნდა წარმატებული. ბურთების შეფარდება 115/36 დინამოს სასარგებლოდ. ყველაზე უხვგოლიანი და ასევე ყველაზე დიდი სხვაობით მოპოვებული გამარჯვება, ანგარიშით 6:1, 1998 წლის 30 ნოემბერით თარიღდება. კოლხთა დასამახსოვრებელი გამარჯვება კი მეხუთე ჩემპიონატის მეთვრამეტე სათამაშო დღეს დაფიქსირდა. 1994 წლის 18 ივნისს ფოთელებმა ანგარიშით 5:1 დაამარცხეს დინამო. ჩვენმა გუნდმა მეტოქე დიდი ანგარიშით 4:0 ხუთჯერ დაამარცხა. ანგარიშით 5:0 კი დინამოს ოთხი შეხვედრა აქვს მოგებული. ერთი გასვლაზე და სამიც შინ.
ამ გუნდების ბოლო დაპირისპირება ეროვნულ ჩემპიონატში, რომელიც 2012 წლის 18 ნოემბერს ფოთში, ფაზისის სტადიონზე გაიმართა, ჩვენი გუნდის გამარჯვებით ანგარიშით 2:0 დასრულდა. იმ შეხვედრაში გოლები მიკელ ალვარომ და ჩისკო მუნიოსმა გაიტანეს.
დისკვალიფიცირებული ფეხბურთელები
ხვალინდელ შეხვედრაში დისკვალიფიკაციის გამო კოლხეთს ლუკა გუგუჩია დააკლდება.
დინამო vs კოლხეთი – მსაჯი
ეროვნული ჩემპიონატის მეექვსე ტურის ხვალინდელ შეხვედრას დინამო თბილისსა და ფოთის კოლხეთს შორის, რომელიც დინამო არენაზე გაიმართება- გოგა კიკაჩეიშვილი განსჯის. მას ასისტენტობას- ზ. მენთეშაშვილი და გ. ჩიგოგიძე გაუწევენ. მეოთხე მსაჯის ფუნქციებს კი- ი. კვირიკაშვილი შეასრულებს.
ბოლო შეხვედრა, რომელიც იმსაჯა გოგა კიკაჩეიშვილმა, 11 სექტემბერს პირველ ლიგაში გამართული ადელი 2:3 ჭიათურა გახლავთ. მთავარმა არბიტრმა შეხვედრის მიმდინარეობისას 4 ფეხბურთელი გააფრთხილა, ხოლო 2 გააძევა მინდვრიდან.
ჩვენი გუნდის მონაწილეობით ეროვნულ ჩემპიონატში გოგა კიკაჩეიშვილმა უკანასკნელად გასული წლის 17 სექტემბერს იმსაჯა. დინამოელებმა დინამო არენაზე ცხინვალის სპარტაკს უმასპინძლეს და მეტოქეს 2:0 სძლიეს. აღნიშნულ შეხვედრაში გოგა კიკაჩეიშვილმა სამჯერ გააფრთხილა ფეხბურთელები.
კოლხეთის სავარაუდო შემადგენლობა
ჩვენი ვარაუდით, ხვალინდელ მატჩში ფოთელთა სასტარტო შემადგენლობა ასეთი იქნება:
ძაგანია – ჩადუნელი, კილასონია, თ. კაკულია, თევზაძე – ლემონჯავა, გუგუჩია, დ. სიჭინავა, ამბროლაძე, ნევუჩე – ჯიქია
FCDinamo.Ge
კვირას 21 სექტემბერს, საქართველოს ჩემპიონატის მეექვსე ტურში, ჩვენი გუნდი დინამო არენაზე ფოთის კოლხეთს დაუპირისპირდება.
გუნდების დაპირისპირება სათავეს პირველი ჩემპიონატის პირველი ტურიდან იღებს. ფოთელებთან დინამოს ეროვნულ ჩემპიონატში 51 მატჩი აქვს ჩატარებული, საიდანაც თბილისელებმა 34 შემთხვევაში იმარჯვეს, 10 შეხვედრა ფრედ დასრულდა, ხოლო 7 მატჩი ფოთელთათვის აღმოჩნდა წარმატებული. ბურთების შეფარდება 115/36 დინამოს სასარგებლოდ. ყველაზე უხვგოლიანი და ასევე ყველაზე დიდი სხვაობით მოპოვებული გამარჯვება, ანგარიშით 6:1, 1998 წლის 30 ნოემბერით თარიღდება. კოლხთა დასამახსოვრებელი გამარჯვება კი მეხუთე ჩემპიონატის მეთვრამეტე სათამაშო დღეს დაფიქსირდა. 1994 წლის 18 ივნისს ფოთელებმა ანგარიშით 5:1 დაამარცხეს დინამო. ჩვენმა გუნდმა მეტოქე დიდი ანგარიშით 4:0 ხუთჯერ დაამარცხა. ანგარიშით 5:0 კი დინამოს ოთხი შეხვედრა აქვს მოგებული. ერთი გასვლაზე და სამიც შინ.
ამ გუნდების ბოლო დაპირისპირება ეროვნულ ჩემპიონატში, რომელიც 2012 წლის 18 ნოემბერს ფოთში, ფაზისის სტადიონზე გაიმართა, ჩვენი გუნდის გამარჯვებით ანგარიშით 2:0 დასრულდა. იმ შეხვედრაში გოლები მიკელ ალვარომ და ჩისკო მუნიოსმა გაიტანეს.
FCDinamo.Ge
დაძაბული გამოდგა უმაღლესი ლიგის მე-4 ტურში, ლანჩხუთის “გურიას” და ფოთის “კოლხეთს” შორის გამართული შეხვედრა.
უხგოლიან მატჩში გამარჯვება მასპინძლებს დარჩათ, რომლებიც უკვე მე-4 წუთისთვის კილაძის და ლომიას გოლებით ორბურთიანი უპირატესობით იგებდნენ. მე-15 წუთზე ფოთელებმა სხვაობა ამბროლაძის გოლით შეამცირეს. სტუმრები ბევრს ცდილობდნენ, თუმცა 74-ე წუთზე “კოლხეთი” უმცირესობაში დარჩა. მიუხედავად ამისა, ინაშვილის შეგირდებმა ძირითადი დროის დასრულებამდე 8 წუთით ადრე ჟიშკარიანის გოლით გაათანაბრეს.
მასპიძლებმა შეუტის და გამდაწყვეტი გოლი მსაჯის მიერ კომპენსირებული წუთებზე გაიტანეს. დუბლის ავტორი საბა ლომია გახდა.
უმაღლესი ლიგის პირველი ტურის მატჩში ქუთაისის ტორპედომ ფოთის კოლხეთს სამი უპასუხო გოლი გაუტანა.
გოლი: 0:1 ნიკა კვასხვაძე (10), 0:2 ოთარ კვერნაძე (56), 0:3 თენგიზ ჩიკვილაძე (70)
